Víkurfréttir - 30.04.2014, Blaðsíða 12
miðvikudagurinn 30. apríl 2014 • VÍKURFRÉTTIR12
-fréttir pósturu vf@vf.is
Sex ungmenna minnst
í nýjum minningalundi
Á Sumardaginn fyrsta var minningalundur um ungt
fólk vígður. Lundurinn er stað-
settur í Ungmennagarði við 88
Húsið.
Erla Guðmundsdóttir prestur sagði
m.a. við vígsluna hve mikilvægt
það væri að minnast þeirra sem
ekki eru á meðal oss lengur og
hve mikilvægt væri að taka á móti
sumrinu með hlýju í hjarta. Hún
sagðist þakklát fyrir að fá að taka
þátt í þessari fallegu athöfn.
Fjórir skátar frá skátafélaginu
Heiðabúum stóðu heiðursvörð í
lundinum með íslenska fána og
settu hátíðlegan svip á athöfnina.
Áður en formleg vígsla minninga-
lundarins fór fram flutti dúettinn
Heiður sálminn Kveðju eftir Bubba
Morthens og kennarar Tónlista-
skóla Reykjanesbæjar frumfluttu
sálm eftir Indriða Jósafatsson sem
hann samdi til miningar um 15
ára dreng sem lést í bílslysi. Ávörp
fluttu Árni Sigfússon bæjarstjóri
og Thelma Rún Matthíasdóttir frá
Ungmennaráði.
Sóley Þrastardóttir og Viðar Páll
Traustason fulltrúar í Ungmennar-
áði afhjúpuðu stein sem búið er að
setja á myndir og nöfn þeirra sem
minnst var.
Íþrótta- og tómstundasvið Reykja-
nesbæjar og Ungmennaráð vilja
koma sérstökum þökkum til for-
eldra sem samþykktu að útbúa
plattana og láta þessa hugmynd
verða að veruleika. Mikill fjöldi
fólks var viðstaddur athöfnina. For-
eldrum þeirra sex ungmenna sem
nú var minnst var boðið að vera
viðstaddir og voru þeir jafnframt
hvattir til að taka með sér nánustu
aðstandendur og vini hinna látnu.
Næsta minningarstund verður
haldin í september.
Ef foreldrar vilja minnast barna
sinna sem voru á aldrinum 13 til
25 ára er þau létust og voru frá
Reykjanesbæ og vilja taka þátt í
þessu verkefni, þá er hægt að senda
upplýsingar á netfangið it@rnb.is.
Nánari upplýsingar um minninga-
lundinn er einnig hægt að fá hjá
Hafþóri B. Birgissyni í síma 898-
1394.
Ungmennagarður formlega
opnaður í Reykjanesbæ
Ungmennagarður var form-lega opnaður við 88 húsið
og Fjörheima á sumardaginn
fyrsta. Garðurinn er afrakstur
hug my nd av innu hjá Ung-
mennaráði Reykjanesbæjar sem
hvatti bæjaryfirvöld til að setja
upp leiktæki og margs konar af-
þreyingu fyrir ungmenni.
Vel var tekið í þessar hugmyndir
unga fólksins af Árna Sigfússyni
bæjarstjóra og fjölmörgum hug-
myndum og útfærslum velt upp
á milli Ungmennaráðsins og full-
trúum frá Reykjanesbæ. Hafist
var handa á síðasta ári við að gera
skjólgarð úr stórgrýti sem kom
frá Helguvík og fyrsta leiktækið
sem sett var upp var svokallaður
ærslabelgur. Hann hefur notið
gríðarlegra vinsælda og er nánast
í stanslausri notkun frá morgni
til kvölds. Síðan eru komin marg-
vísleg leiktæki s.s. netboltasvæði,
mini golfbrautir, aparóla, hjóla-
stólaróla sem er sú fyrsta sinnar
tegundar á landinu.
Nýtt útisvið var sett upp og
steinum raðað upp gegnt því
sem notast sem áhorfendasvæði.
Girðing var hækkuð við Njarðar-
götu til að mynda enn betra skjóla
í garðinum. Frá varnarsvæðinu
á Keflavíkurflugvelli (nú Ásbrú)
voru fengnir nokkrir gamlir tré-
ljósastaurar og gamalt gervigras
úr Reykjaneshöll er víða notað í
garðinum. Þannig hefur verið lögð
áhersla á endurnýtingu og hag-
kvæmni við lausnir. Annað dæmi
um einfaldar og skemmtilegar
lausnir er að mála litríka depla
í malbikið sem fyrir var. Áfram
verður haldið við uppbyggingu
Ungmennagarðsins og stuðst við
hugmyndir Ungmennaráðsins.
Á næstu vikum verða t.d. settar
upp stórar myndir af ungmennum
frá Reykjanesbæ og margvíslegir
leikir málaðir á malbikið.
Í einum hluta garðsins hefur verið
gerður sérstakur lundur en það
var eitt af áhersluatriðum Ung-
mennaráðs að minnast ungs fólks
frá Reykjanesbæ sem var á aldr-
inum 13-25 ára þegar það kvaddi
þennan heim. Þessi minninga-
lundur var sérstaklega vígður
klukkustund áður en Ungmenna-
garðurinn var formlega opnaður
að viðstöddum foreldrum, ætt-
ingjum og vinum hinna látnu
ungmenna. Að þessu sinni voru
sex minningaplattar afhjúpaðir,
en næsta sambærileg athöfn mun
fara fram í byrjun september.
Íþrótta– og tómstundasvið og
Ungmennaráð Reykjanesbæjar
þakka öllum aðstoðuðu við að
gera þennan draum um Ung-
mennagarð að veruleika, segir í
tilkynningu frá Reykjanesbæ.
Plöttum með nöfnum og
myndum ungmenna sem hafa
fallið frá hefur verið komið fyrir á
steini í minningalundinum.
Minningasteinninn afhjúpaður.
Ungmennagarðurinn í
Reykjanesbæ.