Víkurfréttir - 19.06.2014, Blaðsíða 8

fimmtudagurinn 19. júní 2014 • VÍKURFRÉTTIR8
-viðtal pósturu vf@vf.is
Anna Lóa Ólafsdóttir tekur við stöðu forseta bæjarstjórnar undir lok mánaðarins. Það eru
ekki einu tímamótin í lífi hennar því sama dag og
nýr meirihluti var kynntur í Reykjanesbæ útskrifað-
ist Anna Lóa úr diplómanámi í sálgæslu.
Er að fara að læra helling
Spurð um hvað taki við hjá henni í nýju embætti og
hvort hún muni breyta einhverjum áherslum segir
Anna Lóa að í hlutverkinu muni hún halda utan um
bæjarstjórnarfundina og formlegheitin; vera líka svo-
lítið andlitið út á við. „Ég mun koma fram fyrir hönd
bæjarins og tek það hlutverk mjög alvarlega. Ég ætla
einnig að reyna bara að vera ég sjálf. Þetta er nátt-
úrulega nýtt embætti fyrir mér og ég er að fara að
læra helling. Eins og ég hef vanalega gert þegar ég hef
tekið við nýjum störfum þá þarf ákveðna þekkingu og
ákveðna færni og svo er það reynslan og ég sem mann-
eskja hlýt að koma með einhverjar breytingar. Ég sé
það þannig,“ segir Anna Lóa.
Erfið verkefni bíða nýrrar bæjarstjórnar
Samstarfið við myndun nýs meirihluta segir Anna Lóa
að hafi gengið vel. „Ég hef enga viðmiðun því ég er að
stíga mín fyrstu skref þegar kemur að stjórnmálum en
við vorum frekar sammála í baráttunni með marga
svona meginþætti þannig að við höfum verið sammála
í þessari vinnu. Þannig að ég myndi segja að það hafi
bara gengið mjög vel.“ Hún segist gera sér grein fyrir
því að erfið verkefni bíði nýrrar bæjarstjórnar en hafi
sjálf áður tekist á við erfið verkefni, bæði faglega og í
lífinu. „Við fáum öll okkar verkefni. Ég er bara nokkuð
spennt og þetta er stór tímamót í mínu lífi, já.“
Snýst um samtal við íbúana
Anna Lóa segir einnig mikla samstöðu hafa verið um
hvaða hlutverk hver tæki að sér. „Já, í okkar hópi lagði
Guðbrandur til mjög snemma í ferlinu að ég yrði for-
seti bæjarstjórnar og ég bara þakkaði fyrir og skorast
ekki undan því. Ég gat ekki séð annað en að samstaðan
væri góð svona heilt yfir.“ Hún vill sjá bæjarstjóra sem
sé vel að sér í rekstri og stjórnun en ekki síður vel að sér
þegar kemur að mannlega þættinum. „Mér finnst við
oft vera svo upptekin af því þegar rekstur, peningar og
stjórnun eru annars vegar þá sé andlegi og mannlegi
þátturinn settir til hliðar. Ég var að útskrifast úr sál-
gæslu þar sem þessum andlega þætti er gert frekar hátt
undir höfði og mér finnst að við megum ekki gleyma
því.“ Hún sé með þessu ekki að halda því fram að fyrri
bæjarstjórn hafi ekki gert það. „En ég vil leggja enn
meiri áherslu á það að sá hlutur skiptir líka gríðarlega
miklu máli. Þannig að við séum að tala við íbúana.
Þetta snýst ekki bara um okkur ellefu sem sitjum þarna
heldur snýst þetta um samtal okkar við ibúana,“ segir
Anna Lóa að endingu.
n Verðandi forseti bæjarstjórnar útskrifuð úr sálgæslu:
VIÐ FÁUM ÖLL
OKKAR VERKEFNI
Ég ætla einnig að reyna bara að
vera ég sjálf. Þetta er náttúru-
lega nýtt embætti fyrir mér og
ég er að fara að læra helling.
Kvenfélagið Hvöt bauð upp á
litskrúðug andlit í Sandgerði
Kvenfélagið Hvöt í Sandgerði bauð upp á þjóðhátíðarkaffi í Hvatar-
koti á 17. júní. Þá var boðið upp á hoppukastala og andlitsmálningu
fyrir börnin. Það voru því fjölmörg litskrúðug andlit í Sandgerði á
þjóðhátíðardaginn. Hér eru nokkrar svipmyndir frá Sandgerði.
Ellert flaggaði stærsta fána Íslands
VF-MYNDIR: EYÞÓR SÆMUNSSON
Fjallkonan með
fjölskyldu sinni.