Víkurfréttir - 04.09.2014, Blaðsíða 40

fimmtudagurinn 4. september 2014 • VÍKURFRÉTTIR40
Blöndunartæki 20-25% • Vaskar 20-25% • Baðker og sturtuklefar 20% • Salerni 20% • Handverkfæri 20%
B&D rafmagnsverkfæri 30% • Garðverkfæri 30% • Áltröppur og stigar 20% • Búsáhöld 30-50%
Útivistarfatnaður 30-70% • Vinnufatnaður 30-50% • Ljós 30-70% • Útitex útimáling 25% • Innimálning 20%
Loft og veggjaþiljur 30% • Smáraftæki 20% • Gasgrill 20% • Weber gasgrill 10% • Grilláhöld 30%
Garðhúsgögn 50% • Útileguhúsgögn 50% • Garðleikföng 50% • Pottaplöntur 20% • Kerti 20%
Kertastjakar og luktir 30% • Vasar og styttur 30% • Myndir og speglar 30% • Dúkar og púðar 30%
Garðskraut og garðstyttur 50% • Útipottar og gosbrunnar 30% • Silkisumarblóm 50% • Bastvörur 30%
Viðarparket 20% • Harðparket 20% • Borðplötur og sólbekkir 20% • Hvítt hilluefni 30% • Flísar 30%
og margt fleira...
ALLt FrÁ GrunnI Að Góðu HeIMILI
SíðAn 1956
hluti af Bygma
*Afsláttur gildir eingöngu af útsöluvörum.
Gildir ekki af vörum merktum „Lægsta lága verð Húsasmiðjunnar“.
Vöruúrval getur verið misjafnt milli verslana
Húsasmiðjunnar
ÚtSALA
ALLt Að
70%
AFSLÁtt
ur!
„Fyrir fimm árum fékk ég þá
hugmynd að opna stað sem væri
blanda af kaffihúsunum Mokka
og Gráa kettinum og myndi opna
snemma á morgnana. Þar gæti
fólk fengið sér góðan kaffibolla,
borðað morgunmat saman og
spjallað um málefni hversdagsins.
Þar væri samt einnig fjölbreytt
starfsemi,“ segir Guðmunda Sig-
urðardóttir (Munda), sem ásamt
börnum sínum þremur, innréttar
kaffi- og afþreyingarhús í gamla
Hljómvals-húsnæðinu í Reykja-
nesbæ. Mundu fannst menningin
í miðbænum vera að grotna niður
eftir hrun. „Ég hugsaði: Það þarf
einhver að byrja! Það þarf eitt-
hvað að gera! Líka fyrir næstu
kynslóð.“
Margar hugmyndir verða að
veruleika
Börn Mundu, þau Selma, Gylfi og
Eyþór, þekkja móður sína vel og
sýndu hugmyndinni smám saman
mikinn áhuga og komu með eigin
hugmyndir. „Þetta er eiginlega
miklu eldri hugmynd. Þegar ég
var í grunnskóla var mamma að
láta mig koma heim með krakka
sem höfðu lent í einelti. Þá átti
helst að taka allan bekkinn heim til
að stoppa það,“ segir Selma bros-
andi og bætir við að þau vilji vera
með fyrirlestra um einelti, nokk-
urs konar jafningjafræðslu. „Væri
gaman að fá skólana með okkur
og fá þá bekkina til okkar á skóla-
tíma til að fá fræðslu um einelti og
sjálfsstyrkingu.“ Sjálf er Munda MS
sjúklingur og langar að vera með
fyrirlestur um veikindi og húmor.
„Ég hef verið að stúdera sálfræði,
hamingjuna og slíkt í mörg ár og
fyrir löngu langaði mig að opna
nokkurs konar mannbætandi ham-
ingjukaffihús þar sem mannlegi
þátturinn yrði í öndvegi. Ég starfaði
á leikskólanum Vesturbergi og í
um tuttugu ár vann ég með gamla
fólkinu sem fótaaðgerðafræðingur.
Það var erfitt að segja upp starfi
mínu en ég var alltaf staðráðin í
að hafa barnastarf á kaffihúsinu og
einnig yrði gaman að hafa eitthvað
fyrir eldri borgara, t.d. lestrarstund
og einnig fyrir börnin á laugar-
dögum. Foreldrar gætu þá fengið
sér kaffisopa á meðan. Í stað þess
að sakna vinnustaðanna minna get
ég sameinað krafta mína og fengið
fólkið hingað til mín,“ segir Munda
glöð í bragði.

Vill auka verslun í
heimabænum
Eins og fram hefur komið er mark-
hópur kaffihússins stór og undir-
búningurinn hefur verið hálfgert
þróunarverkefni í að finna eitthvað
við hæfi flestra. „Ég hugsaði til
baka þegar ég var lítil og Stapafell
var hérna, Litla Aðalstöðin, Lindin
og Ótrúlega búðin. Um jólin var
blússandi stemning og mér finnst
leitt að börnin mín missi af slíku
í heimabænum. Okkur langar að
auka verslun hér heima. Þegar einn
byrjar gætu fleiri tekið við,“ segir
Munda. Þá séu einnig möguleikar
í tengslum við ferðaþjónustuna,
s.s. kynningarmyndbönd um
Reykjanes fyrir ferðamenn. „Gylfi
stefnir á kvikmyndagerð og hefur
þekkingu í það. Börnin mín munu
taka sér ársleyfi frá námi og verða
reynslunni ríkari eftir að hafa
komið þessu á koppinn og starfað
hér,“ segir Munda og bætir við að
rétti tíminn til þess að láta þetta
verða að veruleika sé einmitt núna.
„Reynslan er komin og þegar þetta
hús losnaði kom ekkert annað til
greina. Ég keypti neðri hæðina sem
er 198 fermetrar og gott rými fyrir
ýmsa starfsemi. Við ætlum að byrja
rólega og aðlaga okkur að bæjar-
búum og leyfa þeim að koma með
hugmyndir, enda hafa undirtektir
verið góðar og margir kíkja við og
eru forvitnir um framkvæmdirnar
hér.“
Framtíðin veltur á bæjarbúum
Ætlunin er að vera með opið hús
á laugardeginum á Ljósanótt. Þá
verða allir veggir klárir og mál-
verkasýning auk tónlistaratriðis,
enda er fjölskyldan mjög tónelsk
og ætlar að gefa ungu tónlistarfólki
tækifæri á að stíga á stokk innan-
dyra í framtíðinni. Jafnvel í sam-
starfi við tónlistarskólann. „Einn-
ig verða teikningar hér uppi þar
sem bæjarbúar og gestir geta séð
hvernig þetta kemur til með að líta
út. Við verðum með hugmynda-
kassa og hvetjum alla til að koma.
Vonandi verða svo bæjarbúar dug-
legir að nýta staðinn. Framtíð hans
veltur á því,“ segir Munda bjartsýn
að lokum.
-viðtal pósturu olgabjort@vf.is
■■ Móðir og þrjú börn hennar opna kaffihús í gamla Hljómvals-húsinu:
RÉTTI TÍMINN ER NÚNA
Undirtektir hafa
verið góðar og margir
kíkja við og eru forvitnir
um framkvæmdirnar hér