Víkurfréttir - 03.07.2014, Side 6

fimmtudagurinn 3. júlí 2014 • VÍKURFRÉTTIR6
-viðtal pósturu vf@vf.is
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Jóhann Páll Kristbjörnsson, johann@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
SÍMI 421 0000
Það ætti heldur betur að lifna yfir
Ásbrú á næstunni, já eða Suður-
nesjunum öllum. Tónlistarhá-
tíðin ATP verður haldin á Ásbrú
dagana 10. -12. júlí en hátíðin
vakti mikla lukku í fyrra þegar
hún var haldin í fyrsta sinn. Kefl-
víkingurinn Tómas Young fer
fyrir hátíðinni en hann sér fram
á margar andvökunætur á næst-
unni. Það er ekki bara tónlist á
heimsmælikvarða sem framreidd
verður á Ásbrú, heldur verða
margvíslegar uppákomur í boði
fyrir tónleikagesti, s.s fótbolti,
spurningakeppni og bóka-bingó.
Á ATP eru jafnan haldin fótboltamót
þar sem hljómsveitarmeðlimir mæta
gjarnan til leiks og reyna fyrir sér
gegn gestum. Stundum mæta heilu
hljómsveitirnar í takkaskónum og
láta finna fyrir sér í fótboltanum.
„Það einkennir að vissu leyti ATP,
þessi nánd við tónlistarmennina,
segir Tómas en fótboltinn er aðeins
hluti af þeirri nánd.
Kvikmyndir eru sýndar á hátíðinni
þar sem hljómsveitirnar fá að velja
sínar eftirlætismyndir fyrir gesti.
Hin vinsæla hljómsveit Portishead
velur að þessu sinni dagskrána fyrir
tónleikagesti. „Það er gaman fyrir
gesti sem eru kannski aðdáendur
sveitarinnar að fá smá innsýn í
þeirra heim,“ segir Tómas og rifjar
upp þegar hann fór á ATP hátíð
erlendis þar sem hljómsveitin The
National sá um kvikmyndaafþrey-
ingu. Í fyrra mætti svo Dr. Gunni
og reiddi fram spurningakeppni
í anda Popppunkts en sá leikur
verður endurtekinn í ár. Adrian
McKinney (Lord Sinclair), mun sjá
um keppnina í ár. Tónleikagestir
mæta bara til leiks og mynda lið,
þar sem svara þarf spurningum
sem snúa að tónlist. Þar eru líkur
á því að hitta hljómsveitarmeðlimi
og er það dæmi um nándina sem
fylgir hátíðinni.
Láta kvikmyndastjörnur sjá sig?
Svokallað bóka-bingó vakti mikla
lukku í fyrra, en það gengur þannig
fyrir sig að gestir mæta með bók
úr einkasafni sem það svo leggur í
pott. Þannig geta sigurvegarar bin-
gósins eignast bækur frá öðrum en
á sama tíma látið af hendi bækur
sem þeir hafa jafnvel fengið leið á,
eða vilja deila með öðrum. Leik-
konan Tilda Swinton, sem var
gestur á hátíðinni í fyrra, var víst
ansi kappsöm í bóka-bingóinu og
vildi ólm næla sér í ýmsar áhuga-
verðar bækur. Ekki er óalgengt að
frægar kvikmyndastjörnur sem
hún láti sjá sig á ATP hátíðunum
en Tómas vill sem minnst gefa upp
um það hvort von sé á stórstjörnum
hingað á Ásbrú í næstu viku. „Það
eina sem ég vil segja er að fólk getur
prófað að googla nöfn maka þeirra
sem eru í stóru hljómsveitunum,“
segir Tómas dulur. „Það verða ein-
hver þekkt andlit þarna í hópnum,“
bætir hann svo við.
Nú þegar svo skammt er þangað
til hátíðin hefst er skiljanlega
nóg um að vera við undirbúning.
Tómas hefur í nógu að snúast en
hann hefur þó góðan kjarna af fólki
í kringum sig sem hjálpar til við
að gera hátíðina í hópi með þeim
bestu í Evrópu. Þar sé fólk hvaðan-
æva að allt frá vinum og fjölskyldu
til starfsmanna sem komið hafa að
viðburðum sem þessum í fjölmörg
ár. „Mamma og pabbi hafa verið að
dreifa bæklingum á Ásbrú og pabbi
var t.d. að mála barborð sem notað
verður á svæðinu. Það koma svo að
þessu ótal íslenskir sjálfboðaliðar
sem sinna hinum ýmsu störfum,“
segir Tómas en einnig koma starfs-
menn á vegum ATP erlendis frá.
„Ég veit hreinlega ekki hvað þetta
eru margir starfsmenn. Það eru lík-
lega rúmlega 200 manns sem koma
að þessu.“
Fyrir þá gesti hátíðarinnar sem
ekki hafa komið á Ásbrú áður
verður boðið upp á ferðir þar sem
sýningin Íbúð Kanans verður
skoðuð. Það er því ótalmargt í boði
fyrir gesti en að sjálfsögðu er það
tónlistin sem trekkir að. „Tónlistin
vegur þyngst í þessu. Það eru þó
þessir aukahlutir sem gera þetta
að hátíð. Þetta verður nánast eins
og skemmtigarður fyrir fullorðna,“
segir Tómas að lokum.
Alveg
Tryllt
Partý
-ritstjórnarbréf
Olga Björt Þórðardóttir skrifar
Tilkynning um fyrirhugaðan flutning Fiskistofu til Akureyrar hefur
ausið vatni á myllur þeirra sem telja að flytja eigi Landhelgisgæsluna
til Reykjanesbæjar. Meðal flutningsmanna þingsályktunartillögu
allsherjar- og menntamálanefndar um það mál þingárið 2010-2011
eru starfandi ráðherrar í dag, þau Sigurður Ingi Jóhannsson og Ragn-
heiður Elín Árnadóttir. Auk þess er Sigurður Ingi fyrsti þingmaður
Suðurkjördæmis.
Þingmaður Samfylkingarinnar, Oddný Harðardóttir, segir í viðtali
við Víkurfréttir að hún hefði haldið að það að flytja Landhelgisgæsl-
una til Reykjanesbæjar hefði átt að vera fyrsta val ríkisstjórnarinnar í
byggðamálum og spyr sig hvers vegna efla eigi atvinnulíf á Akureyri
fremur en á Suðurnesjum, þegar Suðurnesin þurfa meira á slíkri
eflingu að halda.
Þá er einhugur meðal þingmanna Suðurkjördæmis um flutning
Landhelgisgæslunnar til Suðurnesja og þingmaðurinn Silja Dögg
Gunnarsdóttir, þingmaður Framsóknar, segir í viðtali við Víkur-
fréttir að flutningur stofnana út á land sé mikilvægur styrkur fyrir
landsbyggðina. „Utanríkisráðherra hefur einnig lýst því yfir oftar en
einu sinni að hann sjái miðstöð leitar og björgunar á Suðurnesjum.
Það styður enn frekar við það að flytja Landhelgisgæsluna suður-
eftir,“ segir Silja Dögg.
Ragnheiður Elín Árnadóttir, iðnaðar- og viðskiptaráðherra, segir
einnig í samtali við Víkurfréttir að hún sé enn á sömu skoðun og hún
var þegar hún var meðal flutningsmanna tillögunnar á sínum tíma.
Hún telur að Keflavíkurflugvöllur sé besti staðurinn fyrir starfsemi
Landhelgisgæslunnar.
Helstu rök gegn flutningi gæslunnar hafa verið þau að það yrði of
kostnaðarsamt og flókið vaktalega séð því langflestir starfsmenn búi í
Reykjavík. Silja Dögg segir að æ fleiri raddir starfsmanna gæslunnar
séu orðnar jákvæðar í garð flutningsins. Vegna starfsmannaveltu
muni einnig möguleikar á atvinnu fyrir Suðurnesjamenn hjá Land-
helgisgæslunni aukast töluvert. Að ekki sé minnst á eflingu góðs sam-
starfs ef miðstöð leitar og björgunar flyst einnig á svæðið.
Umræðan er að minnsta kosti komin af stað af krafti á ný og fróðlegt
verður að fylgjast með hvað ráðherrar kjördæmisins gera. Þeirra eru
völdin.
Umræðan
og völdin
Skemmtigarður fyrir fullorðna
- segir tónleikahaldari ATP tónlistarhátíðarinnarv
Það eina sem ég vil segja er að fólk
getur prófað að googla nöfn maka þeirra
sem eru í stóru hljómsveitunum,“ segir
Tómas dulur. „Það verða einhver þekkt
andlit þarna í hópnum