Víkurfréttir - 11.09.2014, Blaðsíða 18
fimmtudagurinn 11. september 2014 • VÍKURFRÉTTIR18
STÖRF HJÁ ÍAV Í REYKJANESBÆ
ÍAV hf. | Höfðabakka 9 | 110 Reykjavík | s. 530 4200 | www.iav.is
Vegna aukinna verkefna óskar ÍAV eftir að ráða í
eftirtalin störf á verkstæði félagsins í Reykjanesbæ.
Bifvélavirki / vélvirki
Mikilvægt er að viðkomandi hafi réttindi og reynslu af
viðgerðum á stórum vinnuvélum. Nánari upplýsingar
veitir Þórmar Viggósson í s. 660-6225.
Járniðnaðarmaður
Mikilvægt er að viðkomandi hafi réttindi og reynslu af
járnsmíðavinnu. Nánari upplýsingar veitir Gunnlaugur
Hauksson í s. 660-8134.
Iðnnemar
Einnig er óskað eftir umsóknum frá iðnnemum sem vilja
komast á samning.
Umsóknir má finna á heimasíðu ÍAV, www.iav.is.
OHSAS
18001
Occupational
Health and Safety
Management
OHS 606809
ISO
9001
Quality
Management
FM 512106
Við breytum vilja í verk
ÍAV er eitt stærsta og öflugasta verktakaf-
yrirtæki landsins sem byggir á áratuga reynslu í
mannvirkjagerð.
Verkefni ÍAV eru á öllum sviðum byggingariðnaðar
hvort sem um er að ræða íbúðarhúsnæði,
atvinnuhúsnæði, opinberar byggingar eða aðra
mann-virkjagerð sem og jarðgangagerð og jarðvinnu-
framkvæmdir bæði hérlendis og erlendis.
Við leggjum mikla áherslu á að ráða til okkar
kraftmikla og framsækna einstaklinga, með góða
hæfni í mannlegum samskiptum.
Við bjóðum upp á góða starfsaðstöðu og erum stolt
af starfsandanum og þeim metnaði sem hjá okkur
ríkir.
ÍAV er eina verktakafyrirtækið á Íslandi sem hefur
bæði ISO 9001 gæðavottun og OSHAS 18001
öryggisvottun.
Tónlistarmaðurinn Magnús Kjartansson, einn af „sonum“
Keflavíkur, kveikti á Stefnumó-
tastaurnum á horni Hafnar-
götu og Tjarnargötu í Keflavík
síðdegis á föstudag á Ljósanótt.
Hugmyndin að staurnum á rætur
að rekja til lags Magnúsar Kjart-
anssonar, Skólaball, sem hljóm-
sveitin Brimkló flutti svo eftir-
minnilega á sínum tíma. Björgvin
Halldórsson söng lagið og segir
það eitt af vinsælustu lögum sem
hann hafi sungið í gegnum tíðina.
Við þetta skemmtilega tilefni
tók Sönghópur Suðurnesja, sem
Magnús stýrir, lagið og að lokum
var það Björgvin Halldórsson
sjálfur sem söng Skólaball með
Magnúsi og Finnboga Kjartans-
syni. Fjölmenni var við athöfnina
og stemmningin frábær.
Tréstaur frá þessum tíma stendur
nú á þessu þekkta götuhorni við
Tjarnargötu og Hafnargötu og á ör-
ugglega eftir að draga að sér margt
fólk. Á honum er platti þar sem lesa
má um tilurð lagsins og einnig texti
þess. Svo er hnappur sem kveikir á
bút úr laginu sem hljómar úr há-
talara á straurnum.
Sagan segir að Magnús og vinur
hans hafi verið skotnir í sömu
stelpunni á skólaárum sínum eins
og gengur og gerist. Á skólaballi sá
Magnús á eftir vininum og stúlk-
unni læðast í burtu en sjálfur gekk
hann særður út í nóttina. Hann
kom sér síðan fyrir í skoti nálægt
heimili hennar og beið átekta.
Stúlkan birtist loks en var snökt-
andi og hallaði sér upp að ljósa-
staurnum umrædda. Magnús tók
þá á sig rögg, fór til stúlkunnar og
huggaði og til að gera langa sögu
stutta þá eru þau Magnús hjón enn
þann dag í dag.
Aðspurður segist Magnús hafa
gaman af uppátækinu og hann
vonist jafnvel til að þetta verði
staður þar sem fólk fari á skeljarnar
og beri upp bónorðið.
Ljósanótt hefur gjarnan verið hvati
fyrir íbúa og sveitarfélagið til að
hrinda í framkvæmd skemmti-
legum hugmyndum eða verkefnum
sem eru til hagsbóta fyrir bæinn
eða jafnvel krydda bara upp á til-
veruna.
MAGNÚS OG BÓ
TÓKU LAGIÐ VIÐ STEFNUMÓTASTAURINN
-mannlíf pósturu vf@vf.is
Magnús ýtir á hnappinn og lagbútur úr
Skólaballi fór í gang við fögnuð viðstaddra.
Ragnheiður Elín Árnadóttir, ráðherra úr Keflavík
var fyrsta konan til að hitta Magga við nýja staurinn.
Fjölmenni var við vígslu staursins.
Eldur í bíl
á Miðnesheiði
XuEldur kom upp í bíl á veg-
inum milli Flugstöðvar Leifs
Eiríkssonar og Sandgerðis á
ellefta tímanum. Fulltrúar frá
Brunavörnum Suðurnesja voru
á staðnum ásamt lögreglu sem
lokaði veginum tímabundið. Bíl-
stjórinn var einn í bílnum þegar
hann drap skyndilega á sér og
vart var við reyk. Bílstjórinn fór
þá út úr bílnum og opnaði vélar-
hlífina. Þá var eldur kominn upp
undir mælaborðinu sem breidd-
ist ekki mikið út vegna þess að
bílhurðir og gluggar voru lokuð.
Bíllinn er talsvert skemmdur
eins og meðfylgjandi myndir
sýnir.