Víkurfréttir - 28.05.2014, Blaðsíða 31
VÍKURFRÉTTIR • miðvikudagurinn 28. maí 2014 31
-íþróttir pósturu eythor@vf.is
Sveitarstjórnarkosningar
laugardaginn 31. maí 2014
Kjörstjórn Sandgerðisbæjar
Kosið er í Grunnskólanum í Sandgerði.
Kjósendur eru minntir á að hafa með sér persónuskilríki.
Kjörstaður opnar kl. 9 og lokar kl. 22.
Kjósendur eru hvattir til að koma snemma á kjörstað til að forðast biðraðir.
Á kjördag mun kjörstjórn hafa aðsetur
í Grunnskólanum í Sandgerði.
Sími kjörstjórnar er 899 6317.
Undrabarn í
golfíþróttinni
úr Reykjanesbæ
Tíu ára golfstelpa, Kinga Korpak, úr Golfklúbbi Suðurnesja sigraði á stigamóti á Íslandsbankamótaröðinni í golfi sem fram fór á
Garðavelli á Akranesi um síðustu helgi. Það sem er athyglisvert við
sigur GS telpunnar er aldur hennar en Kinga er aðeins 10 ára gömul.
Hún lék í flokki 14 ára og yngri telpna og var lang yngst í flokknum.
Kinga lék á 179 höggum 36 holurnar við erfiðar aðstæður en sú sem varð
í 2. sæti er systir hennar, Zuzanna Korpak, einnig úr GS. Hún var á 196
höggum. Þær systur eru pólskar og hafa æft íþróttina í nokkur ár í Leir-
unni en Zuzanna tók sér þó frí um tíma en byrjaði aftur. Kinga er gríðar-
lega efnileg og lék í fyrsta skipti á þessari bestu mótaröð unglinga hér á
landi á síðasta ári, þá aðeins 9 ára.
Grindvíkingar
ætla sér sæti
í úrvalsdeild
Milan Stefan Jankovic þjálfari Grindvíkinga í 1. deild karla í
knattspyrnu er bjartsýnn að eðilsfari.
Hann segir að Grindvíkingar stefni
hraðbyri að því að næla sér í sæti í
Pepsi-deildinni, en þeir voru grátlega
nærri því í fyrra. Deildin er farin af
stað og hafa Grindvíkingar leikið tvo
leiki þar sem unnist hefur einn sigur
og tapast einn leikur. Margir upp-
aldir Grindvíkingar leika lykilhlut-
verk hjá liðinu og virðist stemningin
eftir því.
„Við erum ánægðir með stemninguna
í hópnum. Við erum mjög bjartsýnir
og það er gaman í klefanum sem og
á æfingum,“ segir þjálfarinn léttur í
bragði. Grindvíkingar náðu að halda
flestum sínum sterkustu leikmönnum
þrátt fyrir að ýmis félög í úrvalsdeild
hafi sjálfsagt viljað njóta þjónustu
þeirra. Jósef Kristinn Jósefsson er
kominn á fullt skrið eftir að hafa glímt
við meiðsli í fyrra, markvörðurinn
Óskar Pétursson er áfram hjá liðinu
og sömuleiðis hinn efnilegi Daníel
Leó Grétarsson. „Hann lék vel í fyrra
og mun fá að sanna sig betur í sumar.
Hann er fastamaður hjá okkur og einn-
ig í U19 landsliði Íslands,“ en Daníel
hefur verið valinn í liðið sem leikur í
milliriðli í Evrópukeppni um mánaða-
mótin. „Strákurinn á skilið að spila
með landsliðinu. Það er númer eitt að
hann fái að spila þessa leiki sem fulltrúi
Grindavíkur. Að mínu mati gengur
landsliðið fyrir enda mikill heiður að
spila fyrir sína þjóð,“ segir þjálfarinn
sem jafnan er kallaður Janko.
Missir í einum besta
leikmanni landsins
Því miður virðist sem Grindvíkingar
njóti ekki krafta hins öfluga leik-
manns, Alexanders Magnússonar, en
hann hefur átt við þrálát meiðsli að
stríða undanfarin tvö ár. „Hann hefur
verið að koma á æfingu stöku sinnum
en þetta er virkilega leiðinlegt með
meiðsli hans. Vonandi getur hann
spilað í sumar en þetta verður erfitt.
Þarna erum við að tala um einn besta
leikmann á Íslandi, ekki bara hjá okkur.
Hann er líka frábær karakter og því er
þetta mikill missir.“
Í fyrra voru Grindvíkingar ansi ná-
lægt því að vinna sér sæti í úrvalsdeild.
Liðið var lengst af á toppi deildarinnar
og aðeins munaði markatölu að liðið
færi upp um deild. Janko segir að
markmiðið í ár sé svo sannarlega að
vinna sér sæti í deild þeirra bestu. „Við
erum með mannskap til þess að berjast
á toppnum. Ég tel að það séu sex lið
sem muni vera í baráttunni enda er
þetta jöfn deild. Allir geta unnið alla
og hver einasti leikur er nánast eins og
úrslitaleikur.
Næsti leikur Grindvíkinga er gegn
Víkingum R. í bikarkeppninni. „Vík-
ingar unnu okkur tvisvar í fyrra í 1.
deildinni. Þetta verður hörkuleikur en
við ætlum að koma okkur eins langt og
hægt er í bikarnum,“ segir þjálfarinn
en leikurinn fer fram í kvöld (miðviku-
dag) í Reykjavík.