Víkurfréttir - 15.05.2014, Blaðsíða 16

fimmtudagurinn 15. maí 2014 • VÍKURFRÉTTIR16
Ágætu kjósendur í Garði!
Ég er fædd og uppalin í Garðinum og hér
á ég mínar rætur. Uppvaxin börn mín
og barnabörn búa í Garðinum og vil ég
leggja mitt af mörkum til þess að þau og
aðrir njóti tilveru sinnar hér. Orð eru til
alls fyrst og orðum fylgir ábyrgð. Ég vil
að athafnir fylgi orðum bæjarstjórnar og mun leggja
áherslu á þau vinnubrögð næsta kjörtímabil.
Síðustu fjögur ár hef ég starfað með N-listanum og
hefur mér líkað vel þau heiðarlegu vinnubrögð sem
þar eru viðhöfð. Á kjörtímabilinu hef ég setið í ýmsum
nefndum bæjarins bæði sem aðal- og eða varamaður.
Ég gef kost á mér í þriðja sæti N-lista, lista nýrra tíma
með það markmið að sjá Garðinn blómstra sem líf-
legan fjölskyldubæ.
Ég vil að bæjaryfirvöld leggi áherslu á að friður ríki um
skólastarfið. Allir starfsmenn Sveitarfélagsins Garðs,
eiga að vera góðar fyrirmyndir og líti á sig sem slíkar.
Sama krafa er gerð til þeirra sem vinna sem þjálfarar
og leiðtogar í íþrótta-, félags- og menningarstarfsemi
á vegum bæjarins.
Það þarf að lyfta grettistaki í félagsmálum bæjarbúa.
Stór þáttur í því átaki væri að koma upp samkomustað
eða félagsheimili sem bæjarbúar gætu verið stoltir af.
Samkomuhúsið sem þjónað hefur íbúum síðan 1910
þarfnast gagngerðra endurbóta svo sómi verði að. Ég
tel að vinna þurfi að úrbótum í þessum málum svo
blása megi nýju lífi í gamlar glæður og efla og bæta fé-
lagslífið í okkar annars ágæta bæjarfélagi.
Mér finnst mjög brýnt að komið verði á hvatastyrk
vegna tómstundaþátttöku barna og unglinga. Auka
þarf fjölbreytni í tómstundavali þar sem börnin okkar
hafa mismunandi áhugamál og öll eiga þau að fá að
njóta sín á því sviði sem áhugi þeirra liggur. Það er
bæjaryfirvalda að koma til móts við þennan hóp.
Það kom mér ekki á óvart að 600 manns skrifuðu
nafn sitt við spurninguna „Styður þú persónukjör í
Garðinum?“ Ég vil að hlustað sé á raddir bæjarbúa
hér í samfélaginu og að íbúalýðræði verði virkt, t.d.
með rafrænum kosningum um hin ýmsu málefni og
framkvæmdir. N-listi leggur áherslu á að sveitarfélagið
verði tilraunasveitarfélag í persónukjöri kosningaárið
2018.
Setjum X við N og njótum alls þess er Garðurinn hefur
upp á að bjóða og gerum enn betur saman.
Álfhildur Sigurjónsdóttir
frambjóðandi í 3. sæti fyrir N-lista, lista nýrra tíma
-fréttir pósturu vf@vf.is
-aðsent pósturu vf@vf.is
Á bæjarstjórnarfundi í Sveitar-félaginu Garði á miðvikudag
í síðustu viku gerðist sá merki
atburður, í fyrsta skipti í Garð-
inum, að fulltrúar í ungmennar-
áði sátu bæjarstjórnarfund.
Formaður ungmennaráðsins, María
Ósk Guðmundsdóttir, bar fram til-
lögu, sem bæjarstjórn samþykkti og
vísaði til bæjarráðs og skipulags- og
byggingarnefndar til umfjöllunar.
María Ósk Guðmundsdóttir er því
fyrsti fulltrúi ungmennaráðs Garðs
til að stíga í ræðustól bæjarstjórnar.
Halldór Gísli Ólafsson fór einnig í
ræðustól og sagði frá ungmennaráð-
stefnu UMFÍ, sem hann og María
sóttu á Ísafjörð, og lesa má um í fyrri
fréttum á heimasíðu Garðs. Á þeirri
ráðstefnu samþykktu ungmennin
ályktanir til bæjarstjórna og alþingis-
manna, sem Halldór las upp fyrir
bæjarstjórn og afhenti, en á ráðstefn-
unni voru um 70 ungmenni frá ung-
mennaráðum bæjarfélaga, hringinn í
kringum landið.
Í erindisbréfi ungmennaráðs segir að
ráðið skuli minnst sitja einn fund á
ári með bæjarstjóra, einn fund með
æskulýðsnefnd og einn fund með
bæjarstjórn. Ráðið tók til starfa sl.
haust og hélt sinn fyrsta fund þann
17. desember 2013. Ráðið hefur síðan
fundað með æskulýðsnefnd í janúar á
þessu ári og nú með bæjarstjórn.
Bæjarstjórn lýsir yfir ánægju sinni
með að ungmennaráð sé tekið til
starfa í Garðinum og vonast eftir að
slíkt starf eigi eftir að gera Garðinn
að betri bæ til að búa í, segir í frétt
á vef Sveitarfélagsins Garðs.
Ungmennaráð á bæjar-
stjórnarfundi í Garði
Samstarf milli Flugakademíu
Keilis og Flugskóla Akureyrar
Flugakademía Keilis og Flugskóli Akureyrar undirrituðu þann 7. maí sameiginlega viljayfirlýsingu um samstarf með það að markmiði að auka gæði og fjölbreytileika námsframboðs, sem og efla þjónustu við
viðskiptavini skólanna.
Í viljayfirlýsingunni kemur fyrir að
Flugakademía Keilis og Flugskóli
Akureyrar lýsa yfir vilja til aukins
samstarfs á fjölmörgum sviðum,
þar á meðal gagnkvæma kynningu
á námsframboði skólanna, sér í
lagi sem snýr að möguleikum til
atvinnuflugmannsnáms hjá Flug-
akademíu Keilis, samnýtingu og
sameiginlega þróun á kennsluefni,
þróun á nýju námsframboði, o.fl.
Starfsfólk og kennarar Flugaka-
demíu Keilis fagna þessari vilja-
yfirlýsingu og líta björtum augum
á framtíðarsamstarf við Flugskóla
Akureyrar. Samstarfið verður
formlega kynnt síðar og mun þá
verða greint betur frá helstu sam-
starfsliðum.
Tveir nemendur við Tónlistar-skóla Reykjanesbæjar halda
burtfarartónleika sína á næstu
dögum. Laugardaginn 17. maí
kl.16.00 mun Arnar Freyr Vals-
son, nemandi í klassískum gítar-
leik, halda burtfarartónleika í
Bergi, hinum nýja og glæsilega
tónleikasal í Hljómahöll. Arnar
Freyr hóf nám í klassískum gítar-
leik við Tónlistarskóla Reykja-
nesbæjar árið 2001, auk þess sem
hann stundaði nám í rafgítarleik
um árabil samhliða klassíska
gítarnum. Arnar Freyr hefur á
námstímanum við skólann, sótt
námskeið og mastersklassa, m.a.
New York Guitar Seminar. Arnar
Freyr hefur verið rafgítarleikari
Léttsveitarinnar undanfarin ár og
leikið með eldri Gítarsveit Tón-
listarskóla Reykjanesbæjar, auk
þess að koma fram við ýmiss tæki-
færi á vegum skólans sem ein-
leikari á klassískan gítar. Kennari
Arnars Freys á klassískan gítar,
hefur frá upphafi verið Þorvaldur
Már Guðmundsson.
Birta Rós Arnórsdóttir, söngnem-
andi, mun halda burtfarartónleika,
sömuleiðis í Bergi, miðvikudaginn
21. maí kl. 20.00. Birta Rós hóf
söngnám við Tónlistarskóla Reykja-
nesbæjar árið 2008 undir hand-
leiðslu Dagnýjar Þ. Jónsdóttur, sem
hefur verið kennari hennar síðan.
Þar áður stundaði hún píanónám
við Tónlistarskólann í Garði. Birta
Rós syngur með Kór Söngdeildar
Tónlistarskóla Reykjanesbæjar auk
þess sem hún hefur oft komið fram
sem einsöngvari á vegum skólans
við hin ýmsu tækifæri. Birta Rós er
félagi í Kvennakór Suðurnesja og
hefur komið fram sem einsöngvari
með kórnum.
Birta Rós Arnórsdóttir heldur burt-
farartónleika miðvikudaginn 21.
maí. VF-mynd: Hilmar Bragi
Friðrik Ólafsson, yfir-
maður bóklegrar kennslu
hjá Flugakademíu Keilis
og Kristján Kristjánsson
framkvæmdastóri Flug-
skóla Akureyrar undir-
rituðu samninginn í flug-
skýli Flugskóla Akureyrar.
■■ Álfhildur Sigurjónsdóttir skrifar:
Orðum fylgir ábyrgð
Arnar og
Birta með
burtfarar-
tónleika
Sex með þungan
bensínfót
Sex ökumenn voru kærðir fyrir of hraðan akstur í umdæmi
lögreglunnar á Suðurnesjum um
helgina. Allir voru þeir á ferð á
Reykjanesbraut. Sá sem hraðast
ók mældist á 130 kílómetra hraða,
þar sem hámarkshraði er 90 km á
klukkustund.
Þá voru skráningarnúmer fjarlægð
af tveimur bifreiðum sem ekki
höfðu verið færðar tímanlega til
endurskoðunar.
Opin áskorun
– til allra framboða í
Reykjanesbæ
Bindindissamtökin IOGT á
Íslandi skora á framboðin í
Reykjanesbæ að bjóða ekki
upp á áfengi eða önnur vímu-
efni á framboðsskrifstofum
sínum eða viðburðum á
þeirra vegum.