Víkurfréttir - 25.09.2014, Blaðsíða 15
VÍKURFRÉTTIR • fimmtudagurinn 25. september 2014 15
Framkvæmdir við Sund-mi ðstö ðina í Kef l av í k
eru í fullum gangi. Þær taka
því miður mun lengri tíma
en áætlað var, segir Ragnar
Örn Pétursson, íþróttafulltrúi
Reykjanesbæjar, í samtali við
Víkurfréttir.
„Ákveðið var að skipta út öllum
tækjum við útilaugina og heitu
pottana. Það var tími kominn á
þær framkvæmdir en 24 ár eru
síðan laugin opnaði. Verið er
að vinna við að skipta um allar
lagnir, klór- og hitastýringakerfi,
sandsíur, jöfnunartanka og fleira“.
Ragnar Örn vonast til að heitu
pottarnir gætu opnað fyrr en
sundlaugin en ýmislegt, m.a. leki,
hefur tafið það verk.
„Þá kom í ljós þegar sundlaugin
var tæmd að flísar á botni laugar-
innar voru að mestu leyti ónýtar.
Ákveðið hefur verið að setja dúk
á botn hennar í staðinn fyrir flísar
bæði vegna minni kostnaðar og
styttri framkvæmdatíma,“ segir
Ragnar Örn.
Innilaugin og vatnsleikjagarður-
inn er opin fyrir almenning og
þá hafa þessar framkvæmdir ekki
haft áhrif á sundkennslu og sun-
dæfingar.
„Við vonumst til að geta opnað
fyrir pottana og gufubaðið upp úr
næstu helgi og síðan gerum við
ráð fyrir að laugin verði tilbúin
eftir 3 vikur,“ segir Ragnar Örn
Pétursson, íþróttafulltrúi Reykja-
nesbæjar í samtali við Víkur-
fréttir.
105 þúsund manns koma árlega
í Íþróttamiðstöðina í Njarðvík.
Vinsælt er að fermingarafmælis-
hópar komi og skoði sig þar um
eftir langa fjarveru. Sundlaugin
er orðin 45 ára og hefur haldið
upprunalegu útliti. Aftur á móti
var kominn tími á að skipta um
lagnakerfi og með byltingu í
tæknimálum er öllu sem tengist
sundlauginni stýrt með tölvum.
Olga Björt hitti Hafstein Ingi-
bergsson, forstöðumann Íþrótta-
miðstöðvar Njarðvíkur og Stefán
Bjarkason, framkvæmdastjóra
Íþrótta- og tómstundasviðs, sem
sýndu henni breytingarnar.
„Farið var í endurnýjungar á laug-
inni og umhverfi hennar 15. júní
og þeim er að ljúka núna. Hita-
stiginu í pottunum og lauginni og
klórmagninu er stýrt með tölvum.
Hér er eftirlitsmyndavél allan sólar-
hringinn, sem ekki var áður. Einn
og einn stekkur enn yfir girðing-
una til að stelast í pottinn utan
opnunartíma,“ segir Hafsteinn og
glottir. Einnig er nýtt og endur-
nýjað hreinsikerfi í kjallaranum
undir lauginni. „Það er mikið ör-
yggi fyrir starfsmenn að þurfa ekki
að komast í snertingu við klórinn,“
segir Hafsteinn.
Mikill sparnaður
Nýtt gólfefni í kjallaranum þar sem
var upprunalegt steypt gólf og ný
niðurföll. Allar pípulagnir og raf-
magnslagnir eru nýjar. „Í kjallar-
anum eru dælurnar með sjálfvirkri
stýringu þannig að þær eru bara í
hægagangi á nóttunni og um helgar
og fara svo á fulla ferð á daginn
þegar þarf að hreinsa meira. Í því
felst mikill rafmagnssparnaður og
hitaveitusparnaður. Miklu meira er
farið að hugsa út í slíka hluti núna.
Áður var dælan á 100% hraða allan
sólarhringinn,“ segir Hafsteinn og
bætir við að framúrstefnumenn
hafi byggt laugina vegna þess
að hún var gerð þannig að hægt
er að ganga hringinn í kringum
hana í kjallaranum og sjá allar
lagnir. „Þetta er fátítt með laugar
á landinu. Þessi laug átti að vera
25 metrar en erfið klöpp í jarðveg-
inum kom í veg fyrir það.“
Loksins kominn kaldur pottur
Hafsteinn segir að loksins sé kaldi
potturinn orðinn að veruleika.
„Körfuboltahreyfingin er búin
að biðja um þetta í sem til átta ár.
Það er orðið vinsælt meðal afreks-
manna að fara í kaldan pott eftir
strangar æfingar og þá hafa þeir
bara gert það í heimahúsum. Þegar
breytingarnar urðu núna var til-
valið að setja hitalagnir undir pott-
inn, því vatnið á það til að frjósa
á veturna.“ Í pottinum er fjögurra
gráða kalt vatn og sístreymi úr
honum og í hann. Sett er lok yfir
hann á skólatíma svo að börn fari
sér ekki að fara sér að voða. Við
hliðina á kalda pottinum er svo
klórskúr. „Hann er algjör bylting.
Hér kemur klórbíll og fyllir reglu-
lega á klórbirgðirnar í skúrnum.
Gott að hafa þetta ekki niðri þar
sem fólk gæti mögulega andað að
sér klórnum.“ segir Hafsteinn.
■■ Sundlaugin í Njarðvík 45 ára:
Kaldur pottur og
miklar endurbætur
-viðtal pósturu olgabjort@vf.is
■■ Sundmiðstöðin í Keflavík:
Dúkur í stað flísa í sundlaugina
– heitir pottar og gufubað opna eftir helgina
Frá framkvæmdum við Sundmiðstöðina í Keflavík.
Einn og
einn stekkur
enn yfir girð-
inguna til að
stelast í pott-
inn utan opn-
unartíma
Stefán og Hafsteinn við Ljónið
Hafsteinn
undir sund-
lauginni við
eitt kýraugað
Í klórskúrnum
Pottasvæðið þar sem kaldi
potturinn er kominn
Sundlaug Njarðvíkur