Víkurfréttir - 30.04.2014, Blaðsíða 6

miðvikudagurinn 30. apríl 2014 • VÍKURFRÉTTIR6
Það er svo sannarlega vor í lofti. Veðurguðirnir hafa brosað
breitt síðustu daga og bæði sent okkur sólargeisla og hita þann-
ig að þessi fyrsta vika sumars er eiginlega orðin betri en allt
síðasta sumar. Það sést líka á mannlífinu að vorið er að koma.
Fólk á öllum aldri að njóta útivistar langt fram eftir kvöldi,
enda orðið bjart fram eftir öllu.
Það var falleg stund á sumardaginn fyrsta þegar opnaður
var minningalundur í Reykjanesbæ um ungt fólk sem fallið
hefur frá í blóma lífsins. Minningalundurinn er í ungmenna-
garðinum sem jafnframt var formlega opnaður þennan sama
dag og er skemmtileg framkvæmd. Ungmennagarðurinn er
skemmtilegt leiksvæði fyrir börn og ungmenni en ungmenn-
aráð Reykjanesbæjar á allan heiður af uppbyggingunni.
List án landamæra var með uppákomur á sumardaginn fyrsta
og um nýliðna helgi. Þátttaka í viðburðum var framar vonum
og vel mætt á sýningar. Þannig var t.a.m. húsfyllir á setningu
hátíðarinnar þar sem Már Gunnarsson og Villi Naglbítur
frumfluttu nýtt lag sem þeir sömdu saman. Það var mikil gleði
hjá öllum sem komu að List án landamæra.
Og talandi um vorið. Suðurnesjamenn tóku heldur betur vel
við sér þegar efnt var til umhverfisátaks sl. föstudag og laugar-
dag. Hundruð tonna af rusli söfnuðust á móttökustöðvar um
öll Suðurnes. Langar bílaraðir voru í Helguvík bæði föstudag
og laugardag þar sem fólk var með fulla bíla og kerrur af rusli
sem fólk gat hent frá heimilum sér að kostnaðarlausu þessa
tvo daga. Framkvæmdastjóri Kölku benti á það í samtali við
Víkurfréttir að um helmingur af því rusli sem barst í um-
hverfisátakinu sé rusl sem ekki þarf að greiða fyrir förgun á.
Umhverfisátakinu ber að fagna og vonandi skilar það sér í
vitund fólks að ruslið á að fara til eyðingar á viðeigandi mót-
tökustöðvum en á ekki að henda út í náttúruna.
Að endingu hvetjum við lesendur Víkurfrétta til að taka
myndir af vorinu og merkja þær #vikurfrettir og deila þeim á
Instagram.
Vorið er komið
-ritstjórnarbréf
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Hilmar Bragi Bárðarson skrifar
SÍMI 421 0000
Mynd: Gísli Dúa//Texti: Eyþór Sæmundsson // eythor@vf.is
Allt fasteignir á Suðurnes-
jum – sími 426-8890
Allt fasteignir - fasteignasa-
la í Grindavík
YFIR 300 EIGNIR Á
SUÐURNESJUM TIL
SÖLU HJÁ OKKUR
Skoðið heimasíðu okkar alltfasteignir.is
Grindavík sími 426-8890
Dagbjartur Willardsson sölustjóri gsm 861 7507 // Þórir Sigfússon sölufull-
trúi gsm 612 2266 // Þorbjörn Pálsson löggiltur fasteignasali gsm 898 1233.
Sandgerðingurinn Halli Valli hefur komið sér vel fyrir í
Danmörku en þaðan hefur hann
haft umsjón með tónlistarhá-
tíðinni Rockville undanfarin tvö
ár. Halli hefur í raun verið með
puttana í hátíðinni allar götur
frá árinu 2005 þegar Rockville
hóf göngu sína. Tónlistarveislan
verður haldin um helgina 1.- 3.
maí nk. en hátíðin fer að venju
fram á Paddy's í Reykjanesbæ. Í
fyrra fagnaði Paddy's 10 ára af-
mæli sínu með pompi og prakt en
staðurinn hefur stuðlað að því að
veita ungu og efnilegu tónlistar-
fólki af Suðurnesjum tækifæri til
þess að láta rödd sína heyrast. Að
sögn Halla hefur það einnig verið
markmið Rockville.
Halli segir að erfiðlega hafi gengið
að hafa uppi á ungum hljóm-
sveitum frá Suðurnesjum þetta
árið. „Ég er orðinn það gamall að
maður þekkir ekki þá krakka sem
eru að spila í bílskúrsböndum. Ég
leitaðist mikið eftir því að finna
slík bönd en það gekk erfiðlega,“
segir Halli. Þó eru heimamenn að
stíga á stokk um helgina en þar er
m.a. um að ræða böndin: Aesculus,
Ælu, Mystery boy og G-Strengi frá
Keflavík.
Dagskráin er mjög vegleg að þessu
sinni en ljóst er að Rockville hefur
fest sig í sessi sem lítil og fremur
náin hátíð tónlistaráhugafólks.
Upprunalega var þó fyrirhugað að
Rockville myndi vaxa og dafna og
verða nokkuð stór í sniðum. „Við
sáum fyrir okkur að þetta yrði al-
vöru hátíð þar sem fólk gæti gist
og svona. Ekki ósvipað og ATP
hátíðin á Ásbrú. Við vildum gefa
lókal böndunum möguleika. Það er
ennþá markmiðið.“ Halli segir að
einnig hafi verið ætlunin að draga
jaðarbönd úr Reykjavík til Suður-
nesja og reyna að sýna þeim menn-
inguna á svæðinu. Það hefur loðað
við hátíðina að ung og upprenn-
andi bönd hafa fengið tækifæri.
Síðar meir hafa þau mörg hver svo
gert góða hluti bæði á íslenskum og
erlendum markaði.
Rokkið hófst í Rockville
Nafnið á hátíðinni er fengið að láni
frá grjótaþorpinu Rockville sem
stóð á Miðnesheiði en á sínum tíma
vildu skipuleggjendur hátíðarinnar
að hætt yrði við að rífa þær bygg-
ingar sem þar stóðu og þær yrðu
jafnvel nýttar undir tónlistarþró-
unarmiðstöð. Þorpið var jafnað við
jörðu og á heiðinni eru eftir sorg-
legar götur þorpsins og grunnar
húsanna sem þar stóðu. Hljómar
og fleiri góð bönd af Suðurnesjum
hófu sinn tónlistarferil í Rockville.
Þannig vildu aðstandendur há-
tíðarinnar heiðra minningu staðar-
ins og vöggu rokksins á Íslandi.
Halli hefur verið söngvari hljóm-
sveitarinnar Ælu en nú er allt útlit
fyrir að plata með sveitinni sé að
koma út. „Hún hefur verið tilbúin
þannig séð síðan 2008. Við erum
búnir að taka hana upp þrisvar og
erum núna loks ánægðir,“ segir
Halli og hlær en hann hefur einn-
ig verið að grúska í tónlist í Dan-
mörku þar sem hann er búsettur.
Þar hefur hann m.a. verið að spila í
afrísku bandi og kántrýhljómsveit.
Halli Valli vonast eftir góðri stemn-
ingu um helgina en hann býst við
fólki á öllum aldri og hvaðanæfa
af, enda dagskráin fjölbreytt eins
og sjá má hér að neðan. Miðaverð á
hátíðina er 3.500 fyrir helgarpassa
sem gefur aðgang alla daga og veitir
500 kr. afslátt á Rokksafn Íslands
í Hljómahöll. 1.500 krónur fyrir
stakt kvöld.
Dagskráin um helgina:
Fimmtudagur 1. maí
21:00 - Aesculus
21:45 - Conflictions
22:30 - Icarus
23:15 - TBC
00:00 - In The Company Of Men
Föstudagur 2. maí
21:00 - dj. flugvél og geimskip
21:45 - Caterpillarmen
22:30 - Aela (Æla)
23:15 - Lokbrá
00:00 - Skelkur í bringu
01:00 - 04:30 -
G-Strengirnir Keflavík
Laugardagur 3. maí
21:00 - Íkorni
21:45 - Johnny And The Rest
22:30 - Eyþór Ingi og Atómskáldin
23:15 - Markús and the Diversion
Sessions
00:00 - Mystery Boy feat. Mixed
Emotions
01:00 - 04:30 - Diskótekið Mixed
Emotions
- Tónlistarhátíðin Rockville haldin í tíunda sinn
ROCKVILLE
ER VAGGA
ROKKSINS
Rokkari! Halli nýtur lífsins í Danmörku.