Víkurfréttir - 05.06.2014, Qupperneq 6
fimmtudagurinn 5. júní 2014 • VÍKURFRÉTTIR6
Sveitarstjórnarkosningarnar sl. laugardag eru sögulegar í Reykja-
nesbæ. Sjálfstæðisflokkurinn tapaði meirihluta sínum í bænum
eftir tólf ára stjórnarsetu í hreinum meirihluta og þar áður meiri-
hlutasamstarf í samstarfi við Framsóknarflokk. Það liggur nú
fyrir að þrjú framboð munu myndameirihluta í Reykjanesbæ.
Bein leið, Frjálst afl og Samfylking og óháðir ætla að mynda nýjan
meirihluta. Þessi framboð fengu öll tvo menn hvert í kosning-
unum. Sjálfstæðislfokkurinn fékk fjóra menn og Framsókn einn.
Píratar náðu ekki inn manni.
Garðurinn er blár í gegn. Þar fengu Sjálfstæðismenn og óháðir
fimm bæjarfulltrúa en N-listinn náði tveimur fulltrúum. Nýtt
kvennaframboð í Garðinum var aðeins fimm kjósendum frá því
að koma inn einum manni á kostnað þess fimmta hjá sjálfstæðis-
mönnum. Síðasta kjörtímabil í Garði var fjörugt enda klofnaði
meirihlutinn, bæjarstjóra sagt upp og svo klofnaði nýr meiri-
hluti þannig að upprunalegi meirihlutinn komst aftur til valda.
Ástandið er sagt mun tryggara í Garði eftir kosningar síðustu
helgar.
Það var stór helgi í Grindavík. Á sama tíma og heimamenn héldu
sjómannahátíðina Sjóarann síkáta var stormað á kjörstað og þar,
eins og í Garði, náði Sjálfstæðislfokkurinn góðum árangri. Bæjar-
fulltrúar flokksins eru nú þrír en var einn áður. Þrátt fyrir þennan
stóra sigur þá héldu flokkarnir sem mynduðu meirihlutasamstarf
á síðasta kjörtímabili velli. Þrátt fyrir það þá ræðir Listi Grind-
víkinga nú við Sjálfstæðislfokkinn um myndun meirihluta með
Róbert Ragnarsson áfram í hlutverki bæjarstjóra.
Í Sandgerði misstu Samfylking og óháðir meirihlutann. Voru með
fjóra menn en fengu þrjá. Samfylkingarfólk er nú í viðræðum við
Sjálfstæðisflokk um meirihlutasamstarf. Ekkert hefur verið gefið
út um það hvort Sigrún Árnadóttir verði áfram bæjarstjóri eða
hvort hún sækist eftir embættinu.
Í Vogum er kominn hreinn meirihluti E-lista Strandar og Voga en
ástandið í pólitíkinni í Vogum var brothætt á síðasta kjörtímabili.
Landslagið í kosningabaráttu er breytt. Gömlu kosningablöðin
heyra nú sögunni til að mestu en þess í stað er baráttan rekin í
gegnum samfélagsmiðla. Fjölmargir nýttu sér einnig Víkurfréttir
og vf.is í kosningabaráttunni, enda miðlarnir með mikla dreifingu
á Suðurnesjum. Tekist er á um menn og málefni. Vonandi komust
allir frá kosningabaráttunni ómeiddir og tilbúnir í að takast á við
nýtt kjörtímabil.
Yfir í allt annað: Að endingu er ástæða til að hverja fólk til að
heimsækja Bryggjuhúsið í Duushúsum í Reykjanesbæ. Húsið er
sannkallað listaverk eftir að hafa verið endurgert frá grunni. Þar
er einnig áhugaverð sýning sem við á Víkurfréttum gerum m.a.
ítarleg skil í Sjónvarpi Víkurfrétta á ÍNN í kvöld kl. 21:30 og einnig
á vef Víkurfrétta, vf.is.
Sögulegar
kosningar
-ritstjórnarbréf
Hilmar Bragi Bárðarson skrifar
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Jóhann Páll Kristbjörnsson, johann@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
SÍMI 421 0000
Sagan verður undirtónninn
Á dögunum opnaði Byggðasafn Suðurnesja glæsilegt Bryggjuhús í Duushúsum í Reykjanesbæ. Á efri hæð og í risi hússins mun fara
fram sýning næstu 10 árin. Sagnfræðingurinn og safnafræðingurinn
Sigrún Ásta Jónsdóttir er safnstjóri Byggðasafnsins.
Grunnsýning með áherslu-
breytingum
„Ákveðið var að miða sýninguna
við tíu ár til að setja eitthvað mark.
Þar sem við vorum áður miðuðum
við alltaf við tvö til þrjú ár fyrir
hverja sýningu. Meiningin er þess
vegna að nýja sýningin muni vara
lengi,“ segir Sigrún Ásta. Sýningin
verði söm í grunninn en með ein-
hverjum smávægilegum áherslu-
breytingum því nægt rými verður
til þess að bæta við. „Byggðasafnið
er staðurinn þar sem við gerum
ráð fyrir að vera með allar okkar
grunnsýningar og þá reynum við
að segja sögu svæðisins vítt og
breitt. Við hugsum þetta þannig að
hægt verði að ganga að sýningunni
sem slíkri. Hér er gott pláss á milli
svæða og hluta og fínt t.d. fyrir
hópa að koma eða einhverja sem
vilja vera út af fyrir sig.“
Átti að vera tímabilaskipt
eins og Rokksafnið
Fyrsta hugmyndin hafi verið að
hafa sýninguna með tímabilaskipt-
ingu eins og á Rokksafninu. „Hús-
næðið kallar meira á að það sé ekki
verið að hólfa of mikið niður en
láta frekar flæða. Sagan slík verði
undirtónninn. Sýningin vex inn í
húsið og húsið á að njóta sín líka í
sínum hráleika,“ segir Sigrún Ásta.
Eldra fólk í meirihluta gefenda
Á sýningunni verður sérstök fjöl
með hlutum sem lögð verður
áhersla á hverju sinni. Sigrún Ásta
segir safnið eiga mikið af munum
sem erfitt hafi verið að velja úr.
„Starfsmenn Byggðasafnsins, sýn-
ingahönnuðir velja ásamt mér hluti
og áherslur í safnið. Alltaf er eitt-
hvað um að fólk gefi hluti og sumir
vilja skoða hluti sem voru gefnir
fyrir löngu síðan.“ Mest sé um að
ræða fólk sem sé komið á efri ár
og líka yngra fólk sem komi með
hluti úr dánarbúum eða hafi fundið
hluti þegar það flutti í gamalt hús-
næði. „Eldra fólk gefur úr eigin
búi sem það vill að komist á góðan
stað til varðveislu. Svo koma ein-
hverjir með myndir úr starfsemi,
ferðum og öðru sem endurspeglar
mannlífið. Myndir eru merkilegar
heimildir og við höfum vakið at-
hygli á þeim á Facebooksíðu safns-
ins,“ segir Sigrún Ásta, sem segist
sannarlega vera í draumastarfinu.
„Ég hef unnið á söfnum í 22 ár, þar
af hér í 13 ár.“
Fyrsta
hugmyndin
hafi verið
að hafa
sýninguna
með tíma-
bilaskiptingu
eins og á
Rokksafninu
-viðtal pósturu vf@vf.is
■■ Gott pláss og hópar sérstaklega velkomnir:
Úðum gegn:
Lir fum og lús í trjám,
roðamaur, kóngulóm, illgresi í grasflötum og fl.
Fullgild réttindi og mikil reynsla!
co/ Björn Víkingur og Elín
Garðaúðun Suðurnesja ehf.
822-3577 · 699-5571 · 421-5571
netfang: bvikingur@visir.is
GARÐAÚÐUN