Víkurfréttir - 19.06.2014, Blaðsíða 10

fimmtudagurinn 19. júní 2014 • VÍKURFRÉTTIR10
Skrifað var undir verksamning í framhaldi af útboði við ÍSTAK um smíði og uppsetningu á búnaði í orkuveri í síðustu viku. HS Orka
vinnur nú að aukningu á framleiðslugetu á heitu vatni í auðlinda-
garðinum í Svartsengi. Verkið felst í meginatriðum í nýrri vatnslögn
frá vatnstökusvæði, nýrri dælustöð og búnaði í orkuveri til heitavatns-
framleiðslu. Þetta kemur fram í fréttatilkynningu frá HS orku.
Einnig kemur fram að með þessari framkvæmd eykst framleiðslugeta á
heitu vatni til hitaveitunotkunar úr 460 sekúndulítrum í 580 sekúndulítra
og er aukningin því rúm 25%. Framleiðsluaukningin krefst ekki borunar,
því orkan sem nú er til reiðu í orkuverinu nægir. Heitt vatn frá auðlinda-
garðinum í Svartsengi er selt inn á dreifikerfi HS Veitna á Suðurnesjum.
Verklok eru áætluð í desember 2014 og heildarkostnaður við verkið er
áætlaður rúmar 430 milljónir kr.
Áður hefur verið samið við H.H. smíði um byggingu dælustöðvar og við
Urð og grjót ehf um vatnslögn frá Lágasvæði að orkuverinu. Verkið er
hannað af Verkís.
Eftirlitsaðili með smíði og uppsetningu á búnaði í orkuveri er Geir Þór-
ólfsson og Tryggvi Pétursson. Eftirlitsaðili með byggingu dælustöðvar og
með vatnslögn er Verkfræðistofa Suðurnesja.
Nýkjörin bæjarstjórn Sveitarfélagsins Voga kom saman til síns fyrsta fundar mánudaginn 16. júní 2014. Niðurstöður nýaf-
staðinna sveitarstjórnarkosninga voru á þá lund að E-listinn fékk
fjóra bæjarfulltrúa kjörna og er með hreinan meirihluta í bæjar-
stjórn. D-listinn fékk tvo menn kjörna og L-listinn einn mann
kjörinn.
Á fyrsta fundi bæjarstjórnar var Ingþór Guðmundsson, oddviti E-
listans, kjörinn forseti bæjarstjórnar. Bergur Álfþórsson var kjörinn
formaður bæjarráðs. Á fundinum var einnig gengið frá kjöri í nefndir,
ráð og stjórnir sem sveitarfélagið á aðild að.
Á fundinum var jafnframt gengið frá ráðningu Ásgeirs Eiríkssonar sem
bæjarstjóra sveitarfélagsins á kjörtímabilinu. Bæjarstjórn samþykkti
ráðninguna samhljóða með öllum greiddum atkvæðum. Ásgeir hóf
störf sem bæjarstjóri hjá sveitarfélaginu í árslok 2011.
-fréttir pósturu vf@vf.is
-viðskipti pósturu vf@vf.is
Ný bæjarstjórn
tekin við í Vogum
– Ásgeir Eiríksson endurráðinn bæjarstjóri
HS Orka eykur framleiðslugetu
á heitu vatni í Svartsengi
Bílabúð Benna hefur starf-rækt útibú fyrir nýja og
notaða bíla að Njarðarbraut 9 í
Reykjanesbæ síðan 2008. „Við
sáum tækifæri í staðsetningunni
hér í nágrenni við Reykjanes-
brautina og keyptum því þetta
glerhús og byggðum við það 500
fermetra þjónustubyggingu,“
segir Benedikt Eyjólfsson, Benni
í Bílabúð Benna í samtali við
Víkurfréttir þegar hann var að
undirbúa sumarsýningu Bíla-
búðar Benna á Fitjum fyrir síð-
ustu helgi. Auk bílasölunnar þá
eru Nesdekk að Njarðarbraut 9
en þar er dekkjaverkstæði, smur-
þjónusta og smáviðgerðir ýmis-
konar.
Framkvæmdir við uppbyggingu
bílasölunnar og þjónustuhússins
voru á fullu þegar hrunið varð en
þrátt fyrir þær þrengingar sem
þá urðu ákvað Benni að halda
áfram en draga ekki saman seglin
í Reykjanesbæ. „Ég hef alltaf haft
mikla trú á Reykjanesbæ og var
ákveðinn í að halda ótrauður
áfram. Í fyrra malbikuðum við allt
útisvæðið hjá okkur og núna á að
fara í að gera sýningarsalinn betri
og bæta í merkingar. Hjá Bílabúð
Benna og Nesdekki í Reykjanesbæ
starfa 7 manns og fleiri í törnum.
„Við hjá Bílabúð Benna höfum
alltaf viljað leggja mikinn metnað
í starfsstöð okkar hér í Reykja-
nesbæ. Ég veit að heimamenn
vilja versla í heimabyggð og við
eigum marga fasta viðskiptavini
hérna,“ segir Benni.
Bí labúð B enna se lur bæði
Chervolet og Porsche bíla og
hefur nýlega tekið í sölu aftur
SsangYong jeppana en Benni hóf
einmitt sölu á Musso fyrir um
tveimur áratugum síðan. Nú er
það jeppi sem heitir Rexton sem
er nýkominn til landsins. Í sumar
verður svo kynntur nýr Korando
jepplingur frá SsangYong. Sala
á Chevrolet hefur gengið mjög
vel á undanförnum árum og eru
fleirri og fleirri að bætast í hóp
okkar viðskiptavina. Chevrolet
hefur aukið framboð sitt á undan-
förnum árum samhliða því sem
við höfum geta boðið sérlega hag-
stætt verð á bílunum. Það sem af
er ári er Chevrolet þriðja mest
selda vörumerkið á Íslandi. Þá sé
Bílabúð Benna að bæta við Opel-
umboðinu á Íslandi og bætir því í
flóruna með haustinu. Við ætlum
okkur mikið með Opel enda eru
þetta þýskir gæðabílar og hafa
orðið gríðarlega breytingar á þeim
á síðustu árum.
Starfsemin á Njarðarbrautinni er
ekki sú eina sem Bílabúð Benna er
með á Suðurnesjum því á Kefla-
víkurflugvelli er starfrækt bíla-
leigan Sixt sem veitir 13-14 manns
vinnu og er með um 600 bíla í
útleigu en Sixt er í eigu Bílabúðar
Benna. Sixt er svo í samstarfi við
Geysi með bílaþvott og við það
starfa um 10 manns. Hjá bílaleig-
unni er breið lína bíla í boði en
Benni segir að um 90% af leigðum
bílum yfir sumartímann séu af-
greiddir á Keflavíkurflugvelli og
nánast allir bílarnir eru leigðir
fyrirfram. Flestir eru að leigja litla
bíla eins og Chervolet Spark en
leiga á jeppum er alltaf mikil enda
vilja ferðamenn skoða hálendið
okkar.
– segir Benedikt Eyjólfsson hjá Bílabúð Benna
Bílabúð Benna og bílaleigan Sixt
skapa fjölmörg störf á Suðurnesjum:
Hef mikla trú á
Reykjanesbæ
Benedikt Eyjólfsson hjá Bílabúð Benna framan við bílasöluna
að Njarðarbraut 9 á Fitjum í Reykjanesbæ. „Við sáum tækifæri í stað-
setningunni hér á nágrenni við Reykjanesbrautina,“ segir Benni.
Starfsstöð bílaleigunnar Sixt á Keflavíkurflugvelli.
Berglind Ásgeirsdóttir yfir-m a ð u r hj á Vi n nu s k ó l a
Reykjanesbæjar segir að í ár séu
um 300 starfsmenn í Vinnuskól-
anum, þar af eru um 250 krakkar
á aldrinum 14-16 ára. „Hér kom-
ast allir að og ennþá eru laus pláss
á B-tímabili ef einhverjir hafa
áhuga,“ segir Berglind.
Hún segir að aðsóknin í Vinnu-
skólann sé minni en í fyrra en
Berglind telur að fjölbreytt störf
séu í boði fyrir unglinga í Reykja-
nesbæ. Vinnuskólinn hefur nýlega
komið sér fyrir í nýju húsnæði á efri
hæðinni í Reykjaneshöll, en ýmsar
nýjungar eru einnig fyrirhugaðar
í starfsemi skólans. Sérstakur for-
varnardagur verður haldinn í fyrsta
sinn í sumar, þar sem Sigga Dögg
kynfræðingur verður m.a. með
kynfræðslu fyrir unglingana, eins
sem boðið verður upp á kennslu við
gerð ferilskrár.
Vinnuskólinn ætlar svo að standa
fyrir myndaleik þar sem birtar eru
fyrir og eftir myndir af vinnu ungl-
ingana. Vegleg verðlaun verða þar í
boði fyrir hópa en hér að neðan má
sjá nokkrar myndir sem þegar hafa
verið sendar inn á facebook-síðu
Vinnuskólans.
Allir komast
að í Vinnu-
skóla Reykja-
nesbæjar
Afrakstur vinnunnar
sýnilegur í myndaleik
Götuleikhús
hjá Vinnuskóla
RNB í sumar
Albert Halldórsson
kennir undirstöðuatriði í leiklist
Vinnuskóli Reykjanesbæjar kynnir verður með götuleik-
hús í sumar fyrir nemendur sem
voru að klára 9. eða 10. bekk. Í
sumar mun verða kennd undir-
stöðuatriði í leiklist. Í texta frá
vinnuskólanum kemur fram
að ekki sé bara gaman að leika
heldur einnig ótrúlega spennandi
og krefjandi.
„Við förum í alls konar leiklistar-
tengda leiki og ætlum okkur að hafa
gaman í allt sumar. Við munum
meðal annars fæða trúða og kynn-
umst þar trúðareglum, förum í
draumaspuna og heimsækjum leik-
skóla bæjarins á sólríkum sumar-
dögum.“
Þá verður einnig sett upp lítil sýn-
ing í lok tímabilsins sem verður
byggð á teikningum Hugleiks
Dagssonar. Albert Halldórsson,
leiklistarnemi við Listaháskóla Ís-
lands, mun leiða götuleikhúsið í ár
og að hans sögn getur hann ekki
beðið eftir að kynnast skemmtilegu
fólki og kenna því það sem hann
kann í leiklist.