Víkurfréttir - 04.09.2014, Blaðsíða 51
VÍKURFRÉTTIR • fimmtudagurinn 4. september 2014 51
„Það er bara skemmtilegt og ég
vona að margir fari þarna niður-
eftir til þess að fara á skeljarnar.
Svo er aldrei að vita nema ég
verði sjálfur hengdur þarna upp í
staurinn. Ég er ólíkindatól,“ segir
Magnús Kjartansson, tónlistar-
maður úr Keflavík en ljósastaur
hefur verið settur upp við gamla
Hljómvals-húsið þar sem fólk
mun geta hlustað á brot úr hinu
þekkta lagi kappans, Skólaball.
Magnús hefur samið fjölda laga og
texta í gegnum tíðina. Eitt þeirra
er Skólaball sem hljómsveitin
Brimkló gerði frægt. Í texta við
lagið er minnst á stúlkuna sem
hallaði sér upp að ljósastaur og hélt
um ennið. „Það vissu einhverjir
að ég hafði samið þennan texta og
lag því það vantaði lag á plötu sem
Brimkló gerði á sínum tíma. Þetta
bara lak úr pennanum og varð til.
Þarna var ég að rifja upp það sem
við kölluðum skólaböll og æsku-
lýðsböll um helgar. Þarna vorum
við tveir mjög góðir vinir að slást
um sömu stúlkuna eins og gerist og
gengur. Ég tók þetta mjög alvarlega
víst, samkvæmt textanum. Og ekki
lýgur minnið þegar maður skrifar
svona,“ segir Magnús brosandi.
Ekki öll vitleysan eins
Ljósastaur hefur verið settur upp
við gamla Hljómvals-húsið þar
sem fólk mun geta hlustað á brot úr
laginu. Magnús hlær. „Nú myndi
mamma mín segja: Ja, það er ekki
öll vitleysan eins! Þetta er nú svona
skemmtileg og glettin hugmynd.
Einar Bárðarson spurði mig eitt
sinn hvar þessi ljósastaur væri. Ég
sagðist segja
honum það ef
hann lofaði að
segja engum
frá því. Það
er eins og að
hann hafi ekki
h a l d i ð þ a ð
loforð. Hann
er náttúrulega
menntaður í
Ameríku og
þar er v in-
sælt að taka
m y n d i r a f
sér við götu-
horn og bygg-
i n g a r s e m
k o m a f r a m
í þ e k k t u m
textum. Einhvern veginn þann-
ig varð þetta til,“ segir Magnús og
bætir við að nýi staurinn sé ansi hár
og myndarlegur, eins og tíðkaðist
þegar hann var ungur. „Þetta var
haft svona hátt svo að við gætum
ekki stútað perunum strákarnir. Nú
á að hengja hátalara þarna upp og
fólk getur hlustað á bút úr laginu.
Gera þarna rómantískt horn. Það
er bara skemmtilegt og ég vona að
margir fari þarna niðureftir til þess
að fara á skeljarnar. Svo er aldrei að
vita nema ég verði sjálfur hengdur
þarna upp í staurinn. Ég er ólík-
indatól,“ segir Magnús hlæjandi
en undanfarin ár hefur hann verið
með tónleika með Sönghóp Suður-
nesja á fimmtudagskvöldum á
Ljósanótt. Þessa Ljósanótt verðum
við á miðvikudagskvöldi. Svo hef
ég verið að spila með gömlu hljóm-
sveitinni minni Júdasi á Ránni á
föstudögum. Það hefur verið voða
gaman. Allir orðnir sautján aftur
í nokkra klukkutíma, sem er voða
hollt og ekki síst fyrir okkur,“ segir
Magnús Kjartansson tónlistar-
maður, sem byrjaði sjálfur 9 ára
í drengjalúðrasveit á æskuslóð-
unum í Keflavík. Hann kemur úr
afar tónelskri fjölskyldu. „Já okkur
var haldið að þessu og það kemur
svolítið vegna þess mömmu mína
vantaði eitt ár upp á að klára píanó-
kennararéttindi þegar hún fékk
laumufarþega, sem var ég. Það var
alltaf til píanó heima og oft mikið
fjör í stofunni sem skilaði sér til
mín og systkina minna,“ segir
Magnús.
Prjónaði bleyjubuxurnar á
bæjarstjórann
Blaðamaður getur ekki sleppt
Magnúsi án þess að spyrja hann að-
eins út í nýjan bæjarstjóra Reykja-
nesbæjar, bróður hans Kjartan
Má Kjartansson. „Ég er búinn að
þekkja hann síðan hann fæddist.
Ég man eftir því þegar ég var að
hjálpa mömmu. Þá prjónaði ég
bleyjubuxurnar á hann. Ég veit
alveg hvaða mann hann hefur að
geyma. Ég vil miklu frekar óska
íbúum Reykjanesbæjar til ham-
ingju með hann heldur en honum
til hamingju með starfið. Það er
alveg ljóst að taka þarf á málum og
það þarf einhvern veginn að koma
öllu á réttan kjöl. Og ég treysti
honum til að gera það. Ég hef alltaf
verið þeirrar skoðunar að sveitar-
félögum sé hollast að vera með
menn sem eru tengdir taugakerfi
sveitarfélagsins alveg langt ofan í
jörðina. Hér slær hjarta Kjartans og
hann er sannur Suðurnesjamaður í
gegn. Við bræður hans höfum flutt
í burtu um allar trissur. Það hefur
aldrei komið til greina hjá honum.
Ég vona að þetta fari allt vel. Hann
er hraustur,“ segir Magnús að
lokum.
-viðtal pósturu olgabjort@vf.is
■■ Skólaball Magnúsar Kjartanssonar ómar úr
ljósastaur á þekktasta götuhorni Keflavíkur:
Vinirnir slógust um
sömu stúlkuna
Ég vil
miklu
frekar óska
íbúum Reykja-
nesbæjar til
hamingju með
hann heldur
en honum til
hamingju með
starfið
Ljósanæturlög Reykjanesbæjar voru valin frá árunum 2002 til 2008. Þátttaka var mjög góð fyrstu árin og sendum tugir
lagahöfunda inn lög í keppnina. Keppninni var jafnan gert hátt
undir höfði og var m.a. sýnt beint frá keppninni á Skjá Einum
þegar lag Njarðvíkingsins Ásmund ar Val geirs son ar, Vel kom in
á Ljós anótt, sigraði í keppn inni árið 2002. Það lag hefur lifað
ansi vel og lengi en það er alltaf sungið af grunnskólanemum
Reykjanesbæjar þegar blöðrunum er sleppt við setningu Ljós-
anætur. Árið 2007 varð Ljósanæturlagið afar umdeilt. Kom það
til vegna þess að lagið, sem heitir Ó, Keflavík, þótti hefja eitt
hverfi Reykjanesbæjar upp til skýjanna. Það þótti gagnrýnivert
að hin sveitafélögin sem mynda Reykjanesbæ komu hvergi við
sögu í textanum.
„Ég gef persónulega lítið út á þetta þótt ég skilji gagnrýnina á
vissan hátt. Menn verða að taka þessu með víðsýni. Ég þekki ekki
Reykjanesbæ enda er ég fæddur og uppalinn í Keflavík. Þetta lag er
samið frá hjartanu og útkoman er svona," sagði Jóhann Helgason
höfundur lagsins á sínum tíma. „Ljósanóttin verður nú vonandi
haldin í einhverja áratugi í viðbót. Það kæmi mér ekki á óvart þótt
Njarðvíkingar á borð við Magga Sigmunds og Jóa G. myndu semja
óð til Njarðvíkur á næsta ári," bætti hann við.
Sungið um Ljósanótt
- Ljósanæturlögin í gegnum árin
2002
1. Velkomin á ljósanótt.
Höfundur: Ásmundur Valgeirsson. Flytjandi: Einar Ágúst
2. Á Suðurnesjum. Höfundur: Jóhann G. Jóhannsson. Flytjandi: Einar Ágúst
3. Ljósanótt. Höfundur: Halldór Guðjónsson. Flytjandi: Margrét Eir
2003
1. Ljóssins Englar:
Lag: Magnús Kjartansson Texti: Kristján Hreinsson
2. Bæði úti og inni: Lag: Valgeir Guðjónsson.
Flytjandi: Friðrik Ómar Hjörleifsson
2004
1. Þessa einu nótt. Höfundur: Védís Hervör Árnadóttir. Flytjandi: Védís Hervör
2. María. Höfundur: Magnús Kjartansson. Flytjandi: Helgi Björnsson
3. Mín Ást. Höfundur: Elvar Gottskálksson. Flytjandi: Regína Ósk
2005
1. Haustnótt við Keflavík. Höfundur: Halldór Guðjónsson Flytjandi: Davíð
Smári
2. Í alla nótt. Höfundur: Elvar Gottskálksson. Flytjandi: Guðbjörg Magnúsdóttir
3. Gemmér. Höfundur: Hallór Guðjónsson Flytjandi: Íris Kristjánsdóttir
2006
1. Ástfanginn. Höfundur: Védís Hervör Árnadóttir. Flytjandi: Regína Ósk
2. Bergnuminn. Höfundur: Arnór Vilbergsson. Flytjandi: Jóhannes Eiðsson
2007
1. Ó Keflavík. Höfundur: Jóhann Helgason. Flytjendur: Jóhann Helgason og
Rúnar Júlíusson
2008
1. Í faðmi Ljósanætur. Höfundur: Halldór Guðjónsson. Flytjandi: Sjonni Brink
2. Rokk og ról. Höfundar: Ellert H. Jóhannsson og Sigurpáll Aðalsteinsson
3. Ég sá ljós. Höfundar: Hermann Ingi og Jónas Hermannsson
Ásmundur
Valgeirsson
sigraði fyrstu
keppnina um
Ljósanætur-
lagið árið
2002.