Víkurfréttir - 31.07.2014, Blaðsíða 6

fimmtudagurinn 31. júlí 2014 • VÍKURFRÉTTIR6
Hljómsveitin Valdimar gaf nýverið út nýtt lag Læt það duga en myndband við lagið var frumsýnt í kjölfarið. Stefnt er á að ný
plata líti dagsins ljós í október en síðasta plata hljómsveitarinnar Um
Stund kom út árið 2012 og var valin önnur besta íslenska plata ársins af
hlustendum Rásar 2. Hljómsveitin hefur lítið verið að spila á tónleikum
þar sem tveir meðlimir hljómsveitarinnar eru í námi erlendis, en það
hefur eiginlega alltaf verið þannig að einhver sé úti í námi yfir veturinn.
Í samtali við Víkurfréttir sagði
söngvari hljómsveitarinnar, Valdi-
mar Guðmundsson að verið væri
að klára upptökur á allra næstu
dögum. „Þetta er að klárast hér
um bil í þessum töluðu orðum.
Síðan fer ákveðið ferli af stað þar
sem verið er að mixa, mastera og
framleiða plötuna.“ Platan verður
tilbúin til útgáfu í október og var
tekin upp í Orgelsmiðjunni og
Hljóðheimum.
Tónninn í nýju plötunni verður ei-
lítið frábrugðinn fyrri plötunum að
því leytinu að notast er við kassa-
gítar sem gefur léttara og bjartara
sánd. „Hún er alla vega ekki jafn
þung og drungaleg og síðasta plata.
Við erum að þróa sándið og not-
umst aðeins við tölvuhljóð líka.
Það er ekki gaman að gera sömu
hlutina tvisvar,“ segir Valdimar.
Myndbandið við nýja lagið Læt það
duga var gert af myndlistarmann-
inum Kristni Guðmundssyni og
leikur Atli Annelsson eina hlut-
verkið í myndbandinu. Strákarnir,
sem eru góðir félagar hljómsveitar-
meðlimanna gerðu saman þetta
fyrsta myndband sem gert hefur
verið fyrir Valdimar frá grunni í
þeim tilgangi að vera tónlistarmyn-
band. Áður gerði Kristinn þó verk
með laginu Yfir Borgina.
Meðfram lokavinnslu plötunnar
stefnir hljómsveitin á að halda tón-
leika í lok ágústmánaðar en staður
og stund munu koma í ljós síðar.
Það er síðan alltaf nóg að gera hjá
Valdimar en söngvarinn syngur
reglulega í veislum á svæðinu
og mun koma fram á Jazzhátíð í
Reykjavík ásamt Ásgeiri gítarleik-
ara hljómsveitarinnar. Verslunar-
mannahelgin verður þó sallaróleg
en þvert á það sem gengur og gerist
í lífi tónlistarmanna er Valdimar
ekki bókaður yfir ferðahelgina
miklu. „Hver veit nema ég fari út
á land, eða jafnvel á Innipúkann,
ég hef ekkert ákveðið enn,“ segir
Valdimar að lokum.
-viðtal pósturX vf@vf.is
Bókin
Ég get ekki sagt að ég sé mikill lestrarhestur.
Ég les mest af efni tengdu skólanum mínum,
en reyni svo að komast í gegnum eina og
eina bók í frítímanum mínum. Bókin sem
ég er að lesa núna, og hef verið að lesa í
heillangan tíma, heitir Rósablaðaströndin.
Bókin er eftir Dorothy Koomson. Hún
fjallar um Tami og Scott sem eiga tvær
dætur og lifa bara góðu lífi þangað til að eitt
kvöldið bankar lögreglan upp á hjá þeim
og handtekur Scott. Hann er sakaður um
skelfilegan glæp og í framhaldinu hrynur
allt. Mikið um leyndarmál og dramatík.
Mjög spennandi bók. Hún hefur einnig skrifað fleiri bækur sem ég
hef heyrt að séu góðar, gæti alveg hugsað mér að lesa hinar bækurnar
hennar.
Tónlist
Þar sem ég er nýbúin að festa
kaup á miðum á afmælistón-
leika Hjálma í september þá er
ég að byrja að hlusta á þá aftur
eftir smá pásu. Er búin að
vera dyggur aðdáandi þeirra
frá upphafi. Sam Smith hefur
verið að heilla mig undan-
farið og svo finnst mér alltaf
gaman að heyra nýja Þjóðhátíðarlagið með
Jóni Jónssyni. Það er skemmtilegt og hressandi lag að mínu mati og
mjög auðvelt að fá á heilann. Annars er það mjög misjafnt hvernig
tónlist ég hlusta á enda er ég með mjög breiðan tónlistarsmekk. Ég er
alltaf pínu veik fyrir 80’s og 90’s lögum enda mikið af góðum tónlistar-
mönnum og hljómsveitum sem slógu í gegn á þeim tíma. Ég er t.d.
mikill U2 aðdáandi, fór til Boston að sjá þá spila 2009 og væri mikið
til í að fara aftur á tónleika með þeim. Ég elska Sigur Rós og hef farið
tvisvar á tónleika með þeim. Svo dett ég alltaf í Jay Z, Kanye, Beyonce
svo dæmi séu nefnd. Mér finnst líka fátt eins skemmtilegt og að fara
á tónleika. Fór á Beyonce í Köben í fyrra, á miða á Justin Timberlake
í ágúst og svo væri ég mikið til í að stefna á utanlandsferð fljótlega og
fara á góða tónleika. Ég verð að viðurkenna að ég er vandræðalega mik-
ill „Boyband“ aðdáandi. Hlustaði tímunum saman á Backstreet Boys
og fleiri góða á mínum yngri árum og get ennþá sungið með mörgum
laganna þeirra. Svo má ekki gleyma öllum góðu íslensku lögunum frá
hinum ýmsu söngvurum og hljómsveitum sem maður getur sungið í
góðu gítarpartýi eða útilegu.
Sjónvarsþáttur
Núna er ég að
horfa á Suits, Mi-
stresses og 24.
Uppáhalds sjón-
varpsþætt irnir
mínir eru Grey’s
Anatomy, House
of Cards, Game
of Thrones, Scan-
dal, The Follow-
ing, The Blacklist og True Detective fyrir utan þessa sem ég nefndi á
undan. Get helst aldrei beðið með að horfa á þessa þætti og horfi alltaf
á þá á netinu þegar þeir eru sýndir í Bandaríkjunum því Ísland er yfir-
leitt alltaf á eftir í að sýna þetta. Svo má ekki gleyma Friends, en ég hef
horft á þá þætti rosalega oft, ef ekki oftar en flestir. Svo dett ég inn í
ýmislegt annað ef ég hef ekkert að gera enda mikið af góðu efni sýnt í
sjónvarpinu. Mér finnst raunveruleikaþættir oft skemmtilegir og flest
sem tengist íþróttum, þá helst körfubolta og fótbolta.
-afþreying
póstur X pop@vf.is
Vandræðalega
mikill „Boyband“
aðdáandi
Helga Jónsdóttir er fædd
og uppalin í Keflavík. Hún
er 26 ára og stundar nám
í hjúkrunarfræði við Há-
skóla Íslands og starfar á
hjartadeild Landspítalans
við Hringbraut. Hún er
mikill tónlistarunnandi og
ætlar sér á afmælistón-
leika Hjálma í haust. Hún
er að eigin sögn ekki mikill
lestrarhestur en oftast
verða skólabækurnar
fyrir valinu. Hún horfir á
ótal sjónvarpsþætti og
eru margs konar þættir í
uppáhaldi hjá henni.
Valdimar með nýtt lag
og myndband
-Gefa út nýja plötu í október
-verslunarmannahelgin
Hvað á að gera um verslunar-
mannahelgina og hvert á að fara?
Ég er nýkominn heim úr ferða-
lagi, elti sólina norður og á
Austurlandið og fór einnig stutta
ferð um Suðurlandið. Það er frá-
bært að ferðast um fallega landið
okkar, en ég býst við að ég verði
í borginni um verslunarmanna-
helgina. Ég hef ekki farið neitt
sérstakt síðustu 2 ár. Það er mikið
fjör í miðborginni á Innipúk-
anum um verslunarmannahelg-
ina og ég stefni á að njóta þess
þetta árið með góðum vinum.
Ég verð að viðurkenna að eftir
því sem aldurinn færist yfir mig
dregur úr tjaldáhuganum, nema
að það sé 100% öruggt að veðrið
leiki við mig.
Hvað finnst þér einkenna góða
verslunarmannahelgi og finnst
þér eitthvað vera ómissandi um
þessa helgi?
Það sem einkennir verslunar-
mannahelgi er frábær stemning
í fólki og mikil tilhlökkun. Eyja-
menn standa auðvitað fremstir
sem foringjar í þessu með því að
gefa út þjóðhátíðarlag á hverju
ári og ýta undir tilhlökkun land-
ans. Lagið hans Jóns þetta árið er
eins og lím, það festist í höfðinu
á manni, enda virkilega gott lag.
Það er ómissandi að hafa alltaf
nýtt þjóðhátíðarlag, það er hluti
af stemningunni á hverju ári. Þá
er ómissandi að nýta þessa helgi
í að gleðjast í góðra vina hópi og
með fjölskyldunni. Verslunar-
mannahelgin er helgi þar sem við
eigum að njóta þess að vera til.

Er einhver verslunarmanna-
helgi sem er eftirminnilegri en
aðrar hjá þér?
Já að vísu er sú eftirminnileg-
asta því miður neikvæð. Ég var
staddur í Vestmannaeyjum þegar
banaslys í fjölskyldunni átti sér
stað og var fastur á eyjunni fögru.
En ég hef farið nokkrum sinnum
á Þjóðhátíð í Eyjum og þær hafa
allar verið skrautlegar, hver með
sínum hætti. Það liggur fyrir að
það er langskemmtilegast að fara
á Þjóðhátíð, þar er fjörið. Það er
svo sérstakt að það er í rauninni
sama hvernig veðrið er, maður
kemur alltaf heim með gleði í
hjarta. Man eftir Þjóðhátíð 2002
þar sem það rigndi eins og ég
veit ekki hvað. Við vöknuðum í
tjaldinu hálf á kafi. Við tjölduðum
í lautu sem breyttist í litla tjörn.
Ég var virkilega pirraður og við
fórum tveir niður á bryggju til
að ná Herjólfi heim. Við biðum
í röðinni og fyrir framan okkur
voru tveir túristar, þeir náðu
tveimur síðustu miðunum. Við
stóðum pirraðir á bryggjunni og
horfðum á Herjólf sigla út inn-
siglinguna, þá rákum við augun
í túristana sem ákváðu að fara
ekki í bátinn. Ég verð að viður-
kenna að mig langaði að öskra
á þá, en við héldum í dalinn og
fengum pláss í íþróttahúsinu líkt
og margir aðrir. Þarna á bryggj-
unni bauð ónefndur Keflvíkingur
okkur far en hann ætlaði að stela
tryllu til að sigla í land. Við af-
þökkuðum gott boð. Eftir að hafa
þurrkað fötin á ofni var bara farið
í pollagallann í dalinn og kvöldið
varð eftirminnilegt. Það segir
manni að láta ekki veðrið eyði-
leggja stemninguna, það er ekki
annað hægt en að hafa gaman ef
maður ætlar sér það.
Boðið far frá Eyjum á stolinni tryllu
Garðbúinn hressi Árni Árna-
son mun halda sig í höfuð-
borginni þessa helgi og kíkja
á Innipúkann.