Víkurfréttir - 23.10.2014, Blaðsíða 18

18 fimmtudagurinn 23. október 2014 • VÍKURFRÉTTIR
-íþróttir pósturu eythor@vf.is
Tveir Suðurnesjamenn hafa hlotið sömu nafnbót áður.
Keflvíkingurinn Guðmundur
Steinarsson var kjörinn bestur
árið 2008 og Gunnar Oddson frá
Keflavík árið 1996, en hann lék þá
með Leiftri. Aðeins tvisvar áður
hafa markmenn hlotið nafnbót-
ina frá árinu 1984, þeir Hannes
Halldórsson (2011) og Bjarni Sig-
urðsson árið (1984). Það er mikill
heiður fyrir Ingvar að verða að-
eins þriðji markvörðurinn til þess
að vera valinn bestur á þessum
30 árum. „Ef markmaður gerir
ein mistök þá er hann dæmdur
út frá því. Ef sóknarmaður gerir
10 mistök þá man enginn eftir
því ef hann skorar svo nokkur
mörk,“ segir Ingvar. Hann segir
engan leyndardóm liggja að baki
árangri sem þessum. Hann hafi
þó gefið sér meiri tíma til þess
að æfa í sumar. „Ég hef frá unga
aldri þurft að hafa mikið fyrir
hlutunum og þurft að æfa mikið.
Ég var ekki að vinna eins mikið í
sumar og meira að einbeita mér
bara að fótboltanum. Það hefur
eflaust hjálpað mér helling. Ég
æfði nánast eins og atvinnumaður
í sumar,“ segir Ingvar sem starfar
sem sjálfstæður einkaþjálfari.
Ingvar, sem er 25 ára gamall, hefur
undanfarin fjögur ár leikið með
Stjörnunni í Garðabæ við góðan
orðstír. Hann hóf að æfa knatt-
spyrnu sex ára gamall og lék sinn
fyrsta leik með meistaraflokki
Njarðvíkur tíu árum síðar, þá að-
eins 16 ára. „Sævar (Júlíusson)
markmannsþjálfari hafði gríðar-
lega trú á mér og taldi að ég gæti
náð langt. Hann pressaði á þjálfar-
ann að gefa mér tækifæri. Hann
á mikinn þátt í því hversu langt
ég hef náð. Hann vann mikið með
mig í yngri flokkum og einnig
fyrstu árin í meistaraflokki. Hann
er stoltur af mér í dag og fékk alveg
gæsahúð þegar ég fékk verðlaunin
frá KSÍ,“ segir Ingvar um fyrsta
tækifærið.
„Fólk hefði haldið
að ég væri hálf
klikkaður ef ég
hefði sett mér
þessi markmið
fyrir tímabilið“
„Þetta var nánast fullkomið tíma-
bil fyrir mig og ég átti jafna og
góða leiki í allt sumar. Ég gerði
ekki mörg mistök og er gríðarlega
stoltur af því að vinna þetta. Sér-
staklega að vera kosinn af öllum
mótherjum mínum. Ég hefði aldr-
ei getað ímyndað mér þetta fyrir
tímabilið, að verða Íslandsmeistari
og komst í fjórðu umferð í Evr-
ópukeppninni. Fólk hefði haldið
að ég væri hálf klikkaður ef ég
hefði sett mér þessi markmið fyrir
tímabilið.“ Ingvar lét sér það ekki
nægja heldur vann hann sér sæti
í A-landsliði Íslands. Eftir að hafa
fagnað Íslandsmeistaratitlinum
eftir sögufrægan leik gegn FH, var
Ingvar nokkru síðar kominn upp
í flugvél á leið til Lettlands með
landsliðinu. „Ég var eiginlega ekki
alveg búinn að átta mig á þessu öllu
fyrr en ég kom heim úr landsliðs-
ferðinni,“ segir hann.
Treystu á 18 ára gutta
Ingvar var 18 ára þegar Njarðvík-
ingar ákváðu að treysta á hann og
láta honum eftir stöðu aðalmark-
varðar, en þá lék liðið í 1. deild.
„Ég var alveg óskrifað blað á þeim
tíma og er Njarðvíkingum mjög
þakklátur að hafa gefið mér tæki-
færi.“ Ingvar viðurkennir að Kefl-
víkingar hafi borið í hann vígjurnar
á sínum tíma en hann sá hag sínum
betur borgið hjá uppeldisfélaginu.
„Albert Sævarsson var þá mark-
vörður hjá Njarðvík og Ómar Jó-
hanns hjá Keflavík. Ég sá að það
yrði styttra í það að Albert legði
hanskana á hilluna en Ómar,“ segir
Ingvar léttur í bragði. Einnig taldi
hann að réttast væri að byrja í neðri
deildum og vinna sig upp í úrvals-
deild smá saman með reynslunni.
„Hefði ég verið í stærri klúbb og
ekki fengið sénsinn svona snemma
þá hefði ég ekki verið búinn að ná
jafn langt og ég hef gert í dag. Ég
fékk t.d. tækifæri með unglinga-
landsliðinu þar sem ég var eini
markvörðurinn á þeim aldri sem
spilaði með meistaraflokki,“ segir
Ingvar sem að baki leiki með U19
og U21 liði Íslands. Ingvar hefur
þrátt fyrir unga aldur spilað sem
aðalmarkvörður liða sinna í átta
ár. Sú reynsla hefur reynst honum
ansi dýrmæt. „Ég byrjaði að spila
kannski nokkuð fyrr en margir
aðrir en það er vonandi að ég eigi
mín bestu ár eftir og verði bara
betri.“
Helvíti töff að vera
úr Njarðvík
„Það er varla annað hægt en að
vera Stjörnumaður eftir þessi
fjögur ár. Sérstaklega eftir að hafa
hjálpað til við að skrifa sögu fé-
lagsins. Maður finnur að þetta eru
langbestu stuðningsmenn landsins.
Þrátt fyrir að FH-ingar hafi reynt
að hringja út mannskap og boðið
þeim bjór þá gekk það illa hjá þeim,
maður var ekkert var við þá,“ segir
markvörðurinn glettinn. Hann er
þó alltaf grænn í gegn og stoltur af
því að vera Njarðvíkingur.
„Ég held að það viti flestir að ég er
Njarðvíkingur. Þegar það er skrifað
um mig eða Óskar Hauksson í
fjölmiðlum þá er alltaf talað um
okkur sem Njarðvíkinga, það er
helvíti töff. Maður er stoltur af því
að vera úr Njarðvík.“ Ingvar fylgist
með Njarðvíkurliðinu og segir að
það hafi verið ánægjulegt að sjá þá
bjarga sér frá falli í sumar. Helst vill
hann þó sjá Njarðvíkinga í 1. deild,
þar eigi þeir heima. Ingvar er alinn
upp hjá Frey Sverrissyni ef svo má
segja, en sá síðarnefndi var um ára-
bil þjálfari yngri flokka hjá Njarð-
vík, þar sem hann náði frábærum
árangri. Freyr fékk Ingvar og Al-
exander Magnússon, sem leikur
með Grindavík, til þess að mæta
á æfingu á sínum tíma. „Hann er
klárlega besti yngri flokka þjálfari á
landinu, þannig að maður fékk gott
fótboltauppeldi,“ segir Ingvar um
Frey Sverris.
Landsliðið og atvinnu-
mennska næst á dagskrá?
Eins og fyrr segir hefur nánast allt
gengið upp hjá Ingvari þetta sum-
arið. Hann segist vart vera kominn
á jörðina eftir atburði undanfar-
inna vikna. Hann mun nú ein-
beita sér að landsliðinu sem hefur
átt ævintýralegu gengi að fagna.
„Markmiðið er að veita Hannesi
(Halldórssyni) alvöru samkeppni,
en hann hefur verið frábær í síð-
ustu leikjum. Ég á vonandi nokkuð
mörg ár eftir með liðinu en það er
gaman að taka þátt í þessu og æfa
með þessum strákum. Það að taka
þátt í þessi ævintýri sem er í gangi
er alveg ótrúlegt. Vonandi gerist
það einn daginn að maður fái leik
og geti þá sannað sig.“
Ingvar er á leið til Svíþjóðar þar
sem hann mun æfa með úrvals-
deildarfélagi við toppaðstæður.
Það er fyrst og fremst til þess að
halda sér í formi fyrir landsliðið
en þó er aldrei að vita nema at-
vinnumennskan sé handan við
hornið. „Þessi klúbbur er í mark-
manns-hugleiðingum þannig að
það er aldrei að vita hvað gerist.
Þetta yrði frábær tími til þess að
taka næsta stökk og fara í atvinnu-
mennsku, en þá verður að bjóðast
rétta tækifærið. Ef það kemur ekki
upp í ár þá eru mjög spennandi
tímabil framundan hjá Stjörnunni,
að verja titilinn og spila í meistara-
deildinni,“ segir Ingvar að lokum.
Stoltur af því að vera úr Njarðvík
Markvörðurinn Ingvar Jónsson átti nánast fullkomið sumar - Kjörinn besti leikmaður Íslandsmótsins
Markvörðurinn Ingvar Jónsson var á dögunum kjörinn besti leikmaður Íslandsmótsins í knattspyrnu. Eflaust vita ekki margir að Ingvar ól manninn við Grundarveginn í Njarðvík, en
knattspyrnulegt uppeldi hlaut hann hjá Frey Sverrissyni og fleiri góðum í knattspyrnudeild Njarðvíkur. Nú er Ingvar Íslandsmeistari með Stjörnunni, lék gegn stórliði Inter Milan í sumar í
Evrópukeppninni og vann sér inn sæti í A-landsliði Íslands. Það er því óhætt að segja að sumarið hafi nánast verið fullkomið hjá Ingvari.
Dreymdi um að komast
í stórt lið og verða
Íslandsmeistari
einn daginn
Þegar Njarðvíkingar féllu í 2.
deild sýndu nokkur félög úr
efstu deild áhuga á Ingvari.
Nokkuð þekkt er orðin sagan
af því að Bjarni Jóhannsson, þá
þjálfari Stjörnunnar, hafi búið
um 50 metrum frá Njarðtaks-
vellinum og verið tíður gestur
á leikjum Njarðvíkinga. Hann
vissi því upp á hár hvers Ing-
var var megnugur. „Það var
heillandi að fara í Stjörnuna
vegna þess að Bjarni Jó vissi
alveg hvað ég gæti og hafði séð
mig margsinnis. Það var í raun
eina liðið sem kom til greina.
Einnig leist mér vel á mark-
mannsþjálfara Stjörnunnar,
Henrik Bödker, og höfum við
náð frábærlega saman öll fjögur
árin og hef ég bætt mig mikið
undir hans stjórn.“ Þá strax var
Ingvar hugsaður sem aðalmark-
vörður liðsins sem var ungt að
árum. „Mig dreymdi um að
komast í stórt lið og verða Ís-
landsmeistari einn daginn, það
er alveg mögnuð tilfinning að
sá draumur hafi orðið að veru-
leika,“ segir Íslandsmeistarinn
nýbakaði.
Á æskuslóðum: Ingvar var tíður
gestur á sparkvellinum við
Njarðvíkurskóla
Stjarnan frá Njarðvík,
í sögufrægum leik gegn FH.