Víkurfréttir - 23.10.2014, Blaðsíða 2
2 fimmtudagurinn 23. október 2014 • VÍKURFRÉTTIR
-fréttir pósturu vf@vf.is
Íbúðalánasjóður
svarar ekki
Garðmönnum
– óskað eftir fundi með sjóðnum
og félagsmálaráðherra
XuMagnús Stefánsson, bæjarstjóri
í Garði, hefur sent Íbúðalánasjóði
bréf vegna húsnæðismála í Garði.
Íbúðalánasjóður á nú 57 eignir í
Garði. Engin viðbrögð hafa orðið af
hálfu Íbúðalánasjóðs við erindinu.
Bæjarráð felur bæjarstjóra að óska
eftir fundi með félagsmálaráðherra
og Íbúðalánasjóði. Í bréfinu til Íbú-
ðalánasjóðs er óskað eftir samstarfi
og fundi varðandi fjölda ónotaðra
íbúða í eigu sjóðsins í Garðinum. Í
minnisblaði bæjarstjóra, sem lagt
var fyrir bæjarráð í Garði í gær,
er einnig fjallað um 7 félagslegar
íbúðir í eigu sveitarfélagsins, ástand
þeirra og nýtingu. Fyrir liggur að
ráðast þarf í viðhaldsframkvæmdir
vegna tveggja íbúða.
X■ Nokkur störf og heilmiklar framkvæmdir:
Stofnfiskur áformar
uppbyggingu í Vogum
Í Vogavík, rétt utan við Voga, er fyrirtækið Stofnfiskur hf.
með starfsemi sína. Uppistaðan
í framleiðslu Stofnfisks eru lax-
ahrogn og fer megnið af fram-
leiðslunni til útflutnings. Fram
til þessa hafa höfuðstöðvar skrif-
stofunnar verið í Hafnarfirði, en
nú hyggst fyrirtækið færa þær
hingað í Vogavíkina.
„Það eru sannarlega góðar fréttir
fyrir okkur, hingað færast nokkur
störf og uppbyggingunni fylgja
heilmiklar framkvæmdir, segir Ás-
geir Eiríksson, bæjarstjóri í Sveitar-
félaginu Vogum.
Sveitarfélagið hefur nú þegar
hafið undirbúningsvinnu að þeim
þáttum sem að sveitarfélagniu snúa,
en framkvæmdin kallar á breytingu
á aðalskipulagi. „Nú hefur verið
gefin út svokölluð skipulags- og
matslýsing, sem auglýst hefur verið
og er til umsagnar. Ef allt gengur að
óskum mun breytingin verða stað-
fest og þá getur uppbyggingin hjá
Stofnfiski hafist með vorinu,“ segir
Ásgeir jafnframt í pistli sem hann
skrifar í fréttabréf sveitarfélagsins.
Skrifað hefur verið undir samning milli Strætó bs. og
Sambands sveitarfélaga á Suður-
nesjum. Samningurinn felur í sér
skipulagningu og framkvæmd al-
menningssamgangna milli þétt-
býliskjarna á Suðurnesjum og
tenginu þeirra við höfuðborgar-
svæðið.
Hlutverk Strætó bs. verður að
halda utan um upplýsingar er varða
akstur verktaka fyrir S.S.S. Verður
það gert með sama fyrirkomulagi
og gildir varðandi samninga Strætó
við verktaka vegna aksturs á þeirra
vegum.
Strætó bs. tryggir farþegum á þjón-
ustusvæði S.S.S. aðgang að vögnum
í leiðarkerfi strætó á höfuðborgar-
svæðinu hafi þeir til þess gild fjar-
gjaldaform eins og þau eru skil-
greind af Strætó hverju sinni.
Strætó mun veita farþegum upplýs-
ingar og fyrirgreiðslu líkt og öðrum
farþegum á höfuðborgarsvæðinu.
Samningurinn tekur gildi 1. janúar
2015 og mun hafa í för með sér
mikla samgöngubót fyrir sam-
félagið á Suðurnesjum og bæta
tengingu íbúa við höfuðborgar-
svæðið.
Strætó skipuleggur sam-
göngur á Suðurnesjum
Gunnar Þórarinsson og Reynir Jónsson framkvæmdastjóri Strætó bs.
Hugmynd Daníels
orðin að veruleika
– Skilti sett upp við Brú
á milli heimsálfa
Xu„Það er frábært að fá svona hug-
myndir frá íbúum og koma þeim
í framkvæmd,“ segir Eggert Sól-
berg Jónsson, verkefnastjóri hjá
Heklunni. Eggert sendi Víkurf-
réttum mynd sem hann tók við Brú
á milli heimsálfa. Myndin er af skilti
með Daniel Alexanderssyni, 13 ára
nema í 8. bekk í Akurskóla, sem kom
á framfæri þeirri hugmynd að koma
á nýrri hefð; að halda á Brúnni á
milli heimsálfa. Hugmyndin sló í
gegn og hafa margir látið taka mynd
af sér eins og Daníel þegar hann
stillti sér upp fyrir föður sinn.
Íbúar við Hlíðarveg 12-88 í Njarðvík hafa óskað eftir að
Reykjanesbær geri við heim-
reiðar við raðhúsin. Með ósk
um þetta fylgdi undirskrifta-
listi íbúa ásamt skýringum með
beiðninni.
Íbúarnir óskuðu einnig eftir íbúa-
fundi þar sem svör verði gefin
varðandi málið.
Umhverfis- og skipulagsráð
Reykjanesbæjar hafnar erind-
inu þar sem heimreiðirnar eru
innan lóðamarka raðhúsanna.
Framkvæmdastjóra og formanni
er jafnframt falið að funda með
fulltrúum íbúa og gera grein fyrir
málinu.
Kristinn Jakobsson, Framsóknar-
flokki, flutti tillögu á fundi bæjar-
stjórnar Reykjanesbæjar í vikunni
um að fresta ákvörun í málinu til
að freista þess að leysa ágreining
er varðar endurnýjun yfirborða á
botnlanga við hús. „Enn er mjög
á reiki hvort botnlanginn sér hluti
af gatnakerfi bæjarins eða hluti
lóðar viðkomandi raðhúsa,“ segir
í tillögunni sem var felld með tíu
atkvæðum gegn atkvæði Kristins.
Heimreiðin ekki á
ábyrgð bæjarins
– íbúar sendu bæjaryfirvöldum undirskriftir og óskuðu eftir íbúafundi
Á sunnudag lýkur sýningu Kristínar Rúnarsdóttur
LEIKFLÉTTUR
í sýningarsal Listasasafns Reykjanesbæjar
í Duushúsum. Opið 12-17 virka daga, 13-17 helgar.
Aðgangur ókeypis.
Vegna fjölda áskorana hefur sýningartíminn verið
framlengdur um viku.
Allra síðasti sýningardagur, í Bíósal Duushúsa,
er sunnudagurinn 26. október.
Opið 12-17 virka daga, 13-17 helgar.
Aðgangur ókeypis.
-Víkingaskipið Íslendingur
-Siglingar norrænna manna
-Fornminjar af Suðurnesjum
-Örlög guðanna
-Söguslóðir á Íslandi
Opið 12-17 alla daga.
vikingaheimar.is
Velkomin á Rokksafn Íslands
Opið 11-18 alla daga
rokksafn.is
LISTASAFN REYKJANESBÆJAR
LEIKFLÉTTUR
LJÓSMYNDARINN
JÓN TÓMASSON
VÍKINGAHEIMAR
ROKKSAFN ÍSLANDS
HLJÓMAHÖLL