Víkurfréttir - 26.06.2014, Blaðsíða 2
fimmtudagurinn 26. júní 2014 • VÍKURFRÉTTIR2
-fréttir pósturu vf@vf.is
ATVINNA
FÉLAGSRÁÐGJAFARSTAÐA
Fjölskyldu- og félagssvið Reykjanesbæjar (FFR) auglýsir
eftir félagsráðgjafa í 100% starf á skrifstofu FFR.
Starfssvið:
• Starfið felst í vinnu í barnavernd sem felur meðal
annars í sér ráðgjöf við foreldra og börn í Reykjanesbæ.
• Vinna í samstarfi við leik- og grunnskóla og aðrar
stofnanir sem tengjast börnum.
Umsóknarfrestur er til og með 11. júlí nk.
Sækja skal um starfið rafrænt á vef Reykjanesbæjar þar
sem einnig er að finna menntunar- og hæfniskröfur og
nánari upplýsingar um starfið.
http://www.reykjanesbaer.is/stjórnkerfi/laus-storf.
Æskilegt er að viðkomandi geti hafið störf eigi síðar en 1.
september 2014.
Nánari upplýsingar veitir María Gunnarsdóttir,
forstöðumaður barnaverndar, í síma 421-6700,
maria.gunnarsdottir@reykjanesbaer.is
LEIKHÓPURINN LOTTA
HRÓI HÖTTUR
Leikhópurinn Lotta sýnir leikritið Hrói höttur í skrúð-
garðinum við Ytri-Njarðvíkurkirkju í dag klukkan 18:00.
Miðaverð 1.900 kr. Miðar seldir á staðnum.
Nánari upplýsingar um sýninguna má finna á
www.leikhopurinnlotta.is
ATVINNA
NJARÐVÍKURSKÓLI
Laus er til umsóknar staða íslenskukennara á
unglingastigi fyrir næsta skólaár.
Umsóknarfrestur er til 10. júlí n.k.
Sækja skal um starfið rafrænt á vef Reykjanesbæjar þar
sem einnig er að finna menntunar- og hæfniskröfur og
nánari upplýsingar um starfið.
http://www.reykjanesbaer.is/stjórnkerfi/laus-storf.
Nánari upplýsingar gefur Ásgerður Þorgeirsdóttir
skólastjóri í síma: 420 3000/863 2426 eða í gegnum
netfangið asgerdur.thorgeirsdottir@njardvikurskoli.is
ATVINNA
HOLTASKÓLI
Laus er til umsóknar staða dönskukennara við
Holtaskóla á mið- og unglingastigi.
Umsóknarfrestur er til 7. júlí nk.
Sækja skal um starfið rafrænt á vef Reykjanesbæjar þar
sem einnig er að finna menntunar- og hæfniskröfur og
nánari upplýsingar um starfið.
http://www.reykjanesbaer.is/stjórnkerfi/laus-storf.
Nánari upplýsingar veita Eðvarð Þór Eðvarðsson,
skólastjóri í síma 420-3500 eða 842-5640 og Helga
Hildur Snorradóttir aðstoðarskólastjóri í síma 420-3500
og 848-1268. Einnig er hægt að senda fyrirspurn á
netföngin edvard.t.edvardsson@holtaskoli.is og
helga.h.snorradottir@holtaskoli.is
■■ Fyrsti fundur nýrrar bæjarstjórnar Reykjanesbæjar:
Fundarhlé þurfti vegna Framsóknar
-samþykkt að auglýsa eftir bæjarstjóra
Ný bæjarstjórn hélt sinn fyrsta fund í Reykjanesbæ
sl. þriðjudag. Kynntar voru
kosningar í nefndir og ráð bæjar-
félagsins og samþykkt að auglýsa
eftir nýjum bæjarstjóra.
Fráfarandi forseti bæjarstjórnar,
Böðvar Jónsson sagði að það yrði
án efa erfitt fyrir nýjan bæjar-
stjóra að starfa á milli þriggja
elda, og vitnaði þar til þriggja
oddvita og flokka í nýjum meiri-
hluta bæjarstjórnar. Tillaga um
að auglýsa eftir bæjarstjóra var
samþykkt með atkvæðum bæjar-
fulltrúa nýja meirihlutans en
samið hefur verið við ráðgjafa-
fyrirtækið Hagvang sem mun sjá
um faglegt ráðningaferli.
Anna Lóa Ólafsdóttir var kjörin for-
seti bæjarstjórnar og tók við stjórn
fundarins eftir að Böðvar Jónsson,
fráfarandi forseti og með lengstan
feril núverandi bæjarfulltrúa í bæjar-
stjórn, hafði sett fundinn og skýrt frá
niðurstöðum kosninga. Anna Lóa
stýrði fyrsta máli fundarins sem var
kosning í stjórnir og ráð. Hún fékk
eldskírn í embættinu þegar Krist-
inn Jakobsson, bæjarfulltrúi Fram-
sóknarflokksins óskaði eftir því að
flokkurinn fengi áheyrnarfulltrúa
í bæjarráði og vitnaði þar til nýrra
starfsreglna bæjarfélagsins sem voru
samþykktar á síðasta ári. Anna Lóa
vildi vísa málinu til bæjarráðs en
Kristinn kom þá aftur í pontu og
mótmælti því og fór nokkuð mik-
inn í pontu. Óskaði meirihlutinn þá
eftir að gert yrði fundarhlé þar sem
þessi mál voru rædd. Eftir fundar-
setningu á nýjan leik var ósk Krist-
ins samþykkt en öðrum óskum um
áheyrnarfulltrúa í helstu nefndir
bæjarsins sem og að þeir fengju
sömu kjör og aðalfulltrúar, var vísað
til afgreiðslu í bæjarráði.
Oddvitar meirihlutaflokkanna,
Gunnar Þórarinsson frá Frjálsu
afli, Guðbrandur frá Beinni leið
og Friðjón Einarsson, ásamt Árna
Sigfússyni og Böðvari Jónssyni
frá Sjálfstæðisflokki voru kjörnir í
bæjarráð en það er nokkurs konar
framkvæmdaráð bæjarfélagsins og
fundar vikulega. Friðjón var kjör-
inn formaður þess. Ellefu fulltrúa
bæjarstjórn fundar tvisvar í mán-
uði en tekur um tveggja mánaða
frí á sumrin. Þessi fundur var sá
síðasti þar til eftir sumarfrí bæjar-
stjórnar en næsti fundur verður í
ágúst.
Kaus ekki sjálfa sig
■uVerulega reyndi á nýkjörinn
forseta bæjarstjórnar Reykja-
nesbæjar á fyrsta fundinum en
hlutverkið er nokkuð stórt og því
fylgja skyldur og reglur.
Anna Lóa Ólafsdóttir fékk að finna
fyrir því, meðal annars þegar kosn-
ing um embætti forsetans fór fram.
Þá höfðu allir bæjarfulltrúar rétt
upp hönd nema hún. Anna gerði
grín að atkvikinu á Facebook síðu
sinni eftir fundinn og skrifaði þar
m.a.: „Það sem drepur þig ekki
gerir þig sterkari. Við þurfum öll
að fá að læra og pínu fyndið að ég
gleymdi að kjósa sjálfa mig sem for-
seta.“
ÁSY heitir hún
■uGárungarnir voru strax búnir
að finna nafn á nýju bæjarstjórn-
ina og byggja það upp á bók-
stöfunum sem flokkarnir fengu í
kosningunum: ÁSY. Það er alveg
hægt að leika sér með þetta nafn.
Hjörtur bæjarstjóri
■uHjörtur Zakaríasson er starf-
andi bæjarstjóri þangað til nýr
verður ráðinn. Hjörtur hefur setið
lang flesta bæjarstjórnarfundi í
Reykjanesbæ í embætti sínu sem
bæjarritari.
Hjörtur sat sjálfur í bæjarstjórn
fyrir Sjálfstæðisflokkinn í Keflavík
árin 1982-1986 en var svo ráðinn
sem bæjarritari í meirihlutatíð Al-
þýðuflokksins árið 1986. Hann
hefur verið bæjarritari síðan og
gegnt stöðu staðgengils bæjarstjóra
í forföllum hans eða fríi.
Róbert endurráðinn sem
bæjarstjóri Grindavíkur
Á fundi nýrrar bæjarstjórnar Grindavíkur var Róbert Ragn-
arsson endurráðinn sem bæjar-
stjóri bæjarstjóri Grindavíkur á
kjörtímabilinu 2014 til 2018.
Ráðningarsamningur við bæjar-
stjóra var lagður fram til stað-
festingar og var hann samþykktur
af öllum bæjarfulltrúum. Þetta er
því annað kjörtímabilið sem Ró-
bert verður bæjarstjóri í Grindavík
en þar áður var hann bæjarstjóri í
Vogum.
Auglýsingasími Víkurfrétta er 421 0001