Víkurfréttir - 21.08.2014, Síða 6
fimmtudagurinn 21. ágúst 2014 • VÍKURFRÉTTIR6
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Jóhann Páll Kristbjörnsson, johann@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
SÍMI 421 0000
Það fylgdi því alltaf mikill spenningur sem lítil stelpa að fara með
föður mínum í gamla Blóðbankann við Barónsstíg og fylgjast með
honum skrá sig inn, fá sér djús að drekka, fylla út lista á biðstofunni,
fara í blóðþrýstings- og blóðmagnsmælingu í litlu herbergi og fylgja
honum síðan inn í salinn þar sem hann lagðist á grænlitaðan bekk.
Brosandi og hlýlegt hjúkrunarfólk, sem þekkti pabba iðulega með
nafni, átti ekki í erfiðleikum með að finna væna æð á húðflúruðum
og vöðvastæltum handlegg pabba. Svo horfði ég með athygli á glæran
poka fyllast af blóði sem átti jafnvel eftir að bjarga lífi einhvers. Að
lokum settumst við inn í annað herbergi þar sem kaffi og kræsingar
biðu okkar. Ákvörðunin að verða sjálf blóðgjafi síðar var auðveld og
sjálfsögð.
Ég man hvað ég varð síðar stolt af föður mínum þegar hann gaf,
fyrstur Íslendinga, blóð í 100. sinn árið 1992. Hann hafði verið virkur
blóðgjafi frá 21. árs aldri sem nemandi í Stýrimannaskólanum og þar
var fastur liður í skólastarfinu að gefa blóð. Enginn þótti maður með
mönnum nema vera blóðgjafi. Eftir skólann fór hann á sjóinn og varð
síðar slökkviliðsmaður hjá Varnarliðinu og lærði til sjúkraflutninga-
manns. Starf hans var því viss hvatning um að gefa blóð og gaf hann
alls í 142 skipti. Það gerir 35 og hálfan lítra af blóði.
Ung og nýbökuð móðir, Birta Baldursdóttir, var hætt komin eftir
bráðakeisaraaðgerð 20. júlí síðastliðinn. Í einlægu viðtali við Víkur-
fréttir rifjar unnusti hennar, Tryggvi Hrannar Jónsson, upp atburða-
rás sem þau munu aldrei gleyma. Hann var nýkominn með soninn í
hendurnar: „Ég hafði ekki hugmynd um að móðurinni var að blæða
út og hún barðist fyrir lífinu eftir aðgerðina. Það var mjög skrýtin
tilfinning að svona frábær stund, að sitja með glænýjan son minn í
fanginu, skyldi breytast á örskotsstundu í martröð.“
Litla fjölskyldan fékk alla þá bestu aðstoð sem hægt var að fá og í
aðgerðinni sjálfri fékk Birta sjö lítra af blóði, sem samsvara um 30
blóðgjöfum. Allt fór á endanum vel. Á afmælisdegi sínum 11. ágúst
hóf Tryggvi daginn á því að gefa blóð í fyrsta sinn og ætlar að vera
virkur blóðgjafi. Fjölmargir hafa sýnt viðbrögð og gefið blóð og sent
Tryggva textaboð þess efnis og myndskot því til sönnunar.
Saga ungu fjölskyldunnar er ekki einsdæmi um mikilvægi blóðgjafa
og það á í raun ekki að þurfa slíkar sögur til þess að hreyfa við hraustu
fólki til að gefa blóð. Það munar um hverja gjöf, í öllum blóðflokkum,
og þetta ætti að vera sjálfsagður hluti af lífsstíl og hugarfari. Leggjum
inn í mikilvægasta og verðmætasta banka landsins. Gerumst gæða-
blóð.
Gæðablóð
um allt
-ritstjórnarbréf
Olga Björt Þórðardóttir skrifar
-viðtal olgabjortu vf@vf.is
„Ég fékk að vita að ég þyrfti að hendast í hlífðarfatnað og vera við-
staddur fæðingu sonar míns sem taka átti með bráðakeisara. Svo loks
þegar ég var kominn inn var verið að reyna deyfa kærustuna mína og
ekkert gekk og ákveðið var að svæfa hana. Við svæfingu fá makar ekki
að vera viðstaddir og ég beið því í smá stund þar til ég fengi að sjá hann.
Loks fékk ég hann í hendurnar en hafði ekki hugmynd um að móður-
inni var að blæða út og hún barðist fyrir lífinu eftir aðgerðina,“ segir
Tryggvi Hrannar Jónsson, en hann og kærasta hans, Birta Baldurs-
dóttir, eignuðust son 20. júlí síðastliðinn. „Það var mjög skrýtin
tilfinning að svona frábær stund, að sitja með glænýjan son minn í
fanginu, skyldi breytast á örskotsstundu í martröð,“ segir Tryggvi en
snör viðbrögð starfsfólks Landspítalans hafi orðið til þess að allt fór
betur en á horfðist og fjölskyldan er komin heim og allt gengur vel.
„Við vorum heppin með alla aðstoð sem við fengum,“ segir Tryggvi.
Orðinn sjálfur reglulegur
blóðgjafi
Þ e g a r b l a ð a m a ð u r
heyrði í Tryggva var litli
snáðinn steinsofandi og
að sögn föðurins lætur
hann lítið í sér heyra.
„Mamman er stundum
dálítið utan við sig enda
ekki skrýtið því lítið var eftir
af hennar eigin blóði í líkam-
anum. Hún fékk aftur á móti sjö
lítra frá öðrum - sem gera þrjá-
tíu blóðgjafir“. Tryggvi og fjöl-
skylda eru afar þakklát blóðgjöf-
unum og starfsfólki Landspítalans.
Á afmælis degi sínum
11. ágúst hóf Tryggvi
daginn á því að gefa
blóð í fyrsta sinn.
„Mánuði áður en
sonur minn fæddist
fór ég og skráði mig
sem blóðgjafa fyrir
rælni og mátti því gefa
blóð næst. Svo kom þetta
upp á og minnti mann á hversu
mikilvægar blóðgjafir eru og ég
mun gefa reglulega blóð héðan í
frá,“ segir Tryggvi, sem hefur
fengið fjölda „snapchatta“ þar sem
fólk sýnir honum að það sé að gefa
blóð. Einnig hefur hann fengið
skilaboð í símann frá fólki í sömu
erindagjörðum. „Það er rosalega
gaman að sjá þetta. Systir mín var
komin fyrir utan Blóðbankann og
sendi mér mynd. Einnig stendur
fólk fyrir utan Blóðbankabílinn og
tekur mynd af sér þar. Það er frá-
bært að þetta hafi svona áhrif, þá
er tilganginum náð,“ segir Tryggvi
og hvetur alla sem hafa heilsu til að
gefa blóð. Hver gjöf skiptir máli.
■■ Birta Baldursdóttir var hætt komin eftir bráðakeisaraaðgerð:
Nýbakaðir foreldrar,
Tryggvi og Birta,
með snáðann.
Það var mjög
skrýtin tilfinning
að svona frábær
stund, að sitja
með glænýjan son
minn í fanginu,
skyldi breytast á
örskotsstundu í
martröð
Blóð
Skólasetning Gerðaskóla fer fram föstudaginn 22. ágúst kl. 09:30.
Hefst hún með samveru í Miðgarði og í framhaldi munu nemendur fara með
umsjónarkennurum til sinna heimastofa. Fyrsta skóladegi lýkur kl. 12:00.
Nemendur 1. bekkjar mæta í samtöl sama dag hjá Helgu Björk umsjónarkennara
samkvæmt tímasetningum sem sendar hafa verið heim.
Við hlökkum til að sjá ykkur og ítrekum að foreldrar, vinir og velunnarar skólans
eru velkomnir til skólasetningarinnar.
GERÐASKÓLI Í GARÐI
Hraustur og
flottur drengur.
ingsae (Ingigerður Sæmundsdóttir)
#vikurfrettir