Víkurfréttir - 13.11.2014, Blaðsíða 6

6 fimmtudagurinn 13. nóvember 2014 • VÍKURFRÉTTIR
Hobbitarnir eru ekki bara litlir skr ýtnir gaurar í
Hringadróttins sögu heldur eru
líka til söngelskir Hobbitar hérna
á Suðurnesjum sem sjást ótt og
títt á öldurhúsum svæðisins. Þeir
Hlynur Þór Valsson og Ólafur
Þór Ólafsson stigu fyrst saman á
svið fyrir tíu árum sem trúbado-
radúettinn Hobbitarnir á Paddy’s
í Keflavík og síðan hafa þeir þeir
skemmt Suðurnesjamönnum við
ótal tilefni. Til að fagna þessum
stóráfanga ætla Hobbitarnir og
Föruneytið að slá upp sveitaballi
af flottari gerðinni í Samkomu-
húsinu í Garði laugardaginn 15.
nóvember. Þeir munu fá ýmsa
gesti á sviðið með sér til að að-
stoða með söng og hljóðfæraleik.
Að þessu tilefni hitti blaðamaður
Víkurfrétta Hobbitana Hlyn og
Óla og tók þá tali.
Hvernig kom það til að
sveitin var stofnuð?
„Ég hafði verið að spila með hljóm-
sveitum í Sandgerði og var búinn
að safna í góða söngmöppu sem
var hægt að grípa til þegar fólk
kom saman að skemmta sér. Síðan
kom tímapunktur þar sem engin af
þessum hljómsveitum var í gangi
og þá sá ég Hlyn spila á tónleikum
með dúettinum 10, ásamt Sigga
Guðmunds, sem síðar varð Siggi
Hjálmur. Mér datt í hug að við
tveir myndum geta myndað ágætis
sviðspar og náði að plata Hlyn á
æfingu og hér erum við enn 10
árum síðar,“ segir Óli. „Skemmti-
legt að það hafi verið dúettinn 10
og við erum hér 10 árum seinna.
Þið megið svo giska hvort ég hafi
verið 1 eða 0 í þeim dúett,“ segir
Hlynur og brosir út í annað. „Við
Óli vorum búnir að vera Hobbit-
arnir í fimm ár þegar okkur datt í
hug að halda afmælistónleika og
hóuðum í félaga okkar til að spila
með okkur þar. Þannig varð Föru-
neytið til og Óli Ingólfs trommari
og Pálmar bassaleikari bættust í
hópinn,“ rifjar Hlynur upp. Eins
hefur Kristinn Hallur spilað tals-
vert með bandinu.
Hver var pælingin á bakvið
hljómsveitina, átti að herja á
ballmarkað?
„Við höfum nú aldrei verið með
stóra drauma um meikið heldur
höfum við bara gaman af því að
spila saman og fólk virðist hafa
gaman af því að hlusta á okkur. Það
er samt ekkert verra að vinna sér
stundum inn eina og eina auka-
krónu,“ segir Hlynur. Óli rifjar svo
upp fyrsta giggið hjá félögunum en
það var haldið í rauðvínsklúbbi hjá
vinkonu þeirra í Sandgerði síðla árs
2004. „Síðan þá höfum við spilað
fyrir allt frá fjórum til fjögur þús-
und en okkar heimavöllur hefur
nú lengstum verið sviðið á Paddy's.
Vertarnir þar, fyrst Jói og Karen og
síðar Ambi, hafa verið okkur hlið-
hollir.“ Hlynur bætir við að þeir
hafi verið heppnir að því leyti að
hafa alltaf haft nóg að gera á Suður-
nesjum.
Hvenær kemur svo platan?
„Það er nú til eitthvað efni sem við
höfum tekið upp bæði bara tveir og
svo líka Föruneytið saman. En ekk-
ert að því er samt beint aðgengi-
legt. Klassart tók lag eftir okkur
fjóra upp á sína arma og gaf út á
einni plötunni sinni. Útgáfuferill-
inn mun hefjast á 15 ára afmælinu
og við byrjum á „best of “ plötu,“
segir Hlynur en þeir hafa báðir
fiktað við lagasmíðar í sínu hvoru
lagi enda verið viðloðandi ýmsar
hljómsveitir í gegnum tíðina.
Það var vitað að ekki yrðu allir sáttir við fyrstu
sóknina hjá nýjum meirihluta Reykjanesbæjar. Þar var ákveðið að
hækka fasteignaskatta og lækka kaup nærri 170 starfsmanna bæjar-
ins, en það tvennt skilar 455 milljónum árlega í tóman bæjarkassa.
Það er nokkuð ljóst að starfsmenn bæjarins, eða réttara sagt hluti
þeirra, þurfa fyrstir að opna veskið. Þeir sem voru með í launum sín-
um samning um fasta yfirvinnu sem þeir hafa ekki unnið, og kannski
líka fengið bílastyrk, fá mestu skerðinguna. Þessi fasta yfirvinna er
nokkuð þekkt fyrirbæri í atvinnulífinu en þó aðallega hjá hinu opin-
bera, þ.e. sveitarfélögum og ríki, sem neyðast til að fara nákvæmlega
eftir kjarasamningum. Til að ná til sín hæfu starfsfólki hefur þurft að
bæta ofan á grunnlaunin á meðan fyrirtæki á almennum markaði eru
ekki eins bundin við það. Nú er ekki vitað hver viðbrögð starfsmanna
verða en heyrst hefur að einhverjir ætli að leita á önnur mið. Séu
ósáttir við þessa aðgerð.
Margeir Vilhjálmsson, framkvæmdastjóri bílaleigunnar Geysis í
Reykjanesbæ, gagnrýnir í grein í þessu blaði þá aðferð sem farin er
í hagræðingu í rekstri bæjarfélagsins að 170 af 962 starfsmönnum
muni taka stærsta skellinn með launalækkun. Hann bendir líka á
að með mikilli fjölgun bæjarbúa á síðustu 8 árum hafi útsvarstekjur
bæjarfélagsins lækkað hlutfallslega, þ.e. nýju íbúarnir skila miklu
minna til sveitarfélagsins. Fólki með lágar tekjur hafi fjölgað meira.
Það hefur neikvæð áhrif á rekstur bæjarsjóðs. Hann nefnir töluna
einn milljarð króna sem upp á vanti árlega og tekur dæmi um árið
2006 og 2013. Meðaltekjur íbúa RNB eru miklu lægri 2013 voru
árið 2006. Munurinn er rúmur milljarður. Því má ekki gleyma að
þetta var síðasta ár hundruð starfsmanna á launum hjá Varnarliðinu
því var þetta ár sterkt í útsvarstekjum en það er líka augljóst að það
vantar fleiri hærra launuð störf á svæðinu. Þetta er vissulega það sem
fyrrverandi meirihluti bæjarstjórnar og bæjarstjóri bentu á að t.d.
með álveri myndi kaup hjá mjög mörgum hækka. En það má líka í
þessu sambandi velta því fyrir sér hvers vegna mikið af hátekjufólki
búi ekki í Reykjanesbæ. Til dæmis stjórar hjá mörgum stofnunum og
fyrirtækjum á svæðinu. Það er svo sem ekki ný bóla og var algengt hjá
Varnarliðinu en skiptir engu að síður máli til að hífa upp meðaltals-
launin og tekjur til bæjarins.
Almennt séð virðist þó sem fyrsta sóknin í aðgerðum bæjarstjórnar
Reykjanesbæjar hafi fengið góð viðbrögð. Flestir vita að nauðsynlegt
var að gera eitthvað. Flestir eru ánægðir með margt sem gert hefur
verið í Reykjanesbæ, í umhverfinu, skólamálum og samgöngum. Með
auknum fasteignasköttum og hærra útsvari nást um 455 millj. kr.
árlega. Þeir tekjuhærri og eignameiri greiða meira. Hjón með 1 millj.
kr. samanlagt á mánuði í tekjur og eiga húsnæði að fateignamati um
20 millj. kr. greiða um 100 þús. kr. meira á ári eftir þessar breytingar,
rúmlega 8 þús. kr. á mánuði. Fólk með lægri tekjur og eiga ekki hús-
næði greiða miklu lægri upphæð.
Það má því kannski segja að með þessum aðgerðum sé kannski verið
að rukka fyrir ýmislegt sem hefur verið ókeypis, hvort sem það er
strætó eða sund. Þegar öllu er á botninn hvolft er ekkert ókeypis. Það
sem bæjarbúar vona er þó að hægt verði að lækka skuldir með öðrum
hætti og að tekjuaukning eigi eftir að skila sér í bæjarsjóð þannig að
hægt verði að draga til baka nýjar skattheimtur.
Fyrsta
sóknin!
-ritstjórnarbréf
Páll Ketilsson skrifar
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Afgreiðsla: Dóróthea Jónsdóttir, sími 421 0000,
dora@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur P Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
SÍMI 421 0000
-viðtal pósturX eythor@vf.is
Byrja á „best of“ plötu
Hobbitarnir eru tíu ára
Þeir Hlynur og Ólafur hafa
glatt margan Suðurnesja-
manninn síðustu tíu árin. Nú
síðast mættu þeir á Ástvaldar-
ballið í Sandgerði og spiluðu.
RAUÐAKROSSBÚÐIN
Smiðjuvöllum 8, Reykjanesbæ
Opnunartímar
Fimmtudagar frá kl. 13:00 – 17:15
Föstudagar frá kl. 13:00 – 17:15
Fatnaður, skór og gjafavara.
Rauði krossinn
á Suðurnesjum