Víkurfréttir - 15.05.2014, Blaðsíða 22
fimmtudagurinn 15. maí 2014 • VÍKURFRÉTTIR22
-íþróttir pósturu eythor@vf.is
Keflvíkingar náðu að tylla sér á topp Pepsi-deildar karla í knatt-spyrnu með góðum 2-0 sigri gegn Breiðablik á Nettóvellinum á
mánudag. Það var Elías Már Ómarsson sem skoraði bæði mörk Kefl-
víkinga í leiknum en með smá heppni hefðu mörkin hæglega getað
orðið fleiri. Keflvíkingar voru betri á öllum sviðum og hafa eftir leik-
inn níu stig eftir þrjá leiki, fullt hús takk fyrir. Næsti leikur liðsins er
svo gegn KR sunnudaginn 18. maí á Nettóvellinum.
Er Elías næstur í röðinni?
Keflvíkingurinn Elías Már Ómars-
son hefur nú skorað fjögur mörk
í efstu deild en þau hafa öll komið
gegn Breiðablik. Hann skoraði í
báðum leikjum liðanna í fyrra
og bætti tveimur í safnið gegn
landsliðsmarkmanninum Gunn-
leifi Gunnleifssyni og félögum í
leiknum á mánudag. Elías þykir
eiga framtíðina fyrir sér. Hann er
enn einn efnilegi framherjinn sem
Bítlabærinn elur af sér. Í hópi fram-
herja sem hafa fengið tækifæri með
Keflvíkingum í efstu deild ungir að
árum, eru t.d: Haukur Ingi Guðna-
son, Guðmundur Steinarsson,
Þórarinn Kristjánsson, Magnús
Sverrir Þorsteinsson og Hörður
Sveinsson. Þessir kappar eru tölu-
vert eldri en Elías og langt er síðan
álíka efnilegur sóknarmaður og
Elías hefur komið fram á sjónar-
sviðið hjá Keflvíkingum. Ef til vill
mikil pressa að setja á ungar herðar
Elíasar en sjálfur finnur hann ekki
fyrir álaginu.
„Mér finnst engin pressa á mér. Ég
spila bara minn leik hverju sinni og
geri mitt besta fyrir félagið mitt. Ég
bjóst við því að spila aðeins meira
með meistaraflokknum í ár. Mark-
mið mitt var að fá fleiri mínútur
og ég ætla að reyna að skora fleiri
mörk en þessi tvö. Við Keflvíkingar
stefnum saman á að ýta okkur frá
botnbaráttunni,“ segir hinn 19 ára
gamli sóknarmaður. Elías hefur
verið duglegur að æfa aukalega í
vetur ásamt Theodóri Guðna liðs-
félaga sínum sem einnig hefur verið
nefndur meðal efnilegra framherja
hjá félaginu „Við höfum verið dug-
legir að lyfta og æfa aukalega,“ segir
Elías sem er metnaðarfullur þegar
kemur að fótboltanum, en hann
tók sér frí frá skólanum þessa önn
og æfði af krafti. Hann hefur verið
í hópnum hjá U-19 landsliði Ís-
lands og eins og svo marga unga
knattspyrnumenn dreymir hann
um að leika sem atvinnumaður. Í
vetur æfði hann nánast sem slíkur
en hann segist sjálfur hafa styrkst
mikið og formið hafi aldrei verið
betra. „Ég er í betra formi og hef
meira sjálfstraust. Þetta er allt að
koma,“ segir Elías af yfirvegun en
andlegi þátturinn hefur líka styrkst
hjá honum. „Ég tel mig vera orð-
inn þroskaðri leikmann en í fyrra.
Mórallinn er virkilega góður í lið-
inu og allir eru að ná vel saman.
Það er mjög gaman hjá okkur um
þessar mundir, en það skiptir tölu-
verðu máli í boltanum.“
Keflvíkingar með yfir-
burði gegn Blikum
„Ég er í betra formi og
hef meira sjálfstraust,“
segir Elías sem kom við
sögu í 17 leikjum hjá
Keflavík á síðasta tíma-
bili. Hann hefur þegar
skorað jafnmörg mörk
og í fyrra.)
Mórallinn er
virkilega góður
í liðinu og allir
eru að ná vel
saman. Það er
mjög gaman hjá
okkur um þessar
mundir, en það
skiptir töluverðu
máli í boltanum
Tók 14 umferðir
að ná yfir níu stig
í fyrra
XuÞað tók Keflvíkinga 14 um-
ferðir að ná í meira en níu stig
í Pepsi-deild karla í fyrra. Nú
situr liðið á toppi deildarinar
með níu stig eftir þrjár um-
ferðir. Eftir tíu umferðir í fyrra
hafði liðið átta stig en með sigri
í 14. umferð gegn Víkingum
komust Keflvíknigar í 11 stig. Í
síðustu sjö umferðunum náðu
Keflvíkingar svo að hala inn
13 stigum og tryggja sæti sitt
í deildinni, en liðið hafnaði í
9. sæti deildarinar með 24 stig.
Allt fasteignir á Suðurnes-
jum – sími 426-8890
Allt fasteignir - fasteignasa-
la í Grindavík
YFIR 300 EIGNIR Á
SUÐURNESJUM TIL
SÖLU HJÁ OKKUR
Skoðið heimasíðu okkar alltfasteignir.is
Grindavík sími 426-8890
Dagbjartur Willardsson sölustjóri gsm 861 7507 // Þórir Sigfússon sölufull-
trúi gsm 612 2266 // Þorbjörn Pálsson löggiltur fasteignasali gsm 898 1233.
Hrannar ráðinn landsliðsþjálfari Dana
XuKeflvíkingurinn Hrann ar Hólm hef ur verið ráðinn þjálf ari danska
kvenna landsliðsins í körfuknatt leik til næstu þriggja ára. Hrann ar
hefur náð frábærum árangri með danska kvennaliðið SISU en und ir
hans stjórn hef ur fé lagið orðið tvöfald ur meist ari í Dan mörku und-
an far in fjög ur ár. Hrannar var svo á dög un um út nefnd ur þjálf ari
árs ins í dönsku úr vals deild inni annað árið í röð. „Ég hlakka mjög
til þess að taka þetta verk efni að mér. Það eru marg ir hæfi leika-
rík ir leik menn til staðar og það verður áhuga vert að sjá hvernig
liðið stend ur sig í leikj um á móti Aust ur ríki og Íslandi í júlí,“ seg ir
Hrann ar Hólm á vef danska körfuknatt leiks sam bands ins en mbl.is
greinir frá.
Elvar og Bryndís í úrvalsliði KKÍ
- Craion besti erlendi leikmaðurinn
XuLokahóf KKÍ fór fram á dögunum en þar var körfuboltaárið gert
upp og ýmsir þeir sem þóttu skara framúr verðlaunaðir fyrir góðan
árangur. Njarðvíkingurinn Elvar Már Friðriksson var einn Suður-
nesjamanna í úrvalsliði karla en Elvar, sem brátt reynir fyrir sér í há-
skólaboltanum í Bandaríkjunum, átti frábært tímabil með Njarðvík.
Keflvíkingurinn Bryndís Guðmundsdóttir var eini fulltrúi Suður-
nesjakvenna í úrvalsliði kvenna en hún var einn besti leikmaður
deildarinnar þetta tímabil og máttarstólpi í ungu Keflavíkurliði.
Michael Craion hjá Keflavík var svo kjörinn besti erlendi leikmaður
deildarinnar enda illviðráðanlegur í vetur.
Geta vegur þyngra en aldur
- Njarðvíkingar taka á móti Reyni á laugardag
XuNjarðvíkingar taka á móti grönnum sínum frá Sandgerði í 2.
deild karla í knattspyrnu á laugardag. Liðin hafa eldað grátt silfur
saman undanfarin ár í deildinni en jafnan eru leikir liðanna mikil
skemmtun þar sem boðið er upp á nóg af mörkum. Miklar manna-
breytingar hafa orðið á báðum liðum og eru ungir og efnilegir
þjálfarar hjá liðunum að stíga sín fyrstu skref í þjálfun. Guðmundur
Steinarsson kom sem kunnugt er frá Keflvíkingum yfir til þeirra
grænklæddu í fyrra en hann hefur nú tekið við þjálfun liðsins.
Guðmundur segir Njarðvíkinga koma vel undan vetri en liðið er að
mestu leyti skipað ungum og sprækum leikmönnum. „Ég ber traust
til þessara ungu stráka. Okkar stærsta verkefni er að ná stöðugleika.
Ég horfi ekkert sérstaklega í aldurinn en leikmenn eru að fá tæki-
færi vegna getu sinnar. Við Ómar (Jóhannsson) erum mjög sáttir við
okkar leikmannahóp í dag.“
Guðmundur býst við jafnri deild
en flest liðin eru að upplifa miklar
mannabreytingar. Hann telur
að þrjú lið séu líklegust til þess
að berjast á toppnum en önnur
verði að ná að stilla sig saman
hið fyrsta og byrja að hala inn
stigum. Þjálfarinn er vongóður
fyrir viðureignina gegn Sand-
gerðingum. „Þeir eru í svipuðum
sporum og við. Miklar breytingar
og nýr þjálfari. Það er gaman
að spila á móti þeim. Þetta eru
leikir sem gefa sumrinu lit enda
líklega flestir sem mæta á þetta
litla Suðurnesja-derby,“ segir
Guðmundur en leikir liðanna
hafa verið augnakonfekt og mikið
skorað. „Egill hjá Reyni er nú
gamall sóknarmaður að upplagi.
Eigum við því ekki að segja að von
sé á sóknarbolta og mörkum á
laugardaginn,“ segir Guðmundur.
Reynismenn taka einn leik í einu
Egill Atlason tók við stjórnar-
taumunum hjá Reynismönnum
eftir að faðir hans Atli Eðvaldsson
lét af störfum. Miklar breytingar
hafa verið á hópnum og eru Sand-
gerðingar í yngri kantinum líkt
og Njarðvíkingar þetta sumarið.
„Samkeppnin um stöður er mikil
sem er jákvætt.“ Egill segir að
þetta sumar verði áhugavert og
ekki verði farið af stað með miklar
yfirlýsingar. Egill þekkir ágætlega
til Njarðvíkinga en hann telur
þá til alls líklega. „Það kom mér
í raun á óvart að þeim hafi ekki
verið spáð ofar í deildinni. Þeir
hafa verið að fá til sín sterka leik-
menn. Gummi er heilmikill refur
og það verður gaman að fylgjast
með þeim í sumar.“ Egill var að
þjálfa 4. deildarlið KB í fyrra en
hann er 32 ár gamall. Egill er
lunkinn leikmaður en hann á að
baki langan feril þar sem hann lék
lengst af með Víkingum R. „Ég er
með takkaskóna reimaða á öllum
æfingum og er klár í slaginn á
meðan ég er ekki sleginn út úr
liðinu,“ segir Egill. Sú hugmynd
kom upp að hann myndi koma
inn sem spilandi þjálfari eftir að
faðir hans hætti. „Svo þurfti að
ræða ýmislegt. Það er heilmikil
vinna hérna framundan. Það er
auðvelt að hugsa um bara næsta
tímabil en það verður að passa að
hafa fókusinn í lagi og hugsa til
framtíðar. Það þarf að vera þann-
ig að allir séu að keppa að sömu
verðlaunum,“ segir Egill sem lofar
aðstöðuna í Sandgerði í hástert.
Hann vill sem minnst segja fyrir
viðureignina gegn Njarðvík en
ætlar sér að sjálfsögðu að sækja
þrjú stig.
„Maður fer í hvern einasta leik
til þess að vinna hann. Þeir sem
halda öðru fram eru einfaldlega
að blekkja sig. Við pössum okkur
þó að fara ekki framúr okkur. Við
hugsum bara um næsta leik og
hvernig skal nálgast hann.“ Leikur
Njarðvíkinga og Reynismanna fer
fram í Njarðvík og hefst klukkan
14:00 á laugardag.
Sterkasta taekwondomót sem haldið
hefur verið á Suðurnesjunum
XuNorðurlandamótið í taekwondo verður haldið næstu helgi í
íþróttahúsinu við Sunnubraut. Það eru rúmlega 20 Suðurnesjamenn
að keppa frá Sandgerði, Reykjanesbæ, Garði og Grindavík. Auk
þeirra eru aðrir keppendur úr landsliði Íslands og um 100 erlendir
keppendur. Þetta er því tvímælalaust sterkasta taekwondomót sem
haldið hefur verið á Suðurnesjum. Mótið byrjar kl. 9:00 á laugar-
dagsmorgun og er aðgangur opinn gestum. Suðurnesjamenn eru
hvattir til að mæta og hvetja Íslendingana áfram.