Víkurfréttir - 20.02.2014, Blaðsíða 8

fimmtudagurinn 20. febrúar 2014 • VÍKURFRÉTTIR8
AÐALFUNDUR
FULLTRÚARÁÐS SJÁLFSTÆÐISFÉLAGANNA
Í REYKJANESBÆ 
Stjórn fulltrúaráðs sjálfstæðisfélaganna í Reykjanesbæ boðar til aðalfundar,
fimmtudaginn 27. febrúar kl. 20.00 í Sjálfstæðishúsinu í Njarðvík, Hólagötu 15.
Dagskrá fundarins er hefðbundin aðalfundarstörf
samkvæmt lögum fulltrúaráðsins. 
Gestur fundarins er Ragnheiður Elín Árndóttir,
iðnaðar- og viðskiptaráðherra. 
Við minnum á.
Prófkjör Sjálfstæðisflokksins í Reykjanesbæ sem fram fer í Stapanum þann 1. mars
milli kl. 10.00 - 18.00. Utankjörfundaratkvæðagreiðsla stendur yfir alla virka daga
milli kl. 17.00 - 18.00 í Sjálfstæðishúsinu í Njarðvík. 
Stjórn Fulltrúaráðs sjálfstæðisfélaganna í Reykjanesbæ.
REYKJANESIÐ
KYNNT
ÞÁTTTAKENDUM Í
LOFTRÝMISGÆSLU
Samstarf hefur verið á milli Landhelgisgæslunnar og
Markaðsstofu Reykjaness frá því
í haust um að kynna Reykjanes
og þá þjónustu sem er í boði
fyrir þeim einstaklingum sem
taka þátt í loftrýmisgæslu á Ís-
landi og vilja nýta frítíma sinn til
þess að skoða svæðið.
Landhelgisgæslan heldur utan um
loftrýmisgæslu og loftrýmiseftir-
lit á Keflavíkurflugvelli og er það
verkefni hluti af samþættu verk-
efni NATO. Um 3-4000 manns,
flugmenn, stjórnendur o.fl. fylgja
þessu verkefni yfir árið. Eftirlitinu
er skipt á milli landa innan NATO
bandalagsins og búa þessir aðilar
á svæðinu í allt að 6 vikur í senn.
Kynningarnar hafa mælst vel fyrir
og ljóst að framhald verður á.
-fréttir
Þrettán taka þátt í prófkjöri
- Sjálfstæðisflokksins í Reykjanesbæ
Prófkjör Sjálfstæðisflokks-ins í Reykjanesbæ verður
haldið laugardaginn 1. mars
frá kl. 10-18 í Stapa. Utankjör-
staðakosning hefst miðviku-
daginn 19. febrúar og verður
alla virka daga í Sjálfstæðis-
húsinu í Njarðvík frá kl. 17.00-
18.00.
Þrettán einstaklingar gefa kost
á sér í prófkjörinu. Þeir eru í
stafrófsröð eftirfarandi:
Alexander Ragnarsson,
húsasmíðameistari, 4.-5. sæti
Árni Sigfússon,
bæjarstjóri, 1. sæti
Baldur Guðmundsson,
bæjarfulltrúi, 4. sæti
Birgitta Jónsdóttir Klasen,
ráðgjafi, 7. sæti
Björk Þorsteinsdóttir,
bæjarfulltrúi, 5. sæti
Böðvar Jónsson,
bæjarfulltrúi, 2. sæti
Einar Magnússon,
bæjarfulltrúi, 4. sæti
Guðmundur Pétursson,
framkvæmdastjóri, 5.-7. sæti
Gunnar Þórarinsson,
bæjarfulltrúi, 1.-2. sæti
Ísak Ernir Kristinsson,
stúdent, 5.-6. sæti
Jóhann S. Sigurbergsson,
varabæjarfulltrúi, 5.-6. sæti
Magnea Guðmundsdóttir,
bæjarfulltrúi, 3. sæti
Una Sigurðardóttir,
sérfræðingur, 6.-7. sæti
Uppstilling hjá
Samfylkingunni og óháðum
Á félagsfundi Samfylkingar-innar í Reykjanesbæ var
samþykkt með öllum greiddum
atkvæðum að standa fyrir fram-
boði Samfylkingarinnar og
óháðra í bæjarstjórnarkosning-
unum 2014, að undangenginni
uppstillingu.
Í framhaldinu var uppstillingar-
nefnd kosin á fundinum sem vinna
mun tillögu að framboðslista Sam-
fylkingarinnar og óháðra til bæjar-
stjórnarkosninganna í Reykja-
nesbæ 2014 og leggja hana fyrir
félagsfund til samþykktar.
Þeir sem hafa áhuga á að taka
sæti á framboðslistanum eða vilja
gauka nöfnum á frambjóðendum
að uppstillingarnefndinni geta sent
nefndinni skilaboð á facebook-
síðu Samfylkingarinnar í Reykja-
nesbæ https://www.facebook.com/
xsreykjanesbaer eða sent henni
póst á xs@xsreykjanesbaer.is, segir
í tilkynningu.
Þá minnir Samfylkingin í Reykja-
nesbæ á laugardagskaffið kl. 10.30-
12.00 á hverjum laugardagsmorgni
að Víkurbraut 13 við Keflavíkur-
höfn. Heitt á könnunni og fjörugar
umræður. Allir velkomnir.
pósturu vf@vf.is
Icelandair stendur árlega fyrir ferðakaupstefnu fyrir birgja sína frá Ameríku og Evrópu sem
allir eiga það sameiginlegt að selja Ísland. Kaup-
stefnan var haldin í Laugardalshöll í Reykjavík
6.-9. febrúar sl. og voru um 650 manns skráðir til
þátttöku og um 250 erlendir kaupendur.
Markaðsstofa Reykjaness og Reykjanes jarðvangur
tóku þátt í kaupstefnunni auk nokkurra fyrirtækja
af svæðinu, en mikil aðsókn er í þátttöku á kaup-
stefnunni og komast færri að en vilja. Fyrirtækin sem
einnig komu af Reykjanesinu voru Hótel Keflavík,
Vitinn í Sandgerði, Bláa lónið, Smára hótel og Flug-
stöð Leifs Eiríkssonar auk fjölda annarra aðila sem
selja ferðir á Reykjanesið.
Almenn ánægja var með þátttöku á kaupstefnunni og
fundartímar vel nýttir, segir í frétt á vef Heklunnar.
Mikið var um nýja aðila sem höfðu áhuga á að selja
Ísland sem nýjan áfangastað í vöruframboði sínu en
jafnframt var mikið um aðila sem voru að selja ferðir
frá Ameríku til Evrópu og frá Evrópu til Ameríku
sem voru að skoða möguleika á nokkurra daga stoppi
á Íslandi til að bæta inn í þær ferðir. Allir þessir aðilar
höfðu mikinn áhuga á því sem Reykjanesið hefur upp
á að bjóða, hvort sem það voru áfangastaðir jarð-
vangsins eða þjónustuframboðið.
Það eru spennandi tímar framundan í ferðaþjónustu
á Reykjanesi.
Mikill áhugi á Reykjanesi á Mid-Atlantic
Fagna hugmynd Daníels og
koma upp aðstöðu við brúna
Nýlegri hugmynd Daníels Alexanderssonar úr Reykjanesbæ, sem birtist í Víkurfréttum á dögunum, er tekið fagnandi í umhverfis-
og skipulagsráði Reykjanesbæjar. Hugmynd Daníels er að fólk „haldi
á“ brúnni milli heimsálfa. Brúin er á plötuskilum við Sandvík á Reykja-
nesi og er vinsæll áfangastaður hjá ferðamönnum.
Umhverfis- og skipulagsráð Reykjanesbæjar hefur falið starfsfólki og for-
manni ráðsins að skoða framkvæmdir sem auðvelda fólki aðgengi að þeim
stað sem hentar fyrir myndatökur sem veita þetta sjónarhorn, þ.e. að fólk
„haldi á“ brúnni á milli heimsálfa.
Bílastæðasjóður Sandgerðis-bæjar hóf um áramótin
álagningu stöðubrotsgjalda á
ökumenn bifreiða sem leggja
bílum sínum ólöglega við Flug-
stöð Leifs Eiríkssonar á Kefla-
víkurflugvelli. Vegna mikillar
fjölgunar farþega um flugstöðina
síðustu ár hefur oft skapast slysa-
hætta og tafir orðið vegna bifreiða
sem lagt er ólöglega við flugstöð-
ina. Þetta á sérstaklega við um
stæði fyrir framan inngang flug-
stöðvarinnar sem eru einungis
ætluð þeim sem eru að skila af
sér farþegum. Í þeim stæðum er
ólöglegt að leggja bifreið í lengri
tíma en tekur að hleypa farþegum
út og losa farangur, jafnvel þótt
ökumaður yfirgefi ekki bifreið-
ina.
Bílastæðasjóður Sandgerðisbæjar
annast innheimtu vegna stöðu-
brota en starfsmenn Isavia á Kefla-
víkurflugvelli annast stæðavörslu
fyrir hönd sjóðsins og veita öku-
mönnum upplýsingar um bifreiða-
stæði sem nóg er af við flugstöðina.
Álagning vegna stöðubrota er í
samræmi við umferðarlög og sam-
bærileg við stöðubrotsgjöld annars
staðar á landinu. Hagnaður vegna
stöðubrota rennur til framkvæmda
við umferðarmannvirki við flug-
stöðina.
15 mínútna gjaldfrelsi í skamm-
tímastæðum – Aðeins 150 kr. á
klukkustund eftir það
Til þess að mæta þörfum öku-
manna sem vilja skreppa inn í flug-
stöðina eru fyrstu 15 mínúturnar
á skammtímastæðum komu- og
brottfararmegin við flugstöðina
gjaldfrjálsar.
Þannig geta ökumenn nýtt stöðv-
unarsvæðið næst innganginum
til þess að skila farþegum og far-
angri en skammtímastæðin eru án
kostnaðar í 15 mínútur. Ef þörf er
á lengri dvöl í flugstöðinni kostar
fyrsta klukkustundin á skamm-
tímastæðum einungis 150 kr.
Isavia og Sandgerðisbær vona að
ökumenn virði ofangreindar reglur
um bifreiðastöður við flugstöðina á
Keflavíkurflugvelli og stuðli þannig
að greiðum samgöngum og um-
ferðaröryggi. Tekið skal fram að
reglur Bílastæðasjóðs gilda um
allar bifreiðar, jafnt almennings,
fyrirtækja og starfsmanna í flug-
stöðinni.
Nánari upplýsingar um Bílastæða-
sjóð Sandgerðisbæjar er að finna á
vefnum www.bss.is.
Upplýsingar um bílastæðaþjónustu
á Keflavíkurflugvelli eru á www.
kefparking.is
Sektað fyrir stöðu-
brot við flugstöðina
-ókeypis fyrstu 15 mínúturnar á skammtímastæðum