Víkurfréttir - 11.12.2014, Blaðsíða 16
16 fimmtudagurinn 11. desember 2014 • VÍKURFRÉTTIR
- jólaspurningar
Bæjarstjórinn í Grindavík heldur
í margar jólahefðir en hann fer
m.a. norður í land á aðventunni
til þess að baka laufabrauð með
tengdafólkinu. Ein af eftirminni-
legri jólagjöfunum sem Róbert
fékk í æsku var Playmobile sjó-
ræningjaskip. Róbert er ekki
mikið fyrir jólalög en kemst
í jólaskap við að hlusta á Artic
Monkeys.
Eru einhverjar hefðir hjá ykkur á
bæjarskrifstofunni þegar kemur
að jólunum?
Við á bæjarskrifstofunni höfum
tekið þátt í viðburðum með versl-
unarfólki á Víkurbraut 62, og þá
boðið upp á heitt kakó, vöfflur og
bingó í fundarsal bæjarstjórnar.
Undanfarin ár hefur starfsfólkið
á skrifstofunni reynt að gera eitt-
hvað sem skemmtilegt saman í
aðdraganda jóla. Í fyrra var farið
á tónleika og í ár á leiksýningu.
Einn föstudag á aðventunni tekur
starfsfólkið sig til og lagar sérstak-
lega vel til í kringum sig, hvort
sem er á skrifborðum eða í mála-
skrá, og skreytir skrifstofuna. Í
lok þess dag er orðin hefð að fram
fari smökkun á helstu tegundum
jólabjórs sem eru í boði hér á
neðri hæðinni.
Hvernig eru jólahefðir hjá þér?
Við förum flest jól norður í land á
aðventunni til að baka laufabrauð
með tengdafólkinu. Við bræð-
urnir og mamma fórum síðan
með fjölskyldunum í sumar-
bústað á aðventunni þar sem
við spilum, föndrum og bökum
stundum. Það er mjög gott að
komast aðeins í burtu á aðvent-
unni. Um jólahátíðina höldum
við jólaboð á annan í jólum, en að
öðru leyti er reynt að slaka á.
Hver er besta jólamyndin?
Ég á enga uppáhaldsjólamynd,
en þegar ég var unglingur komu
út tvær mjög skemmtilegar. Na-
tional lampoons christmas vaca-
tion og Home Alone. Þær eru enn
mjög ferskar í minninu.
Hvaða lag kemur þér í jólaskap?
Ég er sjálfur voðalega lítið að
hlusta á jólalög, en ég fékk Arc-
tic Monkeys diskinn í skóinn í
fyrra og kemst í jólaskap þegar ég
hlusta á hann.
Hvernig er aðfangadagur hjá
þér?
Á aðfangadag er fjölskyldan
saman og mest allur dagurinn fer
í að undirbúa matinn og hátíðina
um kvöldið. Oftast koma mamma
og bróðir minn í heimsókn, en í
ár verðum við bara fimm.
Eftirminnilegasta jólagjöf sem
þú hefur fengið?
Ég fékk Playmobil sjóræningja-
skip þegar ég var lítill. Það er
mjög eftirminnilegt. Svo eftir-
minnilegt að ég var eiginlega
spenntari en sonurinn þegar við
gáfum honum samskonar skip í
jólagjöf hér um árið.
Hvað er í matinn á aðfangadag?
Það er mjög breytilegt hvað við
höfum í matinn og erum alls ekki
vanaföst. Í ár biðja strákarnir um
hamborgarhrygg. Í fyrra var það
kalkúnn, en við höfum líka verið
með hreindýr og nautakjöt.
Eftirminnilegustu jólin?
Það eru fyrstu jólin með frum-
burðinn. Það er allt öðruvísi
að undirbúa jól þegar maður á
sjálfur barn. Við fórum norður í
land til tengdaforeldranna og eins
og móðursjúkum nýforeldrum
sæmir tókum við allt fyrir barnið
með okkur norður. Bókstaflega
allt!
Hvað langar þig í jólagjöf?
Ég veit að það er voðalega væmið,
en mér finnst alltaf besta gjöfin
að sjá hvað strákarnir mínir eru
kátir.
Borðar þú skötu?
Nei, ég reyni að borða sem minnst
af skemmdum mat.
Eru einhverjar hefðir í kringum
Þorláksmessu hjá þér?
Þorláksmessa er yfirleitt venju-
bundinn vinnudagur hjá mér.
Þegar ég vann í félagsmálaráðu-
neytinu fórum við, sem vildum
ekki skötu, út og fengum okkur
hamborgara á Þorláksmessu.
Kölluðum það andskötuveislu!
■■ Róbert Ragnarsson:
Bjórsmökkun á bæjar-
skrifstofunni og ham-
borgarar á Þorláksmessu
Róbert Ragnarsson er ekki hrifinn af skötu
Sædís Sif Jónsdóttir, tveggja barna móðir úr Garðinum
hefur gefið út sína fyrstu barna-
bók. Bókin ber nafnið Draumál-
furinn Dísa, og á hún að hvetja
börn og aðra lesendur til að hugsa
um mikilvægi þess að hafa trú á
sér og sínum draumum.
„Hugmyndin að bókinni byrjaði
í raun að myndast stuttu eftir að
eldri sonur minn, Manúel Jón,
fæddist árið 2009. Þá fór ég að
horfa á barnaefni og lesa barna-
bækur af krafti. Það er eins og að
barnið innra með mér hafi vaknað
upp aftur eftir að ég eignaðist
börnin mín. Þó hef ég aldrei tekið
lífinu of alvarlega,” segir Sædís Sif
og tekur fram að mikilvægt sé að
leyfa sér að dreyma og hafa trú á
sjálfum sér. Hún segist sjálf vera
mikil draumóramanneskja og
skammast sín ekkert fyrir það.
„Ætli ég sé ekki bara svolítið eins
og draumálfurinn Dísa. Fólk var
alltaf að segja við mig setningar
eins og: Byrjar hún!, Er þetta enn
ein hugmyndin?, Þú ert svo mikil
draumóramanneskja!“
Komdu þér niður á jörðina!
Þá hefur Sædísi Sif margoft verið
bent á að koma sér aftur niður á
jörðina. „En oft er það fólk sem
er frekar þröngsýnt og leyfir sér
ekki að eiga drauma sem kemur
með slíkar ábendingar. Nú þegar
ég er orðin fullorðin, veit ég það.
En þetta átti til að draga úr mér
kraftinn þegar ég var yngri. Í kjöl-
far þess kom
h u g m y n d i n
að draumál-
finum því mig
langaði til þess
að hvetja börn
frá unga aldri
til sjálfstæðrar
hugsunar og minna á mikilvægi
þess að hafa trú á sér og draumum
sínum.”
Sædís Sif útskrifaðist sem mark-
þjálfi í maí 2013 og eignaðist svo
yngri son sinn, Daníel Ísak, haustið
2013. Í fæðingarorlofinu fór hún á
námskeiðið Konur til athafna hjá
Sigrúnu Lilju, eiganda Gydja Col-
lection. Eftir það námskeið, segist
hún hafa fyllst af kraft, og ákveð-
ið að drífa sig í að gefa bókina út
fyrir jólin 2014. „Ég hafði samband
við forlögin en enginn virtist geta
hjálpað mér að koma bókinni út
fyrr en árið 2015, sem er skiljan-
legt, því bókartíðindi voru að koma
út og ég alltof sein í þessu. En ég er
svo þrjósk að ég hugsaði: Nú jæja,
ég bara gef þetta bara út sjálf.”
Hugmynd þróuð með syninum
Bókin er fallega myndskreytt og
fékk Sædís hæfileikaríkan mynd-
skreyti með sér í lið, Alyssa Erin,
frá Bandaríkjunum. Þær unnu
saman að hugmyndum fyrir
myndirnar. „Þess má til gamans
geta að þessi mynd úr bókinni er
teiknuð eftir Paradísarlaut í Grá-
brókarhrauni nokkru neðan við
fossinn Glanna í Norðurá. Ég hef
farið þangað nokkrum sinnum og
líður alltaf jafn vel þegar þangað
er komið. Algjör náttúruperla í
Borgarfirði.” Sædís Sif segir að út-
litið á Dísu draumálfi sé í raun vel
þróuð hugmynd hennar og sonar
hennar, Manúels Jóns. „Ég var allt-
af að teikna upp einhvers konar
ský með augu, munn, hendur og
fætur. Sonur minn hafði greinilega
fylgst vel með
mér, því eitt
kvöldið kemur
hann með sína
útgáfu af því
sem ég hafði
verið að reyna
krassa á blað.
Mér fannst myndin hans svo falleg
að ég gat ekki annað en notað hana
til þess að fullkomna svo draumál-
finn okkar.”
Bókin 'Draumálfurinn Dísa' kom
út 28. nóvember og fæst í versl-
unum Hagkaupa, Pennanum Ey-
mundsson, Nettó, Iðu og á vefsíðu
Heimkaupa, enn sem komið er.
Áhugasamir geta fylgst með fram-
haldinu með því að „like-a“ síðuna
á Facebook.
-viðtal pósturu olgabjort@vf.is
■■ Móðir úr Garðinum gaf á dögunum út sína fyrstu bók:
Hvetur börn til þess að
trúa á sig og drauma sína
Sædís Sif Jónsdóttir ásamt sonum sínum, Daníeli Ísak og Manúel Jón.
En ég
er svo
þrjósk
að ég hugs-
aði: Nú jæja,
ég bara gef
þetta bara út
sjálf