Víkurfréttir - 04.12.2014, Blaðsíða 2
2 fimmtudagurinn 4. desember 2014 • VÍKURFRÉTTIR
-fréttir pósturu vf@vf.is
Helgina 6. og 7. desember verða 10 fallega skreytt hús
í bænum valin af sérstakri ljósanefnd til að keppa um
titilinn Ljósahús Reykjanesbæjar 2014.
Myndir af þeim verða birtar í næsta blaði og á vef
Víkurfrétta þar sem íbúar geta tekið þátt í valinu á
Ljósahúsinu 2014. Veitt verða vegleg verðlaun fyrir þrjú
efstu sætin.
Fylgist með á vf.is.
Reykjanesbær greiðir árlega hverju barni, sem
lögheimili á í bæjarfélaginu og er á aldrinum 6 -16
ára (grunnskólaaldri), kr. 10.000 til niðurgreiðslu á
viðurkenndu íþrótta,- tómstunda- og listgreinastarfi.
Vakin er athygli á því að umsóknarfrestur fyrir hvata-
greiðslur 2014 rennur út 10. desember nk.
Íþrótta- og tómstundasvið Reykjanesbæjar
Léttur föstudagur 5. desember.
kl. 14:00
Jólaspilabingó
kl. 15:00
Kvennakór suðurnesja
Allir hjartanlega velkomnir
KK og Ellen - jólatónleikar
12. desember - Örfáir miðar lausir.
Valdimar
tónleikar - 30. desember - Örfáir miðar lausir.
Miðasala á hljomaholl.is
LJÓSAHÚSIÐ
LÁTTU LJÓS ÞITT SKÍNA!
HVATAGREIÐSLUR
NESVELLIR
HLJÓMAHÖLL
VIÐBURÐIR FRAMUNDAN
Verður desember síð-
asti mánuður Paddy's?
Allt útlit er fyrir að skemmti-staðnum Paddy's við Hafn-
argötu 38 verði lokað til fram-
búðar. Jafnvel fari svo að húsið
verði fært eða jafnað við jörðu.
Húsið er í eigu Reykjnesbæjar.
Keflvíkingarnir Björgvin Ívar
Baldursson og Ragnar Aron
Ragnarsson hafa lýst yfir áhuga
á því að koma með fjármagn inn
í reksturinn og byggja staðinn
frekar upp.
Ragnar segir að bæjaryfirvöld í
Reykjanesbæ hafi ekki gefið skýr
svör hvað varðar framtíð húss-
ins. „Sama hvort við tökum við
rekstrinum eða einhver annar, þá
væri mikil eftirsjá af staðnum að
okkar mati og mikil blóðtaka fyrir
samfélagið.“ Guðbrandur Einars-
son oddviti Beinnar Leiðar segir
að hugmyndir hafi verið á lofti
um að loka staðnum en fyrrum
rekstraraðilar hafi ekki verið að
standa við sínar skuldbindingar og
skuldi verulegar upphæðir í leigu.
„Reksturinn eins og hann hefur
verið í þessu húsi fram til þessa,
er ekki að ganga. Þetta hefur verið
verulegur fjárhagslegur skaði fyrir
sveitarfélagið.“
Ljóst er að opið verður í desember-
mánuði og eru fyrirhuguð böll
bæði föstudag og laugardag núna
um helgina. Reksturinn verður svo
endurskoðaður um áramótin.
Ný gjaldskrá Reykjanesbæjar var samþykkt einróma á
fundi bæjarstjórnar í vikunni. Í
gjaldskránni kemur m.a. fram
að allt það sem heitir ókeypis
eða frítt fellur úr gildi með þeirri
undantekningu að áfram verður
ókeypis í strætó innanbæjar.
Ekki er um miklar hækkanir að
ræða eða um 2% að meðaltali.
Stóru liðirnir hækka lítið og sem
dæmi má nefna að leikskólagjöld
hækka ekki. Í leikskólum var áður
veittur 50% afsláttur fyrir annað
barnið og frítt fyrir það þriðja
og fjórða í leikskóla. Það er ekki
lengur í gildi. Forgangur og/eða
niðurgreiðslur leikskólagjalda
verður veittur til barna einstæðra
foreldra og barna þar sem annað
foreldri er í fullu dagnámi. Einnig
verður forgangur veittur til barna
sem búa við félagslega erfiðleika
eða erfiðar heimilisaðstæður. Eins
eiga foreldrar sem eiga barn undir
leikskólaaldri og annað á leikskóla
rétt á systkinaafslætti að loknu
fæðingarorlofi.
Matargjald leikskóla hækkar úr
7.880 kr. í 8.120 kr. Máltíðir í
grunnskóla munu nú kosta 350
krónur í stað 298 áður. Ársgjald
í tónlistarskóla Reykjanesbæjar
hækkar svo úr 73.500 kr. í 80.000
kr.
Börn á grunnskólaaldri eldri en
tíu ára, ellilíferisþegar og öryrkjar
munu ekki lengur fá frítt í sund.
Báðir hópar munu framvegis
þurfa að greiða 150 krónur í sund.
Eins hækkar gjald fyrir fullorðna
úr 400 í 550 krónur.
■■ Gjaldskrá Reykjanesbæjar hækkar.
Ekkert lengur ókeypis nema strætó innanbæjar:
Skólamáltíðir, tónlist-
arskóli og sund hækka
Landsnet hefur samið við þýska fyrirtækið Nexans um kaup
á jarðstreng sem lagður verður
milli Njarðvíkur og Helguvíkur
sumarið 2015 og tengir kísilver
United Silicon við raforku-
flutningskerfið. Samkomulagið
hljóðar upp á tæplega 1,3 millj-
ónir evra. Strengurinn er 9 km
langur og 132 kílóvolt (kV).
Landsnet hefur gert samning við
United Silicon um flutning raf-
orku til kísilvers fyrirtækisins sem
áformað er að reisa í Helguvík og
er stefnt að því að tengingin verði
komin í gagnið fyrir 1. febrúar
2016.
„Þessi samningur við Nexans er
mjög hagstæður fyrir okkur og
allt kapp verður nú lagt á að hraða
framkvæmdum. Undirbúningur
að byggingu nýs tengivirkis sem
rís við hlið kísilversins við Stakks-
braut í Helguvík er þegar hafinn
og nú hefst vinna við undirbúning
strenglagningarinnar,“ segir Guð-
mundur Ingi Ásmundsson, að-
stoðarforstjóri Landsnets. Hann
segir umræddar framkvæmdir
mæta flutningsþörfum United
Silicon á raforku en sú mikla
uppbygging sem nú eigi sér stað
á Reykjanesi, s.s. með uppbygg-
ingu kísilvera, netþjónabúa og í líf-
tækniiðnaði, kalli enn frekar á að
fyrirhuguðum framkvæmdum við
Suðurnesjalínu 2 verði hraðað.
Jarðstrengurinn mun liggja um
land Reykjanesbæjar, Garðs og
Keflavíkurflugvallar og er hann
á aðalskipulagi sveitarfélaganna.
Gert er ráð fyrir f leiri jarð-
strengjum þar í framtíðinni.
Samið um jarðstreng frá Fitjum til Helguvíkur
– verður lagður næsta sumar og tilbúin í febrúar 2016
Í vikunni opnaði útisundlaugin í Sundmiðstöð
Keflavíkur eftir gagngerðar endurbætur.
Sundgjaldið hækkar í nýrri gjaldskrá.