Víkurfréttir - 24.07.2014, Blaðsíða 14
fimmtudagurinn 24. júlí 2014 • VÍKURFRÉTTIR14
-íþróttir pósturu eythor@vf.is
Reynismenn taka á móti grönnum sínum frá
Njarðvík í kvöld í 2. deild
karla í fótbolta. Liðin eru
í tveimur neðstu sætum
deildarinnar og segja mætti
að nú sé að duga eða drepast
fyrir bæði lið. Jafnan þegar
liðin mætast þá er fjörugur
fótbolti leikinn og mikið af
mörkum. Hvað gerist í Sand-
gerði í kvöld?
„Bæði lið þurfa sigur þar sem
þetta er í raun fallslagur. Við
erum í vondri stöðu, það þarf
ekkert að skafa af því,“ segir
Ómar Jóhannsson aðstoðar-
þjálfari Njarðvíkinga. „Við gerum
okkur grein fyrir að hver leikur
sem líður verður mikilvægari þar
sem stigunum fækkar sem eru í
boði. Njarðvík-Reynir er líka
skemmtilegur leikur, það er alltaf
smá öðruvísi að mæta grönn-
unum sama hver staðan er í deild-
inni.“ Njarðvíkingar styrktust á
dögunum en þá kom framherjinn
Andri Fannar Freysson til liðsins.
„Andri Fannar er náttúrulega ný-
kominn og er mjög mikilvægur
fyrir okkur, og ekki er það verra
að hann sé algjör Njarðvíkingur,“
segir þjálfarinn. Mun þjálfarinn
Guðmundur Steinarsson klæðast
treyju í leiknum? „Það er aldrei
að vita, hann hefur náttúrulega
spilað nokkrar mínútur nú þegar
í sumar. Það er gott að hafa hann
til taks. Þegar hann er nálægt
markinu er alltaf hætta á marki.“
Draumur ef reynsluboltarnir
myndu ná að bjarga okkur frá falli
Hjörtur Fjeldsted ólst upp með
þeim Ómari og Guðmundur í yngri
flokkum Keflavíkur. Hann hefur
verið hjá Reynismönnum frá árinu
2004 og er núna aðstoðarþjálfari
liðsins. Hann viðurkennir að það
væri gaman að skjóta vinstrifótar-
vinum sínum ref fyrir rass.
„Ætli ég verði ekki á bekknum sem
aðstoðarþjálfari og reyni jafnvel í
framhaldinu að fylla í skó Kjartans
Mássonar. Við Reynismenn eigum
möguleika á að kljúfa okkur að-
eins frá Njarðvík með sigri þeirra
geta þeir jafnað okkur í deildinni.
Þetta er því botnsslagur af bestu
gerð,“ segir Hjörtur en hann býst
við góðum leik. „Það er alltaf nóg
að gerast í þessum Derby-leikjum
okkar, þannig að þetta verður pott-
þétt baráttuleikur og væri
gaman að sjá sem flesta á
vellinum.“
Hvað hefur verið að
klikka hjá Sandgerð-
ingum í sumar? „Þetta er
nýtt lið og menn eru að
slípa sig saman. Þetta eru
ungir strákar og vantar
reynslu. En við Grétar
(Hjartarson) erum að
reyna að koma inn með
reynslu og svo er Magni (Jóhanns-
son) líka byrjaður að mæta aftur og
mun sennilega vera í hóp á fimmtu-
daginn. Egill þjálfari er líka reynslu-
mikill og það væri algjör draumur
ef reynsluboltarnir myndu ná að
bjarga okkur frá falli.“ Hjörtur er
að æfa með liðinu og segir að það
sé aldrei að vita nema hann klæði
sig í búning. „Það verður gaman að
mæta Gumma, Ómari og félögum.
Við spiluðum saman upp alla yngri
flokka og upp í meistaraflokk í
Keflavík. Það verður samkeppni á
milli okkar vinstrifótamannanna,“
segir Hjörtur. Hann segir að ef
gamli vinur hans, Gummi Steinars,
verði með þá séu Njarðvíkingar
alltaf hættulegir fram á við. „Hann
þarf ekki mikinn tíma eða pláss.
Hann þarf varla að vera kominn
yfir miðju til þess að teljast líklegur
til þess að skora,“ sagði Hjörtur á
léttu nótunum að lokum.
Fallslagur í Sandgerði
- Derby-slagur í 2. deild
karla í fótbolta
- Una Margrét er fyrirliði U17 landsliðsins:
Get spilað flestar stöður
fyrir utan markmanninn
XuUna Margrét Einarsdóttir er
fyrirliði U17 landsliðsins í fót-
bolta en hún spilar með 3. flokki
RKV sem er sameiginlegt lið
Reynis, Keflavíkur og Víðis.
Einnig á hún að baki tíu leiki
með meistaraflokki Keflavíkur.
Una er fædd og uppalin í Garð-
inum og spilaði með Víði í Garði
upp alla yngri flokka, þar til að
hún skipti yfir í Keflavík í fyrra-
vor. Hún hefur spilað sjö leiki
með U17 landsliðinu en hún var
að koma heim úr landsliðsferð
frá Sviss.
„Það var rosalega gaman að fara út
að spila með landsliðinu. Okkur
gekk ekkert það vel, við erum
mikið minni þjóð en hinar. Þetta
var bara mjög góð reynsla,“ sagði
Una Margrét.
Hvernig er sambandið á milli
ykkar stelpnanna í landsliðinu?
„Við stelpurnar í landsliðinu
erum nokkuð nánar, tölum mikið
saman þegar það eru æfingar. Á
milli leikja erum við mikið uppi á
herbergi að slaka á og spjalla, við
reynum að vera sem minnst á net-
inu. Svo fórum við líka að versla.“
En hvernig er að spila í meistara-
flokki?
„Það er svolítið erfiðara að spila
í meistaraflokki, en stelpurnar í
liðinu eru æðislegar og aðstoða
mig mikið. Ég læri líka mikið af
því að spila með þeim og fá góða
reynslu.“
Áttu þér einhver önnur áhuga-
mál?
Ég hef verið í tónlistarskóla, þann-
ig að ég myndi segja tónlist.
Hvað langar þig til að gera í
framtíðinni?
Langar að vera kennari en það er
bara svo illa borgað.
Hvaða stöðu spilarðu og hvaða
stöðu finnst þér skemmtilegast
að spila?
Get spilað flestar stöður fyrir utan
mark, en finnst skemmtilegast að
vera fremst á miðju.
Hver er besti skemmtikrafturinn
í liðinu? (Keflavík)
Það koma margar til greina en
Magga bingó vinnur þetta.
Hvenær vaknarðu á morgnana?
Vakna um hálfátta á virkum
dögum en frekar mikið seinna um
helgar, ef það er ekki leikur.
Ertu að vinna einhvers staðar?
Er bara í bæjarvinnunni.
Í hvaða framhaldsskóla ferðu í og
hvað ætlarðu að læra?
Fer í FS og ég ætla á félagsfræði-
braut.
Uppáhalds:
Bíómynd?
Fault In Our Stars situr í mér.
Þættir?
Eitthvað svona sakamála, Bones,
The Mentalist og Rizzoli And Isles.
Matur?
Mexíkósk kjúklingasúpa.
Staður?
Rúmið mitt er minn staður.
Tónlistarmaður/hljómsveit?
Á ekki beint uppáhalds, hlusta á
allt mögulegt.
Fótboltamaður/-kona?
Lionel Messi & Luis Suarez.
5. flokkur Njarðvíkur í
fótbolta spilaði við Val í
A- og C-liðum á dögunum.
Ljósmyndarar Víkurfrétta
kíktu á Njarðtaksvöll og
smelltu nokkrum myndum
af keppendum. Hægt er að
sjá myndasafn af köppunum
á vefsíðu okkar vf.is.
Grænir og góðir
Una í leik með meistara-
flokki gegn Víkingi.
Aðstoðarþjálfararnir Ómar og Hjörtur.