Víkurfréttir - 23.04.2014, Blaðsíða 8

miðvikudagurinn 23. apríl 2014 • VÍKURFRÉTTIR8
Beindu sterkum leysibendi
að lögreglubifreið
XXSterkum leysibendi var nýverið beint að lögreglu-
bifreið í Keflavík. Lögreglumenn á Suðurnesjum voru
við hefðbundið umferðareftirlit þegar þeir tóku eftir
bifreið sem úr var beint grænum leysigeisla í allar
áttir, þar á meðal að lögreglubifreiðinni. Bifreiðin var
stöðvuð en fjórir menn sem í henni voru könnuðust
ekki við að hafa verið við þessa hættulegu iðju. Það
dugði þó skammt því á gólfi bifreiðarinnar fundu lög-
reglumennirnir leysibendi.
Lögregla ítrekar að athæfi af þessu tagi getur skapað
mikla hættu, eins og dæmi eru um, sé leysigeislum beint
að farartækjum í lofti eða á láði.
Tveir handteknir með
hvítt á nefinu
XXTveir karlmenn voru nýverið staðnir að fíkniefna-
neyslu í umdæmi lögreglunnar á Suðurnesjum. Voru
þeir að neyta amfetamíns þegar lögreglumenn bar
að og hentu fíkniefnunum frá sér. Þeir voru hand-
teknir og færðir á lögreglustöð til að athuga hvort
þeir væru með meiri efni í fórum sínum. Svo reyndist
ekki vera. Báðir voru mennirnir með hvítt á nefinu og
báru greinileg merki fíkniefnaneyslu. Þeir voru látnir
lausir að loknum skýrslutökum.
Gunnar Reynisson er alinn upp í Keflavík og bjó þar þangað til hann flutti út 2007 og hóf nám í mótorsportverkfræði. Hann lauk
síðar einnig Msc gráðu í kappakstursvélahönnun. Hann býr í Oxford
þar sem hann starfar sem mótorsportverkfræðingur.
Auðvelt að segja nei við skrif-
borðsstarfi
Gunnar starfar hjá Aston Martin
Racing, þar sem hann sér um öll
kerfi í GT3 og GT4 bílum sem og
að styðja kappaksturslið þegar þau
keppa eða æfa. „Aston Martin Rac-
ing er hluti af Prodrive sem flestir
þekkja frá Subaru rallýdögunum
snemma á síðasta áratug. Ég var
að vinna hjá Cosworth í Cam-
bridge í svipaðri stöðu, þurfti að
gefa þá stöðu frá mér þegar ég flutti
aftur til Oxford. Þá var ég búinn að
vinna með Aston Martin Racing
nokkrum sinnum. Þeir fréttu af
því að ég væri að flytja nær þeim
og báðu mig um að koma í viðtal.
Önnur staða stóð mér til boða en
það var ekki erfitt að segja nei við
skrifborðsstarfi,“ segir Gunnar.
Góður vinir smitaði hann af
bílaáhuga
Gunnar segist hafa ætlað að verða
vísindamaður þegar hann yrði stór,
eða það hafi verið réttasta orðið yfir
það sem hann sá fyrir sér. Áhugi
hans á bílum hafi síðan kviknað
með góðum vini hans, Stefáni Erni
Sölvasyni. „Bílaáhugi hans smit-
aði mig þegar við vorum 16 ára.
Alla tíð síðan hefur áhuginn drifið
mann áfram í að starfa í bílatengdu
starfi. Við héldum úti smá rekstri
sem byrjaði þegar við vorum 18 ára
og var bílatengdur. Hann er meira
að segja að einhverjum hluta enn í
gangi í dag.“
Erfiðast að vera lengi frá fjöl-
skyldunni
Gunnar segir gífurlegt álag vera
í vinnunni þar sem hann heldur
utan um öll stýrikerfi í bílnum og
sinnir því að bæta og breyta mjög
hratt. Þá þurfi að prófa allt og stað-
festa áður en því sé hleypt í alla
bílana. Framundan séu fleiri en 20
keppnir á árinu í Bandaríkjunum
og Þýskalandi. „Þegar keppni er
lokið þá þarf að greina mikið af
gögnunum sem er safnað og halda
utan um mikið af upplýsingum til
að þróun bílanna geti haldið áfram
sem og hámarks nýting á pörtum.
Þegar 24 tímar eru til keppni þá er
vinnudagurinn frá 6 á laugardags-
morgni til 1 aðfaranótt mánudags,“
segir Gunnar. Erfiðast sé að vera
lengi frá vinum og fjölskyldu en
hann segist eiga frábæra og skiln-
ingsríka kærustu, Hörpu Björk
Eiríksdóttur. Sjálf er hún að klára
sína menntun í ferðamálastjórnun
og býr á sama stað.
Engir dæmigerðir dagar
Í starfi Gunnars eru engir dæmi-
gerðir dagar. Þeir velta á því hvar
hann er að hverju sinni og starfið
er svo fjölbreytt að alltaf er eitthvað
öðruvísi en áður. Á keppnisdegi er
t.a.m. mætt í það minnsta þremur
tímum fyrir einhvern akstur,
venjulega hálf sjö um morguninn.
Svo er farið yfir allt varðandi bílinn
eða bílana, akstursplan í keppninni
og athugað að öll kerfi og skynj-
arar séu í lagi. Því næst eru vélin og
gírkassinn hituð upp um hálftíma
fyrir fyrsta akstur. Allar skynjara-
upplýsingar eru athugaðar til að
allt sé öruggt um að bíllinn sé í
topp-ástandi áður en hann fer út. Á
meðan bíllinn er úti í keppni þá er
akstursplan uppfært því öll gul eða
rauð flögg hafa áhrif á hversu lengi
bíllinn getur haldið áfram áður en
hann verður bensínlaus. „Því er
mikilvægt að skipuleggja hvenær
hann þarf að koma inn svo að hann
sé ekki að óþörfu að keyra hægt.
Oftar en ekki er betra að koma
inn og fá bensín þegar er gult því
maður nær samt að halda bílnum
á sama hring og hinir en dettur inn
aftar,“ lýsir Gunnar. Þegar keppnin
er búin þarf svo að bíða eftir að
skoðunarmenn gefi grænt á að bíll-
inn hafi staðist skoðun og þá er
hægt að ná í öll gögn og byrja að
pakka saman.
Skemmtilegt að hafa bein
áhrif
Launin segir Gunnar vera alveg
ágæt og tækifærin séu hreinlega
þau sem hann búi til sjálfur. „Það
er ekkert gefins í mótorsporti og
það eru bara þeir sem eru tilbúnir
að vinna öllum stundum án þess
að fá yfirvinnukaup sem komast
eitthvað áfram. Skemmtilegast er
að fá að komast á nýja staði, læra af
þeim sem eru reyndari en maður
sjálfur og hafa bein áhrif á það
hvernig mótorsport kappaksturs-
bíll er hannaður.“ Gunnar hefur
hitt margan góðan ökumanninn en
segist í raun aldrei hafa haft neinar
fyrirmyndir í mótorsporti. „Líklega
er sá frægasti ökumaðurinn Bruno
Senna, en ég vann með honum
tvisvar á síðasta ári þegar við
kepptum í Brasilíu og Bandaríkj-
unum í WEC mótaröðinni. Þökk sé
honum þá unnum við keppnina í
Bandaríkjunum.“ Minnisstæðasts í
starfinu sé þegar Gunnar og félagar
unnu ökumannstitilinn í British
GT kappakstrinum á síðasta ári.
„Það var búið að vera erfitt ár en
hafðist á síðustu metrunum að ná
í stigin sem þurfti,“ segir Gunnar.
Við héldum
úti smá rekstri
sem byrjaði
þegar við vorum
18 ára og var
bílatengdur.
Hann er meira
að segja að ein-
hverjum hluta
enn í gangi í dag
X■ Hannar kappakstursbíla í mótorsporti:
Ætlaði að verða vísindamaður Skemmtilegast er að fá að komast á nýja staði, læra af þeim
sem eru reyndari en maður sjálfur
og hafa bein áhrif á það hvernig
mótorsport kappakstursbíll er
hannaður
Rauði kross Íslands
á Suðurnesjum
Börn og umhverfi
- námskeið
(áður barnfóstrunámskeið)
Haldið verður námskeið fyrir einstaklinga á aldrinum 12 - 15 ára
(12 ára á árinu) og fer fram dagana 5. - 8. maí 2014 (ögur kvöld)
frá kl. 18:00 - 21:00 alla dagana. Kennt verður að Smiðjuvöllum 8,
Reykjanesbæ.
Farið er ýmsa þætti er varða umgengni og framkomu við börn,
ásamt kennslu í skyndihjálp. Námskeiðsgjald er kr. 6.000.
Skráning og nánari upplýsingar í síma 420 4700 virka daga
frá kl.13:00 - 16:30 eða með tölvupósti á sudredcross@sudredcross.is
Innifalið námskeiðsgögn og hressing.
Staðfestingarskírteini að námskeiði loknu.
Gunnar (l.t.h.) í dæmigerðum vinnu-
galla ásamt starfsfélögum sínum.
Það gengur oft mikið á
við kappaksturbrautina.
Stund á milli stríða.
Dæmigert sjónarhorn
mótorsportverkfræðings
í vinnunni?