Víkurfréttir - 20.11.2014, Blaðsíða 14
14 fimmtudagurinn 20. nóvember 2014 • VÍKURFRÉTTIR
-íþróttir pósturX eythor@vf.is
Bakvörðurinn sterki meiddist nokkuð illa í leik gegn ÍBV
árið 2012. Þá fékk hann högg á
hnéð svo að snerist illa upp á það.
„Ég man vel eftir þessum kvölum
sem fylgdu og það voru margar
svefnlausar nætur vegna verkja.
Ég kláraði leikinn haltrandi og
spilaði svo nokkra leiki eftir það
án þess að fara í myndatöku. Þá
fór þetta allt í rugl.“ Alexand-
er vill ekki kenna öðrum um
hvernig fór en hann hefur verið
að glíma við meiðsladrauginn
síðan. „Ég tek þetta alveg á mig.
Maður treystir kannski á að liðið
geri eitthvað fyrir mann. Ég er
þó orðinn fullorðinn og hefði vel
getað farið og látið athuga þetta.
Ég var bara klaufi að gera þetta
ekki sjálfur strax.“
Kæruleysi og þrjósku
um að kenna
Alexander viðurkennir að hann
hafi fyrst um sinn sagt við þjálfara
Grindavíkur að hann væri í góðu
lagi, þrátt fyrir að hann hafi verið
sárkvalinn. Hann hafii rifið liðþófa
og slitið liðbönd.
„Ég fékk í raun ekki nægilega góða
meðhöndlun og komst eiginlega
aldrei yfir það. Ég hélt áfram að æfa
mikið og spilaði nokkra leiki, það
gerði bara illt verra. Ég hef ekki náð
mér 100% síðan. Ég var hugsan-
lega of ákafur og hlustaði ekki á
líkamann. Þetta var bara hálfgert
kæruleysi og þrjóska,“ viðurkennir
hann fúslega. Alexander segir að
ekki hafi verið mikið gert til þess
að stoppa hann í að æfa, en hann
fann fyrir pressu á að spila reglu-
lega. Það hefur hann þó ekki gert
síðan meiðslin komu upp árið
2012. Aðeins hefur hann leikið 11
leiki í knattspyrnu síðan. „Það eru
allir frekar smeykir við meiðslin,
rétt eins og ég sjálfur. Hugurinn
hjá mér er búinn að vera við efstu
deild alveg frá því að Grindavík féll.
Þrátt fyrir að ég hafi ekki efni á því
vegna meiðslanna. Ég hugsa bara
þannig að mig langi að spila í bestu
deildinni á Íslandi.“
Hann segir það drepleiðinlegt að
vera fyrir utan völlinn í styrktaræf-
ingum meðan félagarnir æfa. Það
taki á andlegu hliðina og geti verið
erfitt. „Það er glatað að lenda í
þessu. Ég hef hitt íþróttasálfræðing
sem hefur átt að hjálpa mér andlega
séð. Það gengur mikið út á að reyna
að útskýra fyrir manni að lífið sé
ekki bara fótbolti. Mér fannst það
ekki hjálpa mér mikið. Lífið snýst
mikið um fótbolta hjá mér, maður
er búinn að vera í þessu síðan
maður var gutti. Ég veit þó auð-
vitað að það er líf utan fótboltans.
Kærastan og strákurinn minn hafa
verið virkilega þolinmóð við mig
og eiga miklar þakkir skilið fyrir
alla hjálpina,“ segir Alexander.
Hugsaði um að hætta
Alexander horfir bjartsýnisaugum
á framtíðina en þó hafi komið sá
tími að hann hugsað til þess að allt
geti farið á versta veg. Læknir ráð-
lagði honum einnig að sennilega
væri best að hætta. „Ég hef fulla trú
á að þetta lagist og ég geti komið til-
baka. Ég hef þó nokkrum sinnum
hugsað að allt fari á versta veg og
að ég þyrfti að hætta í fótbolta. Eins
og í sumar. Þá hefði ég líklega getað
spilað fleiri leiki með Grindavík.
Mér fannst ég bara ekki ráða við
álagið að æfa fimm sinnum í viku
til þess að geta spilað. Ég hugsaði
því á tímabili að það væri kannski
bara best að hætta. Maður þarf að
hugsa um framtíðina og að geta
labbað eftir tíu ár. Þetta var bara
orðið það svart. Hugsunin verður
brengluð hjá manni í þessum að-
stæðum. Þetta er ekkert alsæmt,
það er ekki eins og löppin sé farin
af.“ Alexander segir að hann hafi
þjáðst eftir hverja æfingu og jafnan
legið í sófanum með kælipoka.
Væri skrýtið að finna ekki til
Á dögunum fór Alexander í
speglun þar sem hreinsað var til í
hnénu, ef svo má segja. Hann segir
ekkert öruggt hvað varðar bata. Það
séu þó jákvæðar blikur á lofti og
hann vonast til þess að Keflvíkingar
aðstoði sig við að ná bata. Alexand-
er fer að æfa á næstunni og vonast
til þess að verða heill heilsu þegar
nær dregur sumri. „Ég er ekkert
að stressa mig þar sem undirbún-
ingstímabilið er alveg heil þrjú ár,“
segir Alex léttur í bragði. „Fjöldi
leikmanna hefur meiðst og komið
til baka. Ég er ekkert eini gæinn
í heiminum sem er að standa í
þessu. Ef sá dagur kæmi og maður
myndi ekki finna fyrir þessu, það
yrði eitthvað skrýtið. Maður stefnir
bara á að vera í toppstandi næsta
sumar og taka á þessum köllum í
efstu deild,“ segir Alexander kok-
hraustur að lokum.
Lífið snýst mikið um fótbolta
Hugsaði um að hætta á tímabili
Knattspyrnumaðurinn Alexander Magnússon skrifaði undir samning hjá Keflvíkingum fyrir helgi og mun hann því leika með liðinu í Pepsi-deildinni næsta sumar. Hann vakti á
sínum tíma mikla athygli fyrir vasklega framgöngu með Grindvíkingum áður en meiðsli settu strik í reikninginn. Á tímabili óttaðist hann að ferilinn væri búinn, en það tók talsvert á
andlegu hliðina hjá leikmanninum. Alexander er þó brattur í dag og er hvergi nærri búinn að segja sitt síðasta í boltanum.
Ég hef
hitt íþrótta-
sálfræðing.
Það gengur
mikið út á að
reyna að út-
skýra fyrir
manni að lífið
sé ekki bara
fótbolti. Mér
fannst það
ekki hjálpa
mér mikið.
Lífið snýst
mikið um fót-
bolta hjá mér
Fyrrum Njarðvíkingarnir Frans Elvarsson og Alexander
munu leika saman á ný.