Víkurfréttir - 16.10.2014, Blaðsíða 6
6 fimmtudagurinn 16. október 2014 • VÍKURFRÉTTIR
-fréttir pósturX vf@vf.is
Óli á Stað GK-99 kom til heimahafnar í Grindavík sl.
laugardag. Óli á Stað GK er 30
brúttótonna og 15 metra langur.
Eigandi bátsins er Stakkavík í
Grindavík en Bátasmiðjan Seigur
á Akureyri smíðaði bátinn.
Báturinn er útbúinn til línuveiða
og er búinn línubeitingarvél. Óli
á Stað GK er annar af tveimur
sams konar bátum sem Seigur
smíðar fyrir Stakkavík. Séra Elín-
borg Gísladóttir, sóknarprestur í
Grindavík, blessaði Óla á Stað
GK við komuna til Grindavíkur
á laugardagsmorgun. Fjölmenni
var á bryggjunni þegar báturinn
kom til lands og eftir blessunar-
orð sóknarprestsins var öllum við-
stöddum boðið til grillveislu þar
sem boðið var upp á heilgrillaða
lambaskrokka.
Í áhöfn Óla á Stað GK verða
fjórir til fimm menn en í bátnum
eru fjórir tveggja manna klefar. Í
bátnum er gott eldhús með setu-
stofu þar sem hátt er til lofts en
mikið er lagt upp úr góðri að-
stöðu og þægindum fyrir áhöfnina.
Lestin í bátnum er stór og tekur 48
kör eða um 24 tonn af fiski. Bátur-
inn er allur yfirbyggður og er gott
vinnupláss á dekki. Fullbúinn með
öllum tækjum kostar báturinn um
200 milljónir króna. Ekki fengust
upplýsingar um það hvenær bátur-
inn heldur til veiða en á bryggjunni
í Grindavík gerðu menn því skóna
að það yrði á laugardaginn. Bátur-
inn hafi verið sjósettur á laugar-
degi, hann kom til heimahafnar á
laugardegi og því við hæfi að hann
færi í fyrstu veiðiferð á laugardegi,
til að halda í hjátrúna.
– Stakkavík kaupir smábát af stærstu gerð
Nýr 200 milljóna króna
bátur til Grindavíkur
Hermann Ólafsson ásamt Ragnheiði Elínu Árnadóttur iðnaðar- og
viðskiptaráðherra og Vilhjálmi Árnasyni þingmanni úr Grindavík.
Hermann ÓIafsson útgerðarmaður og fiskverkandi í Stakkavík ásamt fjölskyldu í borðsal Óla á Stað GK.
Séra Elínborg Gísladóttir, sóknarprestur í
Grindavík, blessaði Óla á Stað GK við komuna
til Grindavíkur á laugardagsmorgun.
Óli á Stað GK 99 kemur til hafnar í
Grindavík á laugardag.
Vinnuaðstaða um borð er til fyrirmyndar.
Björgunarbátur
skemmdur
– Milljónatjón segir eigandi
XX Svo virðist sem óprúttnir aðilar
hafi gert sér það að leik að skemma
gamla björgunarbátinn Kidda
Lár í Sandgerði um síðustu helgi.
Báturinn ber nú nafnið Siggi Sæm
og er í eigu Sigurðar Stefánssonar
kafara. Hann segir að svo virðist
sem stungin hafi verið göt á bátinn
á einum 6-7 stöðum og líklega
hafi svokallaður goggur verið not-
aður við skemmdarverkin. „Þetta
er alveg ömurlegt og líklega tjón
sem hleypur á milljónum þar sem
báturinn er eflaust ónýtur,“ sagði
Sigurður í samtali við Víkurfréttir.
Sigurður segir að komið sé í ljós
að einnig hafi verið brotist inn í
tvær trillur við Sandgerðishöfn
um helgina.
Báturinn sem er harðbotna slöngu-
bátur var áður í eigu björgunar-
sveitarinnar Sigurvonar í Sandgerði,
en sveitin notast einmitt við bátinn
þessa dagana, þar sem nýi báturinn,
Þorsteinn, er bilaður. Líklega hafa
skemmdarvargarnir náðst á mynda-
vélar sem vakta hafnarsvæðið en
verið er að skoða þau mál að sögn
Sigurðar. Hann biðlar til þeirra sem
hafa einhverjar upplýsingar um
málið að hafa samband við lögregl-
una. Hann segir nokkrar ábendingar
hafa borist og nú sé lögreglan að
vinna í málinu.
Hvar væri best að setja
niður tjaldstæði?
Umhverfis- og skipulagssvið Reykjanesbæjar skoðar
þessa dagana mögulegar stað-
setningar á tjaldstæði í Reykja-
nesbæ. Guðlaugur Helgi Sigur-
jónsson, framkvæmdastjóri
ráðsins, kynnti ráðinu möguleg
svæði undir tjaldstæði á síðasta
fundi ráðsins.
Guðlaugur Helgi hefur tekið
saman sjö svæði, kosti þeirra og
galla. Svæðin eru Víkingaheimar
í Innri Njarðvík, á Fitjum þar sem
gamla steypustöðin var, Njarð-
víkurskógar, á Iðavöllum við
gamla fótboltavöllinn, á gamla
malarvellinum við Hringbraut,
í Grófinni og á Vatnsholti við
vatnstankinn.
Erum ekki að henda
inn handklæðinu
-segir Kjartan Már Kjartansson,
bæjarstjóri um fjárhagsstöðu Reykjanesbæjar
Kjartan Már Kjartansson bæjarstjóri Reykjanesbæjar
segir að ekki hafi verið boðað til
neyðarfundar í fyrradag vegna
fjárhagsstöðu bæjarins. DV
greindi frá því að staða Reykja-
nesbæjar væri vonlaus, þar sem
heildarskuldir bæjarins séu um
40 milljarðar. Kjartan segir að
búið sé að halda fjölda funda að
undanförnu með ýmsum aðilum
varðandi stöðuna. Nú sé hins
vegar komið að því að kynna
skýrslu KPMG um fjárhagsstöðu
bæjarsins og vinna í lausnum.
„Það er ekkert nýtt í stöðunni, við
þekkjum hana. Nú er KPMG að
leggja fram skýrslu sem svarar von-
andi spurningum varðandi fram-
haldið. Þeir eru að leggja fram sínar
hugmyndir um lausnir á vand-
anum. Við erum svo að kynna þær
fyrir okkar stjórnendum, en þetta
eru fyrst og fremst tillögur og hug-
myndir,“ segir Kjartan. Skýrslan
verður kynnt þann 29. október og
þá mun verða ljóst hvaða leiðir
verða farnar til þess að laga fjár-
hagsvandræði Reykjanesbæjar.
„Það er ljóst að staðan er flókin
og þetta verður ekki auðvelt, en
þetta er gerlegt. Við sjáum fram
á að við getum snúið þessu við á
nokkrum árum,“ bætir Kjartan við
en samkvæmt lögum hefur Reykja-
nesbær frest til ársins 2021 til þess
að greiða úr fjárhagsvandanum.
„Við erum ekki að henda inn hand-
klæðinu,“ segir Kjartan að lokum.