Víkurfréttir - 13.11.2014, Blaðsíða 14
14 fimmtudagurinn 13. nóvember 2014 • VÍKURFRÉTTIR
„Þetta hefur verið bras í þessi
fimmtán ár og starfsemin hefur
gengið upp og niður. Það gekk
mjög vel frá árinu 1999 til árs-
ins 2008. Frá þeim tíma hefur
reksturinn verið brösóttur.
Staðan í dag er hins vegar þann-
ig að allt er farið að ganga mikið
betur og reksturinn hefur gengið
ágætlega síðustu tvö árin,“ segir
Kjartan Steinarsson eigandi K.
Steinarssonar sem fagnaði fimm-
tán ára afmæli um liðna helgi.
K. Steinarsson var stofnað árið
1999 þegar Kjartan tók við um-
boði fyrir Heklu hf. á Suðurnesjum
og opnaði glæsilega bílasölu og
þjónustuumboð í Hekluhúsinu við
Njarðarbraut. Breytingar urðu árið
2011 þegar nýir eigendur komu
að Heklu. Þá ákvað Kjartan að
segja upp umboði sínu fyrir bíla
frá Heklu og flutti sig um set og
tók með sér umboð fyrir Öskju á
nýjan stað við Holtsgötu í Njarð-
vík. Kjartan var á þessum tíma með
fjölda fólks í vinnu á bílasölu og
þjónustuverkstæði. Hann útvegaði
öllum starfsmönnum sínum vinnu
á öðrum stöðum en Kjartan og
eiginkona hans, Guðbjörg Theo-
dórsdóttir, fluttu fyrirtækið á nýjan
stað. Sigtryggur Steinarsson, bróðir
Kjartans, fylgdi honum á nýjan
stað. Þau starfa þrjú í dag hjá fyrir-
tækinu.
Hátt hlutfall Kia-bíla
á Suðurnesjum
K. Steinarsson leggur í dag megin-
áherslu á sölu Kia-bíla á Suður-
nesjum. Kia er frá Öskju eins og
Benz, sem Kjartan selur einnig.
Þá er K. Steinarsson einnig um-
boðsaðili á Suðurnesjum fyrir
Suzuki-bíla en fyrirtækið tók við
því umboði á síðasta ári og hefur
sala þeirra bíla einnig gengið vel á
Suðurnesjum.
Kjartan segir að sala Kia á Suður-
nesjum sé í raun ævintýri líkust.
Það sé grínast með það að annar
hver bíll sé að verða Kia en það eru
a.m.k. margir slíkir bílar í umferð á
Suðurnesjum og hlutfallið á lands-
vísu nokkuð hátt á Suðurnesjum.
Frá því K. Steinarsson flutti á
Holtsgötuna hefur fyrirtækið selt á
fimmta hundrað Kia-bíla til Suður-
nesjamanna.
Kjartan segir að markaðurinn sé
að taka við sér aftur eftir langt hlé
sem hefur staðið upp undir sex ár.
Á þessum tíma hefur verið lítið um
að einstaklingar hafi verið að kaupa
bíla. Bílaleigur hafa verið stærstu
viðskiptavinir bílasölunnar síðustu
ár en nú er markaðurinn að rétta úr
kútnum. Kjartan segir þó að Suður-
nes séu ennþá erfitt markaðssvæði.
Hér hafi verið miklir erfiðleikar og
enn séu erfiðleikar hjá fyrirtækjum
á svæðinu þó svo það sé að birta til.
„Við finnum það vel að ungt fólk
er mikið að kaupa Kia í dag. Það er
að leita að sparneytnum bíl og svo
horfir það einnig til þess að bílarnir
eru með sjö ára ábyrgð. Vinsælustu
tegundirnar eru Ceed, Sportage og
Rio“.
Rafbílar framtíðin
sem aukabíll á heimili
Þið voruð að sýna rafmagnsbíl
um helgina. Er það framtíðin?
„Rafmagnsbílar eru næsta skref hjá
Kia og það verður spennandi að
fá að kynna hann á næstu vikum.
Menn hafa lengi verið efins með
rafgeymana í þessum rafmagns-
bílum en Kia stígur skrefið til fulls
og býður bílinn og geymana með
sjö ára ábyrgð. Ég held að raf-
magnsbílar verði framtíðin sem
aukabílar á heimilinu og bílarnir
sem verða notaðir í styttri ferðir,
því eins og staðan er í dag er drægni
þessara bíla ekki mikið meiri en
150 km. á einni hleðslu. Rafbíllinn
frá Kia verður kynntur formlega
strax á nýju ári og ég bíð spenntur
eftir að bjóða Suðurnesjamönnum
upp á þennan bíl“.
Aðspurður um bílafjármögnun í
dag þá segir Kjartan að með krepp-
unni hafi komið fram nýir mögu-
leikar í fjármögnun bíla með óverð-
tryggðum lánum. Kjartan hvetur
fólk þó til þess að leggja sjálft til
a.m.k. 20% af andvirði bílsins.
„Bílar eru ekki fjárfesting sem þú
græðir á en með því að kaupa nýjan
bíl í dag er fólk jafnvel að lækka
mánaðarlegan rekstrakostnað. Fólk
er þá á nýjum og öruggari bíl,“
segir Kjartan Steinarsson bílasali
og eigandi K. Steinarssonar.
Sala á Kia ævintýri líkust
– K. Steinarsson fagnar fimmtán 15 ára afmæli.
-viðskipti og atvinnulíf
Nýmynd ehf - Iðavöllum 7 - 230 Reykjanesbæ
sími 421 1016 - www.nymynd.is - mynd@nymynd.is
2 0 j ó
l a k o
r t
Jólatilboð
- Myndataka, 20 jólakort og þrjár
myndir í stærðinni 13 x 18 cm.
Fjölbreytt úrval af jólakortum, þú velur.
Glæsilegar jólagjafir
Verð: 22.900 kr
Jólamyndatökur
- Okkar vinsælu barnamyndatökur.
- Verð við allra hæfi.
Tímapantanir í síma 421 1016
Tilboðin gilda frá 11. til 21. nóvember
Afmælistilboð 11.11.2014
- 20% afsláttur af öllum stækkunum
þ r j á r m y n d i r 1 3 x 1 8 c m
pósturX hilmar@vf.is
Starfsmenn K. Steinarssonar. Guðbjörg Theodórsdóttir,
Kjartan Steinarsson og Sigtryggur Steinarsson.
Börnin fengu fígúrur úr blöðrum. Trúðar og fjöllistamenn
skemmtu gestum.
Börnin fengu fígúrur úr blöðrum.
Sýningarsalur bílasölu K.Steinarssonar
við Holtsgötu í Njarðvík.
Flugvirkjanámið sem Keilir býður í samstarfi við AST
nýtur mikilla vinsælda. Fyrst
var boðið upp á flugvirkj-
anámið haustið 2013 og bárust
vel yfir hundrað umsóknir um
þau 28 pláss sem voru í boði.
Það er því ljóst að mikill áhugi
er meðal Íslendinga að sækja
flugvirkjanám, enda er mikill
skortur á flugvirkjum í heim-
inum. Keilir og AST benda á í
tilkynningu að nám og starf í
flugvirkjun hentar jafnt konum
sem körlum og því hvetjum við
konur sérstaklega til að skoða
þennan möguleika í framtíð-
inni. Opnað hefur verið fyrir
umsóknir í flugvirkjanám AST
hjá Keili sem hefst næst í janúar
2015 en nánari upplýsingar um
námið eru á vef Keilis.
Air Service Training ltd. (AST)
er í samstarfi við Keili og hefur
sett upp útibú frá skóla sínum í
Perth í Skotlandi hjá Keili á Ásbrú
í Reykjanesbæ. Í skólanum fer
fram réttindanám flugvirkja og er
um að ræða fimm anna samþykkt
nám fyrir flugvirkja „Approved
IR Part 66 Category B“ sem er
bóklegt og verklegt iðnnám flug-
virkja. Námið tekur mið af náms-
skrá sem gefin er út af EASA sam-
kvæmt samevrópski útgáfu skír-
teina og sér AST um framkvæmd
og ber faglega ábyrgð á gæðum
námsins. Þeir sem ljúka flug-
virkjanámi hjá AST öðlast öll þau
réttindi sem EASA 145 viðhalds-
fyrirtæki krefjast við ráðningu
flugvirkja fyrir nútíma flugvélar.
X■ Flugvirkjanám Keilis og AST:
Yfir 100 vildu
en 28 fengu