Víkurfréttir - 21.08.2014, Page 4
fimmtudagurinn 21. ágúst 2014 • VÍKURFRÉTTIR4
Nú er kominn tími á að kanaútvarpinu verði gerð skil á sérstökum tónleikum því undirbúningur er nú hafinn að hátíðartónleikum
Ljósanætur, Með blik í auga, sem fluttir hafa verið fyrir fullu húsi í
Andrews leikhúsinu á Ásbrú undanfarin ár og eru orðnir ómissandi
hluti af bæjarhátíðinni.
Dagskráin verður byggð upp með
svipuðum hætti og áður. Sögur
verða sagðar í bland við góða tón-
list en eins og fyrr þá eru það þeir
félagar Arnór Vilbergsson, Guð-
brandur Einarsson og Kristján Jó-
hannsson sem fara fyrir vöskum
hópi listamanna sem ekki eru af
verri endanum.
Söngvarar eru Matti Matt, Sverrir
Bergmann, Bjarni Ara og Regína
Ósk. Þá mun 10 manna hljómsveit
sjá til þess að áhrifin skili sér beint
til áhorfenda.
Kristján Jóhannsson er sögumaður
tónleikanna. Víkurfréttir ræddu
við hann í vikunni um komandi
hátíðartónleika.
„Þetta er bara svo skemmtilegt
verkefni að við höldum alltaf áfram
og til hvers að hætta þegar þetta
er ennþá skemmtilegt. Nú ætlum
við að halda áfram með Blik í auga
og eins og góður maður sagði, þá
hættum við að setja tölustaf fyrir
aftan og köllum þetta bara „Með
blik í auga, Keflavík og kanaút-
varpið“.
– Og hvert stefnið þið þar?
„Afturábak eins og alltaf. Við erum
alltaf að reyna að rifja upp þessa
nostalgíu og gömlu minningarnar.
Hvað er nú meira suðurnesískt eða
keflvískt en kanaútvarpið gamla
sem allir sem komnir eru af léttasta
skeiði muna eftir. Þetta er orðið
blik í minningunni, Keflavík og
kanaútvarpið. Við sem vorum að
þræla okkur
á AM á útvarpinu sem er úrelt í
dag og enginn veit lengur hvað AM
var, þekkjum kanaútvarpið. Þetta
var fyrirbrigði sem náðist víða um
SV-hornið“.
– Tónlistarmenn sóttu innblástur
í kanaútvarpið.
„Heldur betur. Á þessar útvarps-
stöð heyrði maður lög sem Út-
varp Reykjavík var ekki að spila
nema í mjög afmörkuðum þáttum.
Þetta fylgdi hernum fljótlega eftir
að hann settist að hér á Miðnes-
heiðinni 1952 og þróaðist í þá veru
að vera ein aðal útvarpsstöðin hér
fyrir sunnan á ákveðnu tímabili.
Þarna voru frægir bandarískir út-
varpsmenn, Wolfman Jack, Charlie
Tuna, Casey Kasem, American Top
40 og lengi mætti telja“.
– Hvað af þessari tónlist ætlið
þið að taka inn í þessa fjórðu upp-
færslu ykkar af Með blik í auga?
„Nú er það alltaf hernaðarleyndar-
mál þar til kemur að tónleikunum
sjálfum en í þetta skiptið erum við
með erlenda tónlist. Við höfum
verið með íslenska tónlist í þremur
fyrstu uppfærslunum, en nú tökum
við erlenda tón-
list. Ég get þó sagt að við byrjum
í kringum Bítla og Rolling Stones
og endum einhverstaðar í diskó-
tímabilinu“.
Frumsýning Mið blik í auga,
Keflavík og kanaútvarpið, verður
í Andrews leikhúsinu miðviku-
daginn 3. september og tvær sýn-
ingar verða haldnar sunnudaginn
7. september. Miðasala verður á
midi.is.
-mannlíf pósturu vf@vf.is
Hildur Harðardóttir hjá „Hildur H. List-Hönnun“
hlaut um helgina hvatningar-
verðlaun á Handverkshátíð 2014
sem haldin var í Hrafnagili í Eyja-
fjarðarsveit.
„Hvert og eitt þessara einstöku
dýra lýsa miklum sköpunarkrafti,“
segir í umsögn valnefndar um verk
Hildar.
Um 15.000 gestir sóttu handverks-
hátíðina en Hildur var að taka þátt
í hátíðinni í fyrsta skipti.
Einstök dýr Hildar lýsa
miklum sköpunarkrafti,
segir í umsögn dómnefndar.
Hildur hlaut hvatningarverðlaun Handverkshátíðar
Sýningarbás Hildar á Handverkshátíð 2014.
Haustferð félags
eldri borgara
10. – 12. september 2014
Félag eldri borgara á Suðurnesjum áformar að fara
á Suðurfirði Vestfjarða.
Kl. 09:00: Lagt verður af stað frá SBK.
Komið við á Nesvöllum
Gist verður tvær nætur í Breiðuvík.
Morgunverður og kvöldverður innifalinn í verði.
Verð ferðar er kr. 40.000
Pantanir í síma:
Eygló Gísladóttir 431-3041
Brynja Pétursdóttir 422-7177
Lydía Egilsdóttir 423-7604
Tekið á móti greiðslu miðvikudaginn 3. september
milli kl. 16:00 og 18:00 á Nesvöllum.
ATH. Enginn posi!
Ferðanefnd Félags eldri borgara á Suðurnesjum
-viðtal hilmaru vf@vf.is
■■ Með blik í auga, Keflavík og kanaútvarpið:
Nostalgía og gamlar minningar
af Miðnesheiðinni
– á hátíðartónleikum Ljósanætur í Andrews á Ásbrú
Kristján Jóhannsson sögumaður.
Hann er einnig í viðtali við Sjón-
varp Víkurfrétta í kvöld á ÍNN og
vf.is.
Úr einni af fyrri uppfærslum Með blik í auga.
Sjónvarp Víkurfrétta
Alla fimmtudaga kl. 21:30 á ÍNN