Víkurfréttir - 04.12.2014, Blaðsíða 18

18 fimmtudagurinn 4. desember 2014 • VÍKURFRÉTTIR
Fjölskylduhjálp Íslands hefur verið starfandi á Suður-
nesjum í fimm ár. Anna Valdís
Jónsdóttir, verkefnisstjóri útibús-
ins í Reykjanesbæ, segir 300 fjöl-
skyldur leita til þeirra á mánuði
og fyrir síðustu jól hafi 1200 fjöl-
skyldur þurft á aðstoð þeirra að
halda. Nytjamarkaður er rekinn á
þeirra vegum við Baldursgötuna
þar sem kennir ýmissa grasa.
„Við gátum ekki veitt öllum hjálp
í fyrra því fjöldinn hefur aukist ár
frá ári og mikið undanfarna þrjá
mánuði. Fyrir utan það voru einnig
margir sem ekki vissu af okkur. Við
erum orðin sýnilegri á Baldursgöt-
unni,“ segir Anna Valdís. Það hafi
farið í taugarnar á einhverjum sem
búi nálægt hjálparstöðinni eða aki
um svæðið að stundum myndist
biðraðir fyrir utan. „Þetta er bara
hvorki einkamál þeirra sem hingað
koma né okkar að þetta skuli vera
til. Fátækt er raunveruleiki.“ Spurð
um hvað fólkinu í röðinni finnist
um að vera svona sýnilegt, þá segir
Anna Valdís að því sé sagt að allir
glími við einhvers konar vandamál
og engin skömm sé að því að leita
sér aðstoðar þegar þörfin sé brýn.
Þrjár kynslóðir
„Þetta fólk er kannski búið að
vera atvinnulaust í einhver ár og
börn þeirra sem komin eru yfir
unglingsár hafa flosnað úr skóla
og eru líka atvinnulaus. Stundum
koma þrjár kynslóðir til okkar.
Okkur finnst þó hræðilegast af
öllu að gamla fólkið skuli þurfa að
koma hingað. Fólkið sem átti að
eiga áhyggjulaust ævikvöld. Sér-
staklega koma hingað margir ein-
stæðingar fyrir jólin.“ Sem betur sé
þó einstæðingum boðið í jólaúttekt
hjá kirkjunni á vegum velferðar-
sjóðs, en þeir hafa hingað til leitað
til Fjölskylduhjálparinnar vegna
þess að þeir fengu ekki úthlutað
frá kirkjunni. Þeir séu yfirleitt at-
vinnulausir, á örorkubótum eða
ellilífeyri. „Starfið verður líklega
miklu erfiðara fyrir þessi jól en
áður. Fjölskyldurnar sem koma
hingað eru íslenskar og alls ekki allt
fólk sem er á bótum. Þetta er fólk
sem einfaldlega nær ekki endum
saman,“ segir Anna Valdís.
Húsnæðið að springa utan af þeim
Auk þess að vera með matarað-
stoð gengur starfsemi Fjölskyldu-
hjálparinnar út á að reka nytja-
markað þar sem seldur ýmis konar
varningur, s.s. fatnaður á börn og
fullorðna, gjafavörur, ýmsar nytja-
vörur mikið úrval af jólaskrauti.
„Hingað kemur margt fólk að til að
versla. Við vorum áður á Hafnar-
götunni og í Grófinni. Fórum úr
100 fermetrum í 350 en samt er allt
að springa utan af okkur. Lengi vel
héldu margir að vörurnar á nytja-
markaðnum væru bara fyrir skjól-
stæðinga okkar. Þetta er fyrir alla
og allt rennur óskipt í sjóð matar-
hjálparinnar,“ segir Anna Valdís.
Ekkert til spillis
Yfirleitt starfa um ellefu sjálfboða-
liðar hjá útibúinu í Reykjanesbæ,
en það er eitt fjögurra á landinu.
Hin eru í Reykjavík, Hafnarfirði
og í Kópavogi. „Við útbúum gjafa-
pakkningar fyrir allar stöðvarnar
sem eru svo seldar. Við vinnum
ekki bara fyrir okkar starfsemi
hérna heldur á ég vinkonu í Kópa-
vogi og til hennar fer það sem við
getum ekki nýtt hérna. Hún pakkar
ungbarnafatnaði til Hvíta Rúss-
lands og fleiri staða. Samvinna er
með Rauða krossinum þannig að
ekkert fer til spillis. Það sem við
getum ekki nýtt fer í tæting þar. Við
höfum fengið hingað samkvæm-
iskjóla sem við höfum ekki selt og
höfum hér á svæðinu saumakonu
sem býr til telpukjóla og drengja-
skyrtur úr sparifatnaði. Hér er
unnið mjög gott og óeigingjarnt
starf.“
Þurfa að vera
góðir áheyrendur
Eins og áður hefur komið fram
fer matarúthlutunin fram í hús-
næði Fjökskylduhjálparinnar
við Baldursgötu. „Fólkið skráir
sig í tölvu og síðan er afgreitt við
borðið. Mikið og fjölbreytt starf
er unnið hér í sjálfboðavinnu. Hér
ríkir góður andi og starfsfólk er
glatt þrátt fyrir erfiðleikana sem
horft er upp á. Einnig eru margir
sem vilja koma og gerast sjálfboða-
liðar, þ.á.m. fólk sem hefur verið
í röðinni eftir matarúthlutun. Svo
eru aðrir sem vilja bara droppa við
og fá sér kaffisopa og spjalla aðeins.
Þetta er því félagsleg stöð líka. Við
þurfum að vera góðir áheyrendur
og gefa okkur tíma til að hlusta
á hvern og einn. Með því bætum
við kannski dag einhvers,“ segir
Anna Valdís að endingu og hvetur
Suðurnesjafólk til að líta við í nytja-
markaðnum.
-viðtal pósturu olga@vf.is
■■ Fjölbreytt og óeigingjart starf unnið
hjá Fjölskylduhjálp Íslands á Suðurnesjum:
Gefum okkur tíma fyrir hvern og einn
Þetta er
bara hvorki
einkamál
þeirra sem
hingað koma
né okkar að
þetta skuli
vera til. Fá-
tækt er raun-
veruleiki
Það var heldur betur fjör hjá nemendum og starfs-
fólki FS í gær. Þema dagsins var
jólapeysur. Kennslu lýkur nú í
lok nóvember og próf hefjast í
byrjun desember. Á þessum árs-
tíma er fólk að komast í jólaskap
og þess sér merki víða í skól-
anum. Jólaskraut og ljós eru sett
upp og jólalögin fá að glymja í
matsalnum.
Á dögunum boðuðu þess vegna
sérstakir áhugamenn um jólin
til jólapeysudags og kom nokkur
fjöldi nemenda og starfsmanna í
litrítum jólapeysum í tilefni dags-
ins. Myndirnar eru af Facebook
síðu skólans.
■■ Nemendur og starfsfólk að komast í jólaskap:
Jólapeysudagur hjá FS
-mannlíf pósturu vf@vf.is
Ungmennafélag Njarðvíkur gaf í vikunni út veglegt af-
mælisrit í tilefni 70 ára afmælis
félagsins. Afmælisritið var form-
lega kynnt í íþróttamiðstöðinni í
Njarðvík að viðstöddu fjölmenni.
Í ritinu er farið yfir sögu félagsins
í máli og myndum. Þar má finna
fróðleg viðtöl við aðila sem komið
hafa við sögu hjá félaginu, sem
og afreksmenn UMFN í gegnum
árin. Mun þetta vera í fyrsta sinn
sem saga félagsins er fest á blað
með slíkum hætti. Upplag er 4500
eintök og verður blaðinu dreift á
öll heimili í Njarðvík á næstunni.
Verkefnið hefur staðið yfir í þrjú ár
en ritnefndina skipuðu þau Viðar
Kristjánsson, Hilmar Hafsteinsson,
Haukur Jóhannesson, Jón Bjarni
Helgason og Guðjón Helgason
heitinn. Svanhildur Eiríksdóttir rit-
stýrði blaðinu.
Veglegt 70 ára
afmælisrit Njarðvíkinga
Viðar Kristjánsson, Hilmar Hafsteinsson og Svanhildur Eiríksdóttir við
athöfnina þann 1. desember en sá dagur hefur skipað stóran sess í sögu-
félagsins í gegnum tíðina.
BÁTUR
DAGSINS
™
Verð og framboð getur verið breytilegt. Auka kjötálegg og ostur er ekki innifalið í verði. Ekki er hægt að nota þetta
tilboð með öðrum tilboðum. ©2014 Doctor’s Associates Inc. SUBWAY® er skráð vörumerki Doctor’s Associates Inc.
SUNNUDAGUR
Grilluð kjúklingabringa
MÁNUDAGUR
Skinkubátur
ÞRIÐJUDAGUR
Kalkúnsbringa og skinka
MIÐVIKUDAGUR
Pizzabátur
FIMMTUDAGUR
Sterkur ítalskur
FÖSTUDAGUR
Subway Club
LAUGARDAGUR
NÝTT BRAGÐ
Á HVERJUM
DEGI.Subway bræðingur
NÝTT NÝTT