Víkurfréttir - 24.07.2014, Blaðsíða 10

fimmtudagurinn 24. júlí 2014 • VÍKURFRÉTTIR10
Skötumessan var haldin með glæsibrag í Gerðaskóla í Garðinum á dögunum. Þar kom saman fjöldi fólks sem gæddi sér á vel kæstri
skötu. Að mati veislugesta var skatan hæfilega kæst og höfðu nokkrir á
orði að hún væri einstaklega góð í ár. Að venju voru góð málefni styrkt
en Ásmundur Friðriksson þingmaður og félagar hafa jafnan styrkt
ýmis góð verkefni og einstaklinga við þetta tækifæri.
„Þetta er í fjórða skipti sem við
höldum þetta af þessari stærðar-
gráðu hér í Gerðaskóla en við
höfðum áður haldið þetta með
minna sniði þannig að samtals eru
þetta 8 skipti. Það mættu hér 400
manns og það er sá fjöldi sem við
búumst við að fá. Það eru yfirleitt
sömu andlitin ár eftir ár og ekki
beint verið að reyna að stækka þetta
meira, frekar að gera þetta betur.
Það mikilvægasta í þessu finnst
mér að allir gestir upplifi saman í
lok kvölds að hafa látið gott af sér
leiða eftir afhendingu styrkjanna,“
en með Skötumessunni hafa mörg
góð verkefni og einstaklingar verið
styrkt í gegnum tíðina.
„Þegar við fórum að selja inn á
þetta fór að vera afgangs peningur
sem okkur langaði að nýta í gott
málefni. Fyrstu árin fór sá pen-
ingur til MND félagsins en þegar
þetta stækkaði og við fórum að fá
matinn gefins frá Axeli Jónssyni í
Skólamat, þá fer hérumbil öll upp-
hæðin sem safnast beint í styrki.
Það eru örfáar krónur sem fara í
innkaup,“ Ásmundur segir gesti
koma hvaðanæva að af landinu,
frá Vík í Mýrdal, Vestmannaeyjum,
Hvammstanga, víðast hvar af
Suðurlandinu og auðvitað höfuð-
borgarsvæðinu.
-mannlíf pósturu vf@vf.is
X■ Skötumessa í Garðinum:
„Hefði ég ekki étið skötu hér
áður fyrr hefði ég ekki komist
til manns“
- Sumarskatan vekur mikla lukku
Fastur
liður í lífi Garð-
manna á sumrin
að fá skötu um
mitt sumar,
það er farið að
spyrja hvenær
Skötuveislan
verði í maí
Ég hef ekki
fengið svona
góða skötu
síðan í barn-
æsku. Hún er
svo sterk og
góð núna
„Skatan klikkar aldrei hér“
Xu Jón Borgarsson Hafnarmaður hefur alltaf mætt á
Skötumessuna en hann segir skötuna aldrei klikka.
„Ég hef lengi verið í góðgerðarstússi þó maður hafi
ekki alltaf haft efni á því. Ég myndi alveg mæta þó
ég væri ekki að fá mér að borða. Ég er samt yfir mig
hrifinn af skötunni og hefði ég ekki étið skötu hér
áður fyrr hefði ég ekki komist til manns. Ég er alinn
upp við að borða skötu og fæ mér hana í hvert sinn
sem hún er á boðstólum. Framlagið er mjög flott
hjá honum Ásmundi og skatan klikkar aldrei hér.“
XuPáll Jóhann Pálsson þingmaður
Framsóknar frá Grindavík segir
skötuna góða í Garðinum. Hann
tekur þó ekki svo djúpt í árinni
að segja hana betri en á heima-
slóðunum. „Skatan er fjandi góð,
ansi sterk en ég geng nú ekki svo
langt að segja að hún sé betri
hér en í Grindavík, en mjög ná-
lægt því. Þetta er í fyrsta skipti
sem ég mæti en við Ásmundur
höfum kynnst vel á þinginu og
þar fékk ég að heyra af þessari
Skötumessu. Síðasta þingdaginn
elduðum við Ási saman skötu við
misjafnar undirtektir hinna þing-
mannanna. Lyktin þótti ekki vel
við hæfi en flestum líkaði þetta
þó. Mér finnst þetta frábært fram-
tak og virkar vel fyrir alla, hægt
er að fá sér skötu og styrkja gott
málefni í leiðinni. Hér áður fyrr
fékk maður alltaf skötu á sjónum
á laugardögum en núna er þetta
eiginlega bara á Þorláksmessu,“
sagði þingmaðurinn.
XuMatreiðslumaðurinn Gunnar
Sumarliðason sagði að sjaldan
hefði farið jafn mikið af skötu og
nú. „Við erum að fara með um 150
kg af skötu og 60 kg af saltfisk.
Hún er rétt rúmlega kæst að þessu
sinni. Skatan kemur úr Garðinum
frá honum Tedda, hann kann
þetta. Þetta er með mesta móti
núna.“
Skatan fer vel í stóra
sem smáa.
Bæjarstjórinn í Garði
kláraði af disknum sínum.
Þingmaðurinn Páll Jóhann ásamt fleiri glöðum
Grindvíkingum.