Víkurfréttir - 22.05.2014, Blaðsíða 12

fimmtudagurinn 22. maí 2014 • VÍKURFRÉTTIR12
Auglýsingasími Víkurfrétta er 421 0001
Víkurfréttir koma næst út miðvikudaginn 28. maí. Síðasta blað fyrir sveitarstjórnarkosningar.
-fréttir pósturu vf@vf.is
Elskuleg eiginkona mín, móðir okkar, tengdamóðir,
amma og langamma,

Edda Hólmfríður Lúðvíksdóttir
Pósthússtræti 3
Keflavík

lést á Landspítalanum v/ Hringbraut,
laugardaginn 17. maí.
Útförin fer fram frá Keflavíkurkirkju,
þriðjudaginn 27. maí kl. 13.00.

Sigurður Vignir Sigurðsson
Guðrún Sigurðardóttir Annel Borgar Þorsteinsson
Hrafnhildur Sigrún Sigurðardóttir Halldór Einarsson
Sigurður Lúðvík Sigurðsson
barnabörn og langömmubörn.
Elskulegur faðir okkar, tengdafaðir og afi,
John Þór Toffolo,
lést, fimmtudaginn 8. maí á Heilbrigðisstofnun
Suðurnesja.
Útförin hefur farið fram í kyrrþey frá Keflavíkurkirkju.
Innilegar þakkir fyrir auðsýnda samúð og vinarhug.

Danival Toffolo
Solveig Toffolo, Luca Marchioni og börn.

Áætlanir um
hjólastíg frá FLE
til Reykjavíkur
Ferðamenn sem koma hingað til lands á reiðhjólum hafa
þurft að sætta sig við það að ekki
liggur göngu- og hjól reiðastíg ur
frá Flug stöð Leifs Ei ríks son ar til
Reykjavíkur. Árni Sigfússon segir
málið vera forgangsatriði fyrir
ferðaþjónustuna og hann telur
best að tengja stígana við þá sem
fyrir eru í Reykjanesbæ.
„Ferðamenn sjálf ir hafa bent á þá
staðreynd að þeir sem vilja hjóla
eða ganga að og frá Flug stöðinni
eiga þess nauðugan kost ein an að
fara út á ak braut irn ar. Það hlýt ur að
vera for gangs mál fyr ir ferðaþjón­
ust una að bjóða teng ingu frá Leifs­
stöð a.m.k. við göngu stíga kerfi
Reykja nes bæj ar, sem er ein fald ast
og ódýr ast,“ seg ir Árni Sig fús son
bæj ar stjóri í Reykja nes bæ í frétta­
til kynn ingu sem Reykja nes bær
hef ur sent frá sér. Þar segir einnig
að málið hafi verið rætt við Vega­
gerðina og inn an rík is ráðherra og
all ir tekið vel í að hratt verði brugð­
ist við. Áætlað er að kostnaður við
slík an stíg sé um 50 millj ón ir króna,
seg ir enn frem ur í frétta til kynn ingu
frá Reykja nes bæ.
Matarverð sem grunnskóla-börn í Reykjanesbæ greiða
er með því lægsta samanborið við
önnur sveitarfélög.
Hver hádegismatur fyrir grunn­
skólanema kostar foreldra 297 kr. í
áskrift. Um er að ræða holla máltíð
með ábót. Raunverð máltíðar er kr.
542 en Reykjanesbær niðurgreiðir
hverja máltíð um kr. 244 eða um
rúm 45%.
Á hverju ári hefur orðið mikil
fjölgun barna sem nýta sér þessa
þjónustu og voru um 79% nem­
enda í áskrift nú í apríl en var um
75% á sama tíma fyrir tveimur
árum. Þá hafði verið mikil aukning
í mataráskrift frá fyrri árum.
„Öll börn sem eiga fjölskyldur sem
eru í tengslum við félagsþjónustu
bæjarins fá stuðning við kaup á há­
degisverði. Einnig hefur Reykja­
nesbær lagt styrk til Velferðarsjóðs
kirkjunnar sem annast aðstoð við
aðra foreldra sem einhverra hluta
vegna hafa ekki tök á að kaupa mat
á þessu niðurgreidda verði fyrir
börn sín,“ segir Hjördís Árnadóttir
félagsmálastjóri Reykjanesbæjar í
tilkynningu frá Reykjanesbæ.
Samstarfssamningur milli Grindavíkurbæjar og GFF um
vistvang í Lágafelli í landi Grinda-
víkur var samþykktur á aðalfundi
samtakanna Gróður fyrir fólk í
Landnámi Ingólfs (GFF) í Hann-
esarholti í Reykjavík í vikunni.
Vistvangur er hugtak sem GFF
hefur mótað upp á síðkastið í anda
þess starfs sem samtökin hafa
stundað í 17 ár, þ.e. að nota lífræn
úrgangsefni til uppgræðslu örfoka
lands. Samningurinn kveður á um
samstarf við að koma þeim lífrænu
úrgangsefnum sem samningsaðilar
koma höndum yfir í Grindavík og
nýta til að koma til gróðri í Lága­
felli.
Í sumar verður t.d. flutt þangað
gras sem slegið er af grænum
svæðum bæjarins og því dreift yfir
mela og uppblásin svæði. Einnig
verður notuð molta úr jarðgerð í
Grindavík til að koma til gróðri.
Í sunnanverðu Lágafelli er gömul
efnisnáma sem verður grædd upp í
nafni verkefnisins.
GFF hefur unnið með Grinda­
víkurbæ í Lágafelli áður. Vestan í
svæðinu plöntuðu ungmenni úr
vinnuskólanum talsverðu af trjá­
plöntum, aðallega birki, í grjótmel
sumarið 2003 undir handleiðslu
samtakanna. Sá staður hefur tekið
miklum stakkaskiptum á þeim ára­
tug sem liðinn er. Austan í Lága­
felli hafa nemendur úr Grunnskóla
Grindavíkur svo plantað síðan
vorið 2006 í svæði sem í eina tíð var
notað sem efnisnáma. Það svæði
hefur einnig breyst til muna frá því
sem áður var.
Í samningnum er ákvæði um
áframhaldandi þátttöku skóla­
æskunnar í uppgræðslu svæðisins
enda ræktun lands og lýðs einn
af hornsteinum hugtaksins vistv­
angur.
Íbúafjöldi í Reykjanesbæ er nú þegar að ná þeirri tölu sem
áætlað var að yrði fjöldinn í lok
þessa árs. Íbúar voru 14.653 í lok
apríl sl. en gert var ráð fyrir í hóf-
legri áætlun að íbúafjöldi í lok
árs 2014 yrði 14.655, eða tveimur
fleiri en nú þegar er orðið í lok
apríl. Í lok síðasta árs voru íbúar
alls 14.527.
Mest íbúafjölgunin á sér stað í
nýju hverfunum í Innri Njarðvík,
Tjarnahverfi og Dalshverfi. „Hér
er talsvert um ungar fjölskyldur að
setjast að og athyglisvert að jafn­
vel þótt önnur fyrirvinna heim­
ilisins sæki vinnu í Reykjavík,
velja menn að búa hér“, segir Árni
Sigfússon bæjarstjóri í tilkynn­
ingu frá Reykjanesbæ. „Það er
mjög ánægjulegt fyrir samfélagið
enda fögnum við nýjum íbúum og
bjóðum þau hjartanlega velkomin
til okkar“.
Þann 1. desember í fyrra höfðu 1412 einstaklingar lögheimili í Garði samkvæmt íbúaskrá Þjóðskrár. Garðmönnum hafði þá fækkað
um 16 talsins frá árinu áður þegar þeir voru 1428 talsins. Búast má
við að flutningur heimilismanna á Garðvangi yfir á hjúkrunarheimili
Hrafnistu á Nesvöllum muni hafa nokkur áhrif þegar næsta mæling
verður gerð í desember nk.
Garðmönnum hefur fækkað nokkuð síðustu ár en þann 1. desember árið
2011 voru 1484 með lögheimili í Garði. Fækkun fólks með lögheimili í
Garði má helst rekja til þess að erlendum íbúum fækkaði í kjölfar efna­
hagsþrenginga.
Enn fjölgar íbúum
í Reykjanesbæ
Garðmönnum hefur fækkað
Myndirnar eru frá Lágafelli vestur. Sú fyrri tekin í júlí 2003 og sú seinni í júlí 2013. Vel má sjá muninn á 10 árum.
Samningur um vistvang
í Lágafelli undirritaður
– Gras sem slegið er af grænum svæðum verður dreift yfir mela og uppblásin svæði.
Mikil fjölgun grunnskóla-
nema í mataráskrift
Næsta blað kemur út
miðvikudaginn
22. maí
Lesendur
athugið!