Víkurfréttir - 10.07.2014, Blaðsíða 14

fimmtudagurinn 10. júlí 2014 • VÍKURFRÉTTIR14
Freyr valdi tvo Keflvíkinga í hópinn
- Sigurbergur og Hilmar á leið til Kína
■XKeflvíkingurinn Freyr Sverris-
son, landsliðsþjálfari U15 karla
í knattspyrnu, hefur valið 18
leikmenn sem taka munu þátt
í knattspyrnukeppni Ólympíu-
leika ungmenna dagana 15. - 29.
ágúst, en leikarnir fara fram í
Nanjing í Kína. Þar af eru tveir
efnilegir leikmenn frá Keflavík
sem leika munu með liðinu. Það
eru þeir Sigurbergur Bjarnason
og Hilmar Andrew McShane.
Báðir eiga þeir feður sem hafa
gert það gott í fótboltanum í
gegnum tíðina. Sigurbergur
er sonur Bjarna Jóhannssonar
þjálfara sem m.a. hefur þjálfað
Grindavík, ÍBV, Breiðablik og
Stjörnuna. Hilmar er sonur
Skotans Paul McShane sem leikið
hefur á Íslandi um árabil við góð-
an orðstír, lengst af lék hann með
Grindavík.
Skólamatur óskar eftir að ráða tvo duglega og jákvæða
starfskrafta. Önnur staðan felst í akstri, uppvaski og
aðstoð í eldhúsi frá kl.8-16 alla virka daga.
Meirapróf og/eða reynsla er kostur.
Hin staðan felst í að aðstoða matreiðslumenn við
framleiðslu og almenn eldhússtörf, frá kl.6-14.
Reynsla af matvælaframleiðslu er kostur.
Skólamatur er fjölskylduvænn vinnustaður.
Umsóknir og fyrirspurnir sendist
á fanny@skolamatur.is
Ert þú
hörku nagli?
Hollt, gott og heimilislegt
Sími 420 2500 I skolamatur@skolamatur.is
skolamatur.is
Dregið var í undanúrslitum Borgunarbikars karla í knattspyrnu á þriðjudag. Keflavík tekur á móti Víkingi R. á heimavelli sínum
á meðan ÍBV fær KR í heimsókn. Keflvíkingar og Víkingar eru með
jafn mörg stig í Pepsi-deildinni, en Keflvíkingar eru með hagstæðari
markatölu og eru því sæti ofar, eða í því fjórða. „Ég er glaður yfir því að
fá heimaleik. Ég er spenntur að fá að spila undanúrslitaleik í Keflavík
en það verður gaman að sjá hvort við fáum ekki fullt af fólki á völlinn
til þess að styðja okkur áfram í úrslitin,“ sagði Kristján Guðmundsson
þjálfari Keflvíkinga í samtali við VF. Liðin hafa ekki ennþá mæst í
sumar en næsti leikur liðanna í deildinni er einmitt innbyrðis á heima-
velli Víkinga þann 14. júlí. „Þá mátum við okkur gegn þeim og sjáum
hvernig þetta lítur út. Við megum ekki gleyma því að það eru þrír leikir
í deild áður en kemur að bikarnum.“ Leikirnir í bikarnum fara fram
30. og 31. júlí en úrslitaleikurinn fer svo fram á Laugardalsvelli, laugar-
daginn 16. ágúst.
Kominn tími fyrir Keflvíkinga
að minna á sig
Kristján hefur fagnað sigri með
Keflvíkingum í bikarkeppninni
og hann segir tilhugsunina um
að endurtaka leikinn vera hress-
andi. „Það er ákveðið spennustig
sem fylgir svona leikjum, því þú
annað hvort vinnur eða tapar.
Auðvitað væri gaman ef Keflvík-
ingar kæmust í úrslitaleikinn og
myndu þannig minna hressilega á
sig.“ Keflvíkingar eru að undirbúa
sig fyrir leikinn gegn Víkingum í
deildinni. „Þeir halda bolta vel og
sækja hratt þegar þeir vilja. Þeir
spila líka ágætis varnarleik. Þeir eru
með gott lið sem hefur staðið sig
vel í sumar. Þeir koma til með að
vera í góðum málum þegar stigin
verða tekin saman í haust.“
„Þurfum bara að venjast því
að vera yfir í leikjum og vera
rólegir með þá stöðu“
Kristján býst við því að Víkingar
bæti við sig leikmönnum þannig
að líklega verður liðið aðeins breytt
þegar liðin mætast í bikarnum. En
ætla Keflvíkingar að bæta við sig
leikmönnum? „Við veltum hlut-
unum auðvitað fyrir okkur. Ef við
teljum að gera þurfi breytingar í
leikmannamálum þá munum við
gera það.“ Keflvíkingar eru eins og
áður segir í fjórða sæti deildarinnar
og Kristján viðurkennir að menn
brosi út í annað í Bítlabænum.
„Við lögðum upp með að vera í efri
hlutanum og þannig lausir við fall-
drauginn. Það kitlar alltaf að kom-
ast langt í bikar og bæta því kryddi
við Íslandsmótið. Við erum alveg
ágætir í skapinu,“ segir Kristján
léttur í bragði. Þjálfarinn segir að
stundum detti spilamennska liðs-
ins niður en oftast nær sé liðið að
gera ágætis hluti. „Við höfum verið
að skora nokkuð af mörkum en
einnig verið að fá á okkur nokkur
sem við hefðum viljað koma í veg
fyrir.“ Keflvíkingar hafa verið að
missa niður forystu í leikjum en
fjórum sinnum hefur það komið
fyrir að liðið hefur misst niður for-
ystu í jafntefli eða tap. „Það verður
fyrst vandamál þegar við förum að
hafa áhyggjur af því. Við þurfum
bara að venjast því að vera yfir í
leikjum og vera rólegir með þá
stöðu, þá kemur þetta. Við höfum
alveg getuna í það og þetta kemur
bara með tímanum,“ segir Kristján
að lokum.
-íþróttir pósturX eythor@vf.is
Njarðvíkingurinn Bjarni Darri Sigfússon er á leið til
Skotlands í lok mánaðarins ásamt
þjálfara sínum, Guðmundi Stef-
áni Gunnarssyni, til að taka þátt
í landsliðsverkefni Glímusam-
bands Íslands, sem eru hálanda-
leikar. Bjarni Darri vann sér inn
rétt á að keppa á þessu móti með
því að sigra Íslandsmótið í sínum
aldursflokki í glímu.
Til gamans má geta að sama árið
varð Bjarni Darri Íslandsmeistari
í þremur bardagaíþróttum, fyrir
bæði Keflavík og Njarðvík. Á
þessum hálandaleikum kepp-
ir Bjarni Darri í grein sem heitir
Backhold sem líkist mikið hrygg-
spennu þar sem tveir glíma þangað
til annar fellur í jörðina eða missir
grip á andstæðingi sínum. Þetta er
önnur landsliðsferð Bjarna á þessu
ári. Hann tók einnig þátt í Norður-
landameistaramótinu í júdó fyrir
hönd Júdósambands Íslands.
■■ Öflugur júdókappi:
Bjarni Darri keppir í Skotlandi
Óskum eftir vönum handflökurum
til starfa í fiskverkun í Garði.
Zatrudnimy dopwiadczonych
fileciarzy od zaraz.
Upplýsingar í símum 897-3811 (Halli) og 421-2566 (Halla)
eða skilaboð seacrest@seacrest.is
Keflvíkingar eru góðir í skapinu
- Þjálfarinn glaður með heimaleik gegn Víkingum í undanúrslitum bikarkeppninnar
Keflvíkingar fögnuðu góðum sigri á Fram
í 8 liða úrslitum bikarkeppninnar.
Ljósmynd: Jón Örvar