Víkurfréttir - 14.08.2014, Blaðsíða 10

fimmtudagurinn 14. ágúst 2014 • VÍKURFRÉTTIR10
Jónas Guðni Sævarsson er í ansi áhuga-verðri stöðu. Hann er uppalinn Keflvíkingur
sem tvisvar varð bikarmeistari með liðinu
(‘04og ‘06). Nú klæðist hann röndóttri treyju
Vesturbæinga þar sem hann hefur einnig nælt
sér í tvo bikarmeistaratitla (‘08 og ‘12). „Þetta
er skemmtilegt hvernig þetta æxlast. Maður er
bara með „flashback“ frá 2006 þegar ég lék með
Keflavík einmitt á móti KR, en nú er maður ein-
mitt í hinu liðinu, þannig að þetta er skemmti-
leg tilviljun,“ segir fyrrum fyrirliði Keflavíkur-
liðsins.
Jónas á yngri bróður sem hefur verið að banka
á dyrnar hjá meistaraflokki Keflavíkur, en sá er
fæddur árið 1997 og heitir Fannar Orri Sævars-
son. „Þetta verður afar erfitt fyrir foreldra okkar.
Það er spurning hvort mamma sitji í Keflavíkur-
stúkunni og pabbi KR megin. Þau verða líklega
bara að halda með liðinu sem vinnur,“ segir Jónas
í léttum dúr. „Ég held að Fannar sé bara stoltur af
bróður sínum og líti upp til hans. Auðvitað myndi
hann vilja æfa með mér og spila með mér, það er
aldrei að vita nema það verði einhvern tímann
að veruleika. Það væri gaman að spila með litla
bróður. Það kemur í ljós í framtíðinni en ég á eitt
ár eftir af samningi mínum við KR.“ Þannig að
þú lokar ekkert hurðinni á endurkomu á heima-
slóðir? „Maður gerir það aldrei, það er ekki hægt
að gera það,“ segir miðjumaðurinn sterki.
Ég held að það sé frábær stemning í Keflavíkurliðinu og mér fannst t.d.
ofboðslega skemmtilegt að sjá myndir frá Víkurfréttum þar sem þeir
fögnuðu sigri gegn Víkingum. Það er jafnvel eitthvað sem við þurfum að
vara okkur á. Þrátt fyrir að hafa leikið gegn þeim í deildinni á mánudaginn,
þá erum við að fara að mæta allt öðru Keflavíkurliði á laugardaginn.“
Kom upp lítill Keflvíkingur í þér við það að sjá fagnaðarlæti þeirra? „Já það
kom svona smá, maður hugsaði að þarna væri mikil stemning og maður
vill vera þar sem stemningin er. Stemningin er líka frábær hérna hjá okkur
og mikil spenna fyrir þennan leik, það er mikið í húfi fyrir okkur að vinna
titil þar sem við verðum að treysta á aðra til þess að næla í Íslandsmeistara-
titilinn,“ segir Jónas að lokum.
Haraldur fyrirliði Guð-mundsson var ör yggið
uppmálað þegar hann tryggði
Keflvíkingum endanlega sæti
í úrslitum með frábærri víta-
spyrnu gegn Víkingum á dög-
unum. Hann segir leik sem
þennan hafa gríðarlega þýðingu
fyrir félagið.
Hvernig rífa Keflvíkingar upp
stemninguna fyrir leikinn?
„Við Keflavík sem lið þurfum
svosem ekkert að gera neitt sér-
stakt til að búa til stemningu, það
er góð stemning í hópnum og
hefur verið allt frá því við hófum
æfingar í vetur. Spennan mun svo
eflaust stigmagnast fram að leik.
En við komum til með að vera
aðeins meira saman utan æfinga
í vikunni en venjulega, komum
t.d til með að borða saman á
fimmtudaginn; stjórn, þjálfarar,
leikmenn og makar. Ég vona að
sjálfsögðu að það verði frábær
stemning í stúkunni á laugardag-
inn og fólk fjölmenni á völlinn.“
Hvaða þýðingu hefur leikur sem
þessi fyrir félagið?
„Leikurinn hefur að sjálfsögðu
mikla þýðingu, það er frábært
fyrir okkur sem félag að komast
í úrslitaleikinn, við ætlum okkur
sigur í leiknum og koma okkur
í Evrópukeppni á næsta ári. Svo
gefur þetta náttúrulega bæjar-
félaginu mikla orku, leikurinn er
á allra vörum og fólk er spennt
fyrir laugardeginum.“
Finnst þér ekki að Jóhann eigi að
standa við stóru orðinn og aflita
á sér kollinn fyrir leikinn?
„Ef Jói hefur sagt að hann ætli
að aflita á sér hárið fyrir leikinn
þá er mjög líklegt að hann standi
við það, enda Jóhann maður orða
sinna eins og ég þekki hann.
Þannig að það sem ég vil segja um
þetta er að við munum örugglega
sjá Jóhann eins og árið ‘97, ef ekki
hárið, þá allavega skeggið.“
E inar Gunnarsson var fyrirliði Keflvíkinga árið 1975 þegar liðið varð fyrst bikarmeistari. Varnarmaðurinn sókndjarfi skoraði þá sigur-
markið með þrumuskoti fyrir utan vítateig gegn gull-
aldarliði Skagamanna. „Það er fyrst og fremst mjög
gaman að ná það langt að spila sjálfan úrslitaleikinn.
Það var eins þá og er nú, við vorum ekki álitnir sigur-
stranglegir. Þeir áttu sterka leikmenn og voru líklega
betra lið. En það skiptir ekki máli í bikarnum,“ rifjar
fyrrum fyrirliðinn upp.
Markið sem Einar skoraði varð frægt enda einkar glæsi-
legt. Þeir sem yngri voru og sáu ekki markið höfðu heyrt
ýmsar tröllasögur af því, þar sem knötturinn sveif upp í
samskeytin af 40 metra færi. Einar hlær við og segir það
líklega byggt á misskilningi vegna veggplatta sem gerður
var með markina góða á. „Þar var markið sett þannig
fram að boltinn hefði hafnað í vinklinum, af því að það
kom betur út á plattanum,“ segir Einar og hlær. „Þetta gleymist ekki, það
er nú bara svoleiðis. Þetta er eftirminnilegasta markið á mínum ferli,“ segir
Einar sem varð Íslandsmeistari með liðinu tvisvar sinnum. „Það var allt í
lagi ef maður brá sér fram í sóknina, þá var bara einhver annar sem bakk-
aði. Við varnarmennirnir fórum líka oft fram í aukaspyrnum og slíku þar
sem við vorum áræðnari, það gaf oft mörk,“ segir Einar sem reiknar með
því að skella sér á völlinn á laugardag. „Ég vona svo sannarlega að þetta
falli okkar megin.“
-íþróttir /bikarinn 2014
Fremri röð talið frá vinstri: Friðrik Ragnarsson, Steinar Jóhannsson, Hjörtur Zakarías-
son, Einar Gunnarsson fyrirliði, Ástráður Gunnarsson, Hörður Ragnarsson, Guðjón
Guðjónsson, Kári Gunnlaugsson. Aftari röð: Jón Jóhannsson þjálfari, Árni Þorgrímsson
formaður knattspyrnuráðs ÍBK, Þorsteinn Ólafsson, Þorsteinn Bjarnason, Hilmar
Hjálmarsson, Grétar Magnússon, Ólafur Júlíusson, Karl Hermannsson, Gunnar Jóns-
son, Jón Ólafur Jónsson, Gísli Torfason og Guðni Kjartansson.
EFTIRMINNILEGASTA
MARKIÐ Á FERLINUM
EINAR GUNNARSSON FYRIRLIÐI KEFLVÍKINGA ÁRIÐ 1975
Sóknarmaðurinn Magnús Þorsteinsson er að spila sinn
þriðja leik til úrslita í Bikar-
keppninni. Hvernig hagar hann
undirbúningi fyrir svona stóra
leiki?
„Ég reyni að hafa undirbúning fyrir
alla leiki svipaða, en auðvitað nálg-
ast maður svona stóra leiki öðru-
vísi en aðra leiki. Aðalatriðið er að
halda spennustiginu niðri og njóta
þess að vera kominn í stærsta leik
sumarsins. Dagsformið mun ráða
miklu og held ég að leikurinn verði
skemmtilegur fyrir áhorfendur og
leikmenn, vonandi sýnum við nógu
mikil gæði og baráttu til að vinna
þetta KR-lið. Við mætum allavega
vel undirbúnir og hungraðir í titil.
Það er frábær tilfinning að komast
í þennan leik og enn skemmtilegra
að vinna hann. Sumir komast aldrei
í úrslit bikarsins þannig að ég bíð
bara spenntur eftir að spila minn
þriðja bikarúrslitaleik. Vonandi
fáum við bara sem flesta á völlinn
og búum til alvöru keflvíska stemn-
ingu.“
HUNGRAÐIR
Í TITILINN
JÓHANN ER MAÐUR
ORÐA SINNA
BRÆÐUR MUNU BERJAST
KR-INGURINN JÓNAS
GUÐNI ÚTILOKAR EKKI END-
URKOMU Á HEIMASLÓÐIR
Keflvíkingar leika til úrslita í bikarkeppni KSÍ í tíunda skipti síðan keppnin var sett á fót árið
1960 en fjórum sinnum hafa þeir fagnað sigri í
keppninni. Það var gullaldarlið Keflvíkinga sem
reið á vaðið árið 1975 og landaði fyrsta bikartitl-
inum til Bítlabæjarins eftir sigur á frábæru Skaga-
liði. Það var svo 22 árum síðar, árið 1997 að glókoll-
arnir undir stjórn Sigga Björgvins og Gunna Odds
stálu bikarnum af gríðarsterku liði Eyjamanna eftir
maraþon rimmu þar sem leika þurfti tvisvar, fram-
lengja og klára dæmið með vítaspyrnukeppni. Árið
2004 fögnuðu Keflvíkingar aftur sigri í bikarnum
að þessu sinni undir stjórn Milan Stefáns Jankovic,
en þá vannst öruggur 3-0 sigur gegn KA-mönnum.
Það var svo árið 2006 að liðin sem kljást á laugar-
daginn, Keflavík og KR, mættust í spennandi leik.
Þar stóðu Keflvíkingar uppi sem sigurvegarar
með tveimur mörkum gegn engu. Þessi lið eiga sér
nokkra sögu og má segja að sérstakur rígur hafi
myndast á milli félaganna í fótboltanum. Í veglegri
umfjöllun rifjum við upp sæta sigra Keflvíkinga í
bikarnum í gegnum tíðina og tökum gamlar bikar-
hetjur tali. Leikurinn sjálfur er á laugardaginn og
hefst klukkan 16:00 á Laugardalsvelli.
KEFLVÍKINGAR LEIKA ÖÐRU SINNI TIL ÚRSLITA GEGN KR
KEFLVÍKINGAR HAFA ALDREI FENGIÐ Á SIG MARK Í ÚRSLITALEIKNUM Í VENJULEGUM LEIKTÍMA
KEMUR SÁ FIMMTI TIL KEFLAVÍKUR?
Bikarmeistarar Keflavíkur 2004
Merktu myndirnar á bikarúrslitaleiknum #vikurfrettir á Instagram