Víkurfréttir - 03.07.2014, Side 13
VÍKURFRÉTTIR • fimmtudagurinn 3. júlí 2014 13
Menntunar- og hæfniskröfur:
• Hjúkrunarfræðingur með reynslu af hjúkrun
• Frumkvæði og metnaður í starfi
• Sveigjanleiki og sjálfstæð vinnubrögð
• Jákvætt viðmót og góðir samskiptahæfileikar
Allar nánari upplýsingar og umsóknareyðublöð fást á www.hrafnista.is
Hjúkrunarfræðingar óskast
Getum bætt við nokkrum hjúkrunarfræðingum í okkar frábæra hóp
á Hrafnistu Hlévangi. Starfshlutfall er samkomulag.
HRAFNISTA HlévAngur
umsóknir berist til Sveindísar Skúladóttur deildarstjóra á Hrafnistu Hlévangi.
Sími: 664 9589, netfang: sveindis.skuldadottir@hrafnista.is
HRAFNISTA
Reykjavík
I
Kópavogur I Reykjanesbær
■■ Öflugt ungmennaráð í Reykjanesbæ:
Engin hugmynd er slæm
Ungmennaráð Reykjanesbæjar var stofnað í nóvember árið 2011 og fundaði í fyrsta sinn með bæjarstórn ári síðar. Ráðið skipa 20
fulltrúar (með aðal- og varamönnum) frá grunnskólum bæjarins, auk
fulltrúa frá tómstundaráði, íþróttaráði, Fjörheimaráði, NFS, Féló, Tón-
listarskóla Reykjanesbæjar, auk fulltrúa frá Björgunarsveitinni Suður-
nes, kirkjunni og skátunum. Olga Björt hitti fulltrúana Özru Crnac og
Brynju Ýr Júlíusdóttur í Ungmennagarðinum, einum af hugmyndum
ráðsins, og spurði þær spjörunum úr.
Litríkari strætisvagnar
„Við hittumst alltaf ráðið og
hendum hugmyndum á milli, rök-
ræðum hvað væri sniðugt að gera
og hvað ekki. Svo mætum við með
hugmyndirnar á bæjarstjórnar-
fundi einu sinni á önn. Bæjar-
stjórnin fær svo tíma til að hugsa
málið og svo kemur í ljós hvort
hún er reiðubúin að styðja okkur
eða ekki,“ segir Azra. Vel hafi verið
tekið í hugmyndirnar hjá bæjar-
stjórn og Ungmennaráðið sé þakk-
lát samstarfinu við hana. Spurðar
um hvort kappkostað hafi verið að
hafa hugmyndirnar ekki of dýrar
játar Azra því en þó hafi komið
hugmyndir sem séu í dýrari kant-
inum. „Til dæmis að hafa strætis-
vagnana litríkari, eins og bleika
eða græna. En við reynum að hafa
kostnaðinn innan skynsamlegra
marka. Engin hugmynd er slæm.“
Hugmyndin með strætisvagnana
segir Azra að einhverjir í bæjar-
stjórn hafi viðurkennt að hafa ekki
spáð mikið í, enda taki þeir ekki
strætó sjálfir.
Vilja hafa áhrif á bæinn sinn
Í Ungmennaráðinu eru, eins og
áður hefur komið fram, einstakl-
ingar sem koma víða frá en hafa
það að markmiði að hafa áhrif
á bæinn sinn. „Þetta er áhrifa-
ríkt fólk sem vill gera gott í sínu
bæjarfélagi. Við höfum t.d. fengið
hvatagreiðslurnar til baka vegna
íþróttanna og í vinnslu er að hafa
sameiginlegan íþrótta- og fjöl-
skyldudag fyrir skólana og að mála
ruslatunnurnar í bænum í áberandi
litum svo að einhverjir vilji henda
rusli í þær. Svo viljum við betri
lýsingu á göngustígana í bænum
því á dimmum og köldum vetrar-
kvöldum viljum við geta labbað
örugg á milli húsa og hverfa til vina
okkar,“ segir Azra. Brynja Ýr bætir
við að einnig hafi Ungmennaráðið
látið breyta strætókerfinu og fjölga
trjám vegna þess að þau vanti víða.
„Það átti líka að hætta við Götu-
leikhúsið en við hömruðum á því
að því skyldi haldið áfram. Ég
er t.d. þar í sumar og það skiptir
miklu máli fyrir krakka sem langar
að verða leikarar,“ segir Brynja Ýr.
Góð og þroskandi reynsla
Þær stöllur segja að það að starfa
í Ungmennaráði veiti mikinn
þroska, þjálfun í að mynda sér
skoðanir, ræða þær og koma þeim
á framfæri. „Það er mikilvægt fyrir
okkur unga fólkið á uppreisnar-
aldrinum í stað þess að þegja bara
heima. Þetta er einnig mjög góð
reynsla,“ segir Azra. Brynja Ýr
tekur undir það og bætir við að það
skipti miklu máli fyrir unglinga að
hafa áhrif á bæjarfélagið. „Það er
líka mikilvægt að finna að það sem
við höfum að segja skiptir máli,“
segir Brynja Ýr að lokum.
Ískalt Mountain Dew er seint toppað
■uKeflvíkingurinn Andri Þór Unnarson er 17 ára gamall og er
fyrstur í Sumarspjalli Víkurfrétta. Hann segist alltaf hafa það
notalegt á Flúðum en hann hefur mjög gaman að því að fara í úti-
legu. Hann mun vinna á bílaleigu og ætlar einnig að spila fótbolta
í sumar.
Hvernig leggst sumarið í þig?
Alveg ljómandi vel.
Hvar verður þú að vinna í
sumar?
Á bílaleigunni Dollar Thrifty.
Hvernig á að verja sumarfrí-
inu?
Spila fótbolta, vinna og gera
einhvað skemmtilegt með vin-
unum.
Ætlar þú að ferðast í sumar, og
hvert þá?
Það er ekkert planað en ef ég hef
tíma þá skelli ég mér í útilegu
með félögunum.
Eftirlætis staður á Íslandi?
Alltaf notalegt á Flúðum.
Hvað einkennir íslenskt sumar?
Dagsbirta 24/7
Áhugamál þín?
Fótbolti, snjóbretti, ferðast, vin-
irnir og margt fleira.
Einhver sem þú stundar aðeins
á sumrin?
Fótboltinn er í uppáhaldi og
hef stundað síðan ég var þriggja
ára gamall.
Hvað ætlar þú að gera um
Verslunarmannahelgina?
Mögulega fara í útlegu úti á
landi.
Hvað fær þig til þess komast í
sumarfíling?
Hlusta á góða tónlist og henda í
potta partý með vinunum.
Hvað er sumarsmellurinn í ár
að þínu mati?
Stolen Dance, en það kemur svo
margvt til greina.
Hvað er það besta við íslenskt
sumar?
Frí í skólanum og ferðast.
En versta?
Birtan þegar maður ætlar að fara
að sofa.
Uppáhalds grillmatur?
Ekkert betra en nautalundir
grillaðar af Unnari bróðir mín-
um.
Sumardrykkurinn?
Ískalt Mountain Dew er seint
toppað.
-viðtal pósturu vf@vf.is