Víkurfréttir - 21.08.2014, Blaðsíða 11

VÍKURFRÉTTIR • fimmtudagurinn 21. ágúst 2014 11
Körfuboltaþjálfarinn Einar Jóhannsson er einn af þeim en hann hleypur í minningu Örlygs Arons Sturlusonar (Ölla) körfubolta-
manns sem lést árið 2000. Njarðvíkingurinn Einar segist hlaupa tvisvar
í viku ásamt Örvari Kristjánssyni vini sínum sem einnig ætlar að taka
þátt. Einar er þó að æfa 6-8 sinnum í viku en hann segir komandi hlaup
hafa gefið sér aukna ástæðu til heilsueflingar.
Á Facebook er starfræktur hlaupa-
hópur Ölla þar sem eru 190 skráðir
meðlimir. Fjölmargir ætla að taka
þátt í hlaupinu en Einar segist
hafa heimildir fyrir því að gamlar
kempur úr Njarðvík munu hugsan-
lega dusta rykið af hlaupaskónum
og taka þátt.
„Ég heyrði af því að Teitur Örlygs-
son og Friðrik Ingi Rúnarsson væru
hugsanlega að æfa fyrir luktum
dyrum. Ég hefði gaman af því að
keppa við þessa tvo í 10 km hlaupi,
það væri lítið mál,“ sagði Einar
kokhraustur. „Við Örvar, yngri
flokka þjálfarar í Njarðvík skorum
hreinlega á þá tvo sem munu stýra
Njarðvíkurskútunni næsta vetur,“
en Teitur og Friðrik munu þjálfa
Njarðvíkinga næsta tímabil. Einar
vildi annars hvetja sem flesta til
þess að skrá sig og taka þátt í því að
styrkja gott málefni, bæta heilsuna
og heiðra minningu góðs drengs í
leiðinni.
Framlög renna í minningarsjóð
sem hefur verið stofnaður í nafni
Ölla. Markmið sjóðsins er að styðja
börn sem minna mega sín á Íslandi
til íþróttaiðkunar en slíkur sjóður
er ekki til staðar á hér á landi.
Krækiber - Vanmetin súperfæða
Krækiber eða crowberries eins og þau eru kölluð á enskunni eru sannkölluð súperfæða okkar
en krækiberin falla gjarnan í skuggann á bláberjunum en hollustugildi krækiberja er ekki síðra.
Krækiberin eru örlítið súr og beisk á bragðið en gefa einnig milt berja og kryddbragð. Þau vaxa
aðallega þar sem kalt loftslag ríkir og finnast víða í Norður Evrópu. Allir vita að ber eru
afar heilsusamleg fæða en krækiberin eru járnrík, C og E vítamínrík, ásamt því að innihalda
mikið magn andoxunarefna (anthocyans) sem er talið verja okkur gegn ótímabærri öldrun
og ýmsum sjúkdómum. Krækiber eru vökvalosandi, talin styrkja sjón, jákvæð áhrif á blóð-
þrýsting og styrkja slímhúðir líkamans. Einnig hafa þau veruð notuð til að stemma við of
miklum tíðablæðingum hjá konum og góð gegn blóðleysi. Krækiberin má nota á ýmsa
vegu en þau geymast fersk í kæli í 10-15 daga og sniðugt er að skutla þeim í holla sjeika,
út á hafragrautinn eða hreina jógúrt. Svo er hægt að útbúa sykurskerta krækiberjasultu eða
gera krækiberjasaft en ég læt eina góða uppskrift fylgja frá Sollu Eiríks að hollri saft.
Krækiberjasaft:
2 ½ dl krækiber
2-3 cm engifer
2 msk sítrónusafi
1 tsk sugarless sugar (Now) eða ½ msk hunang
1 dl vatn

Allt sett í blandara, sigtað vel og hellt á flösku og geymt í kæli.
Heilsukveðja, Ásdís grasalæknir.
www.facebook.com/grasalaeknir.is, www.pinterest.com/grasalaeknir
HEILSUHORNIÐ
ÁSDÍS
GRASALÆKNIR
SKRIFAR
-mannlíf pósturu vf@vf.is
Hleypur fyrir ömmustrákinn sinn
- ásamt fjölskyldunni.
Xu„Gabríel Máni fæddist í mars
og var fljótt greindur með hjarta-
galla sem er kallaður Víxlun
stóru slagæðanna,“ segir Hildur
Þóra Stefánsdóttir, amma Gabrí-
els Mána, sem fór í erfiða að-
gerð í Svíðþjóð sem tókst vel og
dafnar litla hetjan vel í dag. „Við
fjölskyldan höfum ákveðið að
hlaupa fyrir þennan flotta strák
okkar í Reykjavíkurmaraþoninu
og safna fyrir Styrktarfélagi
Neistans sem hjálpaði Gabríel
Mána og fjölskyldu hans mjög
mikið á þessum erfiðu tímum.“
Styrktarsíða Gabríels Mána
er: www.hlaupastyrkur.
is/en/running-teams/
team?cid=21355
Hildur Þóra með
Gabríel Mána.
Afgreiðslufólk óskast til starfa
Góður vinnutími
Upplýsingar á staðnum
Valgeirsbakarí Hólagötu 17
ATVINNA
Atv inna
Sorpeyðingarstöð Suðurnesja sf. óskar eftir að ráða til starfa
vélfræðing eða vélstjóra í Kölku, brennslustöð fyrirtækisins.
Unnið er á vöktum.
Starfssvið felst m.a. í stjórnun á brennslulínu stövarinnar,
viðhaldi og þrifum á vélbúnaði, tækjum ofl.
Umsækjendur þurfa að hafa góða samskiptahæfileika,
geta unnið sjálfstætt og undir álagi.
Góð tölvufærni og enskukunnátta eru nauðsynleg.
Kalka er eina sorpbrennslustöðin sem starfrækt er hér á landi
og var tekin í notkun árið 2004. Stöðin er tæknilega fullkomin
og þar starfa um 20 manns.
Upplýsingar veitir Ingþór Karlsson í síma 862-3505.
Umsóknareyðublað má fá á heimasíðu fyrirtækisins www.kalka.is
Umsóknir ásamt ferilskrá sendist til ingtor@kalka.is fyrir
1. september 2014.
Elsku Kristófer minn
þú ert kannski farinn af
þessari jörð en þú ferð
aldrei úr huga mínum.
Þú verður alltaf fal-
legi drengurinn minn,
b a r n a b a r n i ð m i t t .
Strákurinn sem var svo
mikill yndisauki í lífi
allra sem kynntust þér.
Þú elskaðir fjölskyldu
þína og vini, börn sem og dýr. Þú
mátt vita eitt ég hugsaði um þig á
hverjum degi. Hvað þú værir að
gera og vonaði að þér liði vel og þér
gengi vel í lífinu, já elskan ég hafði
áhyggjur af þér og vonaðist til alls
hins besta í þínu lífi.
Ég elska þig Kristófer og mun
gera það um ókomna framtíð. Það
verður tómarúm í hjarta mínu að
sjá þig ekki koma æðandi inn um
dyrnar hjá mér og faðma mig svo
innilega og segja, hæ amma ég
elska þig. Það var gaman að gefa
þér að borða því þú borðaðir mikið
og vel enda strákur sem
var að stækka og fullur
af lífi og fjöri.
Ég veit að lífið lék ekki
alltaf við þig. Þú áttir
daprar stundir og erf-
iðar enn þrátt fyrir
það barðist þú áfram
af miklum krafti. Þær
stundir og gistinætur
sem við áttum saman þá
spiluðum við á spil og þú spilaðir
fyrir mig tónlist úr tölvunni þinni
svo ég fengi að heyra hvaða smekk
þú hafðir á tónlist sem var öðruvísi
en ég hlustaði á enn áhugaverð.
Ég vil þakka þér fyrir þær stundir
sem við áttum saman og þær gisti-
nætur sem þú varst hjá mér, þú
unglingurinn og ég að gæta að
þú kæmir heim á réttum tíma. Þú
komst alltaf heim á umsömdum
tíma og ef þér seinkaði þá hringdir
þú til að láta vita að þér seinkaði.
Tókst fullt tillit til mín, takk fyrir
það elskan.
Svo átti ég kisu Tinu Turner og þið
voruð góðir vinir en hún var ekki
allra. Þegar Aþena hundurinn hans
Daníels var í pössun var uppi fótur
og fit. Hún elskaði þig afar mikið
og þið lékuð ykkur í boltaleik og
sváfuð alltaf saman.
Ég man þegar við fórum út að
borða 17. júlí en mig langaði til
að bjóða þér og mömmu þinni í
fyrirfram afmælisveislu á Duus.
Við áttum yndilega kvöldstund
saman, allir glaðir og svo kvödd-
umst við með faðmlagi og ég geymi
þá minningu og er þakklát fyrir
að eiga hana. Daginn eftir sá ég
þig ganga glaður með vini þínum
niður Hringbraut í Keflavík.
Elska þig ævinlega og friður verði
með þér elskan. Ósk amma
Samúðarkveðjur elsku Geirþrúður
mín og ættingjar og vinir.
Kristófer Örn Árnason
-minning
Styðja börn til íþróttaiðkunar