Víkurfréttir - 17.07.2014, Blaðsíða 7

VÍKURFRÉTTIR • fimmtudagurinn 17. júlí 2014 7
Elfa Hrund Guttormsdóttir er 43 ára gamall Njarðvíkingur. Hún er gift þriggja barna móðir og á eina stjúpdóttur. Elfa er menntaður
félagsráðgjafi og vinnur hjá Virk starfsendurhæfingarsjóði.
Elfa elskar að útbúa góðan morgunmat fyrir fjölskylduna á sunnu-
dagsmorgnum sem eru algjörlega heilagir að hennar mati. Þá bakar
hún ljúffengar pönnukökur sem hún ber á borð ásamt góðu meðlæti
s.s. Nutella súkkulaðismjöri, bönunum, jarðarberjum, sykri og heima-
lagaðri rabbabarasultu. „Það er mjög gott að smyrja Nutella súkku-
laðismjöri á pönnukökurnar ásamt bönunum, þessa útfærslu lærði
ég í París fyrir 20 árum síðan þegar ég var au-pair þar í borg. Þá var
mjög vinsælt að fara á breiðgötuna Champs elysées um helgar og fá sér
Crépes með súkkulaði og bönunum.“
Ertu dugleg í eldhúsinu?
„Ég er dugleg að elda mat og sé
ég aðallega um eldamennskuna á
mínu heimili. Eva Sól dóttir mín
er mikill bakari og hefur hún séð
um baksturinn að mestu, sem ég er
mjög ánægð með. Hún er sérstak-
lega dugleg að baka cake pops og
franskar makarónur. Eiginmaður
minn hefur það hlutverk að ganga
frá eftir matinn sem er að mínu
mati góð verkaskipting. Hann er
líka miklu meiri snyrtipinni en ég.
Hann er einnig góður í að grilla
ofan í mannskapinn.“
Hefur þú gaman af því að
elda?
Já ég myndi segja það. Mér finnst
gaman að elda góðan mat og bjóða
fólki heim. Mér finnst skemmti-
legast að prófa mig áfram í elda-
mennskunni og elda eftir nýjum
uppskriftum sem ég hef aðallega
fundið í Gestgjafanum. Ég er ein-
staklega ánægð með verslunina
Ship og hoj og geri ég mikið af því
að kaupa gott hráefni hjá þeim. Við
þurfum að vera dugleg að versla
heima til að halda uppi góðri þjón-
ustu hér í bæjarfélaginu.
Hvað verður oftast fyrir val-
inu hjá þér í eldamennskunni?
„Pönnukökurnar mínar er minn
sérréttur. Ég baka oftast pönnu-
kökur á sunnudagsmorgnum
og það er líka mjög vinsælt að
baka pönnukökur fyrir fótbolta-
mót og seljast þær vanalega upp
á skömmum tíma. Einnig hef ég
boðið upp á heitar pönnukökur og
heitt súkkulaði eftir fótboltaleiki
fyrir vini og vandamenn.“
Fyrir hönd aðstandenda,
Finnbogi Þorsteinn Ólafsson
Elskulegur eiginmaður minn, faðir okkar,
tengdafaðir, sonur, bróðir og afi,

Ólafur Þór Eiríksson
Vesturbergi 78
Reykjavík
varð bráðkvaddur á heimili sínu sunnudaginn 6. júlí.
Útför fer fram frá Keflavíkurkirkju fimmtudaginn 17. júlí klukkan 13:00.
Blóm og kransar afþakkaðir en þeim sem vilja minnast hans er bent á líknarfélög.
Svitlana Eiríksson
Liliya Trusova
Sveinn Sigurður Ólafsson Le thi Oanh
Eiríkur Unnar Ólafsson Rósa Lilja Le
Daníel Hrafn Ólafsson
Hrafnhildur Gunnarsdóttir Eiríkur Gunnar Ólafsson
Ásgeir Eiríksson Ólöf Jónsdóttir
Marta Eiríksdóttir Friðrik Þór Friðriksson
og afadrengirnir.
Fyrir hönd aðstandenda,
Finnbogi Þorsteinn Ólafsson
Elskulegur faðir okkar, tengdafaðir, afi, langafi
og langalangafi,

Þórarinn Sæbjörnsson
Miðhúsum, Sandgerði,
áður Skeiðflöt, Sandgerði

lést á Heilbrigðisstofnun Suðurnesja miðvikudaginn 9. júlí.
Útförin fer fram frá Safnaðarheimilinu í Sandgerði, föstudaginn 18. júlí kl. 14:00.
Bjarnveig Skaftfeld Skúli Ragnarsson
Sæbjörn Þórarinsson Guðrún Antonsdóttir
Jónína Þórarinsdóttir Gunnar Stígsson
Ásta Laufey Þórarinsdóttir Ragnar Már Sigfússon
Barnabörn, barnabarnabörn og barnabarnabarnabörn.
-mannlíf pósturu eythor@vf.is
-minning
Ólafur Þór Eiríksson
fæddur 19. júní 1955
dáinn 6. júlí 2014
Elsku besti stóri bróðir minn er lát-
inn. Hann er farinn og kemur aldrei
aftur. Það er mjög erfitt að hugsa þá
hugsun til enda að þessi yndislegi
bróðir minn skuli aldrei faðma mig
aftur eða segja nafnið mitt á þann
hátt sem hann einn gerði, Marta mín,
besta systir mín. Að við eigum aldr-
ei eftir að hittast aftur og skiptast á
skoðunum, karpa um Guð almátt-
ugan eða um önnur andans mál.
Óli Þór var gjöfull á faðmlag og átti
óendanlega mikla hlýju handa öllum
þeim er umgengust hann. Frábær
pabbi og dásamlegur afi, góður eigin-
maður seinni konu sinnar, Lönu,
sem hugsaði einnig vel um lífs-
förunaut sinn og besta vin. Lifandi,
skemmtilegur, fyndinn, ástríkur og
umhyggjusamur, hispurslaus, já-
kvæður og bjartsýnn, svona var hann
Óli minn, elsku besti kallinn. Hans
verður sárt saknað af öllum þeim er
unnu honum.
En Óli átti sér skuggahlið og hún
fylgdi honum alveg frá tvítugsaldri,
nýútskrifuðum stúdent frá Mennta-
skólanum að Laugarvatni, er hann
var valdur að dauða tveggja vina
sinna. Hann burðaðist með það sam-
viskubit í þau næstum fjörutíu ár sem
hann lifði eftir bílslysið, slysið sem
umturnaði öllu í lífi hans og okkar
sem stóðu honum næst.
Óli Þór var lifandi kraftaverk, þótt
að bílslysið hafi sett sín spor í líkama
hans, þá var andinn alltaf jafn sterkur
og baráttuglaður, sérstaklega fyrir
hönd þeirra er minna máttu sín.
Óli barðist fyrir réttindum fatlaðra
eftir að hann upplifði eigin fötlun
eftir bílslysið. Hann þurfti að berjast,
því á þeim tíma sem hann lenti í bíl-
slysi á áttunda áratugnum, þá mætti
hann heilmiklum fordómum í sam-
félaginu vegna fötlunar sinnar. Það
særði mig djúpt sem aðstandanda
að horfa upp á hversu grimmt sam-
félagið gat verið bróður mínum, sem
langaði það eitt að vera meðtekin
eftir að hafa náð sér á undraverðan
hátt eftir mikla endurhæfingu á
Grensás, þegar hann gat aftur gengið
og talað en í slysinu lamaðist hann og
missti málið.
Ólafur Þór Eiríksson, var kennari
að mennt en síðustu ár ævi sinnar
titlaði hann sig sem rithöfund og var
nýbúinn að gefa út enska bók sem
hann nefndi Loki´s resurrection. Á
Amazon vefnum á hann einnig aðra
bók á ensku er fjallar um afleiðingar
bílslyssins. Fyrir u.þ.b. tuttugu árum
skrifaði hann þessa sömu bók á ís-
lensku, bókina sem hann seldi hús
úr húsi í gamla heimabænum sínum
Keflavík og víðar en sú bók fjallar
m.a. um fötlun hans eftir slysið.
Hérna eru lokaorð Ólafs Þórs úr
þeirri fyrstu bók hans, sem nú er
uppseld og hann nefndi Ótrúleg lífs-
barátta eftir bílslys;
Tilgangur minn með þessum skrifum
er að leita nýrra leiða til að skapa mér
atvinnu sem ég get sinnt þrátt fyrir
fötlun mína, þá sem aðrir segja að
ég hafi. Þrátt fyrir þá staðreynd að
sjálfur telji ég mig í engu frábrugðinn
venjulegu fólki. Ég tel mig hafa verið
þvingaðan beint og óbeint til að fá
mig úrskurðaðan 75% öryrkja og þar
með óstarfhæfan. Engu að síður tel
ég, að ég gæti sinnt ýmsum störfum,
þó að ég hafi ekki enn fengið starf við
hæfi mitt.
Ef saga mín verður öðrum fötluðum
til hvatningar í baráttu þeirra fyrir
bættri stöðu í sameiginlegu samfélagi
okkar, er ég ánægður. Þá þykir mér
betur af stað farið, en heima setið að-
gerðarlaus með hendur í skauti.
Nú er ég lít yfir farinn veg á fertug-
asta og fyrsta aldursári geri ég mér
grein fyrir því að ég á mörgum að
þakka það að ég skyldi þó hafa náð
þessum aldri. Fyrst ber að telja starfs-
fólk Borgarspítala sem gerði af mikilli
kostgæfni og óeigingirni allt sem það
gat til að halda í mér lífinu og koma
mér aftur út í samfélagið. Kannski
einnig Einari sáluga á Einarsstöðum;
hvað veit maður? Einnig starfsfólki
á sjúkrahúsinu og heilsugæslunni í
Keflavík. Eins ber að þakka af heil-
hug öllu því fólki, bæði skyldu og
alls óskyldu sem sýnt hefur mér hlý-
hug. Sérstaklega vil ég þó geta for-
eldra Sveins Sigurðar heitins, Fjólu
og Gunnars sem hafa verið einkar
indæl í minn garð, konu og sonanna
þriggja.
En mestar og bestar þakkir hljóta for-
eldrar mínir og systkini, kona mín og
synir fyrir að hafa ekki látið mig sigla
minn sjó þrátt fyrir alla galla mína
sem oft hafa valdið þeim miklum
sárindum og erfiðleikum.
Blessuð sé falleg minning Óla Þórs,
bróður míns.
Marta systir.
X■ Í ELDHÚSINU:
Uppskrift
3 dl hveiti
½ tsk lyftiduft
1 msk sykur
2 egg
4-5 dl mjólk
30 g smjör eða 3 msk olía
½ tsk sítrónu- eða vanilludropar
XuAðferð
Setjið hveiti, lyftiduft og sykur í
skál. Hrærið helminginn af mjólk-
inni út í og hrærið þar til deigið
er orðið kekkjalaust. Bætið eggj-
unum við, fyrst öðru svo hinu, og
sláið vel saman. Hellið afganginum
af mjólkinni út í. Bræðið smjörið
og bætið því í deigið ásamt köku-
dropunum. Bakið kökurnar á
heitri pönnu.
Sunnudags-
morgnar heilagir