Víkurfréttir - 23.10.2014, Blaðsíða 16

16 fimmtudagurinn 23. október 2014 • VÍKURFRÉTTIR
BORGARAFUNDUR
Opinn íbúafundur um fjárhagsstöðu Reykjanesbæjar haldinn
í Stapa miðvikudaginn 29. október kl. 20:00.
Dagskrá:
1. Fundarsetning
2. Ráðgjafar KPMG kynna fjárhagsstöðu Reykjanesbæjar og tillögur til úrbóta
3. Fyrirspurnir úr sal
Fundarstjóri: Ólafur Helgi Kjartansson
-aðsent pósturu vf@vf.is
Yfirskrift þemadaga í Stóru-Vogaskóla var „Börn um
allan heim“ og stóðu þeir yfir
frá 15.-17.október. Hugmyndin
kviknaði þegar Unicef sendi
okkur beiðni um þátttöku í
söfnun til styrktar þróunarhjálp
fyrir börn og fannst okkur tilvalið
að fræða okkar börn um Barna-
sáttmála Sameinuðu þjóðanna
og um aðstæður barna víða um
heim. Þá notuðum við tækifærið
og ræddum mun á réttindum og
forréttindum.
Að sjálfsögðu tókum við þátt í degi
rauða nefsins og má segja að þar
hafi vinnan byrjað. Kennarar hafa
síðan þá kynnt greinar barnasátt-
málans og fléttað inn í kennslu eftir
atvikum. Þegar kom svo að þema-
dögum voru nemendur orðnir
nokkuð vel kunnugir barnasátt-
málanum.
Fyrstu tvo dagana unnu nem-
endur alls konar verkefni úr Litla
kompás og fjölmörg önnur verk-
efni sem hægt var að tengja við
barnasáttmálann. Afraksturinn var
t.d. plaköt þar sem sjá má á öðru
þeirra jákvæðar fréttir og hinu nei-
kvæðar fréttir, þau kusu að tjá þær
með myndum sem töluðu sterkt
til þeirra. Annar hópur teiknaði
hendur sem leiddust í hring og fal-
legt ljóð í miðjunni um vinskap.
Einn hópur gerði útlínur mann-
eskju á stórt plakat og síðan límdu
þau inn á það réttindi barna skv.
sáttmálanum.
Á þriðja degi leystu nemendur svo
þrautir sem reyndu mjög á sam-
vinnu og samheldni. Nemendum
var blandað saman frá 1.-10. bekk
og skipt í hópa. Sú hópaskipting
var óvenjuleg og fór fram undir
yfirskriftinni:
Leit að týndum
fjölskyldumeðlimum
Leit að fjölskyldumeðlimum fer
fram í skólanum. Hver fjölskylda
hefur sitt sérkenni (litaða borða).
Fyrirliðar ganga milli kennslustofa
og safna saman fjölskyldumeð-
limum.
Þegar allir eru fundnir kemur
hópurinn saman inn í sal“.
Fyrirliði úr 9. eða 10.bekk ber
ábyrgð á að allur hópurinn sé alltaf
saman í öllum þrautum.
Elstu nemendurnir báru sem sagt
ábyrgð á þeim yngri og sáu til þess
að enginn týndist úr hópnum. Þau
fylgdust síðan að á milli 12 stöðva
og leystu mismunandi þrautir, til
dæmis bjuggu þau til bolta úr ein-
hverju efni sem þau fundu, jafnvel
pappír, plastpokum og límbandi,
skó úr efni sem til féll, kaffipokum,
sóttu vatn í tjörnina og settu á
flöskur (án þess að nota trekt),
flokkuðu hrísgrjón, við hrísgrjóna-
vinnuna voru þau svo einbeitt að
það mátti heyra saumnál detta.
Þau þvoðu sér upp úr mis hreinu
vatni, gengu fram og aftur göngu-
stíginn, eldri nemendur þurftu að
bera þau yngri á bakinu. Dagurinn
gekk mjög vel og allri nemendur
stóðu sig með prýði. Það var frá-
bært að sjá hve ábyrg þau eldri voru
gagnvart yngri krökkunum og þau
yngri litu með stórum augum upp
til þeirra. Hvert sem litið var sáust
nemendur með bros á vör og þau
fundu til ábyrgðar og samkenndar.
Við erum ákaflega stolt af krökk-
unum okkar og höfðu einhverjir
starfsmenn á orði að þessir þema-
dagar hefðu verið einstaklega vel
heppnaðir.
Börnin hafa safnað áheitum eða
styrkjum í tengslum við verkefnið
sem þau munu skila af sér í næstu
viku.
X■ Þemadagar í Stóru-Vogaskóla:
Börn um allan heim
X■ Sigrún Ólafsdóttir skrifar:
Áhersla á konur
og krabbamein
Nemendur þurftu að sækja sér vatn í tjörnina og hella í flöskur,
til „þvotta og neyslu“
Vetrarstarf Krabbameins-félags Suðurnesja hefur
farið vel af stað í ár. Október er
áberandi mánuður þar sem aðal
áherslan er á konur og krabba-
mein og margar byggingar á
Suðurnesjum eru fallega lýstar í
bleiku. Alls staðar mætir félag-
ið velvilja og margir eru reiðu-
búnir til að leggja okkur lið við
uppbyggingu félagsins. Frá því í
byrjun október hafa verslunareig-
endur við Hafnargötuna selt fal-
leg kerti frá Jöklaljósi til styrktar
félaginu og ýmsar aðrar verslanir
hafa veitt okkur styrk á einn eða
annan hátt.
Laugardaginn 18. október var efnt
til Samflots í sundlaug Akurskóla
sem heppnaðist afar vel. Ýmislegt
annað en flotið var í boði. Ilmur
af Lavander var í loftinu frá hinum
frábæru Zolo olíulömpum en hluti
ágóða af sölu lampanna í október
rennur til Krabbameinsfélagsins.
Fida Abu Libden kynnti og gaf
smakk af vörum frá GeoSilica sem
er náttúrulegt íslenskt fæðubótar-
efni framleitt úr kísil og mun koma
á almennan markað í lok árs.
Allar konur sem mættu fengu
prufur af hinum frábæru EGF húð-
dropum frá Sif Cosmetics. Ánægju-
legt var að geta kynnt þessar frá-
bæru íslensku vörur.
Boðið var upp á kaffi frá Kaffitár,
kleinur frá Sigurjónsbakaríi og
ávexti frá Nettó.
Baldur Guðmundsson og Sævar
Smárason fluttu notalega tónlist
meðan gestir nutu alls sem í boði
var.
Helgina 24. – 26. október munu
fjórir veitingastaðir á Suðurnesjum
bjóða upp á bleika matseðla þar
sem hluti ágóða rennur til Krabba-
meinsfélags Suðurnesja. Veitinga-
staðurinn Vitinn í Sandgerði og
KEF restaurant á Hótel Keflavík
verða með bleikan matseðil laugar-
daginn 25. október og Flughótel
í Keflavík laugardaginn 25. og
sunndudaginn 26. október. 20% af
ágóða matseðils þessara veitinga-
staða rennur til KS. Veitingastaður-
inn Tveir Vitar í Garði verður
með bleikan matseðil alla helgina
föstudags-, laugardags- og sunnu-
dagskvöld og rennur allur ágóði af
matseðlinum til KS. Einnig verða
þeir með sitt vinsæla kaffihlaðborð
þessa helgi og rennur allur ágóði
þess einnig til okkar félags.
Ég hvet Suðurnesjabúa til að eiga
notalega stund með fjölskyldu eða
vinum á einhverjum þessara veit-
ingastaða og styrkja um leið gott
málefni.
Sunnudaginn 26. október kl 20:00
verður bleik messa í Keflavíkur-
kirkju í samstarfi við Krabba-
meinsfélag Suðurnesja. Sigurbjört
Kristjánsdóttir mun þar segja frá
reynslu sinni af því að greinast með
krabbamein. Seríurnar sjá um söng
og leik ásamt Arnóri Vilbergssyni
sem verður við hljófærið.
Mánudaginn 3. nóvember kl 19:30
verður farin bleik rökkurganga sem
er hugsuð fyrir alla fjölskylduna.
Gengið verður frá Holtaskóla og
eru allir hvattir til að mæta með
vasaljós, luktir eða höfuðljós. Allir
fá afhenta bleika filmu yfir ljósin
áður en gangan hefst. Gengið
verður að skógræktinni í Vatnsholti
þar sem boðið verður upp á heitt
kakó og sögustund við varðeld.
Ævar Þór Benediktsson mun lesa
upp úr hinni frábæru bók sinni Þín
eigin þjóðsaga. Með þessari göngu
ljúkum við árlegu árvekniátaki
varðandi krabbamein hjá konum
og segjum takk fyrir okkur.
Alla viðburði félagsins má sjá á
Facebook-síðu Krabbameinsfélags
Suðurnesja.
Sigrún Ólafsdóttir
Forstöðumaður Ráðgjafaþjónustu
Krabbameinsfélags Suðurnesja
Frá samfloti í sundlauginni í Akurskóla.