Víkurfréttir - 22.05.2014, Blaðsíða 25

VÍKURFRÉTTIR • fimmtudagurinn 22. maí 2014 25
-aðsent pósturu vf@vf.is
Þessari spurningu þarf hver og einn að spyrja
sig að áður en hann greiðir
atkvæði á kjördag. Mitt
framlag er að það þarf vel
samsetta bæjarstjórn með
góðan leiðtoga í brúnni.
Næsta bæjarstjórn þarf að
geta hugsað í stóru sam-
hengi og hafa styrk til að takast á við mótlæti.
Þessir verðandi fulltrúar okkar þurfa að geta
unnið með öllum bæjarbúum að góðri fram-
tíðarsýn og hafa styrk til að koma þeim verk-
efnum í framkvæmd sem þarf til að gera bæinn
okkar betri.
Innan skamms fagnar Reykjanesbær 20 ára af-
mæli sameiningar sveitarfélaganna Hafna, Njarð-
víkur og Keflavíkur. Á þessum tveimur áratugum
hefur bærinn okkar tekið miklum framförum. En
sú jákvæða þróun er ekki komin til að sjálfu sér,
heldur liggur þar á bakvið markviss vinna sam-
helds hóps okkar fulltrúa í fyrri bæjarstjórnum.
Á þessum 20 árum hafa íbúar í Reykjanesbæjar
mátt upplifa einhverjar mestu hremmingar sem
eitt sveitarfélag á landsbyggðinni hefur nokkurn-
tíma gengið í gegnum. Í fyrsta lagi þá þá lagðist
útgerð og fisverkun næstum alveg af, sem m.a.
má rekja til þess ríkið, fjölmiðlar og almennings-
álitið var með þeim hætti að þetta byggðasvæði
okkar þyrfti ekki sérstakan stuðning, þar sem það
hefði varnarliðið sem öruggan vinnuveitanda.
Þá gerðist það að varnarliðið ákvað með mjög
skömmum fyrirvara að hætta allri starfsemi á
Keflavíkurflugvelli og við það hurfu á einu bretti
um 1.100 störf. Það var svo rétt í þann mund sem
endurreisnin var hafin í kjölfar brottfarar Varnar-
liðsins, að hér skall á fjármálakreppa sem er ein
sú stærsta í sögunni og ekki er enn búið að bíta
úr nálinni með.
Þrátt fyrir mótlæti hafa fyrri bæjarstjórnir
Reykjanesbæjar haldið áfram að fylgja eftir þeim
verkefnum sem snéru að nýrri framtíðarsýn í nýju
sameinuðu sveitarfélagi. Það hefur hinsvegar ekki
gengið sársaukalaust og ein mjög erfið afleiðing
þess er sú erfiða skuldastaða sem við stöndum nú
frammi fyrir að þurfa að vinna okkur út úr. Ekki
fæst þó betur séð en að hafin sé markviss vinna að
því hjá bæjarstjórn að fylla aftur í þessa skulda-
holu, en betur má ef duga skal. Til þess að halda
þeirri vinnu áfram þarf næsta bæjarstjórn okkar
stuðning og skilning á því að það kunni að þurfa
að grípa til sérstakra ráðstafana til þess að fullnýta
öll tækifæri til þess að minnka kostnað og auka
tekjur bæjarsjóðs.
Vel má vera að einhverjir hefðu gert hlutina
með öðrum hætti ef fyrirséð hefði verið að út-
gerð myndi nánast leggjast af, eða að varnar-
liðið myndi hætta starfsemi, eða að bankakreppa
myndi að skella á. En það er svo að þegar framtíð-
arsýn er lögð fram er alltaf óvissa um hvað tekur
við, hvaða hindranir verða á veginum og hversu
langan tíma það tekur að koma þeim í fram-
kvæmd. Það þarf styrk til að riðja úr veginum
hindrunum svo að framtíðarsýn geti orðið að
veruleika. Sú hefur verið raunin hjá fyrri bæjar-
stjórnum, en lýsandi dæmi um dugnað okkar
fólks eru þau verkefni sem nú þegar eru nú orðin
að veruleika, eins og t.d.:
Endurnýjun gamla bæjarins, Hafnargötunnar og
Duus húsa sem nú eru orðin að menningarmiðstöð
Grunnskólarnir okkar sem hafa dafnað og tekið
miklum framförum og eru enn að bæta sig
Íþróttaaðstaðan í bænum sem hefur batnað og
árangur íþróttagreina í samræmi við það
Atvinnusvæðin í Helguvík og Ásbrú sem eru tilbúin
til að taka við nýjum atvinnutækifærum
Öldrunarsetrið að Nesvöllum sem er orðið að veru-
leika og er líklega eitt flottasta konsept á landinu
Ásýnd gatna, opinna svæða og bygginga í bænum
okkar sem hefur tekið miklum framförum
Byggingarasvæði fyrir nýjar íbúðir sem er tilbúið í
Innri-Njarðvík með tilheyrandi skóla og þjónustu
Menningar- og tónlistamiðstöðin Hljómahöll í
Stapanum
Það þarf áhuga, ástundun og árvekni til að ná
árangri. Fyrri bæjarstjórnir og bæjarstjórar hafa
sýnt okkur það í verki og við erum nú á góðri leið
með mörg verkefni sem gera bæinn okkar betri.
Gleymum því þó ekki að hvernig sem kosningar
fara, þá erum eitt bæjarfélag og eigum mikið
undir því komið að vinna samhent að góðum
málum í framtíðinni. Við deilum því flest að
vilja; fjölbreytt atvinnutækifæri, gott íþrótta og
menningarlíf, góð uppeldisskilyrði fyrir börnin
okkar, aðlaðandi umhverfi, virðingu fyrir fólki,
og tækifæri til að eyða efri árum á heimaslóðum.
Hver sem úrslit kosninganna verða þá verðum
við að vinna saman að því að gera góðan bæ betri,
bera virðingu fyrir mismunandi skoðunum og
styðja okkar stjórnmálafólk áfram til góðra mála.
Hér að ofan eru þau gildi sem ég hef að leiðar-
ljósi þegar ég greiði atkvæði mitt. Ég hvet alla til
að fylgja eigin hjarta og dómgreind og skoða sín
eigin gildi áður en lagt er af stað með óánægðu
hjörðinni.
Með von um að atkvæði ykkar verði bænum
okkar til heilla.
Sigurður Garðarsson
Hvað verður Reykjanesbæ til heilla?
n SIGURÐUR GARÐARSSON SKRIFAR: Drukkinn öku-
maður stöðvaður
í startholunum
uÁrvökull lögreglumaður á
Suðurnesjum stöðvaði
ölvaðan mann sem
sestur var undir
stýri í Keflavík
og hugðist aka
af s tað. L ö g-
reglumenn voru
við hefðbundið
eftirlit við skemmti-
staði umdæmisins þegar einn
þeirra kom auga á mann sem
skaust baka til út af skemmti-
stað. Lögreglumaðurinn hélt á
eftir honum og sá að hann setti
bifreið í gang. Stækan áfengis-
þef lagði af manninum, þegar
hann var tekinn tali, og viður-
kenndi hann neyslu áfengis.
Honum var tjáð að hann gæti
sótt bíllyklana á lögreglustöð
þegar runnið væri af honum.
Þá voru tveir ökumenn til við-
bótar teknir vegna gruns um
ölvun við akstur í umdæminu.
Annar þeirra ók einnig yfir leyfi-
legum hámarkshraða, því bifreið
hans mældist á 139 km hraða
þar sem hámarkshraði er 90 km
á klukkustund.
Félagsþjónusta Sandgerðisbæjar, Garðs og Voga óskar eftir samstarfi við
einstaklinga 18 ára og eldri sem hafa mikinn áhuga á starfi með börnum og
ungmennum. Um er að ræða starf sem persónulegur ráðgjafi.
Helstu verkefni og ábyrgð
Helstu verkefni persónulegra ráðgjafa er að sinna stuðningi við barn og að
vera því góð fyrirmynd. Hlutverk persónulegs ráðgjafa skv. barnaverndar-
lögum er að veita barni ráðgjöf og leiðbeiningar í þeim tilgangi að styrkja
það félagslega og tilfinningalega svo sem í sambandi við tómstundir,
menntun og vinnu. Samband persónulegs ráðgjafa og barns byggist á
gagnkvæmu trausti og vinsemd.
Hæfniskröfur
· Góðir samskiptahæfileikar
· Sjálfstæði í vinnubrögðum
· Áhugi og reynsla af vinnu með börnum
· Hreint sakarvottorð
Frekari upplýsingar um starfið
Algengast er að um 12 klst. sé að ræða á mánuði, en vinnutími er
sveigjanlegur og fer eftir þörfum hvers og eins. Karlmenn eru sérstaklega
hvattir til þess að leggja inn umsókn. Starfið hentar einstaklega vel sem
hlutastarf með námi og er góður undirbúningur fyrir alla sem hyggjast
stunda nám og/eða störf sem krefjast mannlegra samskipta. Ekki er krafist
tiltekinnar menntunar eða reynslu, öll lífsreynsla getur komið að notum!
Einnig vantar okkur fólk á skrá til að sinna liðveislu í málefnum fatlaðra.
Nánari upplýsingar um starfið veitir Thelma Björk Guðbjörnsdóttir í síma
420-7555 eða með því að senda fyrirspurn á thelma@sandgerdi.is
Ertu góður félagi?
VÖRÐUNNI MIÐNESTORGI 3 – 24 SANDGERÐI – SÍMI 420 7555
FÉLAGSÞJÓNUSTA
SANDGERÐISBÆJAR, SVEITARFÉLAGSINS GARÐS OG SVEITARFÉLAGSINS VOGA
Næsta blað kemur út
miðvikudaginn
22. maí
Lesendur athugið!
Frjálst afl býður eldri borgurum í Reykjanesbæ upp á
léttar veitingar á kosningaskrifstofu sinni að
Hafnargötu 91, sunnudaginn 25. maí kl. 15:00.
Boðið verður upp á kaffi og meðlæti.
Spjöllum og syngjum saman.
Opnunartíminn á kosningaskrifstofunni
er alla virka daga frá kl. 16:00 til 22:00
um helgar frá kl 11:30-17:00.
Fylgist með starfinu okkar á
Facebook.com/frjalstafl og á heimasíðu
okkar www.frjalstafl.is
Hlökkum til að sjá ykkur
Frjálst afl – Fyrir ykkur!
Oddvitarnir í Reykjanesbæ
í Sjónvarpi Víkurfrétta á ÍNN í kvöld kl. 21:30