Víkurfréttir - 20.11.2014, Blaðsíða 6

6 fimmtudagurinn 20. nóvember 2014 • VÍKURFRÉTTIR
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Afgreiðsla: Dóróthea Jónsdóttir, sími 421 0000,
dora@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur P Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
SÍMI 421 0000
Grindavík hefur nokkra sérstöðu í samfélaginu
hér á Suðurnesjum. Grindvíkingar hafa alltaf viljað vera út af fyrir sig
og halda utan um sín mál. Þeir vilja ekki heyra minnst á sameiningu
sveitarfélaga. Grindavíkurbær fagnaði 40 ára kaupstaðarafmæli fyrr
á árinu og í tilefni af því fórum við hjá Víkurfréttum í samstarf við
bæjaryfirvöld um útgáfu á myndarlegu afmælisriti sem var dreift
um öll Suðurnes og víðar. Í aðdraganda þeirrar útgáfu kynntumst
við hjá Víkurfréttum samfélaginu mun dýpra en áður. Við sáum að
Grindavík er í blóma og þar er samfélag sem er til fyrirmyndar á
mörgum sviðum. Öflugt atvinnulíf er í Grindavík þar sem útgerð og
fiskvinnsla eru ein helsta stoðin. Þá stendur ferðaþjónustan sterkum
fótum í Grindavík með Bláa lónið, sem helsta flaggskip ferðamála á
Íslandi, í fararbroddi.
Mannlífið í Grindavík er einnig í miklum blóma. Við hjá Víkurf-
réttum erum að efla vinnslu sjónvarpsefnis í framboði Víkurfrétta
á efni frá Suðurnesjum. Þar hefur Grindavík einmitt verið áberandi
síðustu vikur. Einlægt viðtal sem Sólný Pálsdóttir veitti Sjónvarpi
Víkurfrétta um það hvernig er að eignast barn með Downs-heilkenni
hefur vakið mikla athygli. Í síðustu viku heimsóttum við svo Dísu í
Akri sem hefur komið upp vísi að safni á heimili sínu í Grindavík. Í
þætti Sjónvarps Víkurfrétta í kvöld kemur Grindavík einnig sterkt við
sögu. Við heimsækjum fiskvinnslufyrirtækið Vísi sem nýlega hefur
fjölgað bæjarbúum í Grindavík um 100 manns. Við greinum frá því
að allir þessir nýbúar hafa nú fengið varanlegt húsnæði í Grindavík.
Þá kíkjum við á kóræfingu hjá Vísiskórnum, sem er blandaður kór
skipaður íslensku og pólsku söngfólki og ræðum við Margréti Páls-
dóttur kórstjóra. Já, það er svo sannarlega líf í Grindavík og við
höfum ekki sagt skilið við sjávarplássið handan við Þorbjörninn, því
í þættinum okkar í næstu viku verður m.a. viðtal við ungan Grind-
víking sem bræðir hjörtu og er að gera áhugaverða hluti í mannlífinu
í Grindavík.
Og til að slá botninn í þennan pistil um Grindavík þá er ástæða til að
minnast á ráðstefnu sem verður haldin á fimmtudag í næstu viku um
nýsköpun í sjávarútvegi, ferðaþjónustu og orkumálum í tilefni af 40
ára kaupstaðarafmæli Grindavíkurbæjar. Ráðstefnan verður haldin
í Bláa lóninu og verður án efa uppspretta enn frekari áhugaverðra
frétta frá Grindavík.
Við hjá Víkurfréttum hvetjum Grindvíkinga og aðra til að standa með
okkur vaktina og benda á áhugavert efni í blað, á vef eða í Sjónvarp
Víkurfrétta.
Grindavík
í blóma
-ritstjórnarbréf
Hilmar Bragi Bárðarson skrifar
Dalrós Jóhannsdóttir, annar eigenda Skóbúðarinnar í
Reykjanesbæ, hefur trú á því að
íbúar á svæðinu geti í sameiningu
skapað stemninguna á Hafnar-
götusvæðinu eins og hún var í
gamla daga. Allt sem þurfi sé að
skoða betur vöruúrvalið og þjón-
ustuna sem séu vel samkeppnis-
hæf.
„Auðvitað vonumst við til þess
að fólk hugsi aðeins til okkar hér
á Hafnargötunni og ákveði að
versla heima það sem er hægt. Við
skiljum alveg að það er ekki allt
í boði hérna. Eftir því sem fólk
kaupir meira heima þá verður
eykst vöruúrvalið. Þetta helst allt í
hendur. Fólk þarf eflaust að sækja
eitthvað til höfuðborgarsvæðisins
en ég hvet það til að byrja hér og
skoða hvað er til,“ segir Dalrós
Jóhannsdóttir, annar eigandi Skó-
búðarinnar í Reykjanesbæ. Dalrósu
finnst margar verslanir í Reykja-
nesbæ vera með rjómann af því
besta. „Ég man eftir því þegar ég
var að kaupa fermingarföt fyrir
dóttur mína og við vorum búnar
að fara á milli verslana í Smáralind.
Svo enduðum við með því að fá
dressið á hana hér í heimabænum.
Byrjuðum í raun í vitlausum enda.
Vöruúrvalið sem við skoðuðum í
verslununum í Smáralind var bara
komið saman í einni búð hér. Ég
fór eitt sinn á vefsíðu ELKO til að
athuga verðsamanburð á örbylgju-
ofnum og sá nákvæmlega eins ofn í
Ormsson hér á sama verði.“
Flestir enda á að
velja svörtu skóna
Dalrós segir að mikið til komi
sama fólkið til hennar og kaupi.
Margir sem komi og vilji bara fá
eitthvað visst vörumerki. „Þeir
þekkja vöruna og finnst hún góð;
vörur sem hafa reynst vel. Núna
höfum líka verið að taka inn nýtt
fyrir herrana, líka þessa yngri, með
breiðari línu. Erum komin með
gæjalegri skó sem höfða til annarra
en þessir hefbundnu. Erum líka
með mjög flotta og litríka herra-
sokka á góðu verði og mikið úrval
af skóm sem passa fyrir allar árs-
tíðir.“ Svo sé skemmtilegt að skór
í skærum og áberandi litum veki
athygli í hillunum og séu mikið
skoðaðir. „En svo enda kúnnarnir
með því að kaupa alveg eins skó,
bara svarta,“ segir Dalrós og hlær.
Eðlilega leggi flestir áherslu á hag-
kvæmni og nýtingu og svart sé sí-
gildur litur. „Lakkskórnir eru svo
aðeins að koma inn aftur. Kósís-
okka/skór eru einnig vinsælir frá
stærðum 30 og upp í 41.“
Verslanir vel
samkeppnishæfar
Skóbúðin hefur ekki mikla sam-
keppni þótt einhverjar tískuvöru-
verslanir á svæðinu selji skó. „Við
erum með fjölbreytt úrval á alla
fjölskylduna og þessar grunnvörur,
þ.e. kuldaskó, stígvél og inniskó.
En samkeppni er þó af hinu góða
og getur hjálpað til. Það skiptir
miklu máli að veita persónulega
þjónustu og geta pantað inn í ef að
vantar og slíkt og jafnvel hringja
í fólk þegar beðið er eftir vissum
vörum,“ segir Dalrós og bætir við
að stundum gleymist hvað sé í boði
hér. „Verslanirnar eru alveg sam-
keppnishæfar og bæjarfélagið er
stórt. Þetta er bara spurning um
að við íhugum öll hvaða þjónustu
við viljum hafa í bænum okkar.
Við verðum öll að leggjast á eitt og
þannig getur skapast skemmtilega
stemningin á Hafnargötusvæðinu
eins og í gamla daga.“
■■ Annar eigenda Skóbúðarinnar hvetur fólk til
að skoða það sem er í boði í verslunum:
Persónulegri þjónusta
í heimabænum
-viðtal pósturX olgabjort@vf.is
Slippurinn Akureyri ehf. óskar eftir að ráða vélstjóra/vél-
virkja, stálsmiði og rennismið til framtíðarstarfa.
Upplýsingar í síma 460 2900.
Umsóknir sendist á slipp@slipp.is
MÁLMIÐNAÐARMENN
Slippurinn Akureyri ehf. // DNG // Naustatanga 2
600 Akureyri // Sími: 460 2900 // Fax: 460 2901
www.slipp.is // www.dng.is
Auglýsingasími
Víkurfrétta er
421 0001
Dalrós Jóhannsdóttir annar eigandi Skóbúðarinnar.