Víkurfréttir - 06.11.2014, Blaðsíða 14
14 fimmtudagurinn 6. nóvember 2014 • VÍKURFRÉTTIR
-fréttir pósturu vf@vf.is
SUÐURNES | GARÐUR | GRINDAVÍK | REYKJANESBÆR | SANDGERÐI | VOGAR
Vaxtarsamningur Suðurnesja
Verkefnastyrkir
Auglýst er eftir styrkumsóknum til Vaxtarsamnings Suðurnesja
á grundvelli samnings um framlög til byggðaþróunar á Suður-
nesjum árið 2014.
Styrkhæf verkefni eru þróunar- og nýsköpunarverkefni sem
markvisst stefna að markaðssetningu nýrrar eða endurbættrar
vöru eða þjónustu. Skilyrði úthlutunar er að viðkomandi verk-
efni feli í sér samstarf þriggja eða fleiri fyrirtækja og falli að mark-
miðum samningsins sem og verklagsreglum um úthlutun.
Styrkir geta verið allt að 50% af styrkhæfum kostnaði einstakra
verkefna, gegn mótframlagi þátttakenda. Skilgreining á styrk-
hæfum kostnaði, umsóknareyðublöð og aðrar upplýsingar er að
finna á vefsíðu vaxtarsamningsins: vaxtarsamningur.sss.is.
Umsóknarfrestur
Mánudaginn 1. desember 2014, kl. 16:00.
Umsóknum skal skila á netfangið vaxtarsamningur@heklan.is.
Nánari upplýsingar veitir Björk Guðjónsdóttir verkefnastjóri
bjork@heklan.is, sími 420 3288.
Viðtalstímar verkefnastjóra
Verkefnastjóri Vaxtarsamnings Suðurnesja verður til viðtals fyrir
umsækjendur á bæjarskrifstofum sveitarfélaganna sem hér
segir:
Garður: Mánudagur 10. nóvember kl. 10:00 – 11:00.
Sandgerði: Mánudagur 10. nóvember kl. 13:00 – 14:00.
Grindavík: Þriðjudagur 11. nóvember kl. 13:00 – 14:00.
Vogar: Þriðjudagur 11. nóvember kl. 11:00 – 12:00.
heklan.is
Fjöldi fólks úr atvinnulífinu á Suðurnesjum mætti
á morgunverðarfund Íslandsbanka.
Ekki alveg á sama stað
og höfuðborgarsvæðið
-segir Sighvatur Gunnarsson, útibússtjóri Íslandsbanka
Þegar við berum saman þjóðhagsspá bankans við stöð-una á Suðurnesjum þá er ljóst að við erum kannski
ekki alveg komin á sama stað og t.d. höfuðborgarsvæðið.
Við höfum hér á svæðinu t.d. verið að glíma við erfiðari
stöðu í atvinnulífinu þó við sjáum jákvæð teikn á lofti.
Kaupmáttur hefur því kannski almennt ekki vaxið jafn
hratt hér og við hefðum viljað auk þess sem eignaverð
hefur ekki hækkað hér að neinu ráði og þar af leiðandi
höfum við ekki séð skuldahlutföll lækka jafn hratt og á
höfuðborgarsvæðinu. Það eru þó almennt jákvæðar horfur
í efnahagslífinu og það mun sannarlega skila sér inn á
Suðurnesin,“ segir Sighvatur Gunnarsson, útibússtjóri Ís-
landsbanka.
Hver er þín skoðun á framgangi
fyrirtækja á Suðurnesjum á næstunni?
„Ég er mjög bjartsýnn gagnvart viðskiptalífinu hér á Suður-
nesjum og hægt að sjá tækifæri víða. Sjávarútvegurinn hefur
verið að gera ágætis hluti og hefur eflst t.d. með breytingum
hjá Vísi í Grindavík. Við sjáum einnig fyrirtæki vera að fjár-
festa í þessum geira í Garði og Sandgerði. Það eru gríðarlegar
fjárfestingar í tengslum við ferðamannageirann hér á svæðinu
og er nóg að nefna framkvæmdir hjá Isavia á Keflavíkurflug-
velli og fyrirhugaðar framkvæmdir hjá Bláa Lóninu. Einn-
ig má nefna mikla uppbyggingu í
fiskeldi með tilkomu Stolt Seafarm
úti á Reykjanesi. Mikil fjárfesting
liggur í Helguvík og ég er bjartsýnn
á að atvinnusvæðið skili allavega að
einhverju leiti þeirri uppbyggingu
sem við höfum verið að vonast eftir
á næstunni.Það væri hægt að telja
upp mörg önnur dæmi um þá upp-
byggingu sem nú er að eiga sér stað
á Suðurnesjum. Ég tel því að það séu
skilyrði framundan fyrir fyrirtæki á
Suðurnesjum til þess að vaxa og gera
góða hluti.“
Gestir í Bláa lóninu
eyða meira
Meðaltekjur gesta í Bláa Lón-inu hafa hækkað um 70% og
fjöldi stöðugilda um 60% á sama
tíma. Miðaverð í Lónið hækkaði
um 52% á árunum 2010-2013 en
það tekur mið af sambærilegri
þjónustu erlendis. Framboð á
stærri og dýrari „pökkum“ til út-
lendinga hafa slegið í gegn. Dagný
Pétursdóttir, framkvæmdastjóri
sagði á morgunverðarfundi Ís-
landsbanka að sífellt væri verið að
vinna að því að auka virði hverrar
heimsóknar ferðamannsins og það
hafi tekist mjög vel.
„Framundan er risaverkefni upp á 6
milljarða króna með stækkun lóns og
byggingar lúxushótels,“ sagði hún.
Dagný nefndi að gullæði á mark-
aðnum í ferðaþjónustunni væri visst
áhyggjuefni en ytri aðstæður hafa
verið Íslendingum afar hagstæðar.
Enn væri mikill áhuga á Íslandi en
það væri ekki hægt að gefa sér það að
endalaust framhald yrði á því.
Dagný Péturs-
dóttir, fram-
kvæmdastjóri
Bláa lónsins
Það eru ýmis merki um bata í efnahagslífi þjóðar-innar og hagvaxtahorfur eru góðar að okkar mati.
Við væntum þess að atvinnulífið haldi áfram að styrkjast
á næstu árum þó svo vissulega sé einhver óvissa í kringum
afnám gjaldeyrishafta, sagði Ingólfur Bender, forstöðu-
maður Greiningar Íslandsbanka á morgunverðarfundi
bankans í Stapa í vikunni.
Íslendingar hafa straujað kortin sín af nokkuð meiri krafti
fyrstu átta mánuði þessa árs en þeir hafa gert undanfarin ár,
sérstaklega erlendis en einnig hér heima. Innflutningur hefur
aukist mikið á neysluvörum og fleiri nýir bílar hafa selst, allt
merki um meiri hagvöxt hér á landi. Ingólfur kom víða við
í erindi sínu um stöðuna í efnahagsmálunum í dag en hann
var jákvæður í máli sínu, benti á minnkandi atvinnuleysi og
betri stöðu á vinnumarkaði. Til að mynda væri farið að flytja
inn vinnuafl á nýjan leik. Efnahagur fyrirtækja og heimila
hafi batnað mikið með auknum kaupmætti. Fasteignaverð
hafi hækkað, skuldahlutfall hafi lækkað, verðbólga minni og
stöðug króna. „Þetta er hófleg uppsveifla miðað við fyrri upp-
sveiflur hér á landi. Íslenska hagkerfið hefur haft tilhneigingu
til að sveiflast meira en önnur í nágrannalöndunum okkar.
Ingólfur sagði að skuldir heimilanna hafi lækkað mikið á
undanförnum árum en ólíkt því sem algengt væri víða úti í
heimi, þá ættu Íslendingar frekar sitt húsnæði en leiga væri
mun algengari þar. Hluti af skuldsetningu heimila hér á
landi liggi aðallega þar. Hann sagði einn mesta batann að
undanförnu hafi birst í hækkun húsnæðisverðs og þá hafi
laun hækkað um 4% sem væri langtum hærra en úti í heimi.
Andlegt ástand almennings lyftist þó hægar og enn vantaði
nokkuð upp á í væntingavísitölunni. Hann sagði einkaneyslu
hafa aukist á ný með auknum kaupmætti og að hagvöxtur á
næstunni myndi byggjast mikið á innlendri eftirspurn sem
muni aukast áfram allhratt á næstu árum þó að nokkuð dragi
úr vextinum. Í fyrra var hagvöxtur fyrst og fremst borinn
uppi af utanríkisviðskiptum en þar hefur ferðaþjónustan
komið gríðarlega sterk inn.
Framundan væru þó innan um nokkur óvissa og Seðla-
bankinn væri að bregðast við markaðnum með hóflegum
vaxtahækkunum og þá væri kurr á vinnumarkaði varðandi
kjarasamninga einnig hluti af óvissupakkanum. Afnám gjald-
eyrishafta fylgdi líka óvissa með tilheyrandi áhrifum á krónu
og verðbólgu. Gjaldeyrishöft væru ekki boðlegt umhverfi til
lengri tíma.
Þróttmikill hagvöxtur framundan með betri tíð
-sagði Ingólfur Bender, forstöðumaður Greiningar Íslandsbanka á morgunverðarfundi í Reykjanesbæ
Ingólfur og Sighvatur á morgunverðarfundinum.