Víkurfréttir - 15.05.2014, Blaðsíða 14

fimmtudagurinn 15. maí 2014 • VÍKURFRÉTTIR14
-viðtal pósturu vf@vf.is
Upphaflega stóð til að Kristín færi
með minna hlutverk í Vonarstræti
en á einni æfingunni var hún látin
lesa fyrir eiginkonu bankamanns-
ins og fyrrum knattspyrnuhetj-
unnar. „Eftir þann fund þá gekk ég
í raun út með það hlutverk,“ segir
Kristín sem fór þá að þróa með sér
karakter fótbolta eiginkonu, eða
„footballers wife,“ eins og það kall-
ast á enskunni. Kristín segir það
hafa gengið vel að móta karakt-
erinn en hún sótti meðal annars í
nokkrar fyrirmyndir hér á Íslandi.
„Agnes er sterk og ákveðin kona.
Hún er mjög klár, fjölskyldan er
henni allt enda og hún stolt af sín-
um manni og stendur þétt honum
við hlið. Við fáum svo að fylgjast
með hvernig samband þeirra þró-
ast þegar allt er á niðurleið.“
Myndin er dramatísk en þó með
kómísku ívafi, en Kristín segir að
allra tilfinningaríkustu atriðin hafi
ekki endilega verið þau erfiðustu
að leika í. „Oftast er bara hreinlega
erfiðast að vera sem eðlilegust og
bara leyfa sér að vera,“ segir hún og
hlær. ,,Leyfa litlu fallegu hlutunum
að lifa, mikið er ekki endilega alltaf
best,“ bætir hún við. „Baldvin leik-
stjóri er eins og galdramaður. Hann
nær til allra leikara á einstakan hátt,
bæði þeirra reyndu og svo til leik-
ara sem eru að stíga sín fyrstu skref,
eins og ég.“
Kærastinn sýnir
mikinn stuðning
Kristín átti eins og gefur að skilja
nokkrar innilegar senur með Þor-
valdi Davíð og margir hafa spurt
að því hvort kærastinn sé sáttur
við atriðin með hjartaknúsaranum.
„Vigfús kærastinn minn vann líka
við framleiðslu myndarinnar og
er í þessum bransa. Mig langar að
þakka honum opinberlega fyrir
allan stuðninginn. Fólk hefur
ósjaldan spurt hvort honum finn-
ist þetta ekki óþægilegt að ég sé
að leika á móti Þorvaldi í erfiðum
senum og svo framvegis. Hann
skilur sem betur fer þessa vinnu
svo vel og sýndi 110% stuðning
allan tímann. Ég gæti ekki verið
heppnari,“ segir Kristín og brosir.
Kristín hefur unnið að ýmsum
verkefnum en hún og kærasti
hennar eru bæði í kvikmynda-
bransanum eins og áður. Hún
KRISTÍN LEA
GENGUR
VONARSTRÆTI
Keflvíkingurinn Kristín Lea leikur í nýrri íslenskri kvikmynd sem vakið hefur athygli
Leikkonan Kristín Lea Sigríðardóttir fer með eitt af stóru hlut-verkunum í kvikmyndinni Vonarstræti sem vakið hefur töluverða
athygli að undanförnu. Kristín Lea leikur Agnesi eiginkonu persónu
Þorvaldar Davíðs í myndinni en hann leikur fyrrum atvinnumann í
knattspyrnu sem nú starfar í bankageiranum. Kristín útskrifaðist frá
kvikmyndaskólanum árið 2011 en þá vann hún lokaverkefni sitt með
Baldvini Z sem leikstýrir myndinni Vonarstræti. „Við höfðum sam-
band við hann á sínum tíma og náðum að plata hann til þess að taka
þátt í lokaverkefninu okkar,“ segir Kristín hress í bragði. Það samstarf
tókst vel upp enda vann stuttmynd þeirra verðlaun sem besta myndin
við útskrift Kristínar.
segir að það geti verið heilmikið
puð að vera í þessum bransa sem er
frekar magnaður að hennar mati.
Stundum er ekki neitt að gera en
stundum er nóg um verkefni. Oft
verði að búa sér til verkefni sjálfur
og það gerir Kristín Lea, en ásamt
því að leika skrifar hún handrit og
framleiðir.
Hormón á forsýningu
Kristín segir Vonarstræti líklega
vera eina af bestu íslensku mynd-
unum sem komið hafa út í langan
tíma. „Svona ef ég reyni að vera
alveg hlutlaus,“ segir hún og hlær.
Hún hefur miklar mætur á Bald-
vini leikstjóra. „Hann myndar sér-
stakt samband við leikarana, sem
býr til einstakt traust. Það var eign-
lega það sem ég leitaði í þegar leið
að forsýningu í öllu stressinu. Ef ég
efaðist eitthvað um mína frammi-
stöðu í myndinni, en auðvitað
hugsar maður oft að maður hefði
getað gert hlutina betur, þá gat ég
alltaf stutt mig við það að Bald-
vin myndi aldrei birta senu nema
hann væri ánægður.“ Á forsýningu
á dögunum segist Kristín hafa átt
erfitt með sig. „Ég var rosalega
uppspennt á hátíðar forsýningunni
og náði ekki almennilega að byra
að njóta myndarinnar fyrr en hún
náði aðeins að slaka á seinni helm-
inginn. „Svo eru auðvitað horm-
ónin í botni,“ segir hún og hlær en
Kristín á von á sínu öðru barni á
næstu dögum.
Einnig ber Kristín samstarfsfólki
sínu vel söguna en hún fékk tæki-
færi til þess að kynnast fjöldanum
öllum af hæfileikaríku fólki. „Ég
fékk að kynnast yndislegu fólki við
gerð myndarinnar. Þetta væri ekki
hægt nema fyrir hvern og einn sem
tók þátt við gerð myndarinnar,“
segir Kristín að lokum. Myndin fer
í almennar sýningar um helgina.
Um myndina Vonarstræti
Vonarstræti fjallar um óvæga for-
tíðardrauga, þöggun, sársauka og
syndaaflausn. Myndin segir frá
þremur ólíkum persónum sem
reyna að fóta sig í íslensku sam-
félagi á árunum rétt fyrir hrun og
því hvernig örlög þeirra fléttast
saman á áhrifaríkan máta. Gömul
og ný leyndarmál hrinda aðalper-
sónunum hverri í átt að annarri í
hörkuspennandi og átakanlegri at-
burðarás sem lætur engan ósnort-
inn. Kvikmyndin er innblásin af
sönnum atburðum og áhorfendur
gætu því kannast við tilteknar að-
stæður, persónur eða atburði úr
raunveruleikanum, enda ekki langt
um liðið síðan útrásin stóð sem
hæst.