Víkurfréttir - 12.06.2014, Blaðsíða 14

fimmtudagurinn 12. júní 2014 • VÍKURFRÉTTIR14
Í tilefni þess að 150 ár verða
liðin frá fæð-
ingu Þorsteins
Þorsteinssonar
k au pm a n n s í
Keflavík, verður
h a l d i ð s t u t t
erindi um lífs-
hlaup hans og þau áhrif sem
hann hafði á breytingar í Kefla-
vík í byrjun þar síðustu aldar
á þeim tíma sem þyrpingin
í kringum verslun HP Duus
breyttist í þorp. Erindið verður
haldið í Bíósal Duushúsa í Kefla-
vík fimmtudaginn 12. júní og
hefst það kl. 20:00.
Þorsteinn flutti ógiftur og barn-
laus úr Meðallandinu til Eyrar-
bakka í lok 19. aldar, þaðan sem
hann fór suður með sjó og flutti
m e ð f j ö g u r r a
m a n n a f j ö l -
skyldu til Kefla-
víkur í byrjun
20. aldarinnar.
Þ ors te i n n v ar
síðan virkur þátt-
takandi í þróun
og uppbyggingu
Keflavíkur sem þorps, sem síðar
varð að hrepp. Þorsteinn var m.a.
fyrsti oddviti Keflavíkurhrepps,
sat í sóknarnefnd Keflavíkur-
prestakalls við stofnun þess, var
til langs tíma endurskoðandi og
stjórnarmaður í Sparisjóðnum,
stofnaði Lestrarfélag Keflavíkur
auk þess að stuðla að fjölda ann-
arra framfaramála fyrir Kefla-
víkurhrepp. Þegar betur er að gáð
leynist ýmislegt áhugavert í lífs-
hlaupi hans og afkomenda hans
sem hefur haft áhrif á líf okkar
Keflvíkinga og landsmanna allra.
Þessi saga á erindi við alla sem
hafa áhuga á að kynnast eigin
uppruna og dæmigerðri sögu Ís-
lendings sem hefur með dugnaði
og framtakssemi, brotist úr viðj-
um bændasamfélagsins og undir-
búið þannig jarðveginn fyrir þau
lífsgæði sem við njótum í dag.
Ef veður leyfir verður gestum
boðið í stutta gönguferð að gamla
skólahúsinu í Keflavík, þaðan
sem haldið verður að Hafnar-
götu 18 (Þorsteinsbúð), síðan í
Keflavíkurkirkju og þaðan upp í
kirkjugarð þar sem við leggjum
blómsveig við leiði Þorsteins og
Margrétar Jónsdóttur, eiginkonu
hans.
Kæru Suðurnesjakonur!
Lykillinn að vellíðan er að hugsa á heil-
brigðan hátt um sjálfan sig og aðra.
Heilsa er allt í senn andleg, líkamleg
og félagsleg. Konur eru því hvattar til
að fagna því að þær eru eins ólíkar og
þær eru margar og njóta þess fjölþætta
ávinnings sem fylgir heilbrigðum lífs-
háttum svo sem jákvæðu hugarfari, daglegri hreyfingu
og hollum matarvenjum.
Mikil ánægja og þátttaka hefur verið í Kvennahlaupinu á
undanförnum árum.
Í Kvennahlaupinu eiga mæðgur, systur, mömmur,
ömmur, frænkur og vinkonur á öllum aldri notalega
stund saman. Hver og ein tekur þátt á sinn hátt og á
sínum hraða, margar labba, aðrar skokka, sumar skokka
og labba til skiptis og svo hlaupa líka einhverjar allan
tímann.
Hlaupið verður frá ýmsum stöðum á Suðurnesjum og í
Reykjanesbæ verður hlaupið frá Húsinu okkar (K-hús-
inu við fótboltavöllinn) og er valið um 3 vegalengdir;
2, 4 eða 7 km. Vegalengdin sem hver og ein kona velur
er ekki aðalmálið heldur að vera með og hafa gaman af.
Gaman væri að sem flestar konur verði með og ef þú
sérð þér ekki fært um að labba, skokka eða hlaupa, þá
væri FRÁBÆRT ef að þú myndir fara út í dyr heima hjá
þér og HVETJA HRAUSTU KONURNAR þegar þær
hlaupa framhjá og jafnvel að hafa hressa tónlist í gangi.
Þær sem verða út úr bænum þennan dag, geta hlaupið
hvar sem er á landinu eða erlendis. Aðalmálið er að
hreyfa sig og vera með.
Best er að skrá sig á fimmtudag og föstudag. Skráning
fyrir Reykjanesbæ fer fram kl. 17-19 í Húsinu okkar,
Hringbraut 108. Þátttökugjald er 1500 kr. fyrir eldri
en 12 ára og 1000 kr. fyrir 12 ára og yngri. Innifalið í
verðinu er flottur bleikur bolur, verðlaunapeningur,
Egils Kristal og frítt er í sund á eftir í Vatnaveröld.
Á laugardaginn kl. 10.30 geta þær skráð sig sem ekki
komast í forskráninguna.
Koma svo stelpur, náum núna að slá met í Reykjanesbæ
og fá 600 stelpur til að vera með. Ekki bíða eftir rétta
veðrinu til að hreyfa þig. Við búum á Íslandi. Rétta
veðrið kemur nokkrum sinnum á dag.
Hlakka til að sjá sem flestar konur í hlaupinu á laugar-
daginn kl. 11.

Með hlaupakveðju,
Guðbjörg Jónsdóttir,
Verkefnisstjóri SJÓVÁ Kvenna-
hlaups ÍSÍ í Reykjanesbæ 2014
Nýlega skilaði Íþróttabandalag Reykjanesbæjar (ÍRB) af sér fyrsta
áfanga skýrslu sem ber yfirskriftina
„Umfang íþróttastarfsemi í Reykja-
nesbæ, staðan nú og þróun síðustu 10
ár.
Þessi fyrsti áfangi skýrslunnar er birtur
á vefformi og dregur fram margvísleg
svör um starfsemi íþróttafélaga innan Íþróttabandalags
Reykjanesbæjar, og varpar ljósi á hverjir stunda íþrótta-
starfið hjá þessum íþróttafélögum. Skýrslan er aðgengileg
frá heimasíðu ÍRB, www.irb.is. Með því að smella á kassa/
flokka undir súluritum og línuritum í skýrslunni, er í
flestum tilvikum hægt að draga betur fram ákveðin gögn,
s.s. félög, aldurshópa, tekjur o.þ.h.
Töluverð áhersla er lögð á að skoða íþróttaþátttöku barna
og unglinga, en auk þess var íþróttaþátttaka skoðuð út frá
skólahverfum og hve stór hluti iðkenda koma frá öðrum
bæjarfélögum.
Hægt er að skoða þróun fjármála hjá íþróttafélögum, auk
þess sem auðvelt er að skoða hvernig fjöldi iðkenda hefur
þróast hjá íþróttfélögum.
Við vinnslu skýrslunnar var m.a. notast við gögn;
• úr starfsskýrslum sem félög hafa skilað inn til ÍSÍ sl. 10
ár, sem inniheldur upplýsingar um iðkendur og fjárhag
íþróttafélaga og deilda
• úr gagnasafni og heimasíðu ÍRB, um fjölda Íslands-
meistara, íþróttamenn Reykjanesbæjar, fjölda íþrótta-
félaga, tekjur frá Íslenskri getspá og iðkendatal til grund-
vallar úthlutunar þjálfarastyrkja ár hvert.
• frá Hagstofu Íslands um fjölda barna og unglinga í
Reykjanesbæ sl. 10 ár og kynjaskiptingu í árgöngum
• frá Reykjanesbæ um fjölda barna og unglinga í hverju
skólahverfi 2012 og skiptingu Reykjanesbæjar niður í
skólahverfi
• frá Reykjanesbæ um styrki til íþróttahreyfingarinnar
• úr ársskýrslum og reikningum félaga (m.a. notuð til
að áreiðanleikakönnunar á upplýsingum í starfsskýrslum)
• úr tölfræðisafni ÍSÍ sem gefið er út árlega og sýnir tölur
um starfsemi íþróttahreyfingarinnar á Íslandi.
Jóhann B. Magnússon
áhugamaður um íþróttastarf í Reykjanesbæ
Sem þjálfari þá nota ég mikið af
mínum tíma til að
skipuleggja æfingar
og mót . Ég hef
einnig starfað sem
grunn- og fram-
haldsskólakennari
og þar fá kennarar borgaðan tíma
sem þeir eiga m.a. að nota til að
undirbúa kennslustundir, próf og
annað slíkt. Þetta er gífurlega mikil-
vægur þáttur í því að ná árangri
og gefa iðkendum og nemendum
verkefni við hæfi. Skipulögð áætlun
kortleggur leiðina að markmiðinu
og er þar af leiðandi leiðarvísir fyrir
það ferðalag sem er fyrir höndum.
Gerðar hafa verið rannsóknir á
þjálfurum og kennurum og meðal
þess sem kemur fram er að skipu-
lagðir kennarar ná árangri mun
fyrr. Ef kennsluáætlun liggur fyrir,
hvað skal kennt hvenær og undir-
búningur í samræmi við það eru
mun meiri líkur að iðkendur geti
komist yfir það efni sem liggur fyrir
og byggt svo ofan á það á rökréttan
máta ef við gefum okkur það að
áætlunin sé vel uppbyggð. Það eru
svo margar leiðir hvernig þjálfarar/
kennarar geta hagað sínu skipulagi.
Rannsóknir hafa einnig sýnt að það
er gífurlega mikill munur á milli
einstaklinga hvernig þeir haga sínu
skipulagi en geta samt náð góðum
árangri. Helstu grunnreglur um
skipulag fyrir þjálfun eru þó:
Markmiðatengt
Skipulagið er til að brjóta niður hvað
þarf til að ná þeim árangri sem liðið
eða íþróttamaðurinn sækist eftir.
Sérhæft
Algeng mistök sem þjálfarar gera er
að eyða tíma sínum í eitthvað sem
hugsanlega er ekki að hjálpa íþrótta-
manninum að ná markmiðinu sínu,
oft vegna skorts á reynslu, kunnáttu
eða gagnrýninni hugsun.
Álagsstjórnun
Til að bæta árangur umfram nú-
verandi getu þarf álagið að aukast á
réttum tímum. Álagsaukningin er
mikilvæg til að aðlögun geti átt sér
stað en þarf að vera gerð á réttan hátt,
annars er hætta á meiðslum og minni
afköstum.
Einstaklingsmunur
Hver og einn bregst mismunandi við
álagi þrátt fyrir að allir bregðist eitt-
hvað við. Skipulagið þarf að gera ráð
fyrir því að hægt sé að aðlaga æfingar
og álag fyrir viðkomandi einstaklinga
vegna getu, aldurs, kyns, meiðslum
eða öðrum þáttum.
Fjölbreytni
Einhæft álag mun bæði auka líkur
á meiðslum og skapa tregðuástand
í líkamanum þar sem iðkandinn
hættir að bæta sig vegna skorts á
álagsbreytingum. Einnig er fjöl-
breytnin mikilvæg til að halda áhuga
hjá iðkandanum.
Hvíld og endurheimt
Í hvíldinni gerist öll aðlögun íþrótta-
mannsins. Ef hvíldin er rétt skipulögð
með álagspunktunum eru mestar
líkur á bætingu og minni líkur á
meiðslum.
Skráning
Skipulagið þarf að vera skrifað niður,
eða skráð á einhvern hátt. Þannig
getur þjálfarinn lært af skipulaginu,
aðlagað það, sýnt iðkendum eða
öðrum þjálfurum o.s.frv.
Sveigjanlegt og breytilegt
Ekkert skipulag verður 100% rétt m.v.
það sem var gert í byrjun. Skipulagið
þarf að geta breyst hvar og hvenær
sem er. Stundum þarf þjálfari að
bregða algjörlega frá skipulaginu án
nokkurs fyrirvara og það þarf að gera
ráð fyrir því og aðlaga skipulagið sem
samsvarar því.
Tímatakmarkanir
Skipulagið er til að ná einhverjum
ákveðnum árangri á einhverjum
ákveðnum tíma. Það þarf að vera
skýrt til að hámarka árangurinn. Al-
gengt er að gera ársskipulag, mánaða-
skipulag, vikuskipulag og svo skipu-
lag fyrir hverja æfingu fyrir sig.
Endurmat og aðlögun
Eftir viðkomandi skipulag þarf að
endurmeta hvernig gekk að fram-
fylgja því. Náðu iðkendur fullnægj-
andi árangri eða þarf að aðlaga skipu-
lagið?
Langtíma og
skammtímaárangur
Skipulagið er til að ná langtíma
árangri t.d. að vinna ákveðið mót,
komast í landslið eða ná svörtu
belti. Til þess að það sé mögulegt
þarf að brjóta það niður og skipu-
leggja hvernig hægt er að ná smærri
áföngum og vinna markvisst að því.
Skipulagið þarf að segja hvert næsta
skref er m.v. núverandi ástand.
Ég hef þjálfað bardagaíþróttir í um 13
ár. Eftir að hafa lært aðferðir við að
skipuleggja æfingar og undirbúa iðk-
endur betur hafa mínir iðkendur náð
miklu meiri árangri. Ég trúi því að í
dag sé enginn bardagaíþróttaþjálfari
á landinu sem leggi jafn mikið upp úr
skipulagningu eins og ég. Ég sé þetta
þannig að það er hluti af mínu starfi
sem þjálfari að mæta undirbúinn til
að þjálfa og á mót, annars ætti fólk
ekki að borga mér fyrir að þjálfa sig,
þetta er mín ábyrgð. Ég þekki þó allt
of marga þjálfara sem telja sig vera
yfir það hafna að undirbúa sig, eða
hreinlega nenna því ekki. Það viðhorf
er lítilsvirðing á orku iðkenda þeirra
og eru „skipulögð mistök“ ef orða-
tiltækið hér að ofan er lauslega þýtt.
Ég lærði íþróttafræði í Háskólanum
í Reykjavík og lærði þar grunninn
í skipulagningu fyrir íþróttir sem
hefur nýst mér vel. Það ásamt því að
eiga ótal samræður við þjálfara úr
öðrum greinum, lestur á bókum og
greinum, fyrirlestrum, námskeiðum,
reynsla af skipulagningu fyrir fólk á
öllum aldri og getustigum og hjálp frá
góðum vinum hefur kennt mér fullt
af hlutum sem ég tel virka vel í minni
skipulagningu. Einn mikilvægasti
þátturinn að mínu mati er endur-
mat áætlana, því ef það er gert vel þá
mun þjálfarinn læra af öllu ferlinu og
geta gert það betur næst. Mitt ráð til
þjálfara er að byrja strax að æfa sig
í markmiðatengdri áætlanagerð og
sjá hvort það muni ekki skila betri
árangri til lengri tíma.
Helgi Rafn Guðmundsson
Yfirþjálfari taekwondo-
deildar Keflavíkur
Íþróttafræðingur
-póstkassinn pósturu vf@vf.is
Skipulögð mistök
„If you fail to plan you are planning to fail“
HELGI RAFN GUÐMUNDSSON SKRIFAR
KONUR ERU KONUM BESTAR!

25. SJÓVÁ KVENNAHLAUP ÍSÍ Á LAUGARDAGINN KL. 11 Í REYKJANESBÆ
Umfang íþróttastarfsemi í Reykjanesbæ
– staðan nú og þróun síðasta áratuginn
JÓHANN B. MAGNÚSSON SKRIFAR
Erindi í Bíósal Duushúsa um
fyrsta oddvita Keflavíkurhrepps
Í KVÖLD KL. 21:30 Á ÍNN
SJÓNVARP VÍKURFRÉTTA