Víkurfréttir - 23.04.2014, Blaðsíða 4
miðvikudagurinn 23. apríl 2014 • VÍKURFRÉTTIR4
-fréttir pósturu vf@vf.is
LEIKSKÓLINN HEIÐARSEL
ATVINNA
Óskað er e
ir leikskólakennurum eða öðru uppeldis-
menntuðu starfsfólki í þrjár 100% stöður frá og með
28. júlí 2014.
Einnig er óskað e
ir þroskaþjálfa til
að sjá um sérkennslu.
Leikskólinn Heiðarsel er Heilsuleikskóli sem starfar
e
ir heilsustefnunni. Áhersla er lögð á hreyfingu,
næringu og listsköpun í leik og starfi.
Aðrir áhersluþæir leikskólans eru málörvun/læsi
og stærðfræði.
Menntunar og hæfniskröfur:
• Leikskólakennaramenntun eða
önnur uppeldismenntun
• Reynsla af uppeldis- og kennslustörfum með
börnum æskileg
• Góð hæfni í mannlegum samskiptum
• Frumkvæði í starfi og faglegur metnaður
• Sjálfstæð og skipulögð vinnubrögð
Umsóknarfrestur er til 10. maí nk.
Við hvetjum jafnt karla sem konur til að sækja um.
Sækja skal um starfið rafrænt á vef Reykjanesbæjar.
www.reykjanesbaer.is/stjornkerfi/laus-storf
Frekari upplýsingar veitir Kolbrún Sigurðardóir
leikskólastjóri í síma 420 3131/866 5936 eða
kolbrún.sigurdardoir@heidarsel.is
SKRÚÐGANGA
SUMARDAGINN FYRSTA
Kl. 10.30 leggur skrúðganga Heiðabúa af stað frá
skátaheimilinu við Hringbraut. Gengið verður sem leið
liggur í Keflavíkurkirkju þar sem skátamessa fer fram
kl. 11:00.
Að messu lokinni er boðið í sumarkaffi/kakó og kökur í
skátaheimilinu. Einnig verður flóamarkaður í og við
skátaheimilið fram e
ir degi þar sem skátarnir selja
ýmislegt til að £árafla fyrir Landsmót skáta sem fer
fram í júlí nk.
UNGMENNAGARÐUR
VÍGSLA
Nýr Ungmennagarður við 88 Húsið
verður vígður á sumardaginn fyrsta !
Fimmtudaginn 24. apríl kl 15.00
Trúbadorarnir Heiður
Grillaðar pylsur
Ávörp
Minigolf og leikir undir stjórn Ungmennaráðs
Hjólastólaróla, blakvöllur, hoppipúði, aparóla og
minigolf.
Allir hjartanlega velkomnir.
Ungmennaráð.
LISTASAFN REYKJANESBÆJAR
LEIÐSÖGN
Sunnudaginn 27. apríl kl. 14.00 tekur Stefán Boulter á
móti gestum og £allar um verk sín á sýningunni MANN-
LEGAR VÍDDIR í sýningarsal Listasafnsins í Duushúsum.
Stefán er annar tveggja sem sýnir mannamyndir á
þessari glæsilegu sýningu sem lýkur nú um helgina.
Allir hjartanlega velkomnir
„Öllum er ljóst að erfitt ár er að baki. Enn reyndist uppbygging Reykjaneshafnar í Helguvík tefjast, bæði
vegna stirðleika í innleiðingu erlends fjármagns, lítillar framþróunar í orkusamningum og ríkisstjórnar
sem ekki var sammála um stuðning við atvinnuverkefnin í Reykjanesbæ. Milljarða fjárfesting í atvinnutæki-
færum skilaði sér því afar takmarkað á árinu með tilheyrandi fjármagnskostnaði. Atvinnulausum fjölgaði,
sem fallið höfðu út af atvinnuleysisskrá vegna tímatakmarkana, en atvinnuleysi þeirra var staðreynd engu
að síður. Hluti þessa hóps á rétt á stuðningi bæjarsjóðs, lögum samkvæmt. Bið eftir atvinnutækifærum hefur
því reynst atvinnulausum íbúum og bæjarsjóði kostnaðarsöm“. Þetta segir m.a. í bókun sjálfstæðismanna í
Reykjanesbæ við fyrri umræðu um ársreikning Reykjanesbæjar og stofnana hans árið 2013 fór fram í bæjar-
stjórn Reykjanesbæjar í síðsutu viku.
Jákvæðar vísbendingar um
uppbyggingu í Helguvík
Þá segir jafnframt í bókun sjálf-
stæðismanna: „Jákvæðar vísbend-
ingar hafa komið fram á þessu ári
um að uppbygging Reykjanes-
hafnar í Helguvík sé að fara á fulla
ferð og að raunverulegt atvinnu-
leysi sé að minnka.
Rekstrarniðurstaða bæjarsjóðs og
samstæðu Reykjanesbæjar er já-
kvæð um 2,6 milljarða kr. fyrir af-
skriftir og fjármagnsliði. Að teknu
tilliti til afskrifta eigna og fár-
magnsliða er niðurstaðan neikvæð
um 973 milljónir kr. Taprekstur af
Reykjaneshöfn nemur 650 millj-
ónum kr.
Þrátt fyrir þetta var hlutfall skulda
Reykjanesbæjar á móti heildar-
tekjum í árslok 2013 hið hagstæð-
asta frá 2002. Það mældist 271%
árið 2002 en var um síðustu áramót
komið niður í 248%.
Skuldaviðmið Reykjanesbæjar fór
hæst í 445% þegar skuldir mögnuð-
ust í gengishækkunum efnahags-
hrunsins, árið 2009 og hefur síðan
farið niður í 248% á síðasta ári.
Stefnt er að því að það nái undir
150% árið 2019.
Hreint veltufé frá rekstri jókst á
milli ára um 54 m.kr í bæjarsjóði
og um 628 m.kr í samstæðu.
Veltufé frá rekstri sem hlutfall af
tekjum hækkaði frá árinu 2012 úr
4,1% í 4,4% hjá bæjarsjóði og úr
10,3% í 13,9% hjá samstæðu.
Handbært fé til rekstrar jókst um
507 m.kr í bæjarsjóði og um 862
m.kr í samstæðu.
Eignir hækkuðu um tæpan 1,8
milljarð kr. í bæjarsjóði og 2,6
milljarða kr. í samstæðu.
Bráðlega muni drjúpa smjör af
hverju strái og vín renna í stað
vatns
Bæjarfulltrúar Samfylkingarinnar
lögðu fram eftirfarandi bókun: „Já-
kvæðar fréttir af „viljayfirlýsingum“
og „nýgerðum samningum“ við
erlend og innlend fyrirtæki sem
vilja hefja uppbyggingu og rekstur
í Reykjanesbæ dynja nú á almenn-
ingi. Flestir fjölmiðlar landsins taka
þátt í þessum leik og loforðalistinn
lengist með hverjum deginum sem
líður.
Í Reykjanesbæ virðist allt vera að
gerast og bráðlega muni drjúpa
smjör af hverju strái og vín renna
í stað vatns.
Svona loforðaflaumur er engin
nýlunda, það eru kosningar eftir
nokkrar vikur og þá þarf að laga
ímyndina.
En reyndin er önnur. Það sýna
helstu niðurstöðu tölur ársreikn-
ings Reykjanesbæjar 2013.
Rúmlega 500 milljóna króna tap er
t.d. á bæjarsjóði þrátt fyrir auknar
skatttekjur og nokkurra hundruð
milljóna svigrúm sem nauðungar-
samningar við EFF sköpuðu og
tæplega milljarðstap er á sam-
stæðureikningi bæjarsjóðs og fyrir-
tækja bæjarins.
Ársreikningurinn veldur miklum
vonbrigðum, flestir spádómar og
áætlanir brugðust og bærinn okkar
er í miklum vanda. Þá setur niður-
staðan 10 ára skuldaaðlögunará-
ætlun Reykjanesbæjar sem nýlega
var skilað til Eftirlitsnefndar með
fjármálum sveitarfélaga í uppnám
– aftur!
Við, íbúar Reykjanesbæjar, eigum
mikið verk fyrir höndum að vinna
okkur út úr þessum erfiðleikum,“
segir í bókuninni sem þeir Friðjón
Einarsson, Eysteinn Eyjólfsson og
Hjörtur M. Guðbjartsson skifuðu
undir.
Hvað fór úrskeiðis í rekstri
Reykjanesbæjar í desember?
Gunnar Þórarinsson, bæjarfull-
trúi Sjálfstæðisflokks og formaður
bæjarráðs, lagði fram eftirfarandi
bókun:
„Uppgjör janúar - nóvember 2013
og útkomuspá fyrir árið 2013,
gerð 24. febrúar sl. gáfu til kynna
að góður hagnaður yrði af rekstri
bæjarsjóðs. Niðurstaða ársupp-
gjörs ársins 2013 kemur því veru-
lega á óvart og það mikla tap sem
ársreikningurinn sýnir og hversu
niðurstaða bæjarsjóðs hefur
versnað frá nóvemberuppgjöri.
Nauðsynlegt er að gera ítar-
lega grein fyrir hvað hefur farið
úrskeiðis í rekstri bæjarsjóðs í
desembermánuði sl. árs og því tapi
sem myndast þá,“ segir í bókun
Gunnars Þórarinssonar.
Reykjanesbær skilar jákvæðu veltufé
frá rekstri fjögur ár í röð
Veltufé frá rekstri í heildar-
reikningi Reykjanesbæjar árið
2013 var tæp 13,9% og það besta
sem verið hefur frá því efnahags-
kreppan skall á. Reykjanesbær
hefur skilað jákvæðu veltufé frá
rekstri s.l. fjögur ár en árin 2008
og 2009 var veltufé neikvætt.
„Veltufé frá rekstri segir til um
hvaða fjármuni sveitarfélag hefur
úr eigin rekstri til að greiða af-
borganir vegna skulda og skuld-
bindinga og það er því grund-
vallaratriði að veltufé sé jákvætt
frá rekstri og mikilvægt að styrkja
það enn frekar á næstu árum,“
segir Þórey I. Guðmundsdóttir,
fjármálastjóri Reykjanesbæjar, í
tilkynningu frá Reykjanesbæ.
„Rekstrarsamanburður við önnur
sveitarfélög hefur sýnt að rekstur
okkar er hagkvæmur, þótt alltaf
skuli keppt að því að gera betur.
Skatttekjur á íbúa eru samt í hópi
lægstu sveitarfélaga en kröfur um
góða þjónustu ekki síðri. Mark-
mið okkar er að ná veltufé frá
rekstri mun hærra til að standa
undir fjárskuldbindingum,“ segir
Þórey jafnframt í tilkynningunni.
■■ Fyrri umræða um ársreikning Reykjanesbæjar:
Bið eftir atvinnutækifærum hefur
reynst bæjarsjóði kostnaðarsöm
– Ársreikningurinn veldur miklum vonbrigðum, sögðu fulltrúar Samfylkingar