Víkurfréttir - 09.10.2014, Page 12
fimmtudagurinn 9. október 2014 • VÍKURFRÉTTIR12
„Minn draumur er að geta breytt
því sem var í boði þegar ég fékk
krabbamein. Þá var ég að gúgla
til að finna upplýsingar um sjúk-
dóminn og það er ekki gott. Þetta
eru svo miklar upplýsingar víða
að úr heiminum og þá er nánast
búið að jarða mann,“ segir Helga
Steinþórsdóttir, talskona Krabba-
meinsfélags Suðurnesja. Faðir
Helgu lést úr krabbameini og
móðir hennar hefur oft greinst
með meinið en er, að sögn Helgu,
ótrúlega hress. Sjálf greindist
Helga með lungnakrabbamein en
segir ferlið hafa gengið vonum
framar.
Vilja auðvelda biðina
Helga er með 34% lungnastarfsemi
og segist líta úr fyrir að vera miklu
hraustari en hún er í raun. Hún
er mjög upptekin af hreyfingu og
hollustu, það sé það eina sem sé í
boði fyrir sig til að halda sem bestri
mögulegri heilsu. Hún reykti áður
fyrr og var oft bent á hættuna á
að fá lungnakrabbamein. Helga
segir að fjölskyldur verði oft dofnar
þegar einhver innan þeirra greinist
með krabbamein. Einnig sé tíma-
bilið oft erfiðara fyrir aðstandendur
en sjúklinginn. „Okkur langar að
vera til staðar fyrir báða hópana.
Dagarnir eru langir hjá þeim sem
greinast og mikil bið. Við viljum
auðvelda þeim biðina.“ Hlutfalls-
lega greinast færri á Suðurnesjum
með krabbamein en víða annars
staðar á landinu, annað en haldið
hefur verið fram. „Það kom fram
á fundi hjá Krabbameinsfélags Ís-
lands. Samt greinast mjög margir
Suðurnesjamenn á hverju ári.
Andlega hjálpin er til staðar hjá
Ljósinu í Reykjavík og hún hjálpar
mörgum. Við viljum vera með ein-
hvers konar sýnishorn af því hér á
Suðurnesjum. Vera með öll svörin
á einum stað þar sem fólk finnur
að fleiri eru í sömu sporum,“ segir
Helga.
Fjórir greindust úr
sömu fjölskyldunni
Reynsla langflestra sem greinast
með krabbamein er að þeir upp-
lifa sig sem dálítið eyland. Allir
verða hissa og fá áfall, einangrast
jafnvel og verða uppteknir af sjúk-
dómnum og fjölskyldunni. „Flestir
tengja krabbamein við dauða, sem
er miklu sjaldnar en niðurstaðan,
eða að lenda í miklum erfiðleikum.
Ég fékk lungnakrabbamein og í
30% slíkra tilfella er kannski líklegt
að lifa í fimm ár. Á móti greinist
fólk með lungnakrabba yfirleitt
miklu eldra en ég. Það hjálpaði
mér að greinast svona ung. Æxlið
mitt var orðið stórt og var illkynja
en hægt var að skera það í burtu,“
segir Helga, en bætir við að óvenju-
margir hefðu greinst með sama
meinið og hún á sama tíma, þar af
fjórir úr sömu fjölskyldunni.
Hentugra húsnæði væri betra
Salan á Bleiku slaufunni í október
rennur einungis til Krabbameins-
félags Íslands og verður Krabba-
meinsfélag Suðurnesja að sjá um
eigin fjáraflanir. Stuðningskvöld
eru haldin fyrir félagið og rennur
allur ágóði beint til þess. Sérstök
áhersla verður lögð á það í þessum
mánuði, m.a. með Float-parýi, eða
samfloti, í Akursundlaug. „Við
viljum líka vekja fólk til umhugs-
unar með að fara í skoðun og for-
varnirnar. Okkur langar að gera
svo miklu meira en við erum að
gera. Það hefur ekki gengið nógu
vel að ná til fólks. Húsnæði félags-
ins er við hlið húsnæðis þar sem
hælisleitendur halda til og er það
því læst. Þeir sem vilja leita sér að-
stoðar eða fræðslu hjá okkur, sem
eru þung skref að taka, þurfa að
hringja bjöllu í stað þess að geta
bara gengið beint inn og fundist
þeir velkomnir, sem þeir sannar-
lega eru. Við þyrftum húsnæði á
öðrum stað og geta stjórnað opn-
unartíma betur,“ segir Helga.
Vilja fleiri karlmenn
Ýmis dagskrá er hjá félaginu og
það á sér velgjörðarfólk, eins og
Ágústu Gizurardóttur jógakenn-
ara og Lögfræðiþjónustu Suður-
nesja. „Gönguhópur hittist tvisvar
í viku og hann er mjög mikilvægur
því þá fer fólk að tala saman og
ýmis vandamál leysast. Hvernig
best er að snúa sér í hinu og þessu
í óvæntum og nýjum aðstæðum.
Það hangir alltaf yfir manni hvort
meinið taki sig upp aftur þó að já-
kvæðar niðurstöður séu. Það koma
tímabil og þá er svo gott að geta
rætt við einhvern,“ segir Helga og
að draumurinn sé að byggja upp
eitthvað jákvætt þar sem gott og
gaman er að koma, fræðast og iðka
tómstundir og sköpun. „Bæði fyrir
konur og karla. Okkur vantar fleiri
menn því þetta er ekki kvensjúk-
dómur.“
Öll svörin
á einn stað
-viðtal pósturu olgabjort@vf.is
Það hangir
alltaf yfir
manni hvort meinið
taki sig upp aftur þó
að jákvæðar niður-
stöður séu. Það koma
tímabil og þá er svo
gott að geta rætt við
einhvern
Sigrún Ólafsdóttir afhenti Helgu fyrstu bleiku slaufuna.
Krabbameinsfélag Suðurnesja var stofnað 15. október 1953
og fagnaði því 60 ára afmæli á
síðasta ári. Rekstur félagsins er
byggður á framlögum velunnara
og félaga og fjáröflunum auk þess
sem Krabbameinsfélag Íslands
leggur til framlag vegna launa
starfmanns. Skráðir félagar eru
um 850 og er félagsgjaldið 2.500
krónur á ári.
Minningarkort eru til sölu á skrif-
stofunni og einnig í Lyfju í Kross-
móa, Lyfjum og heilsu á Suðurgötu
og í Pósthúsinu í Reykjanesbæ.
Hlutverk og markmið félags-
ins er að styðja og efla í hvívetna
baráttuna gegn krabbameini, beita
sér fyrir réttindum krabbameins-
sjúklinga og vera málsvari þeirra.
Skrifstofa Krabbameinsfélagsins
að Smiðjuvöllum 8 í Reykjanesbæ
(í húsi Rauða krossins) er opin á
þriðjudögum og fimmtudögum kl.
12–16. Síminn er 421-6363
og vefslóðin er www.krabb.
is/sudurnes, en einnig má
finna félagið á Facebook.
Svarað er í s ímann á
öðrum tímum ef erindið
er brýnt.
Á skrifstofunni er veitt
ráðgjöf og hægt er að nálgast
bæklinga og annað fræðsluefni
sem tengist krabbameini. Þangað
geta allir komið hvort heldur þeir
sem hafa greinst með krabbamein,
aðstandendur þeirra eða vinir og
fengið upplýsingar og stuðning.
Einnig fer starfsmaður í heimahús
ef þess er óskað. Á opnunartíma er
alltaf heitt kaffi á könnunni og við
hvetjum fólk til að koma og nýta sér
þjónustu félagsins.
Frá og með 14. október mun Sara
Dögg Gylfadóttir félagsráðgjafi
veita krabbameinssjúklingum fría
ráðgjöf um félagsleg réttindamál
í veikindum. Tímapantanir eru á
opnunartíma í síma 421-6363.
Á síðasta ári var stofnaður göngu-
hópur. Gengið er frá Sundmiðstöð-
inni á mánudögum og miðviku-
dögum kl. 16.30. Þetta hefur reynst
góður vettvangur til uppbyggi-
legrar samveru. Síðasta mánudag
hvers mánaðar hittist hópurinn
eftir göngu á kaffihúsi og geta þá
þeir sem ekki treysta sér í gönguna
komið þangað.
Jóga með Ágústu er á þriðjudögum
og fimmtudögum kl 10.00. Þeim
sem greinst hafa með krabbamein
er boðið í fría jógatíma í boði eig-
enda Om setursins að Hafnargötu
57. Ágústa Hildur Gizzurardóttir
jógakennari leiðbeinir.
Fyrsta þriðjudag hvers mánaðar
yfir vetrartímann er boðið upp á
dagskrá á skrifstofu félagsins. Fram
að jólum er dagskráin þessi:
Þriðjudaginn 4. nóv. kl. 19.30
kemur Ásdís Ragna Einarsdóttir
og ræðir um náttúrulegar leiðir til
heilsusamlegrar uppbyggingar.
Þriðjudaginn 2. des. kl. 19.30
verður Sr. Erla Guðmundsdóttir
með aðventuhugvekju og boðið
verður upp á súkkulaði og smá-
kökur.
Dagskráin eftir áramót verður aug-
lýst á Facebooksíðunni.
Samflot
Laugardaginn 18. október kl.
14:00 stendur Krabbameinsfélag-
ið fyrir samfloti í sundlaug Akur-
skóla. Unnur Valdís Kristjánsdóttir
er hönnuður flothettu sem notuð
er við samflotið. Flothettan nýtur
síaukinna vinsælda til slökunar og
til að draga úr streitu. Unnur
verður á staðnum og leigir
hettur og leiðbeinir við
notkun. Lifandi tónlist
mun hljóma af sundlaugar-
bakkanum í flutningi tón-
listarmanna af Suður-
nesjum.
Október – bleikur mánuður
Síðan árið 2000 hefur októbermán-
uður verið helgaður árvekni um
krabbamein hér á landi.
Ýmis mannvirki eru lýst í bleikum
lit í byrjun október og bleik slaufa
í formi barmmerkis er seld til
stuðnings baráttunni gegn krabba-
meinum hjá konum.
Helgina 24. og 25. október hafa
nokkrir veitingastaðir á Suður-
nesjum tekið að sér að halda bleikt
kvöld og gefa hluta af ágóða sínum
til félagsins. Suðurnesjamönnum
gefst því kostur á að bregða undir
sig betri fætinum og fara út að
borða og njóta bleika kvöldsins
með fjölskyldu og vinum og leggja
um leið góðu málefni lið.
Veitingastaðirnir eru: Flughótel og
Hótel Keflavík í Reykjanesbæ, veit-
ingastaðurinn Tveir vitar í Garði og
veitingastaðurinn Vitinn í Sand-
gerði.
Sunnudaginn 26. október kl 20:00
verður haldin messa í Keflavíkur-
kirkju sem helguð verður konum
og krabbameinum.
Í lok mánaðarins verður gengin
bleik rökkurganga sem er við-
burður fyrir alla fjölskylduna til að
taka þátt, en hún verður nánar aug-
lýst á Facebook.
Um Krabbameinsfélags Suðurnesja- Hlutfallslega greinast færri á Suðurnesjum með krabbamein en víða annars
staðar á landinu, annað en haldið hefur verið fram. „Dagarnir eru langir hjá
þeim sem greinast og mikil bið. Við viljum auðvelda þeim biðina,“ segir Helga
Björg Steinþórsdóttir, talsmaður Krabbameinsfélags Suðurnesja.
■■ Stórir draumar hjá Krabbameinsfélagi Suðurnesja: