Víkurfréttir - 28.08.2014, Blaðsíða 2

fimmtudagurinn 28. ágúst 2014 • VÍKURFRÉTTIR2
-fréttir pósturu vf@vf.is
LJOSANOTT.IS
ALLT UM DAGSKRÁ LJÓSANÆTUR Á LJOSANOTT.IS
Ljósanætursýningar í Duushúsum,
kjötsúpa, bryggjuball, sagnakvöld,
Með blik í auga, tónleikar, sögugan-
ga, árgangaganga, Gunni og Felix,
Skessulummur, fornbíla- og
bifhjólasýning, Brúðubíllinn,
Rokksafn Íslands og svo margt,
margt fleira ...
TÓNLISTARSKÓ LI REYKJANESBÆJAR
ÖRFÁ LAUS PLÁSS
Getum bætt við okkur örfáum nemendum skólaárið
2014-2015 og þá helst í eftirtaldar námsgreinar:
Rafgítar, Rafbassi, Rytmískt píanó (jass/rokk),
Kontrabassi, Harmoníka, Selló, Söngur, Klarinett,
Saxófónn, Trompet, Horn, Básúna, Túba.
Sótt er um á skrifstofu skólans, Hjallavegi 2 eða á
mittreykjanes.is
Umsóknarfrestur er til 5. september n.k.
Skólastjóri
ATVINNA
LEIKSKÓLINN HEIÐARSEL
Óskar eftir deildarstjóra í 100% stöðu sem fyrst.
Umsóknarfrestur er til 8. september.
Leikskólinn Heiðarsel er Heilsuleikskóli sem starfar eftir
heilsustefnunni. Áhersla er lögð á hreyfingu, næringu og
listsköpun í leik og starfi. Aðrir áhersluþættir leikskólans eru
málörvun/læsi og stærðfræði. Sækja skal um starfið
rafrænt á vef Reykjanesbæjar þar sem einnig er að finna
upplýsingar um menntunar- og hæfniskröfur og nánari
upplýsingar um starfið.
http://www.reykjanesbaer.is/stjornkerfi/laus-storf
Frekari upplýsingar veitir Kolbrún Sigurðardóttir
leikskólastjóri í síma 420 3131/866 5936 eða
kolbrún.sigurdardottir@heidarsel.is
ATVINNA
HEIÐARSKÓLI
Heiðarskóli óskar eftir starfsmanni til að hafa umsjón
með kaffistofu starfsmanna og sjá um ýmis önnur
verkefni.
Um er að ræða 77% starf.
Umsækjendur eru vinsamlegast beðnir um að sækja um
starfið á vef Reykjanesbæjar undir laus störf:
www.reykjanesbaer.is/stjornkerfi/laus-storf.
Umsóknarfrestur er til 5. september n.k.
Nánari upplýsingar um starfið veitir Sóley Halla Þórhallsdóttir
skólastjóri í síma 420 4500 eða 894 4501.
ATVINNA
HLJÓMAHÖLL
STARFSMAÐUR Í AFGREIÐSLU HLJÓMAHALLAR OG
ROKKSAFNS ÍSLANDS
Hljómahöll óskar eftir því að ráða starfsmann í móttöku
Hljómahallar og Rokksafns Íslands. Starfsmaður í
móttöku/afgreiðslu er ábyrgur fyrir fagmannlegri móttöku
gesta sem koma á Rokksafn Íslands og að þeir fari ánægðir
og margs vísari um rokksögu Íslands en þegar þeir komu. 
Umsóknarfrestur er til 11. september 2014. 
Sækja skal um starfið rafrænt á vef Reykjanesbæjar þar
sem einnig er að finna upplýsingar um menntunar- og
hæfniskröfur og nánari upplýsingar um starfið.
http://www.reykjanesbaer.is/stjornkerfi/laus-storf
Nánari upplýsingar veitir Tómas Young
(tomas@hljomaholl.is), framkvæmdastjóri Hljómahallar. 
Á fjórða þúsund tonn hafa verið fryst af makríl á Suðurnesjum í sumar sem er meira en nokkru sinni fyrr. Hundruð starfa hafa
orðið til í makrílvinnslunni í Reykjanesbæ, Garði og í Grindavík. Þá
lönduðu smábátar yfir 1600 tonnum í sumar. Þorsteinn Erlingsson
eigandi Saltvers sagði í samtali við Víkurfréttir að makrílinn hafi í
raun verið bjargvættur á svæðinu. Nóg af vinnu skapist fyrir skólafólk
en tugir starfsmanna unnu hjá fyrirtækinu við makrílvinnslu í sumar.
Þorsteinn segir að nú þegar hafi
Saltver unnið yfir 1300 tonn en
framleiðslugeta vinnslunnar eru
um 120 tonn á sólarhring. Unnið
er myrkranna á milli og nóg um
að vera á meðan makrílvertíðin
stendur yfir. Makríllinn er flokk-
aður í Helguvík í stærðarflokka og
seldur til mismunandi landa eftir
stærð og gæðum. Þorsteinn segir
að aðallega hafi hann verið að selja
fiskinn til Rússlands og Úkraínu í
sumar og að gæði fisksins séu betri
en nokkru sinni. „Það eru ekki
nema 3-4 ár síðan þetta var dauður
tími hjá okkur. Tækin sem eru
til staðar hérna í fiskvinnslunum
nýtast núna í makrílinn og það er
talsvert af atvinnu sem skapast í
kringum þetta. Þetta hefur í raun
sett allt á annan endann, enda
botnlaus vinna í kringum þetta.
Hér er unnið bæði dag og nótt og
ég myndi segja að þetta sé okkar
besta ár, við erum líka betur undir
þetta búin en áður,“ segir Þor-
steinn. Hann telur að makrílveiðin
eigi bara eftir að vaxa og
dafna og vinnsla og veiði
eigi eftir að aukast á Suður-
nesjum á komandi árum.
Mikil makrílvinnsla hefur
einnig verið hjá Nesfiski
í Garði og um hundrað
starfsmenn komið að þeirri
vinnu í tvo mánuði.
Í ár hefur 5.300 tonnum
verið landað af makríl í
Grindavík sem þó er að
mestu leyti unninn annars
staðar. Árið 2010 voru 750 tonnum
landað í Grindavík og 3.300 í fyrra.
Smábátar hafa verið áberandi á
makrílveiðum í sumar en samtals
hafa þeir landað 4.899 tonnum á
tímabilinu 1. júlí til 25. ágúst. Þar
á meðal hefur 1.622 tonnum verið
landað á Suðurnesjum. Í Grindavík
hefur 732 tonnum verið landað,
634 tonnum í Keflavík og 256 í
Sandgerði. Alls hafa verið veidd
nánast 110.000 tonn á landsvísu
þegar þetta er ritað en heildarkvóti
er um 147.000 tonn.
Makríllinn
bjargvættur á
sumarvertíð
-hundruð starfa við markrílvinnslu
á Suðurnesjum í sumar
Frá markrílvinnslu í Saltveri
nýlega en þar hafa verið
fryst yfir 1300 tonn.
Búið er að segja upp helmingi starfsfólks í veitingarekstri IGS í Flug-stöð Leifs Eiríkssonar. Fyrir liggur að fleiri missi vinnuna. Gunnar
S. Olsen, framkvæmdastjóri IGS, dótturfyrirtækis Icelandair Group, í
samtali við Víkurfréttir að það verði mikill söknuður af starfsfólkinu
sem hverfur á braut enda fari með því mikið reynsla. „Við höfum verið
í þessum veitingarekstri í flugstöðinni frá því að stöðin var byggð árið
1987 og margt af okkar starfsfólki hefur verið lengi í þessari vinnu,“
segir Gunnar. Hann segir að gerðar hafi verið ráðstafanir fyrir starfs-
fólk þannig að fólk fái greitt uppsagnarfrestinn sinn eftir réttindum.
„Það verður að sjálfsögðu skoðað hvort eitthvað af fólkinu geti færst
innan fyrirtækisins IGS en það er erfitt að meta það akkúrat núna þar
sem vetrartíminn er auðvitað rólegri í flugstöðinni en vor-og sumar-
mánuðir. Það verður mikill söknuður af starfsfólkinu,“ bætir hann við.
Væri best að nýta starfskraft-
ana sem eru til staðar
Gunnar segir að vitað hafi verið að
þessi staða gæti komið upp. „Það
var búið að liggja fyrir lengi að
þetta stæði til, að farið yrði í útboð
með verslunar- og veitingarekstur
í flugstöðinni. Við vorum búin að
ræða við fólkið okkar um að sú
staða gæti komið upp að við yrðum
ekki fyrsti kostur hjá flugstöðinni
eða Isavia. Í sjálfu sér eru ekki
margir valkostir í stöðunni fyrir
okkur en við viljum auðvitað trúa
því að þegar nýir aðilar koma inn í
þennan rekstur að þá ráði þeir fólk
með reynslu og hæfni á þessu sviði,
sem okkar starfsfólk er svo sannar-
lega með. Maður myndi allavega
hugsa það sjálfur ef maður væri á
hinum endanum, að sniðugt væri
að nýta starfskraftana sem til staðar
eru,“ sagði framkvæmdastjórinn
að lokum.
Mikill söknuður af starfsfólkinu
- segir Gunnar S. Olsen, framkvæmdastjóri IGS en öllu starfsfólki fyrirtækisins
í veitingarekstri verður sagt upp störfum
Gunnar Olsen ásamt Haraldi
Hreggviðssyni starfsmanni IGS.