Víkurfréttir - 28.05.2014, Blaðsíða 27
VÍKURFRÉTTIR • fimmtudagurinn 15. maí 2014 27
■■ Páll Þorbjörnsson skrifar:
Við lifum og þið viljið lifa
Síðustu mánuði og
ár hefur margt farið í
gegnum kollinn á mér.
Hvað get ég gert sem
einstaklingur í litlu
bæjarfélagi til þess að
það dafni vel? Ég bý að
þeim ókosti að hafa aldrei átt ömmu
né afa á lífi, vegna þess þekki ég ekki
svo mikið til daglegs lífs hjá eldra fólki.
En mér hefur alla tíð þótt mjög vænt
um eldra fólk, sérstaklega þegar ég var
ungur og móðir mín forstöðukona
yfir elliheimili, þá enduðu dagar mínir
gjarnan hjá mömmu. Þar fékk ég haf-
sjó af sögum frá virðulegum körlum,
og konum þótti nú gott að hafa strák-
pjakkinn til að kenna honum lífsregl-
urnar. Ég verð að segja að ofursögur
karlanna heilluðu mig meira og gat ég
setið svo tímunum saman og hlustað á
þeirra hjal sín á milli. Af þessu hef ég
lært að landið byggðist upp á berum
höndum feðra okkar. Ég gleymi því
aldrei þegar ég spurði frænda minn
hann Þórhall Sigurjóns í Grindavík, og
ég búsettur í Vestmannaeyjum, hvort
hann vildi ekki vera afi minn. Eitthvað
vantaði í líf mitt og sú fallega tilhugsun
þegar hann tjáði mér að auðvitað mætti
ég kalla hann afa er mér fersk í huga.
Við þetta róaðist ég allur að innan
og hugsaði oft til þess að ég ætti afa í
Grindavík. Tuttugu árum síðar lá svo
leið mín einmitt þangað. Móðir mín
skikkaði mig að láta ættingja okkar vita
að ég væri sestur hér að og man þann
dag þegar ég rölti upp Víkurbrautina að
Árnastígnum til að banka á hurðina hjá
Ívari Þórhallssyni frænda mínum. Ég
tók Daníel elsta son minn, sem þá var
um 5 ára gamall, mér til halds og traust.
Það var innileg heimsókn og fékk ég að
sjá hjá honum afrakstur hans í smíðum
á módelum og fleira áhugavert. Það var
gott að vita af einhverjum nálægt mér.
Í dag er þetta enn sterk minning. Mér
hefur ávallt þótt mjög vænt um eldra
fólk og sérstaklega þegar ég hitti á fólk
hér í bæ og annars staðar sem getur sagt
mér sögur af Palla Krata í Vestmanna-
eyjum alnafna mínum og afa. Steinþór
Þorvaldsson hefur gefið mér góða inn-
sýn í fyrri tíma og þekktust þeir afi. Af
hverju er ég að ræða um uppvaxtarár
mín? Vegna þess að hér í bæ er sam-
félag eldri borgara sem mikil þörf er á
að bæði sameina og búa þeim hlýlegra
og félagslegra betra umhverfi. Hafist
var handa 2007 að gera deiliskipulag
fyrir smáíbúðabyggð við Víðihlíð sem
aldrei var lokið. Fyrir mér er brýnt að
klára þetta skipulag og hefjast handa
við að búa til samfélag á þessum reit
sem verður líflegur og ákjósanlegur
staður fyrir eldra fólk sem vill búa í
nánd við vini og kunningja. Þetta er
fólkið sem hefur byggt upp Grindavík
og sáð þeim fræjum sem nú blómstra
í fallegum bæ. Ég vil að við höldum
þeirri stefnu að öllum líði vel og sam-
eina samfélag eldri borgara. Hver vill
ekki á eldri árum geta rölt stuttan spöl
í kaffi til vinar, eða hafa í göngufæri
góðan samverustað þar sem nóg er af
fjölbreyttri afþreyingu. Þetta eigum við
að fara í og gæti verið átak hjá Grinda-
víkurbæ, lífeyrissjóðum, húseigna-
félögum og jafnvel að stéttarfélögin
taki einnig þátt. Ég verð 35 ára gamall
í sumar, finnst eins og ég hafi verið 16
ára fyrir fáum árum síðan. Á þessu ári
verður samanlagður aldur allra minna
barna í dögum talið sá sami og minn.
Já ótrúlegt, þau hafa samanlagt lifað
sama dagafjölda og ég og þetta segir
mér að lífið heldur áfram dag eftir dag
og að lokum uppskerum við erfiðið og
komumst á lífeyri. Þá vil ég vera í sam-
félagi með vinum og kunningjum og að
börnin mín viti að mér líði vel.
Páll Þorbjörnsson
Höfundur skipar 7. sæti á lista
Samfylkingarinnar og er for-
maður Samfylkingar í Grindavík
Það er breytingarandi yfir bænum
okkar þessa dagana, bæjarbúar kalla
á nýjar áherslur við stjórn bæjarins.
Við á S-listanum höfum einbeitt okkur
að því að kynna okkar flotta og fjöl-
breytta frambjóðendahóp, bankað upp
á hjá bæjarbúum og kynnt nýja sýn og
breyttar áherslur fyrir bæinn og boðið
bæjarbúum þjónandi forystu.
Allt uppi á borði hjá
S-listanum
Við munum stjórna bænum okkar á
opnari og ábyrgari hátt en nú er gert
og tryggja að íbúar Reykjanesbæjar séu
upplýstir um stöðu bæjarsjóðs og um
tengsl og hagsmuni kjörinna fulltrúa.
Við göngum undan með góðu fordæmi
og höfum birt upplýsingar um hags-
muni og tengsl okkar frambjóðenda –
ein allra framboða – á xsreykjanesbaer.
is en þar má líka finna myndbönd með
frambjóðendum og allar upplýsingar.
Við munum móta samfélag með bæjar-
búum grundvallað á virðingu, jöfnuði,
lýðræði, ábyrgð og gegnsæi með fjöl-
skylduna í fyrirrúmi og standa vörð
um grundavallarstoðir eins og Heil-
brigðisstofnun Suðurnesja og berjast
hart gegn einkavæðingarhugmyndum.
Sameinumst og breytum!
Ef núverandi meirihluti bæjarstjórnar
fellur eins og flest bendir til þá eru það
mjög skýr skilaboð frá bæjarbúum um
breytingar og því skylda okkar að ná
samstöðu um stjórn bæjarins og ég hef
fulla trú á að það takist.
Ný bæjarstjórn mun svo auglýsa eftir
bæjarstjóra og ráða hæfan einstakling
til verksins sem framfylgi stefnunni
sem bæjarfulltrúar, kjörnir af íbúum
bæjarins móta. Kosningarnar 31. maí
eru bæjarstjórnarkosningar þar sem
kosið er um nýjar og breyttar áherslur
við stjórn bæjarins – kosningarnar
snúast ekki um einstök embætti.
Til þjónustu reiðubúinn!
Ég hlakka til að vinna í stórum og
fjölbreyttum hópi að því að breyta
áherslum og bæta bæ-
inn okkar, búa til sam-
félag þar sem öllum
bjóðast jöfn tækifæri.
Hópi þar sem fjöl-
breyttar raddir hljóma
og hópi sem hrindir
spennandi hugmyndum í framkvæmd.
Hópi sem sameinast um að reka bæ-
inn okkar af ábyrgð, nýta tækifærin
af skynsemi og skila honum betri til
barna okkar.
Ég er í baráttusæti S-listans samkvæmt
skoðanakönnunum, kominn með fjög-
urra ára reynslu í bæjarstjórn, brima-
fullur af metnaði fyrir hönd bæjarins
okkar og til þjónustu reiðubúinn.
X við S á kjördag er atkvæði greitt
breyttum áherslum, nýrri sýn og betri
bæ.
Eysteinn Eyjólfsson
3. sæti á S-lista Samfylk-
ingarinnar eða óháðra
Nú er komið að bæjar-
stjórnarkosningum.
Stefnumál okkar hjá
Á-lista Frjáls afls snúast
um fjármál sveitar-
félagsins, uppbyggingu
atvinnulífs og velferðar-
mál. Þau hafa fengið góðar viðtökur.
Innleiðum ábyrga
fjármálastjórn!
Skuldastaða bæjarins er grafalvarleg.
Í árslok 2013 voru skuldir og skuld-
bindingar bæjarsjóðs 24,7 milljarðar
króna og 40,4 milljarðar ef b-hluta
fyrirtæki eru tekin með. Þá var bæjar-
sjóður rekinn með 539 milljóna tapi og
með b-hluta fyrirtækjum meðtöldum
var tapið 973 milljónir króna. Vextir
sem slíkar skuldir bera eru auðvitað
gríðarlega háir eða 1,2 milljarðar hjá
bæjarsjóði og 2,4 milljarðar hjá sam-
stæðu. Þannig fer sorglega stór hluti af
tekjum bæjarfélagsins okkar einungis
í vexti!
Ef haldið verður áfram á sömu braut,
stefnir í algert óefni. Við verðum að ná
niður skuldunum eins hratt og mögu-
legt er. Minnka útgjöld og auka tekjur.
Verkefnum verður að forgangsraða.
Þar verðum við að hafa manndóm til að
velja nauðsynlegustu verkefnin úr en
geyma önnur til betri tíma. Við þurfum
að gera eins og vel rekin heimili við
slíkar aðstæður: lækka útgjöld og auka
vinnuframlag.
Ráðum fagmann í stöðu
bæjarstjóra
Mikilvægt er að til þessa verkefnis verði
ráðinn bæjarstjóri sem er reynslu-
mikill fagmaður í rekstri og endur-
skipulagningu skulda. Hann á ekki að
koma úr röðum bæjarfulltrúa. Undir
hans forystu þarf að gera vandaðar
fjárhagsáætlanir sem byggja á raun-
veruleikanum en ekki á óraunhæfum
væntingum eða glansmyndum. Íbúar
Reykjanesbæjar trúa kjörnum bæjar-
fulltrúum fyrir fjármunum bæjarins,
sínum peningum. Bæjarfulltrúum ber
skylda til að fara vel með þau verðmæti
sem þeim er trúað fyrir.
Styðjum raunhæf atvinnutækifæri
Hitt stóra verkefnið er að stuðla að
fjölbreyttu og öflugu atvinnulífi til
að draga úr atvinnuleysi og fjölga vel
launuðum störfum þar sem menntun
bæjarbúa fær að njóta sín. Við þurfum
að styðja við bakið á raunhæfum at-
vinnutækifærum í stað þess að dreifa
kröftunum um of. Ferðaþjónustan
er helsti vaxtarbroddurinn í dag. Þar
þurfum við að bæta innviðina í góð-
um tengslum við atvinnugreinina. Þá
er álver í Helguvík vænlegur kostur
með fjölda vel launaðra og fjölbreyttra
starfa. Þar verðum við að fá ríkisvaldið
til að leggjast fastar á árar með okkur.
Verjum velferðina
Þrátt fyrir aðhald í rekstri þurfum við
að verja grunnþjónustu við íbúana.
Við eigum að veita börnum okkar góða
menntun. Við eigum að styðja dyggi-
lega við bakið á hverskonar forvarnar-
starfi eins og íþróttum. Veita eldri borg-
urum aðgang að þjónustu í samræmi
við þarfir hvers og eins. En við þurfum
einnig að koma sem flestum til sjálfs-
bjargar.
Við, fulltrúar Á-lista Frjáls afls, munum
leggja okkur öll fram um að ná fram
verulegum umbótum fyrir bæjarbúa
og gera bæjarlífið þannig að öllum geti
liðið vel.
Taktu því á með okkur og merktu X við
Á-listann 31. maí.
Gunnar Þórarinsson
Kr
ist
inn
Ha
lld
ór
a
Ha
lld
ór
Bja
rn
ey
Gu
ðm
un
du
r
Ko
lbr
ún
Framsókn í Reykjanesbæ
framsokn.com
Betri bæjarstjórn skilar meiri árangri
■■ Eysteinn Eyjólfsson skrifar:
■■ Gunnar Þórarinsson skrifar:
Svona byggjum við
betri Reykjanesbæ!
XS – Breytum bænum saman
Átak við hreinsun smábátahafnarinnar í Gróf í Keflavík
hefur staðið yfir í sjö mánuði, þegar loks kom að því að Land-
vernd, sem sér um fánaveitinguna, var reiðubúið að afhenda
Bláfánamerkið til merkis um hreinleika hafnarinnar. Sum-
arið 2013 var gengið frá frárennslislögnum sem legið höfðu
í höfnina og útilokaði að öll óhreinindi bærust þangað tengd
frárennslislögnum. Gengið hafði verið frá öðrum þáttum
sem tilheyra veitingu bláfánans sem snúa að öryggi og um-
hverfi fyrir notendur smábátahafnarinnar, eins og ílát fyrir
hættuleg efni, úrgangsolíur, slökkvibúnað við olíudælu o.fl.
Dagsetningin var tilkynnt í fjölmiðlum og til stóð að fagna
þessum umhverfisáfanga með lítilli samkomu, þar sem
öllum bæjarbúum ásamt stjórnendum bæjarins og hafnar-
innar var boðið til athafnarinnar auk fulltrúa Bláa hersins,
Tómasi Knútssyni.
Íbúi í nágrenni hafnarinnar, Styrmir Barkarson, reynist hafa
hringt inn til Landverndar degi fyrir auglýsta athöfn, þar
sem viðurkenningin skyldi afhent, og tilkynnti um saur í
höfninni. Landvernd varð að bregðast við með því að hafna
afhendingu Bláfánans og fresta afhendingu þar til niðurstaða
úr sjávarsýnatöku lægi fyrir. Enginn annar virðist hafa orðið
var við þessi óhreinindi. Sýnatakan hefur nú leitt í ljós að
höfnin sé tær og hrein nánast án saurgerla og langt innan
allra eðlilegra marka.
Þetta er ekkert ólíkt því að tilkynna sprengju í flugstöðinni,
sem reynist vera uppspuni. Við slíkum tilkynningum þarf
þó alltaf að bregðast. Umhverfissamtök er hyggjast veita
viðurkenningu verða því að bregðast alvarlega við tilkynn-
ingum af því tagi er barst frá Styrmi eins og Landvernd gerði
í þessu tilviki. Hins vegar er það alvarlegt mál að misnota
umhverfissamtök á þennan hátt, þótt viðkomandi hafi horn
í síðu núverandi stjórnar Reykjanesbæjar.
Bláfáninn er eftirsóknarverð viðurkenning, sem staðfestir
hreinleika og öryggi smábátahafna. Mikilvægast er þó að við
íbúar Reykjanesbæjar eigum snyrtilega og góða smábátahöfn
eins og Grófin er í dag. Óska öllum til hamingju með þennan
áfanga sem Bláfáninn er.
Pétur Jóhannsson,
hafnarstjóri Reykjaneshafnar.
■■ Pétur Jóhannsson, hafnarstjóri Reykjaneshafnar, skrifar:
Fölsk viðvörun
– Er verið að gera lítið úr bænum?