Víkurfréttir - 16.10.2014, Blaðsíða 18
18 fimmtudagurinn 16. október 2014 • VÍKURFRÉTTIR
-íþróttir pósturX eythor@vf.is
Grindvíkingar hafa farið vel af stað í Domino’s deild kvenna í körfubolta. Þegar þetta er ritað hafa þær unnið báða leiki sína í deildinni og virka í fantaformi undir handleiðslu hins sigursæla Sverris
Þórs Sverrissonar. Hin 25 ára gamla María Ben Erlingsdóttir er ein af þeim leikmönnum sem koma
vel undan sumri hjá þeim gulklæddu. María var dugleg að æfa í sumar ásamt liðsfélögum sínum. Hún
tók rækilega á því í ræktinni auk þess sem hún æfði vel grunnatriðin í körfuboltanum. „Maður þarf
að vinna í þeim líka eins og öðru,“ segir hún. Auk þess að æfa vel undir handleiðslu einkaþjálfara æfði
María að talsvert með landsliðinu. Sumarfríið hjá
Maríu var því aðeins rétt tæplega vika þetta árið.
Grindvíkingar sterkari
en í fyrra
„Ég tel okkur vera sterkari en í fyrra. Núna
er þetta ekki eins nýtt fyrir okkur eins og þá.
Nú þekkjum við inn á hver aðra og allt er
að smella betur saman. Við erum talsvert
ferskari,“ segir María. Grindvíkingar hafa
endurheimt hinn frábæra leikmann, Petr-
únellu Skúladóttur, úr barneignarleyfi. Er-
lendi leikmaðurinn, Rachel Tecca, virðist
sterk og liðið hefur einnig á ungum og efni-
legum leikmönnum að skipa. Auk þess er
besti íslenski leikmaður síðari ára, Pálína
Gunnlaugsdóttir, enn innan raða liðsins. Það
má því passlega reikna með Grindvíkingum
í toppbaráttunni. „Við stefnum á alla titla
og ég tel okkur hafa alla burði til þess. Það
verður þó ekki auðvelt þar sem þetta er jöfn
deild með sterkum liðum.“
Hugurinn reikar út
annað slagið
María segir að spilamennska
liðsins sé að verða betri
með hverjum leik undir
þjálfarans Sverris Þórs,
sem sankað hefur að
sér titlum á undan-
förnum árum. María
þekkir vel til Sverris
e n h an n h e f u r
þjá l fað hana í
l a n d s l i ð i n u .
„Sverrir nær
sérstaklega
vel til mín.
H a n n
hefur mikla trú á mér og við það eykst
sjálfsstraustið. Það hjálpar alveg hell-
ing.“
María hefur fengið nasaþefinn af at-
vinnumennsku í körfuboltanum en
hún lék með Saint Gratien í Frakk-
landi. Auk þess lék hún í fjögur ár í
háskóla í Bandaríkjunum. „Hugurinn
reikar út annað slagið. Það var gaman
að prófa að spila í Frakklandi. Mér
líður rosalega vel heima núna, hérna í
Grindavík. Ef það kemur tækifæri þá
væri ég alveg opin að skoða það.“
„Sverrir hefur trú á mér“
-segir miðherjinn María Ben sem stefnir á alla titla sem eru í boði með Grindvíkingum
Keflavíkurdagurinn var haldinn í fyrsta sinn um
liðna helgi, en þá var starfsemi
íþróttadeilda Keflavíkur kynnt
fyrir íbúum Reykjanesbæjar. Á
milli 300-400 manns litu við á
Sunnubrautinni, léku listir sínar
í hinum ýmsu íþróttagreinum,
gæddu sér á pylsum og hlýddu á
Friðrik Dór þenja raddböndin.
Ákaflega vinsælt var að skjóta
af loftriffli og skammbyssu frá
skotdeildinni. Margir könnuðu
skotkraftinn í fótboltanum með
hjálp radarbyssu, á meðan aðrir
tóku flikk flakk á dýnu fimleika-
deildarinnar. Einar Haraldsson
framkvæmdastjóri Keflavíkur
sagði í samtali við VF að þegar
væri farið að huga að næsta ári,
þar sem Keflavíkurdagurinn væri
kominn til að vera.
„Við erum ánægðir með þetta
fyrsta skipti okkar. Við lítum þetta
bara björtum augum, þrátt fyrir
að gaman hefði verið að sjá fleiri.
Við erum þakklát fyrir að sjá alla
þá sem lögðu leið sína í íþrótta-
húsið. Við fengum gríðarlega góð
viðbrögð frá þeim gestum sem
kíktu í heimsókn. Ég held að fólk
hafi almennt verið ánægt með
þetta. Við lærum að þessari fyrstu
reynslu og förum inn í næsta með
jákvæðu hugarfari,“ sagði Einar.
Keflavíkurdagurinn
kominn til að vera
Evrópumeistarar
í hópdans
XXSex stúlkur af Suðurnesjum sigruðu
á sterku móti.
Þær Díana Dröfn Benediktsdóttir, Elva
Rún Ævarsdóttir, Lovísa Guðjónsdóttir,
Sylvía Ru Kár dóttir, Sandra Ósk Vikt-
orsdóttir og Ingibjörg Sól Guðmunds-
dóttir urðu um helgina Evrópumeistarar
í hópdansi á sterku móti, FitKid, sem
haldið var um helgina í Vodafone höll-
inni í Reykjavík. Þetta er tólfta Evrópu-
mótið í FitKid og í annað sinn sem það
er haldið á Íslandi. Iðkendur eru börn og
unglingar á aldrinum 6 - 19 ára og brúar
þessi íþrótt bilið á milli fimleika, þolfimi,
dans og styrktaræfinga.