Víkurfréttir - 12.06.2014, Blaðsíða 18
fimmtudagurinn 12. júní 2014 • VÍKURFRÉTTIR18
Aðalskoðunar rallý Aksturs-íþróttafélags Suðurnesja lauk
um helgina eftir æsispennandi
keppni. Suðurnesjamennirnir og
núverandi Íslandsmeistarar, þeir
Henning Ólafsson og Árni Gunn-
laugsson, höfnuðu í þriðja sæti í
keppninni að þessu sinni. Annað
Suðurnesjatvíeyki, þeir Sigurður
Arnar Pálsson og Brynjar Guð-
mundsson höfnuðu í 7. sæti. Bæði
þessi lið aka á Subaru Impreza.
Farið var víða um Suðurnesin í
keppninni en ökumenn fóru af stað
um Nikkelsvæðið en svo var ekin að
venju hin sívinsæla leið um höfnina
í Keflavík en þar voru fjölmargir
áhorfendur mættir til þess að fylgj-
ast með. Meðal annarra ökuleiða
á Suðurnesjum sem var farið um
helgina voru Djúpavatn, Stapafell,
Helguvík og Stapi. Þess má geta að
Sjónvarp Víkurfrétta var á staðnum
og mun sýna frá keppninni í þætti
sínum á ÍNN í kvöld, fimmtudag
klukkan 21:30. Víkurfréttir tóku
þá Árna og Henning tali og spurði
þá út í stöðu akstursíþrótta á
Suðurnesjum. Gróskan virðist vera
með miklum ágætum í bílasporti
á Suðurnesjum og hafa ökuþórar
héðan verið nokkuð sigursælir
undanfarin ár.
Akstursíþróttafélag Suðurnesja
(AÍFS) er hagsmunafélag um hvers
kyns akstursíþróttir en félagið var
stofnað árið 1982 og hefur staðið
fyrir ótal rallýkeppnum, torfæru-
keppnum, rallýkrossi og gókart-
keppnum síðan þá.
„Það hefur verið ágætis gróska í akst-
ursíþróttum á Suðurnesjum, en hún
mætti vera meiri. Svæðið er ekki al-
veg til staðar hérna en við þurfum að
sækja nokkuð til Hafnarfjarðar. Það
er eitthvað sem við erum að vinna í
og þurfum að bæta. Það er verið að
malbika dálítið mikið. Ein af okkar
helstu leiðum er við Djúpavatn en
að okkar mati vantar meira af malar-
vegum,“ segir Árni sem er aðstoða-
rökumaður liðsins sem þeir félagar
nefna team Pumba. „Undir okkar
merkjum er keppt í flestum greinum
en félagið er öflugt á landsvísu með
yfir 140 meðlimi.“ Nýlega var fjárfest
í nýju húsnæði og segir Henning að
félagið sé á mikilli uppleið. Félagið
keppir m.a. í: Rallýkross, rallý, tor-
færu, kvartmílu og gókart.
Eru Suðurnesjamenn góðir í þessum
aksturs–íþróttum?
„Við teljum okkur vera það. Við erum
ríkjandi meistarar og ætlum okkur
að reyna að verja titilinn,“ segir öku-
maðurinn Henning. Í fyrstu keppni
sumarsins féllu þeir félagar úr keppni
vegna lítillar hosu sem gaf sig. „Við
vonum bara að fall sé fararheill en við
ætlum okkur að berjast um titilinn,“
bætir Árni við. Rallið sem fór fram
um helgina á Suðurnesjum var annað
mót af fimm sem fara fram í sumar,
þar af er eitt alþjóðlegt þriggja daga
rallý sem fram fer í ágúst.
Hvernig undirbúa menn sig fyrir
svona keppni?
„Við förum vandlega yfir allan bílinn.
Þrátt fyrir að einungis séu keyrðir um
100 km í svona keppni þá er skipt um
stýrisenda og spindilkúlur á meðan
á keppni stendur. Þú endurnýjar
þessa slitfleti þar sem þeir verða fyrir
miklu álagi,“ segir Henning. Áður
en keppni hefst eru leiðirnar farnar
og gerðar sérstakar leiðarnótur. Þær
nótur eru yfirfarnar í tví- eða þrí-
gang en þar kemur sterkt inn hlut-
verk aðstoðarökumannsins. Mikið
umstang er í kringum einn keppnis-
bíl en sérstakur þjónustubíll fylgir
þeim Henning og Árna, þar sem 2-4
aðstoðarmenn eru til staðar og sjá
um að allt sé í lagi. Á einu sumri má
gera ráð fyrir því að 300.000 krónum
sé varið í hjólbarða og í einni keppni
geta auðveldlega farið 100 lítrar af
bensíni. Þá hafa þeir Henning og
Árni með sér fullan sendibíl af vara-
hlutum. Fjárhagslega er því erfitt að
halda úti rallýbíl. „Það fer óneitan-
lega mikill peningur í þetta. Það
koma nokkur góð fyrirtæki að þessu
með okkur sem létta okkur róðurinn
talsvert,“ segir Árni en menn verða
sjálfir að leggja töluvert út.
Hafnarleiðin einstök á Íslandi
Þegar ekið var með Keflavíkurhöfn
á föstudag þá söfnuðust fjölmargir
áhorfendur á hafnarbakkann og
uppi við Aðalstöðina sálugu. „Þetta
er nánast einsdæmi í öll þessi ár að
það hafi fengist leyfi til þess að keyra
hérna á höfninni í miðju bæjarfélagi.
Það er mjög sérstakt og það er vinsælt
að horfa á þetta,“ segir Henning.
Bíll þeirra félaga er af gerðinni Sub-
aru Impreza árgerð 2001. Bíllinn er
ekki mikið ekinn en þó við erfiðustu
aðstæður sem reyna mikið á bílinn.
Upphaflega var bíllinn smíðaður af
fyrirtæki í Bretlandi en þeir Árni og
Henning hafa varið miklum tíma í
að breyta og aðlaga bílinn að þeirra
þörfum. Bíllinn er á bilinu 250-300
hestöfl en það fer eftir uppsetningu
á mótornum. „Vinnan við bílinn er
á okkar herðum en við erum með
stráka með okkur til aðstoðar. Þetta
er auðvitað áhugamannasport og það
hefst ekkert án góðarar samvinnu,“
segir ökumaðurinn Henning.
Þeir félagar hafa lært það af reynsl-
unni að það þarf að halda líkamanum
vel við, rétt eins og bílnum. „Við
lærðum það í fyrra að það þarf að
vera í formi. Við höfum verið að bæta
okkur í því í vetur, líka fyrir okkur
sjálfa. Við fórum að hreyfa okkur og
það skilar sér hiklaust,“ segir Árni.
Henning bætir því við að andlegi
þátturinn hafi einnig áhrif. „Það
blandast inn í þetta stress og álag auk
þess sem hitinn hérna í bílnum er lík-
lega um 30°C í keppnum.“
-sport pósturu vf@vf.is
TEAM PUMBA
Í BETRA FORMI
Lokahóf Nes fór fram í vikunni með pompi og prakt. Félagið
var sæmt verðlaunum sem fyrir-
myndarfélag ÍSÍ en fjölmargir gestir
létu sjá sig á á hófinu sem fram fór
í 88 húsinu við Hafnargötu. Boðið
var upp á pylsur og hamborgara af
grillinu og veitt voru verðlaun fyrir
afrek vetrarins. Sérstakt hattaþema
var á lokahófinu og ýmis skrautleg
höfuðföt litu þar dagsins ljós.
Afreksmaður Nes var kjörinn, en það
var að þessu sinni sundmaðurinn
Már Gunnarsson. Í umsögn um Má
segir að þar fari svakalegur keppnis-
maður sem ætli sér mjög langt í
sundi. Már er sjónskertur en hefur
samt náð stífum lágmörkum á Ald-
ursflokka meistaramóti Íslands (fyrir
ófatlaða) í ár. Már er með lágmörk í
íslenska landsiðið í sundi (fatlaðra)
og tók þátt í Norðurlandameistara-
mótinu í sundi haustið 2013 og fékk
þar tvenn verðlaun. Á alþjóðlegu
sundmóti í Svíþjóð rakaði hann inn
verðlaunum í sínum flokki og hefur
nú þegar sett tvö Íslandsmet í sundi.
Fjölmargar myndir frá loka-
hófinu má sjá á vef okkar vf.is.
Þrjú jafntefli í röð
hjá Keflvíkingum
Keflvíkingar eru í öðru sæti Pepsi-
deildarinnar eftir jafntefli gegn
Fram, 1-1, á Laugardalsvelli. Liðið
er með 12 stig eftir 7 leiki. Staðan
getur þó breyst en þrír leikir fóru
fram eftir að Víkurfréttir fóru í
prentun í gær. Keflvíkingar hafa nú
gert 1-1 jafntefli í síðustu þremur
leikjum sínum, en í þeim öllum
hafa strákarnir úr Bítlabænum
náð forystu. Næsti leikur liðsins er
gegn Stjörnunni sunnudaginn 15.
júní á Nettóvellinum.
Guðlaug og Ásdís
til Grindavíkur
Kvennalið Grindavíkur í Domino's
deildinni í körfubolta hefur þegar
gengið frá ráðningu á erlendum
leikmanni fyrir næsta vetur.
Einnig hafa tveir efnilegir Njarð-
víkingar gengið til liðs við þær
gulklæddu, en þær Guðlaug Björt
Júlíusdóttir og Ásdís Vala Freys-
dóttir komu frá Njarðvík. Erlendi
leikmaðurinn heitir Rachel Tecca
en hún er framherji frá Akron
University í Bandaríkjunum. Hún
var tímabilið 2013-2014 með 22,1
stig að meðaltali í leik. Karfan.is
greinir frá.
Slæm byrjun
Grindvíkinga
Grindvíkingar máttu sætta sig við
ósigur gegn liði KV þegar liðin
mættust í 1. deild karla í knatt-
spyrnu á gervigrasinu í Laugardal.
Leikurinn endaði 3-2 fyrir ný-
liðana úr Vesturbænum en staða
Grindvíkinga er ekki vænleg að
loknum fjórum umferðum, þar
sem liðið hefur aðeins náð í þrjú
stig. Scott Ramsay kom Grind-
víkingum yfir á 18. mínútu en
KV jafnaði skömmu fyrir lok fyrri
hálfleiks. Þrjú mörk litu svo dags-
ins ljós í upphafi seinni hálfleiks á
sjö mínútna kafla, fyrst skoruðu
KV-menn, svo jafnaði Juraj Gri-
zelj Grindvíkingum metin aftur
með marki úr vítaspyrnu. Þremur
mínútum síðar kom svo það sem
reyndist sigurmark KV.
Eftir leikinn eru Grindvíkingar
í 10. sæti deildarinnar með einn
sigur eftir fjórar umferðir. Liðið
var hársbreidd frá því að tryggja
sér sæti í úrvalsdeild í fyrra og
voru talsverðar væntingar gerðar
til liðsins í ár.
Enn tapa
Njarðvíkingar
- Stigalausir á botninum
Njarðvíkingar töpuðu sínum
fimmta leik í röð í 2. deild karla í
knattspyrnu. Að þessu sinni héldu
Njarðvíkingar til Dalvíkur þar
sem heimamenn í Dalvík/Reynir
höfðu 2-1 sigur. Heimamenn voru
fyrri til þess að skora en Njarð-
víkingar jöfnuðu metin skömmu
síðar. Staðan var 1-1 í hálfleik en
Njarðvíkingar höfðu verið mjög
aðgangsharðir upp við mark
heimamanna.
Sigurmark leiksins kom þegar
stundarfjórðungur var svo til leiks-
loka, en Njarðvíkingar náðu ekki
að jafna þrátt fyrir ítrekaðar til-
raunir.
- Vilja fleiri malarvegi og minna malbik
Már Gunnarsson afreksmaður Nes
- Hattafjör á lokahófi félagsins
Suðurnesjamennirnir og
núverandi Íslandsmeistarar,
þeir Henning Ólafsson og
Árni Gunnlaugsson, höfnuðu
í þriðja sæti í keppninni að
þessu sinni.
Yngri kylfingar Golfklúbbs Suðurnesja hafa farið mikinn á unglinga-mótaröðum Golfsambands Íslands og þá sérstaklega Íslandsbanka-
mótaröðinni sem er mótaröð bestu unglinga hér á landi.
Um síðustu helgi átti GS fjóra verðlaunahafa eða jafn marga og Golfklúbbur
Kópavogs og Garðabæjar sem er með margfalt fleiri keppendur. Aðrir stórir
golfklúbbar voru einnig með færri sigurvegara en GS.
Keppt er í þremur flokkum yngri kylfinga, 14 ára og yngri, 15-16 ára og
17-18 ára pilta og stúlkna.
Einn yngsti félagi í GS, hin tíu ára Kinga Korpak hefur sigrað á tveimur
fyrstu mótunum á Íslandsbankamótaröðinni í flokki 14 ára og yngri telpna
og systir hennar Zuzanna Korpak hefur verið í 2. og 3. sæti. Drengirnir hafa
líka verið í toppbaráttunni. Um síðustu helgi var Róbert Smári Jónsson í 3.
sæti í flokki 15-16 ára og Birkir Orri Viðarsson varð í 3. sæti í flokki 14 ára
og yngri drengja í mótinu í Mosfellsbæ um síðustu helgi.
Fréttir alla daga á vf.is
Góður árangur
GS unglinga í golfi
Systurnar
Zuzanna
og Kinga
Korpak.