Víkurfréttir - 06.03.2014, Blaðsíða 6

fimmtudagurinn 6. mars 2014 • VÍKURFRÉTTIR6
Öskudagur hefur verið verið fastur
þáttur í tilveru Íslendinga um langa
tíð. Nafnið öskudagur kemur fyrir í ís-
lenskum handritum frá 14. öld og leiða
má líkum að því að það sé enn eldra.
Kynslóðir muna eftir þessum degi
á misjafnan hátt og venjur breytast.
Sú séríslenska hefð að hengja ösku-
poka á fólk tíðkast minna en áður,
en margir minnast þeirra tíma með ánægju því hluti af
stemningunni við undirbúning var einmitt samveran
sem fólst í því að sauma pokana og setja eitthvað leyndar-
dómsfullt í þá. Síðan voru þeir hengdir á yfirhafnir fólks
á götum úti og margir höfðu ekki hugmynd um einn eða
fleiri poka á baki sínu fyrr en þeir fóru úr flíkunum.
Þróunin síðustu áratugi hefur verið meira á þá leið
að börn klæðast búningum uppáhalds hetjanna sinna
og eru þeir ýmist heimagerðir, leigðir eða keyptir í
verslunum. Ímyndunaraflinu og hugmyndafluginu er
gefinn laus taumur og ákveðinn spenningur felst í því
að fylgjast með útkomunni hjá öðrum og frumsýna
eigin búning. Vinnustaðir hafa einnig tekið þetta upp
og fullorðið fólk gleymir sér í gleðinni og dregur fram
barnið í sér; syngur jafnvel og dansar í vinnunni. Þetta
brýtur upp hversdagsleikann á afar jákvæðan hátt.
Þrátt fyrir hlýindi og hálfgerða vortíð undanfarið snjóaði
og fraus í nótt en börnin létu slíkt ekki stöðva sig. Þau
gengu á milli fyrirtækja og stofnana í slyddu og snjó-
komu til þess að syngja og sníkja sætindi. Einlæg gleði
þeirra smitast yfir til eldri kynslóða og þau setja litríkan og
skemmtilegan svip á bæjarlífið - og nýjar venjur verða til.
Einlæg og smitandi
gleði á öskudegi
-ritstjórnarbréf
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Olga Björt Þórðardóttir skrifar
SÍMI 421 0000
-instagram #vikurfrettir
Keflavík #vikurfrettir // Mynd: geinars
Mynd/Texti: Olga Björt Þórðardóttir // olgabjort@vf.is
n Bæjarstjórinn í Sandgerði kann vel við sig þar:
„Birtan hérna er geggjuð“
„Við erum núna komin fyrir vind og búin að vinna
þannig úr málum og fara í gegnum reksturinn að
hann er að gera sig ágætlega. Við erum skuldsett en við
ráðum vel við það sem við erum að gera,“ segir Sigrún
Árnadóttir, sem hefur verið bæjarstjóri Sandgerðis-
bæjar síðan sumarið 2010. Samningur hennar rennur
út þetta kjörtímabil og framundan er óvissutími hjá
henni. Hún segist vera tilbúin að sinna starfinu áfram
verði sú staða uppi. „Þetta er mjög skemmtilegt og fjöl-
breytt starf.“
Erfiðar ákvarðanir en góð samstaða
Sigrún segir að þegar hún tók við starfi
bæjarstjóra hafi staða sveitarfélagsins
verið mjög erfið. „Nýrrar bæjarstjórnar
beið erfitt verkefni sem var allsherjar-
skoðun á öllum rekstri og skuldum
bæjarins. Þetta er búið að vera mikil
vinna en við höfum náð góðum tökum
á flestu í rekstrinum. Einnig hefur sam-
staða verið góð og engin óeining, þrátt
fyrir óvinsælar ákvarðanir eins og gjald-
skrárhækkanir og viðbótarálag á fast-
eignagjöldin. Viðbótarálagið féll niður
um áramótin,“ segir Sigrún.
Ekkert bitnað
á grunnþjónustu
Sandgerðisbær hefur undanfarin ár haft mjög lítið fjár-
magn í nýjar framkvæmdir en Sigrún segir að í ár séu
til ráðstöfunar um 30 milljónir sem muni meðal ann-
ars fara í nauðsynlegar fráveituframkvæmdir. „Þetta
er allt á réttri leið. Fjárhagslegir erfiðleikar hafa ekki
bitnað á grunnþjónustunni. Hér er veitt góð þjónusta
og gott er að ala upp börn hér í fjölskylduvænu um-
hverfi, með gott skólakerfi; vel haldið utan um börnin.“
Núna sé verið að leggja lokahönd á skólastefnu sem
margir hafi komið að. „Svo er það líka þessi áhersla á
eldri borgarana og lýðheilsu almennt,“ segir Sigrún.
Er líka úr sjávarbæ
Eins og með alla bæjarstjóra sem ráðnir eru tíma-
bundið var ýmislegt sem Sigrún varð að setja sig inn
í. Sjálf er hún úr sjávarbæ, Eskifirði,
og fannst því auðveldara að setja
sig inn í margt í Sandgerði. Þó hafi
ekki margt komið á óvart. „Kannski
helst birtan, sem mér finnst geggjuð. Er
alveg heilluð af henni. Öll þessi víðátta
á Suðurnesjum sem veldur því. Hún
er síbreytileg á hverjum degi og ekkert
sem skyggir á. Ég hef lagt mig fram við
að horfa í kringum mig og njóta.“
Flugvöllurinn stærsti
vinnustaðurinn
Annars segir Sigrún mjög opið sam-
félag vera í Sandgerði og auðvelt fyrir fólk að nálgast
hvert annað. Engar hindranir sem komi í veg fyrir það.
„Hér er gott að vinna með fólki og það er í eðli sínu
bjartsýnt. Flugstöðin er stærsta fyrirtækið í bænum
og um 100 Sandgerðingar starfa á flugvallarsvæðinu.
Á þriðja hundrað manns starfa svo við sjávarútveg.
Bærinn er einnig stór vinnuveitandi. Hér er ungt sam-
félag og mikið af fjölskyldufólki. Það er góður grunnur
fyrir gott samfélag,“ segir Sigrún að lokum.
Ég hef lagt
mig fram við
að horfa í
kringum mig
og njóta
Sjónvarp
Víkurfrétta
Þátturinn er á dagskrá í kvöld kl. 21:30 á ÍNN og vf.is
■ Taekwondo í Reykjanesbæ
■ Nettómótið í körfubolta
■ Lífið við Sandgerðishöfn
■ Miðtúnsróló í útikennslu
■ Matargleði í Bláa lóninu
■ Öskudagurinn í Reykjanesbæ
Meðal efnis í kvöld
Þín auglýsing í þættinum?
Viltu auglýsa í Sjónvarpi Víkurfrétta?
Þátturinn er sýndur á ÍNN á fimmtudagskvöldum
kl. 21:30 og endursýndur á tveggja tíma
fresti í sólarhring. Þátturinn er einnig í HD á vef
Víkurfrétta. Auglýsingasíminn er 421 0001
eða póstur á fusi@vf.is.