Víkurfréttir - 26.06.2014, Blaðsíða 11
VÍKURFRÉTTIR • fimmtudagurinn 26. júní 2014 11
Hundurinn Hunter, sem slapp út af Keflavíkurflugvelli þann 13. júní fannst að kvöldi 18. júní, í hólmanum Einbúa við Þórshöfn
í Ósabotnum. Það var eigandi Hunters, Catharina Reinhall, sem kom
auga á hundinn í hólmanum en hún var við leit á svæðinu og naut m.a.
aðstoðar björgunarsveitarmanna. Þá var Árni Ólafsson jeppakarl í
Reykjanesbæ Catharinu innan handar og sá um að aka henni um leitar-
svæðið í allt að 18 klukkustundir á dag þá daga sem Hunter var týndur.
Hröð atburðarás
Atburðarásin var hröð á miðviku-
dagskvöldið í síðustu viku þegar
Hunter fannst. Það var á tíunda
tímanum um kvöldið sem spor
sáust í fjörunni við Þórshöfn sem
bentu til þess að Hunter hefði
verið þar á ferðinni. Catharina
var sannfærð um að Hunter væri
í nágrenninu og það reyndist rétt
því skömmu síðar sá hún til hans í
hólmanum Einbúa. Catharina beið
ekki boðanna og óð út í hólmann
og náði sjórinn henni í mitti þar
sem hann var dýpstur. Henni gekk
í fyrstu illa að ná til Hunters og
þurfti að tala dýrið til. Hún óð svo
með hundinn út í sjó til að koma
honum í land. Þegar Catharina
var komin á ný út í sjó upp í mitti
og með hundinn kallaði hún eftir
aðstoð björgunarsveitarmanna.
Félagarnir Björn Bergmann Vil-
hjálmsson og Ingólfur Einar Sigur-
jónsson úr Björgunarsveitinni Ægi
í Garði óðu þá út í sjóinn á móti
Catharinu og báru Hunter í land.
Þegar í land var komið var Cat-
harinu og Hunter strax komið inn
í heitan jeppa hjá Árna Ólafssyni.
Án sníkjudýra
Fulltrúi Tollgæslunnar á Kefla-
víkurflugvelli kom þá á staðinn og
óskaði eftir því að farið yrði með
hundinn beint upp í Flugstöð Leifs
Eiríkssonar, þar sem sérstakt búr er
fyrir gæludýr sem verið er að flytja
á milli landa. Dýralæknir Matvæla-
stofnunar skoðaði hundinn þá um
kvöldið. Hann reyndist vera í góðu
ásigkomulagi miðað við aðstæður.
Tekin voru sýni úr hundinum til
rannsókna á smitefnum og sníkju-
dýrum. Niðurstöður liggja þegar
fyrir varðandi sníkjudýrarann-
sóknina sem gerð var á Tilrauna-
stöð Háskóla Íslands að Keldum og
beindist sérstaklega að iðraorm-
inum Strongyloides stercoralis.
Lirfur ormsins fundust ekki.
Í kjölfar óhappsins þegar Hunter
slapp úr búri á Keflavíkurflug-
velli verður farið yfir verklag við
flutninga á gæludýrum í flugi.
Flutningar dýra eru mjög algengir
og hafa í raun aukist með aukinni
flugumferð.
Þreytt en hamingjusöm
Catharina Reinhall eigandi Hunt-
ers, var þreytt en hamingjusöm
þegar Víkurfréttir náðu af henni
tali skömmu eftir endurfundi
hennar við hundinn sinn.
„Þegar ég sá fótsporin þá hugsaði
ég að þau væru eftir hundinn minn.
Það var stutt á milli sporanna og ég
hugsaði að hann væri þreyttur. Ég
sá hann svo úti á skerinu og byrj-
aði að kalla á hann. Ég óð út í og
björgunarsveitarmennirnir á eftir
mér, það var heppni að hann var á
eyjunni þar sem hann gat ekki flúið
frá okkur.“
Catharina hikaði hvergi og óð strax
út í sjóinn. „Það var dálítið kalt, en
ég vildi bara ná í hundinn minn.
Hann var hræddur við mig í upp-
hafi svo ég þurfti að tala til hans
og róa hann niður. „Þetta ert þú
mamma,“ hugsaði hann sjálfsagt.
Ég er svo ánægð með að hafa loks-
ins fundið hann en þetta hafa verið
hræðilegir dagar að undanförnu
sem einkennst hafa af streitu og
sársauka.“
Catharina segist vera afar þakklát
fyrir alla hjálpina og góðmennsk-
una sem fólk hefur sýnt henni.
„Það er ótrúlegt hve mikla samúð
fólk getur sýnt manneskju í þess-
ari stöðu. Ég mun minnast Íslands
með hlýju í hjarta. Ég þakka ykkur
öllum fyrir allt saman.“
Aðspurð um líðan Hunters segir
Catharina að hann sé þreyttur en
í ágætis ásigkomulagi. „Ég hélt að
þetta yrði verra en hann lítur vel
út.“
– Misstir þú einhvern tímann
vonina?
„Já í rauninni gerði ég það. Ég var
ekki viss um að ég myndi sjá hann
aftur. Það var erfið ákvörðun fyrir
mig hvenær ég þyrfti að fara heima,
þar sem börnin mín eru í Stokk-
hólmi. Þetta hafðist þó á endanum,
loksins. Nú get ég farið heim.“
Catharina hafði hótelherbergi
á Icelandair hótelinu í Keflavík á
meðan á leitinni stóð. Kvöldið sem
Hunter fannst kom hún hins vegar
á hótelið og fór í hressandi sturtu
og skráði sig síðan út. Hún ætlaði
að verja síðustu nóttinni á Íslandi
með Hunter í búrinu í Flugstöð
Leifs Eiríkssonar.
AUGLÝSING FRÁ REYKJANESBÆ: KYNNING Á LÝSINGU VERKEFNIS AÐ BREYTINGU Á AÐALSKIPULAGI REYKJANESBÆJAR 2008-2024
BREYTING Á VERSLUNAR- OG ÞJÓNUSTUSVÆÐI VÞ5 SUNNAN FITJA
Bæjarstjórn Reykjanesbæjar hefur samþykkt að vinna að breytingu á aðalskipulagi sveitarfélagsins. Auglýst er lýsing skipulagsverkefnis skv. 1. mgr. 30. gr.
skipulagslaga nr. 123/2010. Einnig er kynnt vinnslutillaga að breytingu á aðalskipulagi.
Öll gögn eru aðgengileg á heimasíðu Reykjanesbæjar (www.reykjanesbaer.is). Einnig er opið hús kl. 14-16 í Ráðhúsi Reykjanesbæjar, Tjarnargötu 12, þann 11. júlí.
Skipulagsgögn munu liggja frammi og þar er hægt að koma á framfæri ábendingum og fá svör við spurningum.
Breytingin á aðalskipulagi snýr að aukningu byggingarmagns og hækkunar nýtingarhlutfalls úr 0,3 í 0,7.
Athugasemdafrestur eru til 1. ágúst nk. Hægt verður að senda ábendingar á skipulagsfulltrúa Reykjanesbæjar, sveinn.numi.vilhjalmsson@reykjanesbaer.is eða
athugasemdir merktar Aðalskipulag Reykjanesbæjar á póstfangið, Tjarnargata 12, 230 Reykjanesbær.
-fréttir pósturu vf@vf.is
■■ Hundurinn Hunter fannst í hólmanum Einbúa við Ósabotna:
Valdi hundabúr í stað hótelherbergis
síðustu nóttina á Íslandi
Björgunarmenn frá Ægi í
Garði bera Hunter í land.
VF-mynd: Oddur Jónsson
Catharina Reinhall var vafin í teppi
eftir að hafa vaðið sjó til að ná til
Hunters sem fannst í hólmanum
Einbúa við Þórshöfn í Ósabotnum.
VF-myndir: Hilmar Bragi